უკრაინული Т-84–ები ამერიკაში

შარშან უკვე ვწერდი უკრაინის მიერ ამერიკაში გაყიდული 4 ცალი  Т-80ДУ–ს (Т-84) შესახებ – Т-80УД აშშ-ში. უკრაინამ ეს მანქანები ამერიკას სავარაუდოდ 2003 ან 2004 წელს მიჰყიდა. მანქანები მცირედით გადაკეთებულ Объект–478ДУ9-ებს წარმოადგენენ (სამი ცალი ადს "Дрозд"-ით აღჭურვილი Т-80УД (Объект 478БЭМ1), მეოთხე მანქანა ადს-ის ნაცვლად აღჭურვილი იყო კონდიციონერით (Объект-478БЭМ2). ოთხივე მანქანა Объект-478ДУ9-ის გადაკეთებით შეიქმნა). თუმცაღა ამერიკაში ეს მანქანები Дрозд-2–ით აღჭურვილი Т-80ДУ მარკირებით იქნა გაყიდული. გაყიდული მანქანებიდან 3 ცალზე აქტიური დაცვის კომპლექსი Дрозд-2 აყენია, ხოლო მეოთხე ტანკი, რომელიც ამ კომპლექსის გარეშეა, კონდიციონერითაა აღჭურვილი.

P.S. თავის დროზე ხარკოვის ტანკმშენებელმა ქარხანამ უკრაინის არმიისთვის 10 ცალი Т-84 "Оплот" (Объект–478ДУ9) ააწყო, თუმცაღა გადაუხდელობის გამო ეს მანქანები უკრაინის არმიამ ვერ მიიღო. შემდეგში ამ 10 ცალიდან ოთხი ცალი ამერიკაში აღმოჩნდა. ქვემოთა ფოტოებზე ამერიკაში გასაგზავნად გამზადებული სწორედ ეს მანქანებია გამოსახული.

 

აშშ–ს სახმელეთო ჯარების შემცირებისა და რეორგანიზაციის გეგმები

აშშ–ს არმიის შტაბის ხელმძღვანელმა, გენერალმა რეიმონდ ოდიერნომ, ვაშინგტონში 2013 წლის 25 ივნისს გამართულ ბრიფინგზე აშშ–ს სახმელეთო ჯარების 2014–2017 საფინანსო წლებში მოსალოდნელი შემცირებასა და რეორგანიზაციის შესახებ ისაუბრა. გენერალმა არმიის მოსალოდნელი რეორგანიზაციას "მეორე მსოფლიო ომის შემდგომ სავარაუდოდ ყველაზე დიდი საორგანიზაციო ცვლილება" უწოდა.

გენერალ ოდიერნოს განცხადებით, მოსალოდნელი შემცირება ეს 2011 წლის საბიუჯეტო აქტის (Budget Control Act of 2011) შედეგია და არანაირ კავშირში არაა ბიუჯეტის ახლანდელ სეკვესტრთან, თუმცა აღნიშნა რომ სეკვესტრის გაგრძელების შემთხვევაში ეს შემცირებები სავარაუდოდ უფრო ღრმა გახდება.

აშშ–ს სახმელეთო ძალები შემცირების შედეგად დღეს არსებული 570 ათასი სამხედრო მოსამსახურიდან 490 ათას სამხედრო მოსამსახურემდე ჩამოვა. რეორგანიზაციის ძირითადი ელემენტი დღეს არმიაში არსებული 45 რეგულარული საბრძოლო ბრიგადის (Brigade Combat Team - BCT) 32–მდე შემცირება გახდება (ჯერ–ჯერობით ცნობილია მხოლოდ 12 ბრიგადის შემცირების გეგმები, ერთი ბრიგადა არ დაზუსტებულა). აღსანიშნავია რომ, რეორგანიზაციის ძირითად საშუალებად ის ჯავშანსატანკო და ქვეითი ბრიგადები გახდებიან, რომლებიც უკვე დიდი ხანია ორბატალიონიანი საშტატო სტრუქტურიდან სამბატალიონიან საშტატო სტრუქტურაზე გადასვლას ელიან. ამგვარად აშშ–ს სახმელეთო ძალების ბატალიონების საერთო რაოდენობა მხოლოდ ორით შემცირდება – 98–იდან 96–მდე (ან 95–მდე). ბრიგადებში ასევე გაძლიერდება საინჟინრო ქვედანაყოფები და საცეცხლე მხარდაჭერის ძალები.

დღეს არსებული 16 ჯავშანსატანკო ბრიგადის (ABCT, ყოფილი НВСТ), 21 ქვეითი ბრიგადისა (IBCT) და Stryker–ების 8 ბრიგადის (SBCT) ნაცვლად მომავალში სავარაუდოდ 12 ჯავშანსატანკო ბრიგადა (ABCT), 14 ქვეითიბრიგადა (IBCT) და 7 Stryker–ის ბრიგადა (SBCT) დარჩება. თუმცა გენერალ ოდიერნოს განცხადების თანახმად "მძიმე ბრიგადების" რაოდენობა შესაძლებელია გადაიხედოს მათი კიდევ უფრო შემცირების მიზნით. არაოფიციალური მონაცემებით, მომავალში შესაძლებელია კიდევ ორი ჯავშანსატანკო ბრიგადის ქვეით ბრიგადად და ერთი ქვეითი ბრიგადის Stryker ბრიგადად გადაფორმირება. 

ამგვარად, აშშ–ს არმიის სტრუქტურა კვლავ უბრუნდება "არმიის ტრანსფორმაცია"–მდელ მდგომარეობას (2003 წელს არმიაში 33 რეგულარული საბრძოლო ბრიგადა იყო). შესაბამისად ბრიგადების რაოდენობა დივიზიებში ოთხიდან სამამდე შემცირდება.

ცნობილია რომ აშშ–ს კონტინენტურ ნაწილზე შემცირებას შემდეგი ათი ბრიგადა ექვემდებარება:

• 3rd BCT, 1st Armored Division, Fort Bliss, Texas
• 4th BCT, 82nd Airborne Division, Fort Bragg, N.C.
• 4th BCT, 101st Airborne Division, Fort Campbell, Ky.
• 3rd BCT, 4th Infantry Division, Fort Carson, Colo.
• 3rd BCT, 10th Mountain Division, Fort Drum, N.Y.
• 4th BCT, 1st Cavalry Division, Fort Hood, Texas
• 3rd BCT, 1st Infantry Division, Fort Knox, Ky.
• 4th BCT, 1st Infantry Division, Fort Riley, Kan.
• 2nd BCT, 3rd Infantry Division, Fort Stewart, Ga.
• 4th Stryker Brigade Combat Team, 2nd Infantry Division, Joint Base Lewis-McChord, Wash.

ამგვარად აშშ–ს არმიის ათი დივიზია სამბრიგადიან საშტატო სტრუქტურაზე გადავა, პირველი ქვეითი დივიზია ორ ბრიგადას დაკარგავს, ხოლო 25–ე მსუბუქი ქვეითი დივიზია ოთხ ბრიგადას შეინარჩუნებს. ამას გარდა დასაშლელ ბრიგადებს შორის უკვე დაშლის პროცესში მყოფი, გერმანიაში დისლოცირებული ორი ცალკეული ბრიგადაც შეიყვანეს – 170th ВСТ (რომელიც 2012 წლის ბოლოსთვის იქნა დაშლილი) და 172nd BCT (დაიშლება 2013 წლის ოქტომბრისთვის). ასევე იგეგმება კიდევ ერთი ცალკეული ВСТ–ის დაშლა, მაგრამ კონკრეტული ბრიგადა ჯერ არ დასახელებულა.

აშშ–ს სახმელეთო ძალების ბრიგადების რეორგანიზაციი გრაფიკი

წყარო:

Army to cut brigades at 10 U.S. bases by 2017

პერსპექტიული ჰაერსაწინააღმდეგო თავდაცვის სისტემა "ვიტიაზი" (Витязь)

საზენიტო კომპლექს "Витязь" 50П6–ის გამშვები დანადგარი. დანადგარის შემადგენლობაშიც 12 ცალი საზენიტო რაკეტა 9М96 შედის, რომლებიც პაკეტში სამ–სამადაა განთავსებული

მოკლედ და ხარისხიანი ფოტოებით საშუალო მანძილზე მოქმედი საზენიტო–სარაკეტო კომპლექს "Витязь"–ის შესახებ, რომელიც ამ ცოტა ხნის წინათ იქნა ოფიციალურად წარდგენილი (მის შესახებ მეც ვწერდი – "Алмаз-Антей"–მ პერსპექტიული ჰაერსაწინააღმდეგო სისტემა "ვიტიაზი" (Витязь) წარადგინა, დამატებით "Витязь"–ის შესახებ).

საზენიტო სარაკეტო კომპლექსი "Витязь" იქმნება როგორც საშუალო მანძილზე მოქმედი, ობიექტების დასაცავი სისტემა და მისი დანიშნულებაა შეცვალოს მოძველებული საზენიტო კომპლექსები С-300ПТ-1А და С-300ПС.

2009-2011 წლებში ГСКБ "Алмаз-Антей"–მ რუსეთის ფედერაციის თავდაცვის სამინისტროს დავალებით საცდელ–საკონსტრუქციო სამუშაო, სახელწოდებით "Витязь-ПВО" განახორციელა. 

კომპანიის 2011 წლის ანგარიშიდან ჩანს საზენიტო–სარაკეტო კომპლექს 50Р6А "Витязь"–ის ნომენკლატურა:

• ნაკეთობა 50Н6А - მრავალფუნქციური რადიოლოკაციური სადგური.
• ნაკეთობა 50К6А - საბრძოლო მართვის პუნკტი.
• ნაკეთობა 50П6 - გამშვები დანადგარი.
• 9М96 ტიპის საზენიტო რაკეტები.

ყველა ნაკეთობა ბრიანსკის თვლიანი გამწეების ქარხანაში დამზადებულ მაღალი გამავლობის შასიზე იქნება განთავსებული. სავარაუდოდ კომპლექსის გამოცდები შემოდგომაზე დაიწყება.

საზენიტო კომპლექს "Витязь" 50П6–ის გამშვები დანადგარი. დანადგარის შემადგენლობაში 12 ცალი საზენიტო რაკეტა 9М96 შედის, რომლებიც პაკეტში სამ–სამადაა განთავსებული

БАЗ-69092-012–ზე განთავსებული საბრძოლო მართვის პუნქტი 50К6

БАЗ-69092-012–ზე განთავსებული მრავალფუნქციური რადიოლოკაციური სადგური 50Н6А

რადიოსარელეო სადგური, რომელიც უზრუნველყოფს კავშირს მრავალფუნქციურ რადიოლოკაციურ სადგურსა,საბრძოლო მართვის პუნკტსა და გამშვებ დანადგარს შორის

სრ 9М96 და მფრლს 50Н6А

P.S. სრ 9М96 ასევე გამოიყენება  სახომალდო სსკ "Редут"–ზე, მისი სროლის მანძილი 30–120 კილომეტრია. თვითონ "Витязь" 50П6–ის საარმიო დასახელება С-350-ია.

წყარო:
ЗРК средней дальности "Витязь"

ტაილანდის Т-84 Оплот

2013 წლის 26 ივნისს ხარკოვის სახელმწიფო საწარმოო "ვ.ა. მალიშევის საწარმოო ქარხანამ" (ГП "Завод имени В.А. Малышева") განახორციელა ტაილანდისთვის დამზადებული ტანკ "ოპლოტ"–ის (Оплот) პირველი სერიული მოდელის საზოგადო ჩვენება. ჩვენება ხარკოვში ვიზიტით ჩასული ტაილანდის სამეფო არმიის ჯავშანსატანკო ძალების სარდლის, ბუნსანტინო სანსავატის ვიზიტის დროს განხორციელდა. ტაილანდის არმიის ჯავშანსატანკო ძალების სარდალი უკრაინაში შეკვეთილი 49 ტანკ "ოპლოტ"–ის კონტრაქტის მსვლელობასთან გაცნობის მიზნით ჩავიდა.

შეგახსენებთ რომ ГК "Укрспецэкспорт"–მა 2011 წლის 1 სექტემბერს ტაილანდის მხარესთან გააფორმა 240 მილიონი დოლარის ღირებულების კონტრაქტი, რომელის თანახმადაც უკრაინამ შემკვეთს 2014 წლის ბოლოსთვის 49 ცალი ტანკი და მათ ბაზაზე შექმნილი ორი ცალი დაჯავშნული სარემონტო–საევაკუაციო მანქანა უნდა მიაწოდოს. აღსანიშნავია რომ ტაილანდი "ოპლოტ"–ის პირველი მყიდველია, თავის მხრივ ეს ტანკი საბჭოთა Т-80У/УД–ეს განვითარებაა. კონტრაქტის შესრულება მალიშევის ქარხანამ 2012 წლის აპრილში დაიწყო. კონტრაქტის თანახმად ქარხანას პირველი ხუთი ტანკი შემკვეთისთვის 2013 წლის მაისისთვის უნდა გადაეცა

სათავო ტანკს დემონსტრაციისას ასევე ნაჩვენები იქნა ამწყობი ცეხი, სადაც აწყობის პროცესში მყოფი, პრაქტიკულად მზა მეორე (საბორტე ნომერი "02") და მესამე (საბორტე ნომერი "03") ტანკები გამოჩნდა.

ტაილანდისთვის დამზადებული პირველი სერიული (საბორტე ნომერი "01") "ოპლოტ"–ის დემონსტრაცია

 მეორე და მესამე სერიული მანქანები ასაწყობ ცეხში

მერე ამბობენ საწყობები ფეთქდებაო

რუსეთი, 71–ე პოლკი, საწყობში მოსული ტანკსაწინააღმდეგო მართვადი რაკეტების გადმოტვირთვა

განტვირთვა ბრძოლის ველზე

ამერიკის არმია – Harlem Shake Heavy Edition

სირიის არმია – Syrian Army Soldiers Celebrating A Victory

P.S. ჯარისკაცი ყველგან ჯარისკაცია