ტანკ Altay–ს ახალი ვიდეო

ინტერნეტში გავრცელდა თურქული ტანკის, Altay–ს ახალი ვიდეო (ამ თურქულ ტანკზე ბლოგში არაერთხელ ვწერდი – MBT Altay (დეტალიზაცია), Leopard-2HEL vs Altay (ნაწილი–I), Leopard-2HEL vs Altay (ნაწილი–II), Leopard-2HEL vs Altay (ნაწილი–III), Altay (ფოტოები), Altay–ს მეორე პროტოტიპი (ვიდეო და სურათები)). ვიდეოშ ჩანს ამჟამად არსებული ორი პროტოტიპი – ერთი სავალი გამოცდებისთვის (MTR: Mobile Test Rig), ხოლო მეორე საცეცხლე გამოცდებისთვის (FTR: Firing Test Rig).

ვიდეოს დასაწყისში ჩანს FTR, რომელიც საცეცხლე გამოცდებს ასრულებს. საცეცხლე გამოცდებს ტანკი დღისით და ღამით ახორციელებს გაჩერებული მდგომარეობიდან (ერთ მომენტში ტანკი 90 გრადუსით მობრუნებული კოშკურით ისვრის). ვიდეოში ასევე ჩანს ტანკის შიგნიდან გადაღებული სროლის მომენტიც, როდესად ქვემეხი უკუგორვას ასრულებს და გასროლილი ჭურვის მასრას აგდებს.
ვიდეოში ასევე ჩანს სავალი გამოცდები, რომელსაც MTR ასრულებს, რომელსაც კოშკურის ნაცვლად შესანიღბი ბადის ქვეშ მასო–გაბარიტული იმიტატორი უყენია. მანქანა უგზოობაზე და თოვლიან რელიეფზე ახროციელებს დინამიკურ მანევრებს.

შეგახსენებთ რომ გასული წლის ბოლოს MTR–მა 3600კმ–ზე მეტი გაიარა – ეს მანძლი პროტოტიპმა უგზოობაზე, წინაღობათა ზოლზე და მყარი და რბილი საფარველის მქონე გზებზე გაიარა.

ასევე აღსანიშნავია რომ ვიდეოში FTR–ის მოძრაობისას კოშკურა და ქვემეხი ჩაკეტილ მდგომარეობაშია (სტაბილიზატორი არ გამოიყენება). რაც სავარაუდოდ იმაზე მიუთითებს რომ ტანკის სტაბილიზატორი ჯერ მზად არაა.