"პარიზი ცეცხლშია"

წუხელ საფრანგეთში საგანგებო მდგომარეობა გამოცხადდა, დაიკეტა ქვეყნის საზღვრები, ათობით ათასი სამხედრო განგაშით იქნა აწული და გარეთ გამოყვანილი, პარიზში ქაოსი იდგა.

ISIS-ის მომხრეები სოციალურ ქსელებში ავრცელებენ ცნობებს ჰეშტეგით "პარიზი ცეცხლშია". ამის შესახებ BBC-ის მიმომხილველი, მარკ ურბანი იუწყება.

გუშინ, 13 ნოემბრის საღამოს ერთდროულად პარიზის რამდეიმე ადგილას ტერორისტული აქტი განხორციელდა. უცნობმა პირებმა თეატრ Bataclan-ის მოპირდაპირე რესტორანში ცეცხლი გახსნეს. ასევე ცეცხლი იქნა გახსნილი რიუ დე შერონის კუთხეში მდებარე ბარ Carillion-ში, ხოლო თვითონ თეატრ Bataclan-ში 100-მდე მძევალი იქნა აყვანილი. თვითმხილველთა თქმით, პარიზში სასაკლაოს მომწყობმა ტეორისტება თავიანთ ქმედებას სირიაზე შურისძიება უწოდეს.

იმავე დროს, სტადიონ "სტად დე ფრანს"-თან ახლოს, სადაც გერმანიისა და საფრანგეთის ეროვნულ საფეხბურთო ნაკრებებს შორის შეხვედრა მიმდინარეობდა, სამი აფეთქება განხორციელდა. საფრანგეთის პოლიციის ინფორმაციის თანახმად ორი აფეთქება თვითმკვლელმა ტერორისტმა განახორციელა.

ტერორისტულ აქტებს 150–მდე ადამიანი ემსხვერპლა, აქედან 118 ადამიანი თეატრ Bataclan-ის დარბაზში იქნა ჩაცხრილული. Bataclan-ის იერიშის დროს 3 ტერორისტი იქნა მოკლული და ერთი ტყვედ აყვანილი.

ზოგიერთი წყაროს ცნობით იერიშის დროს 4 პოლიციელი დაიღუპა. ტერორისტები შაჰიდის ქამრებით იყვნენ აღჭურვილები, მაყურებლებს დახოცვა იერიშიამდე დაიწყეს, მათი მიზანი სწორედ მასიური მკვლელობა იყო.

სამხედროები პარიზის ქუჩებში

პარიზის ქუჩებში წუხელ