Orsis T-5000 ერაყში

Orsis T-5000  ერაყის სპეცსამსახურების ხელში – განსაკუთრებით აი ის ვარდიანი ხალიჩაა მაგარი, არაბები ხო ძაან არაბები არიან

მოქალაქეებმა დიდი ოდენობით იარაღი და საბრძოლო მასალა ჩააბარეს

შსს-ს სამცხე-ჯავახეთის სამხარეო მთავარი სამმართველოს ახალქალაქის და ნინოწმინდის რაიონულ სამმართველოებში ამავე რაიონების სხვადასხვა სოფელში მცხოვრებმა ცხრამეტმა მოქალაქემ წარმოადგინა და ნებაყოფლობით ჩააბარა 3987 საბრძოლო ვაზნა, 10 ცეცხლსასროლი იარაღი, სხვადასხვა სახეობის 227 ცალი ტანკსაწინააღმდეგო და ქვეითსაწინააღმდეგო ნაღმი.

სულ ჩააბარეს: „ეფ-1“-ის ტიპის 14 ცალი, „ერ-გე-დე 5“-ის ტიპის 10 ცალი და „ერ-გე 42“-ის ტიპის 21 ხელყუმბარა; ტანკის 125 მმ კალიბრის 1 ჭურვი; „ერ-კა-გე 3-ემ“-ის ტიპის ტანკსაწინააღმდეგო 3 ყუმბარა; 7,62 მმ კალიბრის „პე-კა-ტე“-ს ტიპის 1 ტყვიამფრქვევი; 5 გადაჭრილი სანადირო თოფი; „უ-ზე-ერ-გე-ემ“-ის ტიპის 49 ამფეთქი ფალია; 12 საიმიტაციო ელექტროდეტონატორი; სხვადასხვა ტიპის 11 ცალი ჭურვი; სხვადასხვა ტიპის 14 მუხტი; ავტომატური ცეცხლსასროლი იარაღის 30 მჭიდი; 1 კუსტარული წესით დამზადებული პისტოლეტ-ტყვიამფრქვევი; 1 თვითნაკეთი შაშხანა; 1 თვითნაკეთი პისტოლეტი; „გე-პე-ვე 2“-ის ტიპის 19 ცალი საარტილერიო ჭურვი; 400 გრ ფეთქებადი ნივთიერება ტროტილი; ღამის ხედვის 1 ელექტრომოწყობილობა; 1 ამფეთქი კოჭა; სხვადასხვა ტიპის 26 საკვამლე კოჭა; კუსტარული წესით დამზადებული 11 ცალი ფეთქებადი მოწყობილობა; ცეცხლსასროლი იარაღის 1 ლულა; 20 მმ კალიბრის ცეცხლსასროლი იარაღის 3 მასრა; 376 გრ ფეთქებადი ნივთიერება დენთი და ავტომატური ცეცხლსასროლი იარაღის სხვადასხვა კალიბრის 3987 საბრძოლო ვაზნა.

გამოძიება ცეცხლსასროლი იარაღის, ფეთქებადი ნივთიერების და საბრძოლო მასალის მართლსაწინააღმდეგო შეძენა-შენახვის ფაქტებზე მიმდინარეობს (საქართველოს სსკ-ის 236-ე მუხლის 1-ლი ნაწილით).

ყველაზე საინტერესოა ისაა თუ რად უნდოდა ამ ხალხს ტანკის ქვეკალიბრული ჭურვები და მათი მაკეტები:

წყარო:

საქართველოს შინაგან საქმეთა სამინისტრო / Ministry of Internal Affairs of Georgia

P.S. ტექსტში შავად მონიშნული – ამხელა სამინისტრო ხართ, როგორ იწერება ან რა რა არის არ უნდა იცოდეთ?

სამხრეთ სამხედრო ოლქი – ქვედანაყოფები, განლაგება, რაოდენობა

რუსეთის ფედერაციის სამხედრო ოლქები

უკრაინაში განვითარებულ მოვლენებთან დაკავშირებით ლონდონის სტრატეგიული კვლევების საერთაშორისო ინსტიტუტმა (International Institute for Strategic Studies, IISS) გამოქვეყნა რუსეთის ფედერაციის სამხრეთ სამხედრო ოლქში დისლოცირებული სამხედრო ნაწილებისა და ქვედანაყოფების განლაგების და მათი შეადგენლობის რაოდენობრივი შეფასების ინფოგრაფიკული გამოსახულება. 

ანალოგიური ინფორმაცია ინსტიტუტმა უკრაინის შესახებაც გამოაქვეყნა, ამის შესახებ შემდეგ ბმულზე შეგიძლიათ წაკითხვა – ლონდონის სტრატეგიული კვლევების საერთაშორისო ინსტიტუტის მიერ უკრაინის არმიის შემადგენლობის შეფასება

სამხრეთ სამხედრო ოლქში დისლოცირებული სამხედრო ნაწილებისა და ქვედანაყოფების განლაგების ინფოგრაფიკული გამოსახულება (გამოსახულება გადიდებადია)

ლონდონის სტრატეგიული კვლევების საერთაშორისო ინსტიტუტის (International Institute for Strategic Studies, IISS) მიერ გამოქვეყნებული რუსეთის ფედერაციის სამხრეთ სამხედრო ოლქის საბრძოლო ტექნიკისა და შემადგენლობის რაოდენობრივი შეფასების ცხრილი 

წყარო:

Infographic: Russia's Southern Military District

ცეცხლის ქვეშ vol.2

პირველი სნაიპერის მიერ დამუშავებული ქართული MRAP–ი იყო, ახლა უშუალოდ საბრძოლო შეტაკების შედეგად დაცხრიული მანქანები, ისევ ჰელმანდის პროვინცია და ისევ ქართული კონტინგენტის მანქანები:

დღის ფოტო – Т-72 vs Camel

Т-72 vs Camel - უბრალოდ ძალიან საინტერესოა სადაა ან რა ხდება

58 ცალი F–35 ავსტრალიის საჰაერო ძალებს

ავსტრალიის მიერ 58 ცალი F–35–ის ყიდვის გადაწყვეტილების მიღება მხოლოდ ხელისუფლების მიერ ოფიციალურ დადასტურებასღა ელოდება. 58 მანქანა დაემატება იმ 14 მანქანას, რომელთა შესყიდვის შესახებ გადაყვეტილება ავსტრალიის ხელისუფლებამ 2009 წელს მიიღო და რომლებიც უკვე აწყობის სტადიაში იმყოფებიან.

ეს შესყიდვა აშკარად უჩვენებს იმას, რომ JSF–ის მრავალტანჯულ პროგრამაში, ავსტრალია საიმედო მყიდველია. ეს გადაწყვეტილება ავსტრალიის ბიუჯეტს 12,4 მილიარდი აშშ დოლარი დაუჯდება და საბოლოო ჯამში 72 ცალი მრავალფუნქციური გამანადგურებელისგან 4 ესკადრილია ჩამოყალიბდეა, აქედან ერთი OCU (Operational Conversion Unit) იქნება.

წყარო:

Prime Minister and Minister for Defence – Joint Media Release – F-35 Joint Strike Fighters to transform Australia’s air combat capability

დღის ფოტო – Apache–ების ჯოგი

2014 წლის 18 აპრილი, სამხრეთ კორეა, ამერიკული სამხედრო ბაზა ჰამფრისი (Camp Humphreys) – ერთობლივ დაშვებას ახორციელებს მე–2 საბრძოლო–საჰაერო ბრიგადის, მე–2 საჰაერო პოლკის, მე–4 საჰაერო სადაზვერვო (მოიერიშე) ბატალიონის 24 ცალი დამრტყმელი ვერტმფრენი AH-64D Longbow. ფოტო საკმაოდ იშვიათია, რადგანაც აშშ–ს არმია ამხელა შენაერთით გაფრენებს იშვიათად ახორციელებს

და დესერტად 25 ცალი UH-60 ერთდროულად ჰაერში

წყარო:
2nd Combat Aviation Brigade

БТР-70Ді ქართულ არმიაში

БТР-7 "Захисник" (БТР-70ДІ) - ჯავშანტრანსპორტიორი, რომელიც უკრაინის სახელმწიფო საწარმოო "Миколаївський бронетанковий завод"–მა საკუთარი ინიციატივით შექმნა. წარმოადგენს საბჭოთა БТР-70–ის ღრმა მოდერნიზაციას. 2009–2012 წლებში სულ გამოშვებული იქნა 13 ცალი БТР-70Ді და ორი ცალი სამეთაურო–საშტაბო БТР-70Ді-02 "Світязь", როგორც ცნობილია უკრაინის ეროვნული გვარდია ბოლოს განვითარებული მოვლენების ფონზე ერთ ცალ ასეთ მანქანას მიიღებს – დანარჩენები სადაა?

Кроме этого предприятия концерна готовы передать Национальной гвардии Украины еще 16 БТР других типов. Так, ГП "Киевский бронетанковый завод" может передать 5 новых БТР-3Е, а также 5 БТР-80, которые находятся на балансе ГП "Укроборонсервис" и будут отремонтированы за счет этого предприятия. ГП "Житомирский бронетанковый завод" готов передать 5 отремонтированных БТР-80, ГП "Николаевский бронетанковый завод" - 1 БТР-70ДИ.

წყარო – "Укроборонпром" готов передать Национальной гвардии 100 бронетранспортеров

В начале 2011 года Николаевский завод выиграл тендер на поставку 13 бронетранспортёров вооружённым силам Украины. В период с 2009 до начала 2012 года было выпущено 13 бронетранспортёров БТР-70ДИ и две командно-штабные машины БТР-70Ді-02 «Світязь».

წყარო – БТР-70ДИ (БТР-7 «Защитник»)

P.S. კი, წყარო wiki-ა, მაგრამ როგორც ჩანს უკრაინის თავდაცვის სამინისტროს საიტზე განთავსებული  სტატიის საფუძველზეა დაწერილი, რომლის ბმულიც არ მუშაობს (სტატია ვერ მოვიპოვე – თუ მანახებთ მადლობელი ვიქნები).

სად წავიდა ეს 12 მანქანა – ცნობილია რომ უკრაინის არმიას შეიარაღებაზე არანაირი БТР-70Ді არ მიუღია? არა და 12 მანქანა ეს ერთი მოტორიზირებული ასეულის კომპლექტია.
როგორც ცნობილია (რუსების მიერ გავრცელებული ვიდეოს მიხედვით) საქართველოს თავდაცვის სამინისტრომ 2008 წლის ივნისში ამ მანქანების პარტია მიიღო და გორში განათავსა.

ვიდეოს 01:17 წუთზე

ვიდეოს 01:55 წუთზე

ასევე არსებობს ასეთი რუსული ცხრილი (სავარაუდოდ გაეროს რეესტრზე დაფუძნებული)

შესაბამისად გვაქვს ორი ჩამოსული პარტიის ფაქტი:

• 2007 წლის 23 აპრილი – უკრაინამ ქართულ მხარეს 2 ცალი БТР-70Ді გადმოსცა.
• 2008 წლის 26 ივნისი – უცნობი რაოდენობის პარტია (ნუ ერთი ყველა ვარიანტში).

ასევე რუსული წყაროების მიხედვით ვიცით რომ მთლიანობაში შეკვეთილი იყო 58 მანქანა:

БТР 70ДИ обошлись Грузии по 189 000 долларов за штуку (58 бронетранспортеров на общую сумму 10 962 000 долларов).

წყარო – Танки продавали по цене лимузинов

1. ჩნდება კითხვა – თუ რატომ იყო გორში მხოლოდ ერთი მანქანის დოკუმენტი? არაა გამორიცხული რომ ეს სატანკო ქვედანაყოფისთვის საცდელი ექსპულატაციისთვის გადაცემული მანქანა იყოს. არა მგონია დოკუმენტების წაღებისას ყველა დანარჩენი მანქანის დოკუმენტი წაეღოთ და ერთისა დაეტოვებინათ – საერთოდ თუ წაიღეს დოკუმენტაცია ბაზიდან ჯერ ეგაა საკითხავი. შესაბამისად გორში არსებული მანქანა საცდელ–შესასწავლი უფრო იყო ვიდრე უკვე სერიულად დანერგილი ჯავშანტრანსპორტიორი.
2. 2008 წლისთვის (ომამდე) 58 მანქანას უკრაინელები ვერ მოგვაწოდებდნენ. ამიტომ მე–2 კითხვა – გაგრძელდა თუ არა კონტრაქტის შესრულება და უკრაინიდან მანქანები ისევ ჩამოდიოდა.

შესაბამისად ზემოთ თქმულიდან არსებობს ორი ვარიანტი - უკრაინის არმიისთვის განკუთვნილ 13 მანქანაზეა საუბარი, რომელიც უნდა აწყობილიყო, მაგრამ არ აწყობილა და სტატიაში შეცდომაა დაშვებული – ეს პირველი ვერსია.

და მეორე ვერსია – 2009 წლიდან, ანუ ომის შემდგომ პერიოდში, უკრაინულმა მხარემ განაგრძო მანქანების მოწოდება და ეს 12 მანქანა ამჟამად ჩვენს არმიაში იმყოფება.

თუმცა ერთდროულად 4 მანქანაზე მეტი ჯერ არსად არ დაფიქსირებულა – 01:47 წუთზე 4 ცალი БТР-70Ді

2 ცალი БТР-70Ді

ქართული არმიის БТР-70Ді

2013 წლის 26 მაისი, БТР-70Ді – საბრძოლო ტექნიკის ჩვენება ქუთაისში, პარლამენტის შენობასთან (გამოდის მე–3 ბრიგადაშია მანქანების ნაწილი)