X-32 15 წლისაა

პირველწყარო – 15 лет X-32.

გუშინ, 18 სექტემბერს, შესრულდა 15 წელი მას შემდეგ რაც კომპანია Boeing–ის პროტოტიპმა თვითმფრინავმა, Х-32–მა, რომელიც JSF–ის კონკურსში Lockheed Martin-ის X-35–ეს ეჯიბრებოდა, პირველი ფრნა განახორციელა. აღსანიშნავია რომ X-35–მა თავისი პირველი ფრენა ერთი თვის დაგვიანებით, 2000 წლის 24 ოქტომბერს განახორციელა.

ბოინგმა მოახერხა შეექმნა ბოლო ათწლეულების ყველაზე არაჩვეულებრივი, ნუ ყოველ შემთხვევაში ვიზუალურად, გამანადგურებელი – კონკურსში X-32–ის გამარჯვების შემთხვევაში საკმაოდ საინტერესო იქნებოდა მოგვესმინა იმათი აზრი, ვინც F-35–ს "არასაკმარისად ელეგანტურად" თვლის. თუმცაღა ეს გამანადგურებელი ფაქტიურად უკვე დავიწყებულია.

ორი კონკურენტი – X-32 და X-35

მიუხედავად იმისა რომ Boeing ჯიუტად იბრძოდა, გამარჯვების შანსი მას თავიდანვე ცოტა ჰქონდა. დღემდე იბადება აზრების იმის შესახებ, რომ აშშ–ს თავდაცვის სამინისტრომ "მუხანათურად" შეცვალა საკონკურსო მოთხოვნები მაშინ, როდესაც პროტოტიპი უკვე აწყობილი იყო. ამის შედეგად დასახული მახასიათებლების მიღწევა უკუდო სქემით შეუძლებელი გახდა და Boeing–ს მოუწია ეთხოვა ნდობოდნენ მის "პატიოსან სიტყვას" და დაეშვათ კონკურსში იმ პირობით რომ გამარჯვების შემთხვევაში ის ამ მოთხოვნებსკუდის ფრთასხმულობით დააკმაყოფილებდა. ამიტომ თუ ნახავთ სადმე X-32–ის კუდიან ნახატს – იცოდეთ აი მასეთი უნდა ყოფილიყო სერიული მანქანა. რეალობაში მხოლოდ მაკეტის აგება მოასწრეს (ქვემოთ ფოტოზე).

მთელ რიგ საკითხებში მოწინააღმდეგის უპირატესობების გარეშეც, კერძოდ კი უფრო პროგრესული ვადს (ვერტიკალური აფრენ–დაფრენის სისტემა) სქემაში, ასეთ პირობებში გამარჯვება შეუძლებელი იყო. პირველი ფრენიდან ერთი წლის შემდეგა, 2001 წლის 26 ოქტომბერს, კონკურის ოფიციალურად Lockheed Martin–მა მოიგო. Boeing–ის მიერ აწყობილი ორი პროტოტიპი – სახმელეთო X-32A და მოკლე აფრენის X-32B, მუზეუმში გადააგზავნეს. პირველი დეიტონაში მდებარე საჰაერო ძალების ეროვნულ მუზეუმში, ხოლო მეორე საზღვაო ძალების ავიაციის მუზეუმში, რომელიც პატაკსენტ–რივერშია განთავსებული.

X-32A

AIM-120  და ბომბა შიდა ნაკვეთურში

Hornet–თან ერთად

საამქროდან გამოგორება

X-32B

უფროს ძმასთან ერთად

X-32B რენდგენი – კარგად ჩანს რომ Boeing ვერტიკალური აფრენ–დაფრენის სქემაში ცდილობდა Harrier გაემეორებინა

X-32B მუზეუმში

პატარა ანალიზი იემენში დაზიანებული Abrams–ის შესახებ

იემენში განადგურებული რამდენიმე Abrams–ის შესახებ ბლოგზე უკვე ვწერდი – Abrams–მა - არაბებო წადით თავი გამანებეთო. ამ შემთხვევის ადგილზე ხუსიტურმა მასმედიამ ვიდეო სიუჟეტი გაავრცელა, რომლის მიხედვითაც შესაძლებელია შემდეგი ანალიზის გაკეთება:

გავრცელებული სიუჟეტი

ვიდეოს 2:10 წამზე ჩანს ჩვენი ტანკი, რომელსაც მართვადი რაკეტა ხვდება (2:33 წუთზე) – წითელი ისრით ნაჩვენებია მოხვედრის ადგილი 

ვიდეო №2 – 2:28 წუთზე ჩანს იგივე ტანკის კოშკურა – წითელი ისრაი მოხვედრის ადგილი, მწვანე ისრით ნაჩვენებია ამომგდები პანელი და მის ქვემოთ ჭურვების კასეტაა ამოჩრილი 

დარწმუნებული არა ვარ, მაგრამ ეს საბრძოლო მარაგის ნიშა მერე ააფეთქეს, მეორე ვიდეოს 50-ე წამზე ჩანს ბალახებიდან დამალული როგორ უღებს ვიდეოს აფეთქებას.

ასევე როგორც ჩანს ვიდეოს 1:30 წუთზე ტანკს მეორე ჭურვი ბორტში მოხვდა, სავარაუდოდ პირველი მორტყმის მერე გვერდიდან მოუარეს და რო დარწმუნებულიყვნენ კიდევ ესროლეს რამე:

UPD - მე–2 ვიდეოს 50– წამზე ჩანს როგორ აფეთქებენ მიტოვებულ ტანკს. ქვემოთ სავარაუდოდ იგივე ტანკია, რომელიც ამ აფეთქების შედეგად დაიწვა:

საბრძოლო მანქანა VBCI-2

როგორც ჟურნალ "Jane's International Defence Review" გამოქვეყნებული კრისტოფერ ფოსტის (Christopher F Foss) სტატია "DSEI 2015: Nexter Systems pins export hopes on VBCI-2" იუწყება, ამა წლის 15–დან 18 სექტემბრის ჩათვლით ლონდონში მიმდინარე თავდაცვით გამოფენა DSEI-2015–ზე (Defence and Security Equipment International  2015) ფრანგულმა კომპანია "Nexter Systems"–მა პირველად მოახდინა საექსპორტოდ განკუთვნილი, საკუთარი ინიციატივით შექმნილი და გამოცდილი, 8х8 სავალი ფორმულის მქონე, საფრანგეთის არმიის შეიარაღებაზე მყოფი საბურავებიანი ჯავშანმანქანის VBCI–ს ღრმად მოდერნიზირებული ვერსიის, VBCI–2–ის საჯარო ჩვენება.

კოშკურა T40

სადესანტო ნაკვეთური

ქვეითთა საბრძოლო მანქანის ვარიანტში  VBCI-2–ის დამზადება DSEI-2015–ის დაწყებამდე ცოტა ხნით ადრე Nexter–მა, რუანში განლაგებულ საამქროში მოახდინა. ახალ მანქანას საბაზისო VBCI–სგან განსხვავებით აქვს ახალი ჯავშანკორპუსი (ალუმინისგან შედუღებული), რომლის სიმაღლეც და შესაბამისად მოცულობაც გაზრდილია. კორპუსის ჯავშანი МАР–ის ტიპის ფოლადის ჯავშნითაა გაძლიერებული. VBCI-2 აღჭურვილია 600 ცხენისძალიანი დიზელის ახალი ძრავა Volvo D13–ით (VBCI–ზე 550 ცხენისძალიანი Volvo D12 დიზელი აყენია), გაუმჯობესებული საკიდარით, დიდი დიამეტრის საბურავებით, კონდიცირების უფრო მძლავრი სისსტემით, ნაღმდგრადი სავარძლებით სადესანტო ნაკვეთურში და ასევე კავშირისა და მართვის ციფრული სისტემით, რომელიც თავსებადია ქვეითთა ფრანგულ კომპლექტ FELIN–თან. VBCI-2–ის საბრძოლო წონა 32 ტონამდე გაიზარდა, რაც 3 ტონით მეტია საბაზისო VBCI–სგან განსხვავებით.

VBCI-2–ზე აყენია მძღოლ–მექანიკოსის თბოხედვის ხელსაწყო. მანქანა ასევე აღჭურვილია ციფრული ვიდეოკამერებით წრიულად დაკვირვების სისტემით, რომლიდანაც გამოსახულება გამოდის როგორც ეკიპაჟის დისფლეებზე, ასევე სადესანტო ნაკვეთურში არსებულ ვიდეომონიტორზე.

მანქანის საცდელ ნიმუშს ეკიპაჟის სამი წევრი და ევქსი მედესანტე გადაყავს. VBCI-2–ის პროტოტიპი აღჭურვილია Nexter–ის მიერ დამზადებული ორ ადგილიანი კოშკურა Т40–თი, რომელიც ასევე დაგეგმილია რო დაიდგმება საფრანგეთის არმიის პერსპექტიულ სადაზვერვო მანქანა Jaguar–ზე (EBRC), რომელზეც ერთობლივად მუშაობენ Nexter Systems, Thales და Renault Trucks Defense. კოშკურა T40 აღჭურვილია ქვემეხ 40 CTAS–ით (CTAI 40 mm Cased Telescoped Army System), რომელიც CTA International (Nexter და BAE Systems ერთობლივი წარმოება) მიერაა შემუშავებული და ტელესკოპურ ჭურვებს მოიხმარს (ანალოგიური კოშკურა აყენია ბრიტანეთის არმიისთვის განკუთბნილ Ajax–ზე – SCOUT SV - ბრიტანეტის არმიის მრავალფუნქციური პლატფორმა). ქვემეხთან შეწყვილებულია 7,62მმ ტყვიამფრქვევი, ერთი ასეთივე ტყვიამფრქვევი კოშკურის სახურავზე, დისტანციურად მართვად მოდულშია განთავსებული. ოფციონალურად კოშკურის ბორტებზე შესაძლებელია ტსმრ––ის გამშვებების დაყენებაც (კერძოდ Javelin ან პერსპექტიული ფრანგული ტსმრ MBDA MMP - პროტოტიპზე გამშვების მაკეტები აყენია). შემკვეთის სურვილის მიხედვით VBCI-2–ზე შესაძლებელია სხვა კოშკურების და საბრძოლო მოდულების დაყენებას, მათ შორის  უკვე შემოთავაზებული 30მმ–ნი ავტომატური ქვემეხით აღჭურვილი, Kongsberg–ის მიერ წარმოებული, გარეთ გატანილი, დისტანციურად მართვადი საბრძოლო მოდული Orbital ATK Bushmaster Mk 44, რაც თავის მხრივ სადესანტო ნაკვეთურში დესანტის გაზრდის საშუალებას იძლევა.

წყარო:

DSEI 2015: Nexter Systems pins export hopes on VBCI-2

SCOUT SV - ბრიტანეტის არმიის მრავალფუნქციური პლატფორმა

40მმ–ნი საბრძოლო მოდული CTAS–ით აღჭურვილი Ajax გამოფენა DSEI-2015–ზე

როგორც ჟურნალ "Jane's International Defence Review" გამოქვეყნებული ნიკოლას დე ლარინაგას (Nicholas de Larrinaga) სტატია "DSEI 2015: UK's Scout SV renamed Ajax as first turreted prototype unveiled"–ში იუწყება, ამა წლის 15–დან 18 სექტემბრის ჩათვლით ლონდონში მიმდინარე თავდაცვით გამოფენა DSEI-2015–ზე (Defence and Security Equipment International  2015) ამერიკული GDLS–სის ბრიტანულმა ფილიალმა (General Dynamics UK – GDUK) SCOUT SV-ეს სპეციალიზირებული პლატფორმა წარადგინა, რომელზეც ბრიტანეთის არმიისთვის განკუთვნილი მანქანების მთელი ოჯახობა უნდა შეიქმნას. ამავე გამოფენაზე მანქანებს საკუთარი სახელები მიენიჭათ  – სადაზვერვო მანქანა ARES (reconnaissance support variant), სარემონტო მანქანა APOLLO (the equipment repair vehicle), ევაკუატორი ATLAS (the equipment recovery variant), საინჟინრო დაზვერვის მანქანა ARGUS ( the engineering reconnaissance variant) და სამეთაურო–საშტაბო მანქანა ATHENA (command-and-control (C2) variant).

ბრიტანეთის არმიას Ajax–ის პლატფორმის 589 ცალი მანქან აქვს შეკვეთილი. მანქანებზე შეკვეთა, რომლის ღირებულებაც 3,5 მილიარდი ბრიტანული ფუნტია (5,4 მილიარდი დოლარი), General Dynamics UK–ემ (GDUK) 2014 წლის სექტემბერში მიიღო.

სახელწოდება Ajax მთელს ოჯახობას ეკუთვნის და მათ შორის Lockheed Martin UK–ის მიერ წარმოებული 40მმ–ნი საბრძოლო მოდულით აღჭურვილი ვარიანტისაც, რომელსაც CTAS (Case Telescoped Armament System) ეწოდება და რომელიც 40მმ–იან ტელესკოპურ ჭურვებს მოიხმარს. ამ კოშკურით ყველაზე მეტი მანქანაა შეკვეთილი, კერძოდ კი ბრიტანეთის არმია ამ კლასის 245 ცალ მანქანას მიიღებს.

40მმ–ნი საბრძოლო მოდული CTAS–ით აღჭურვილი Ajax გამოფენა DSEI-2015–ზე

სხვა მანქანების რაოდენობა შეკვეთების პორტფელში ასე გამოიყურება –  სადაზვერვო მანქანა ARES 93 ცალი, სამეთაურო–საშტაბო მანქანა ATHENA 112 ცალი, სარემონტო მანქანა APOLLO 50 ცალი, ევაკუატორი ATLAS 38 ცალი, საინჟინრო სადაზვერვო მანქანა ARGUS 51 ცალი.

Ajax–ის პირველი პროტოტიპი უკვე გამოცდებს გადის, გეგმის თანახმად 2017 წლისათვის ბრიტანეთის არმიამ უკვე სერიულ მანქანები უნდა მიიღოს.

Ajax–ის ოჯახობას მრავალფუნქციური მონიტორებით Esterline Corporation მოამარაგებს, რომელმაც ამ გამოფენაზე უკვე მოაწერა 21 მილიონი დოლარის ღირებულების 7 წლის ხანგრძლივობის ხელშეკრულებას ხელი

წყარო:

• Esterline to provide displays and video processing units for British Army's Ajax program
• DSEI 2015: UK's Scout SV renamed Ajax as first turreted prototype unveiled

ამერიკული ჯტრ Stryker და სლოვაკური ქსმ Sakal ერთობლივ სწავლებაზე

სლოვაკეთში მიმდინარე საერთაშორისო სწავლების დროს ამერიკულმა ჯტრ Stryker–მა და სლოვაკურმა ქსმ–ბმა БМП-2–მა და Sakal-მა (რომელიც საბჭოთა БМП-2–ის ღრმა მოდერნიზაციას წარმოადგენს) ერთობლივი სროლები განახორციელეს

Leclerc–ის ძრავა – როგორ მაგრდება ძრავა–ტრანსმისიის განყოფილებაში

ფრანგული ძირითადი საბრძოლო ტანკი Leclerc–ი ალბათ იდეოლოგიურ–კონცეპტუალურად თავის თაობაში საუკეთესოა (თუ არ გავითვალისწინებთ მის საიმედოობას). აჯერად მინდა მისი ძრავის განთავსების სისტემა განვიხილო:

თითონ ძრავა ამოღებულ მდგომარეობაში, ისრებით ნაჩვენებია შემდეგი დეტალები:

მწვანე – წინა გორგოლაჭი
წითელი – უკანა გორგოლაჭი (გორგოლაჭები ორივე მხარესაა განთავსებული)
თეთრი – სამაგრი ბუდე

ისარი უჩვენებს ჩამკეტის კბილს – რომელიც ძრავას წინა მხრიდან უყენია

ეხლა ვნახოთ თუ რომელი სად და როგორ გამოიყენება:

მწვანე ისრები წინა გორგოლაჭის მიმმართველები

წითელი ისრები უკანა გორგოლაჭის მიმმართველები

თეთრი ისარები სამაგრი ბუდე
მწვანე შავი კანტით ჩამკეტის ბუდე

ძრავის მოხსნის წინ იხსსნება საწვავისა და ჰიდრავლიკის მაგისტრალები – მოხსნის შემდეგ მაგისტრალები ავტომატურად იკეტება

ასევე უნდა ჩაიხსნას საკმაო რაოდენობის კაბელებიც, თუმცა მათი ჩახსნა საკმაოდ ადვილია საკეტიანი შტეკერების არსებობის წყალობით

ძრავის ჩასახსნელად იხდება ძრავა–ტრანსმისიის განყოფილების სახურავი, იხსნება უკანა ნაწილი და ამწეკრანი ძრავას იღებს წინ გადახრილ მდგომარეობაში, რის შედეგადაც ძრავა რელსებზე გორგოლაჭებით მოგორავს და ზემოთ ამოდის – მთლიანად ამ ოპერაციას 1 საატამდე დრო ესაჭიროება (საბერძნეთში სატანკო ტენდერის დროს ეკიპაჟმა სწორედ ამ დროში განახორციელა ძრავის დემონტაჟი და მონტაჟი)

ესტონური ტანკსაწინააღმდეგო/ბორტსაწინააღმდეო ნაღმი РК-14

როგორც ჟურნალ "Jane's International Defence Review" გამოქვეყნებული ჰავ ვილიამსის (Huw Williams) სტატია "DSEI 2015: Eesti Arsenal develops anti-armour mine" იუწყება, ამა წლის 15–დან 18 სექტემბრის ჩათვლით ლონდონში მიმდინარე თავდაცვით გამოფენა DSEI-2015–ზე (Defence and Security Equipment International  2015), ესტონურმა კომპანია Terramil–მა წარმოადგინა მის მიერ შექმნილი ბორტსაწინააღმდეგო ნაღმი РК-14, რომლის დანიშნულებასაც ჯავშანტექნიკასთან ბრძოლა წარმოადგენს. ნაღმი "დამრტყმელი ბირთვის" პრინციპით მოქმედებს.

ნაღმი РК-14 ბაზარზე არსებული ყველაზე მსუბუქი ბორსაწინააღმდეგო ნაღმია, ის მხოლოდ 1,5კგ PBX ასაფეთქებელ ჯნივთიერებას შეიცავს. მას 50 მეტრის მანძილზე 50მმ ჯავშნის გახვრეტა შეუძლია. ეს მის ეფექტურობას ტანკების წინააღმდეგ საეჭვოს ხდის, თუმცა მსუბუქი და საშუალო წონის ჯავშანმანქანების წინააღმდეგ ის მაღალ ეფექტურობით გამოირჩევა.

მწარმოებლის განცხადებით ნაღმი სიზუსტითა და ექსპუკატაციის სიადვილით გამოირჩევა.მისი გამოყენება შესაძლებელია –35–დან +50 გრადუსამდე ცელსიუსით.

წყარო:

Small yet deadly

იარაღის მსოფლიო ბაზარი – ყველაზე მსხვილი გამყიდველები და ყველაზე მსხვილი მყიდველები

საინტერესო ცხრილი SIPRI–სგან – ცხრილის მიხედევით პირველ სამ ადგილს ექსპორტში აშშ, რფ და ჩინეთი ინაწილებენ. ასევე დააკვირდით მათ ძირითად მყიდველებს. აღსანიშნავია რომ გერმანიის და ბრიტანეთის ძირითადი მყიდველების სიაში აშშ–ც შედის (11 და 12% შესაბამისად), საკმაოდ საინტერესო მონაცემებია:

ცივი ომის პრელუდია – კოალიციის არმიების მანევრები ევროპაში

ბევრს არ დავწერ – უბრალოდ ფოტოებს ავტვირთავ :

2015 წლის 14 სექტემბერი – აშშ–ს არმიის მე–2 საკავალერიო პოლკის კოლონა სწავლება "Dragoon Crossing"–ის ფარგლებში სლოვაკიისკენ მიემართება. სწავლების მიზანს გერმანიაში მდებარე ამერიკული ბაზებიდან აღმოსავლეთ ევროპის ქვეყნებში ჯარების გადასროლა წარმოადგენს.

2015 წლის 13 სექტემბერი – აშშ–ს არმიის მე–2 საკავალერიო პოლკის კოლონა სწავლება "Dragoon Crossing"–ის ფარგლებში ჩეხიისკენ მიემართება. სწავლების მიზანს გერმანიაში მდებარე ამერიკული ბაზებიდან აღმოსავლეთ ევროპის ქვეყნებში ჯარების გადასროლა წარმოადგენს.

2015 წლის 13 სექტემბერი – აშშ–ს არმიის მე–2 საკავალერიო პოლკის კოლონა სწავლება "Dragoon Crossing"–ის ფარგლებში უნგრეთისკენ მიემართება. სწავლების მიზანს გერმანიაში მდებარე ამერიკული ბაზებიდან აღმოსავლეთ ევროპის ქვეყნებში ჯარების გადასროლა წარმოადგენს.

სლოვენია, 2015 წლის 13 სექტემბერი – NATO–ს საერთაშორისო სწავლება "Immediate Response". ფოტოებზე ბრიტანელი, სლოვენიელი და ალბანელი სამხედროებია ასახული

2015 წლის 8 სექტემბერი, ლატვია, ავიაბაზა Lielvārdē – ტეხასის ეროვნული გვარდიის საჰაერო ძალების უპილოტო დამრტყმელი საფრენი აპარატი  MQ-1 Predator.

2015 წლის სექტემბერი – დანიის სახმელეთო ჯარები ლატვიაში, სწავლება "Red Lion II" მსვლელობის დროს

2015 წლის 9 სექტემბერი, ხორვატია, პოლიგონი Eugen Kvaternik, საერთაშორისო სწავლება "Immediate Response 15"–ის გახსნის ცერემონიალი

2015 წლის სექტემბერი, ხორვატია – ბრიტანეთის მერსიელების მე–4 პოლკის ჯარისკაცები სწავლება "Sava Star"–ის მსვლელობისას

P.S. და ეს NATO–ს მხოლოდ სექტემბრის აქტივობაა აღმოსავლეთ ევროპაში და მხოლოდ სახმელეთო ასპექტში. ამას გარდა ყველა აღმოსავლეთ ევროპულ ქვეყანაში საკუტარი ფართომაშტაბიანი სწავლებები მიმდინარეობს და სხვათაშორის ჩვენთანაც, სწავლება "ვაზიანი–2015" ხორციელდება. რუსეთის ხისთავიანობის ფონზე NATO საკმაოდ გააქტიურდა, მიდის სამხედრო მექანიზმის დახვეწა და სრულყოფა.