MSPO-2013-ის სამზადისი

ამა წალის 2–4 სექტემბერს პოლონეთში, ქალაქ კელცში გაიმართება თავდაცვითი შეიარაღებისა და ტექნიკის გამოფენა MSPO-2013. გთავაზობთ გამოფენის სამზადისის ფოტოსურათებს, რომლებიც ფორუმ otvaga2004–ზე, ერთ–ერთმა პოლონელმა მომხმარებელმა, Damian–მა განათავსა:

სავარაუდოდ ტანკსაწინააღმდეგო სარაკეტო კომპლექსი "Spike"-ს გამშვები ჯტრ "Rosomak"–ის ბაზაზე მარცხნივ და დამატებითი ჯავშანფილებით აღჭურვილი "Rosomak–M1M"

 ჯტრ "Rosomak–M1M"–ზე QinetiQ RPGNet–ის მონტაჟი

საარტილერიო დაზვერვის რადარი  "Liwiec"  

"Spike"–ეს მატარებელი  "Rosomak", "Rosomak–M1M" და რადარი "Liwiec" 

 პოლონური "Rosomak"–ას იტალიური კოშკურა Hitfist-30P

 ტანკსაწინააღმდეგო რაკეტებით აღჭურვილი მრავალფუნქციური პლატფორმა "Anders"

გერმანული "Marder"–ის ბაზაზე განთავსებული ნაღმტყორცნი "Rak"  

გერმანული "Marder"–ის ბაზაზე განთავსებული ნაღმტყორცნი "Rak" და ღმად მოდერნიზირებული МТ-ЛБ/ 2С1

 ჯტრ "Rosomak"–ის ბაზაზე განთავსებული ნაღმტყორცნი "Rak"

 გამოფენის ერთ–ერთი უმნიშვნელოვანესი მონაწილე, მოდულური პლატფორმის ბაზაზე შექმნილი ახალი პოლონური ტანკი. ტანკი აღჭურვილია 120მმ–ნი დისტანციური საბრძოლო მოდულით და სავარაუდოდ BAE Sistems–ის ჰიბრიდული ძალური დანადგარით

შარშანდელი გამოფენის სურათები:
გამოფენა MSPO-2012–ის სამზადისი
MSPO-2012

A-10C–ემ "საბრძოლო ავზები" შეიძინა

რას ვხედავთ ფოტოზე, რომელზეც შეიარაღებული Thunderbolt II გამოსახული? ფოტოსურათის უკან ამ მოიერიშე თვითმფრინავის 35 წლიანი კარიერა დგას, რომლის განმავლობაშიც "ტახს" საბრძოლო დავალებაზე დასაკიდი საწვავის ავზების ტარება არ შეეძლო და პირველად ამდენი ხნის განმავლობაში მოიერიშე თვითმფრინავმა შესძლო ერთდროულად შეიარაღებისა და დასაკიდი ავზების ერთად დაკიდება.

აქამდე А-10 დასაკიდ ავზებს უბრალოდ დიდი გადაფრენების დროს, შეიარაღების გარეშე იყენებდა. თუ გამოცდებმა წარმატებულად ჩაიარეს და მოხერხდა Sargent Fletcher–ის საწვავის ავზების სრული ადაპტირება, მაშინ თვითმფრინავის ფრენის დრო 60 წუთით გაიზრდება.

ამერიკის საზღვაო ძალები – დაბრუნება წარსულში

ფრეგატი LCS–1 "Freedom" შეღებვამდე.............

ამერიკის საზღვაო ძალების კუთვნილი LCS კლასის პირველი ფრეგატი LCS–1 "Freedom", რომელიც სინგაპურში ბაზირდება, მე–2 მსოფლიო ომის ფერებშია შეღებილი:

..........და შეღებვის შემდეგ

და ახალი კამუფლიაჟი 

ახალი შეფერილობა როგორც ჩანს სხვა ხომალდებზეც იქნება გამოყენებული. ქვემოთ გამოსახულია LCS-3 USS "Fort Worth", რომელიც ძველი კამუფლიაჟის თანამედროვე ვარიაციაშია შეღებილი

დაიწყება თუ არა ომი სირიაში?

ბოლო დროს ძალიან გააქტიურდა სირიის მიმართ ყურადღება, არაა გამორიცხული დასავლეთელმა "დემოკრატებმა" სამხედრო ინტერვენციაც კი განახორციელეონ ამ ქვეყანაში. სწორედ ამ მოვლენებთან დაკავშირებით გადავწყვიტე დამედო ახალი გამოკითხვა ბლოგზე.

P.S. ხმის მიცემა გვერდით გრაფაში შეგიძლიათ.

აშშ და ბრიტანეთი კანიბალებისა და ჯალათების გვერდში

საკმაოდ რეალისტური სტატია გაზეთ The Gguardian–ში, სახელწოდებით "აშშ და ბრიტანეთი ბავშვების მკვლელებისა და კაციაჭამიებს უჭერს მხარს" და მის ქვემოთ მეორე სტატია, სახელით "ობამა – ჩვენი საუდელი მეკავშირეები 'დემოკრატიის მიმდევრები" არიან". 

უკომენტაროდ ეს ყველაფერი, უბრალოდ დასავლეთის მასმედია და საზოგადოება ნელ–ნელა ხვდება რომ მათი დემოკრატია რაღაცნაირად არასწორია

რამოდენიმე ფაქტი KTO Rosomak–ას დაცვის შესახებ

RPGNet–ით აღჭურვილი Rosomak-M1M ავღანეთში

პოლოური ჯავშანტრანსპორტიორი Rosomak–ას ავღანეთში გამოყენების რამოდენიმე დეტალს უკვე ვწერდი – აფეთქებული პოლონური KTO Rosomak. ამჯერად წარმოგიდგენთ რამოდენიმე საინტერესო დეტალს ამ მანქანის ჯავშანდაცვის შესახებ.

ჯავშანტრანსპორტიორის საბაზისო ვერსიის კორპუსი და კოშკურა წინიდან 60 გრადუსი კუთხის ფარგლებში STANAG 4569–ის სტანდარტით მე–4 ხარისხის, ხოლო დანარჩენ ადგილებში მე–3 ხარისხის ბალისტიკურ დაცვას უზრუნველყოფს. საარტილერიო ნამსხვრევებისგან დაცვა ასევე მე–3 დონისაა, ხოლო მანქანის ნაღმდგრადობა 3a უტოლდება. 

მანქანის "ავღანური" (Rosomak-M1 "Afgańskiej") ვერსიის (დამატებითი ჯავშანდაცვით) ჯავშანდაცვა ყველა რაკურსიდან მე–4 დონემდე იქნა გაზრდილი, ხოლო შუბლა ჯავშანი, რომელიც საბაზისო ვარიანტში მე–4 დონის დაცვას უდრიდა კიდევ უფრო გაიზარდა. პოლონური მხარის განცხადებით მანქანა წინიდან, საციცოცხლო ზონებში საბჭოთა ПГ-7В–ეს უძლებს.

ჩვენი დოსიე:

• STANAG 4569–ის მე–3 დონის ბალისტიკური დაცვა 30 მეტრის დისტანციიდან უზრუნველყოფს 7,62x51 ჯავშანგამტანი და 7,62x54R ჯავშანგამტან–ცეცხლგამჩენი ტყვიისგან დაცვას.
• STANAG 4569–ის მე–4 დონის ბალისტიკური დაცვა 200 მეტრის დისტანციიდან უზრუნველყოფს 14,5×114 ჯავშანგამტანი ტყვია, Б–32–ისგან დაცვას.
• STANAG 4569–ის მე–3 დონის საარტილერიო ნამსხვრევებისგან დაცვა 90 მეტრის დისტანციიდან უზრუნველყოფს 20მმ ზომის ნამსხვრევისგან დაცვას.
• STANAG 4569–ის  3a დონის ნაღმდგრადობა უზრუნველყოფს მანქანის დაცვას 8კგ ტროტისლის ნებისმიერი საბურავის ქვეშ აფეთქების შემთხვევაში.

2007 წლის 26 აპრილი, პოლონეთში, პოლიგონ Nowej Dębie–ზე, განხორციელდა დამატებითი ჯავშანდაცვით აღჭურვილი KTO Rosomak საბოლოო ბალისტიკური გამოცდები. ქვემოთ ფოტოებზე მოყვანილია 14,5მმ ტყვიებით მანქანის დაცხრილვის მომენტი და გამოცდის შედეგები

დამატებით ებრაული კომპანია Rafael–ის ჯავშანდაცვით აღჭურვილი Rosomak-M1 "Afgańskiej"–ს ჯავშანფილის ფრაგმენტი ავღანეთიდან, რომელმზეც ПГ-7В–ეს კვალია აღბეჭდილი

აღსანიშნავია რომ პოლონურმა არმიამ 2010 წელს ავღანეთში ჯავშანტრანსპორტიორის ახალი ვერსია გააგზავნა. მანქანას Rosomak-M1M ეწოდება და წინამორბედისგან ამერიკული კომპანია QinetiQ–ს მიერ წარმოებული კუმულაციური ჭურვების საწინააღმდეგო ეკრანი RPGNet–ის (მთლიანი კომპლექტის წონა 500კგ–ს უდრის) არსებობით გამოირჩევა. ამ ეკრანებით აღიჭურვა ყველა ის მანქანა რომელიც ავღანეთში იმყოფებოდა და ასევე დამატებით გაგზავნილი 52 მანქანა.

RPGNet–ით აღჭურვილი Rosomak-M1M

წყარო:
KTO Rosomak

P.S. ბმულზე მანქანის შესახებ ბევრი საინტერესო ინფორმაციის წაკითხვა შეიძლება.

ბერძნული ΜΕΤΚΑ ქატარის Leo–2–ების აწყობაში მიიღებს მონაწილეობას

ბერძნული სამრეწვლო კომპანიის ΜΕΤΚΑ–ს პრეს–რელიზის თანახმად – გერმანულმა KMW–მ მას ყატარისთვის განკუთვნილი Leopard-2-ის კორპუსისა და კოშკურის დეტალების წარმოება შეუკვეთა. საუბარია ყატარსა და გერმანულ მხარეს შორის გაფორმებულ კონტრაქტზე, რომლის თანახმადაც შემკვეთმა  62 ცალი Leopard-2 უნდა მიიღოს. მთლიანობაში ბერძნული მხარესთან 56,5 მილიონი ღირებულების კონტრაქტი უნდა გაფორმდეს.

აღსანიშნავია რომ ΜΕΤΚΑ გერმანულ KMW–სთან 2003 წლიდან თანამშრომლობს. მაშინ ბერძნული კომპანია ბერძნული შეკვეთის Leopard–2HEL–ის კორპუსისა და კოშკურის დეტალებს ამზადებდა.

METKA and Krauss-Maffei Wegmann Join Forces for export to Middle East.

METKA S.A. is pleased to announce a significant industrial coproduction agreement with Krauss-Maffei Wegmann GmbH & Co. KG (KMW), Europe’s leading manufacturer of highly protected wheeled and tracked military vehicles. KMW chose METKA to supply defined metal structures of the hull and turret for 62 LEOPARD 2 main battle tanks for the Middle East market. The value of the agreement adds up to 56.5 Million Euro and the relevant Contract is scheduled to be signed shortly.

METKA and KMW have been business partners in producing LEOPARD 2HEL tanks for the Greek Army since 2003 when the two companies set the basis of their co-operation that included extensive know how transfer and substantial investments on highly sophisticated machinery in METKA’s two factories in Volos. This new agreement is the result of the successful execution of the Greek program that qualified METKA as one of the very few companies that can perform such demanding fabrication works worldwide and, certainly, sets a milestone in their long-term cooperation, particularly with regard to preservation of jobs and know-how in Greece’s Defence Industry.

წყარო:

METKA and Krauss-Maffei Wegmann Join Forces for export to Middle East.

დასავლეთის სამი დიდი პრობლემა სირიაში (ორმაგი თამაშის გაგრძელება)

რა სავარაუდო შედეგები შეიძლება მოჰყვეს დასავლეთის მიერ ასადის წინააღმდეგ განხორციელებულ სამხედრო ოპერაციას? ექსპერტების აზრით არსებობს კონფილქტი მეზობელ ქვეყნებში გავრცელების საშიშროება. ამ სამხედრო ჩარევამ შესაძლებელია ევროპა ახალი ტერორისტული შეტევების საფრთხის ქვეშ დააყენოს.

შუა აზიის საკითების ექსპერტების აზრით სირიის კონფლიქტში სამხედრო ჩარევას შესაძლოა შეუქცევადი შედეგები მოჰყვეს არა მარტო რეგიონისთვის, არამედ მთელი მსოფლიოსთვის. როგორც გერმანიაში, ქალაქ მაინში არსებული არაბული სამყაროს კვლევის ცენტრის ხელმძღვანელმა, გიუნტერ მაიერმა (Günter Meyer) განაცხადა – "ირანი არსებული საფრთხეების გათვალისწინებით, დასავლეთის სამხედრო ჩარევის შემთხვევაში, გულგრილად არ დადგება გვერდზე და სირიის ომი არაა გამორიცხული რო მთელს რეგიონში გავრცელდეს". მისივე თქმით – "საფრთხე რომელიც სამხედრო ჩარევას ახლავს თან, ძალიან დიდია".

გასულ შაბათ–კვირას სირიის საინფრომაციო მინისტრი, ომარ სოაბი (Omran Soabi) დაიმუქრა, რომ ამერიკელების კონფილქტში ჩარევას "სერიოზული შედეგები მოჰყვება" და მთელს შუა აზიას "დენთის კასრად" აქცევს. სირიაზე შეტევა არ იქნება "პიკნიკი" – პირობა დადო ომარ სოაბიმ.

რეალობაში მართლა არსებობს საფრთხე იმათთვის ვისაც სურს ასადის რეჟიმის წინააღმდეგ სამხედრო ჩარევა განახორციელოს – სამი დიდი პრობლემა:

• ირანის პრობლემა – ირანსა, სირიასა და ჰეზბოლას შორის არსებობს მჭიდრო სამხედრო კავშირი. თეგერანი მხარს უჭერს დამასკოს როგორც გამოცდილი მებრძოლებით ასევე იარაღითა და ფულით. მაიერის აზრით "ასადზე დარტყმის შემდეგ ირანი ამ დახმარებას უფრო გაზრდის". ეს სავარაუდოდ თამაშში ისრაელს ჩართავს. "რაც უფრო მეტად ერევა თეგერანი სირიის საქმეში, მით უფრო დიდია იმის შანსი რომ ისრაელი ირანს დაარტყამს". არაა გამორიცხული რომ სირიაში დასავლეთის სამხედრო ჩარევას ექოდ ისრაელის მიერ ირანის ბირთვულ ობიექტებზე დარტყმა მოყვეს. თავის მხრივ ეს არ აწყობს დასავლეთს, რომელიც ცდილობს ირანის ბირთვული პრობლემა დიპლომატიური გზებით მოაგვაროს.

• ჰესბოლას პრობლემა – ჰესბოლას შიიტურ სამხედრო დაჯგუფებას არსენალში სავარაუდოდ 40 000–მდე მცირე და საშუალო რადიუსის რაკეტები გააჩნია, რომლებიც სამხრეთ ლიბანშია გადამალული. არაა გამორიცხული რომ ღმერთის პარტიამ ამ რაკტებით შურისძიების შეტევები განახორციელოს ისრაელზე. ამ შემთხვევაში, ისრაელის ძირითადი საზრუნავი ეს ქიმიური და ბიოლოგიური იარაღია, რომელიც არაა გამორიცხული რომ ასადმა ჰესბოლას გადასცა. ისრაელმა დიდი ხნის წინ განაცხადა რომ ჰესბოლაზე მორიგი შეტევის შემთხვევაში ის მთლიანად ლიბანს დაარტყამს.

• ტერორიზმის პრობლემა – დასავლეთის სირიის კონფლიქტში სამხედრო ჩარევა სავარაუდოდ მთელს მსოფლიოში ტრორისტული აქტების ტალღას გამოიწვევს. "დასავლეთის საელჩოები და საკონსულოები შიიტი ტერორისტების სამიზნეები გახდეაბ", განაცხადა მაიერმა. რაოდენ უცნაურიც არ უნდა ჩანდეს, დასავლეთის სამხედრო ჩარევა სუნიტმა ექსტრემისტებმა შეიძლება რელიგიური ომის გაფართოვებად აღიქვან (ეგენი სულელები არიან, ასადს ეომებიან თუ ამერიკას სულ ერთია მაგათთვის, მთავარია "ალაჰუ–აკბარ" აძახებინე) და ეს მათი მხირდან ტერორისტული აქტების ჩატარების მიზეზი გახდეს. "თუ კი აშშ და მისი მოკავშირეები გადაწყვეტენ სირიაში სახმელეთო ძალები გაგზავნონ, ჯიხადის სუნიტი მებრძოლები ამას დასავლეთის შეჭრად აღიქვამს" – ამბობს ვენის თავდაცვის ინსტიტუტის შუა აზიის ექსპერტი, ვოლფგანგ მილბერგერი (Wolfgang Mühlberger).

მილბერგერი სირიის სამოქალაქო ომში სამხედრო ჩარევის მომხრეებს აფრთხილებს რომ აუცილებელია კარგად გაერკვნენ თუ რა არის ამ ჩარევის მიზანი, რა მეთოდებს გამოიყენებენ და რა უკუცემის იმედი აქვთ ამ ომიდან. როგორც გამოცდილება უჩვენებს ასეთი ჩარევა სამოქალაქო ომს უფრო წელავს. მილბერგერის თანახმად "ბევრ ადამიანს სურს რომ ლიბიის მაგალითი გაიმეოროს, მაგრამ ეს ასეთი ადვილი არაა". სირიის რეჟიმი სამხედრო თვალსაზრისით უფრო უკეთეს მდგომარეობაში იმყოფება ვიდრე მუამარ ალ–კადაფი იყო. და ყველაფერთან ერთად ლიბიის შემთხვევა ძნელია დასავლეთის წარმატებად წარმოაჩინო და როგორც მაგალითი ისე გამოიყენო.

დამკვირვებლების აზრით ასადზე შეტევამ შესაძლებელია სირიაში მიმდინარე სიტუაცია გამოსწორების მაგივრად უფრო დაამძიმოს. "სირიაში მოვლენები ისე ვითარდება რომ სამხედრო ჩარევამ შესაძლებელია მთელი მოზაიკა ააფეთქოს" განაცხადა მილბერგერმა. მაიერი ასევე აფრთხილებს ყველას რომ ლტოლვილთა რაოდენობა კიდევ უფრო გაიზრდება.

ოკლაჰომას ინსტიტუტის შუა აზიის ფაკულტეტის ცენტრის ხელმძღვანელმა, ჯოშუა ლანდისმა (Joshua Landis), ამერიკულ ტელევიზიაში გამოსვლისას სამხედრო შეჭრის მიზნის შესახებ კითხვები დასვა. იმ შემთხვევაშიც კი თუ ამერიკული სამხედრო ჩარევა სუნიტურ ამბოხს წარმატებას მოუტანს, მთავარი პრობლემა მაინც გდაუჭრელი რჩება. "იგივე ვქენით ერაყში – დავეხმარეთ შიიტებს რათა სუნიტების წინააღმდეგ აბსოლიტური გამარჯვება მოეპოვათ. და ახლა სუნიტები გახდნენ რადიკალისტები და ალ–ქაიდას რიგებში გადადიან". მილბერგერის განცხადებით სირიაში ჯიჰადისტ სუნიტთა დაჯგუფებები საკმაოდ დიდი თავისტკივილია. "თუ შენ შენ უიღბლო ხარ, მაშინ სამხედრო ჩარევით სირიაში მხოლოდ რადიკალისტისლამისტებს მოუტან გამარჯვებას".

სტატია გერმანული გაზეთის მიხედვითაა დაწერილი:

Militärschlag gegen Assad: Drei große Gefahren für den Westen

P.S. ჯერ კიდევ როდის ვწერი ბლოგზე დასავლეთის მიერ წარმოებული ორმგაი თამაშის შესახებ (ჯერ სადა ხართ, WTF). როგორც ჩანს ჩემი სიტყვები გამართლდა და დასავლეთი პირის–პირ დადგა ამ ფაქტის წინაშე და უნდა აირჩიოს – მიაწვეს ბოლო ჩვენებას და "ჯიჰადისტ–დემოკრატებს" დაეხმაროს გამარჯვებაში და რუსეთის გავლენა შეამციროს რეგიონში ან არ ჩაერიოს, ასადს გამარჯვების საშუალება მისცეს და ჯიჰადისტების მიწასთან გაასწორებინოს. როგორც არ უნდა იყოს მთელმა ცივილიზირებულმა სამყარო ასადს უკანალი უნდა აულოკოს, რომელმაც მთელი მსოფლიოს ტერორის–ჯიჰადისტი (არა ბუჯო დემოკრატები :D ) ერთ ადგილზე შეკრიფა და ევროპისთვის და ამერიკისთვის მათ აღარ სცალია. ერთი სიტყვით სირია დემოკრატიული სამყაროს ტერორიზმის მეხამრიდია.

AH-64Ε Apache - აწმყოს და მომავლის მოიერიშე ვერტმფრენი

კომპანია General Electric Aviation–მა მიიღო 57,5 მილიონი დოლარის ღირებუების შეკვეთა, რომლის თანახმადაც კომპანიამ 72 ცალი ტურბოხრახნული ძრავა T700-GE-701D და მათი სათადარიგო ნაწილები უნდა გამოუშვას. როგორც defenseindustrydaily.com იუწყება ძრავები სამხრეთ კორეის მიერ შეკვეთილი 36 ცალი AH-64Ε Guardian–ისთვისაა განკუთვნილი (მის შესახებ უკვე ვწერდი – ამერიკული დამრტყმელი შვეულმფრენი Guardian / სამხრეთ კორეა - AH-1Z Cobra vs AH-64D Apache Longbow Block III).

AH-64E / Block III–ის პროტოტიპის უკანასკნელ გაუმჯობესებებზე მუშაობა 2006 წელს დაიწყო და 2014 წლის ბოლოსთვის ყველა ვერტმფრენი რომელიც არიზონას საამქროში აიწყობა ამ მოდიფიკაციისა იქნება.

ინტერესი ამ ვერტმფრენის მიმართ, რომელიც 80–იანი წლებში შექმნილ კორპუსს ეფუძნება და უკვე შეუძლია უპილოტო საფრენი აპარატების კონტროლი, არ მცირდება. AH-64 Apache მთელს მსოფლიოში ბატონობს, ის დგას გაერთიანებული სამეფოს, ეგვიპტის, საბერძნეთის, იაპონიის, ჰოლანდიის, საუდის არაბეთის, სინგაპურის და გაერთიანებულ არაბულ საემირატოების არმიების შეიარაღებაზე.

ბოლო ათწლეულის განმავლობაში ამ ვერტმფრენის საექსპორტო წარმატებამ ჩრდილში მოაქცია წინა თაობის Bell Helicopters AH-1 და წარმატებით უწევს კონკურენციას ამ კატეგორიის სხვადასხვა ვერტმფრენს – Eurocopter Tiger, AgustaWestland A/T129, Ми-28Н და Ка-52.

AH-64E Block-III ვარიანტის ვერტმფრენი შემდეგმა ქვეყნებმა შეუკვეთეს:

• შეერთებული შტატები (მთლიანობაში დაგეგმილი 638 ცალი)
• სამხრეთ კორე (36)
• საუდის არაბეთი (70)
• ტაივანი (30)

უცხოური სამხედრო გაყიდვების (FMS) ხაზის გამოყენებით აშშ–ს მათავრობას შემდეგი ქვეყნებისთვის აქვს გაკეთებული მოთხოვნა:

• ინდოეთი (22)
• ინდონეზია (8)
• ქატარი (24)
• გაერთიანებული არაბული ემირატები (60)

ამერიკული კომპანია კიდევ რამდენიმე შეკვეთის მოლოდინშია. ამერიკული არმიისთვის განკუთვნილი AH-64E / Block-III–ების უმეტესობა ძველი მოდელების მოდერნიზაცია იქნება, ხოლო უცხოელი კლიენტები ახლად აწყობილ ვერტმფრენებს მიიღებენ.

საბრძოლო მოდული "ეპოქა" (эпоха)

ორი დღის წინათ რუსეთში მიმდინარე გამოფენა "რუსეთის ფედერაციის თავდაცვის სამინისტროს ინოვაციების დღე"–ს და მასე გამოფენილი რამოდენიმე საინტერესო ჯავშანტექნიკის გარეგანი იერის შესახებ უკვე ვწერდი ბლოგზე – რამოდენიმე სიახლე რუსული ჯავშანტექნიკის შესახებ. როგორც მოყვანილი სტატიიდან ჩანს მომავალში რუსეთის არმიის ქვეითთა სატრანსპორტო მსუბუქი, საშუალო და მძიმე პლატფორები უნიფიცირებული საბრძოლო მოდული, "эпоха"-თი იქნებიან აღჭურვილები. 

ამჯერად ამ პლაკატის სრულ ვერსიას გთავაზობთ. პლაკატზე გამოსახულია საბრძოლო მოდული "эпоха" და მოცემულია მისი მოკლე აღწერილობა:

პლაკატის მიხედვით შემდეგი დასკვნების გაკეთება შეიძლება:

– მოდული სრულიად გარეთაა გატანილი და მანქანის შიგნით ადგილს არ იკავებს.

– მოდულის უკანა მხარეს საბრძოლო კომპლექტისთვის განკუთვნილი ნაკვეთურია დაყენებული.

– სამიზნე დუბლირებულია, თუმცა არცერთს არ გააჩნია ჰორიზონტალურ სიბრტყეში 360 გრადუსიანი ხედვის არე.

– თვითონ სამიზნე სისტემის შესაძლებლობები საკმაოდ შთამბეჭდავია:

• ერთდროულად სხვადასხვა სპექტრალურ დიაპაზონში აქტიურ და პასიურ რეჟიმში მიზნის ავტომატურად მოძებნის შესაძლებლობა.
• შენიღბული მიზნების ოპტიკური ლოკატორით ძებნა.
• ერთდროულად ორ მიზანზე ცეცხლის წარმოება. 
• მიზნის ავტომატური მიყოლით 70 გრადუსიანი კუთხეზე საზენიტო სამიზნეებზე მაღალეფექტური ცეცხლის წარმოება.
• საბრძოლო მუშაობა დისტანციური მართვის რეჟიმში.
• გარე მიზანჩვენებით მუშაობა
• აგების ბლოკურ–მოდულური პრინციპი.
• ეკიპაჟის დაცვის გაზრდილი ხარისხი.
• საბრძოლო გამოყენების მრავალფუნქციურობა.

რაც შეეხება მოდულის შეიარაღებას, ის БМП-2-ის ახალი საბრძოლო მოდული "Бережок"–ის ფაქტიური ანალოგია გარდა ერტისა – "Бережок"ისგან განსხვავებით მასზე ავტომატური ყუმბარმტყორცნი არ აყენია.

შეიარაღება:

• 30მმ–ნი ავტომატური ქვემეხი (ტყვიების რაოდენობა 160БПС / 340 ОФЗ)
• მართვადი რაკეტები "Корнет" (4 ცალი გარე გამშვებზე)
• 7,62მმ–ნი ტყვიამფრქვევი ПКТ (2000 ტყვია)
• სროლის მანძილი:
• ტანკსაწინააღმდეგო მართვადი რაკეტა "Корнет" – 8000 მეტრამდე
• მართვადი რაკეტა "Корнет" მიზნის უკონტაქტო გადამწოდით – 10 000 მეტრამდე
• ავტომატური ქვემეხი 2А42 – 4000 მეტრამდე

კონცერნი "Калашников"–ი რუსეთის ფედერაციის თავდაცვის სამინისტროს ინოვაციების დღეზე

როგორც იჟმაშის პრეს რელიზი იუწყებოდა "20 აგვისტოს, კონცერნი "Калашников"–ი რუსეთის თავდაცვის მინისტრს 15 სახეობის საცდელ, პერსპექტიულ და უკვე სერიული ცეცხლსასროლი იარაღი უნდა ეჩვენებინა". მათ შორის:

• საცდელ–საკონსტრუქციო სამუშაო "Ратник"–ის ფარგლებში შექმნილი АК-74–ის მოდერნიზაციის 4 ვარიანტი, АК-12 სხვადასხვა კალიბრში, მოდერნიზირებული АК-103–3 და სნაიპერული შაშხანა СВДМ.
• რუსეთის ФСБ–ეს შეკვეთით სპეციალური ოპერაციების შესასრულებლად განკუთვნილი სპეციალური ავტომატები – 5,45х39მმ კალიბრის АС-1 და 7,62х39მმ კალიბრის АС-2
• "ბულ–პაპის" სქემის სნაიპერული შაშხანა ВС-121.
• ალუმინის ქვესადების ბაზაზე შემუშავებული, ნებისმიერი ოპტიკური და ღამის სამიზნის დაყენების შესაძლებლობის მქონე ზეზუსტი შაშხანები СВ-98 და СВ-338М1 (შეცვლადი ლულით).
• ახლო ბრძოლის ცეცხლსასროლი იარაღი – გლუვლუვლიანი კარაბინი 18,5КС-К და პისტოლეტ–ტყვიამფრქვევი ПП-19 "Витязь-СН" რომლებიც რუსეთის შინაგან საქმეთა სამინისტროსთვის იწარმოება სერიულად.
• ზეზუსტი საარტილერიო ჭურვი "Китолов-2" და სხვები.

7,62მმ ავტომატი АК-12

95 ტყვიანი დოლურა მჭიდითა და Дедал-НВ–ეს ოპტიკური სამიზნე "Народоволец"–ით აღჭურვილი 5,45х39მმ კალიბრის АК-12

5,45х39მმ კალიბრის АК-12 და "ბულ–პაპის" სქემის სნაიპერული შაშხანა ВС-121

 

5,45მმ ავტომატი АС-1 ზემოთ და 7,62მმ ატომატი АС-2 ქვემოთ

საარტილერიო ჭურვი "Китолов-2"