აშშ-ს არმიამ 6,8 მმ-იანი ცეცხლსასროლი იარაღის კონკურსი წამოიწყო

სანამ სტატიას წაიკითხავთ, გთხოვთ გადახვიდეთ მითითებულ ბმულზე (ყავისფრად მონიშნული ტექსტი) და მოიწონოთ ჩვენი სამხედრო თემატიკის გევრდი - No Man's Land

.................................................................................................................................................................................

როგორც ინტერნეტში გავრცელებული ინფრომაციიდან ხდება ცნობილი, ამა წლის 4 ოქტომბერს, აშშ-ს არმიამ, კონკურსის საფუძველზე, პერსპექტიული 6,8 მილიმეტრიანი ირაღის შექმნაზე წინასწარი დავალება (ეგრეთ წოდებული Рrototype opportunity notice - PON) გამოაქვეყნა. პროგრამამ, სახელწოდებით Next Generation Squad Weapons (NGSW), 2025 წლისთვის, აშშ-ს არმიის შეიარაღებაზე მყოფი 5,56 მილიმეტრი კალიბრის ცეცხლსასროლი სისტემები უნდა ჩაანაცვლოს.

კომპანია SIG-ის მიერ წარმოდგენილი NGSW-R და NGSW-AR (ბოლო ჯერ-ჯერობით .338 კალიბრშია, თუმცა კომპანიის განცხადების თანახმად, 6,8 მილიმეტრიან ვარიანტზეც მუშაობენ).

პროგრამის ფარგლებში დაგეგმილია ავტომატური შაშხანა NGSW-R-ისა (5,56 მილიმეტრიანი М4-ის შესაცვლელად) და მსუბუქი ტყვიამფრქვევი NGSW-AR-ის (5,56 მილიმეტრიანი М249-ის შესაცვლელად) პროტოტიპების შექმნა. მონაწილე კომპანიებმა ხელშეკრულების მიღებიდან, 27 თვის განმავლობაში, არმიას უნდა წარუდგინონ NGSW-R-ისა და NGSW-AR-ის 50 პროტოტიპი და 6,8 მმ კალიბრის 850 ცალი ვაზნა. დაინტერესებულმა კომპანიებმა თავისი შეთავაზებები 7 დეკემბრამდე უნდა წარმოადგინონ.

აღნიშნული "წინასწარი დავალება" როგორ ჩანს აუქმებს 2018 წლის 25 ივნისს მთელი რიგი კომპანიებისთვის გაცემულ წინასახელშეკრულებო შეთანხმებებს  (Оther transaction agreement - OTA), რომლის თანახმადაც მათ, პროგრამა Next Generation Squad Automatic Rifle-ს (NGSAR) ფარგლენბში ცეცხლსასროლი იარაღის პროტოტიპები უნდა შეექმნათ. მაშინ OTA გაცემული იქნა შემდეგ ექვს კომპანიაზე AAI Corporation (შედის Textron Systems-ის შემადგენლობაში), FN America (ორი ОТА), General Dynamics-OTS, PCP Tactical და SIG Sauer.

NGSW-ს სისტემის იარაღის კალიბრისთვის განკუთვნილ, 6,8 მილიმეტრიან ვაზნაზე დღემდე არ არსებობს საკმარისი ინფორმაცია. უცნობია იქნება ეს .280 კალიბრის ვაზნა, რომელსაც მანამდე ამერიკული არმია რამდენჯერმე განიხილავდა, თუ სრულიად ახალი სტანდარტის ვაზნას მიიღებენ შეიარაღებაზე.

ცნობილია რომ, 2017 წელს, აშშ-ს ამირამ დაასრულა პროგრამა სახელწოდებით Small Arms Ammunition Configuration (SAAC), რომლის ფარგლებშიც სავარაუდოდ შექიმნა და დაიხვეწა ახალი ვაზნა. NGSW-ს პროგრამაისთვის დაგზავნილ PON-ში, წარმოსადგენი იარაღებისთვის "მთავრობის მიერ წარმოდგენილი" ვაზნა, სახელწოდებით XM1186 ფიგურირებს, რომელიც კომპანიებმა ახალი საბრძოლო ვაზნის საფუძვლად უნდა გამოიყენონ. ახალი ვაზნა "ბრძოლის და საბრძოლო მომზადების ყველა მოთხოვნას უნდა პასუხობდეს". ასევე ნახსენებია გაზრდილი ბალისტიკის ვაზნა და სასწავლო ვაზნა XM1194.

კომპანია SIG-ის მიერ წარმოდგენილი ახალი, 6,8 მილიმეტრიანი, 20%-ით მსუბუქი ვაზნა

წყარო:

• US Army issues prototype draft for 6.8 mm Next Generation Squad Weapons
• BREAKING: US Army to REBOOT Next Generation Squad Weapons Program?
• BREAKING: SIG Sauer Unveil Light Machine Gun at AUSA 2018

AUSA 2018: General Dynamics-ის ახალი Griffin III

General Dynamics Land Systems-მა (GDLS) თავისი ტექნოლოგიების ახალი დემონსტრატორი, Griffin-III, წარადგინა. რომელიც, როგორც მწარმოებელი იუწყება, აშშ-ს არმიის მომავლის სახმელეთო ჯავშანკომპლექსების მოთხოვნებსი დასაკმაყოფილებლად შეიქმნა.

მანქანა ვაშინგტონში, კოლუმბიის ოლქში გახსნილ გამოფენა AUSA 2018-ზე იქნა წარმოდგენილი. ჯავშანმნაქანა ASCOD-ის ბაზაზეა დაფუძნებული და აღჭურვილია ARDEC-ის (Army Armament Research, Development and Engineering Center) მიერ შემუშავებული, უახლესი, 50 მილიმეტრიანი, ავტომატური ქვემეხით.

მანქანა, აშშ-ს არმიის პროგრამის, სახელწოდებით Mobile Protected Firepower, ფარგლებში შესრულებული სამუშაოების გამოყენებით იქნა შექმნილი. ამ პროექტის ფარგლებში, კომპანია აშშ-ს არმიას Griffin II სთავაზობს. აღნიშნული მანქანა ტანკ Abrams-ის 105 მილიმეტრიანი ქვემეხითაა აღჭურვილი.

AUSA-ზე გამოყვანილ Griffin-III ექვს ქვეითს იტევს და ისეთი სფეროების განვითარების და მიხედვით, როგორიცაა მაგალითად ხელოვნური ინტელექტი, მისი მართვა ორ კაცსაც შეეძლება.

როგორც მწარმოებელი იუწყება, მანქანის კოშკურის დიზაინი, მათ შორის სიმაღლე და სიგანე, დამოკიდებულია 50 მილიმეტრიანი ქვემეხის გაბაირტებზე. კოშკურის სიგანე დიდი ზომის ჭურვების მიზეზით, მანქანის სიგანის ტოლია, ამასთან მანქანის მთლიანი სიმაღლეც გაზრდილია, რაც ქვემეხს + 85 გრადუსით აწევის და - 20 გრადუსით დაწევის შესაძლებლობას ალძევს..

ქვემეხისა და კოშკურის საცეცხლე გამოცდების დაწყება შემდეგ ზაფხულსაა დაგეგმილი, თუმცაღა ეს გამოცდები საბრძლო მანქანის კორპუსის გარეშე მოხდება. კოშკურის შექმნას წელიწადნახევარი დასჭირდა, ის მოდულური კონსტრუქციისა და მასში საჭიროების შემთხვევაში, უკვე აპრობირებული 30 მილიმეტრიანი ქვემეხის დამონტაჟებაც შეიძლება. 

AUSA-ზე გამოყვანილი მანქანა აღჭურვილი იყო ადს Iron Fist-თ, კომპანია Armorworks-ის ორიგინალური ჰექსაგონური შენიღბვის კოპლექს Tacticam-ით და გაუმჯობესებული ოპტიკური სისტემა MX-GCS-ით. მანქანის გადარჩენადობას ასევე უზრუნველყოფს წრიული ხედვის კამერები და ლაზერული დასხივებეის სენსორები. მისი  სრული მასა, შემუშავებაში მყოფი დამატებითი ჯავშნის გარეშე, 40 ტონაზე ოდნავ მეტია.

წყარო:

AUSA 2018: General Dynamics swoops in with 50mm-equipped Griffin

F-35B-მ HIMARS-ის რაკეტის გამიზვნა მოახდინა

აშშ-ს საზღვაო ქვეითთა კორპუსი, HIMARS-ის ტიპის ზეზსუსტი სარაკეტო დანადგარის გამოყენების ინოვაციურ ხერხებსზე ატარებს ექსპერიმენტებს. სწორედ ამ ექსპერიმენტების ფარგლებში მათ კიდევ ერთ წარმატებას მიაღწიეს, როგორც ავიაციის მეთაურის მოადგილე, გენერალ-ლეიტენანტი რუდდერი ამბობს,  F-35B-ემ, Data Link-ის გამოყენებით, HIMARS-ის რაკეტას მისცა მიზანჩვენება. ავიაციის ისტორიაში, გამანადგურებლის ამ მიზნით გამოყენების ეს პირველი შემთხვევაა.

"ჩვენ მოვახერხეთ F-35-ისა და HIMARS-ის დაკავშირება და მისი წყალობით კონკრეტულ კვადრატში სამიზნეზე გასვლა" - ამის შესახებ გენერალმა რუდდერმა, ხუთშაბათს, "საერთაშორისო სტრატეგიული კვლევების ცენტრში" (Center for Strategic & International Studies - CSIS) ავიაციის მზადყოფნის დისკუსიაზე განაცხადა.

რუდდერის განცხადების თანახმად, ეს ოპერაცია Data Link-ის საშუალებით განხორციელდა. F-35B-ემ, თავისი სენსორების გამოყენებით, აღმოაჩინა სამიზნე, მის შესახებ ინფორმაცია Data Link-ის საშუალებით გადასცა HIMARS-ის, რომელმაც თავის მხრივ ცეცხლი გახსნა აღმოჩენილი სამიზნის მიმართულებით.

მისივე თქმით, ეს ისტორიული გასროლა საზღვაო ქვეითთთა კორპუსის "შეიარაღებისა და ტაქტიკის" ბოლო სწავლებაზე, არიზონას შტატში მდებარე იუმას სასროლეთზე განხორციელდა.

წყარო:

Marines connect F-35 jet to HIMARS rocket shot for first time

1973 წლის 6 ოქტომბერი - განკითხვის დღის ომი

1973 წლის 6 ოქტომბერს დაიწყო იომ ქიფურის  (განკითხვის დღის) ომი. თავისი სატანკო შეტაკებებით, ალბათ ერთ-ერთი ყველაზე მაშტაბური შეტაკება. ომში ებრაელებმა კიდევ ერთხელ დაამტკიცეს თავისი პროფესიონალიზმი და სამშობლოს სიყვარული. არაბები კიდევ ფეხებით წინ გაიტანეს ბრძოლის ველიდან (ეს უკვე მერამდენედ).

კონფლიკტში წარმოდგენილი ძალები

დაჭრილი არიელ შარონი თავის ქვედანაყოფთან ერთად სინაის ნახევარკუნძულზე მიმდინარე ბრძოლების დროს

აღნიშნულ კონფლიკტთან დაკავშირებით ბლოგზე რამოდენიმე სტატია დაიწერა (თუმცა სტატიების დასრულება ვერ მოხერხდა):

• 1973 წელი - "განკითხვის დღის" ომი
• 1973 წელი - "განკითხვის დღის" ომი (II)
• 1973 წელი - "განკითხვის დღის" ომი (III)
• 1973 წელი - "განკითხვის დღის" ომი (IV)

P.S. თუმცაღა არსებობს ალტერნატიული ვერსიაც - სირიაში გუშინ ამ ომში გამარჯვების დღე აღნიშნეს. ნუ ეტყობა ვისი გავლენაცაა, ალტერნატიული ისტორიის ყველაზე მაგარი პროფესიონალები ერთ ცნობილ ქვეყანასა ყავს.

Со времени как 45 лет назад Сирия отпраздновала Октябрьскую победу сирийский народ много раз доказал, что готов бороться за независимость своей страны, чего бы ему это не стоило. 

Потерпев поражение на полях Октябрьской войны, израильский враг продолжил плести заговоры против Сирии, но был разгромлен три раза подряд – в 1982, в 2000 и 2006 годах.

წყარო - Годовщина победы в Октябрьской освободительной войне 1973 года ознаменована успехами САА и сирийского народа в борьбе с терроризмом