ჯავშან მუყაო კუმულაციური ჭურვის წინააღმდეგ

ქალაქი მარავი, "Karton-5"-ით აღჭურვილი ფილიპინელი საზღვაო ქვეითების LAV-300, რომელიც ISEA-ს მიერ წარმოებულ ПГ-2-ს გადაურჩა.

Тигр Next - რუსული Тигр-ის ახალი მოდიფიკაცია

ჯავშანი ავტომობილი Тигр-ის მწარმოებელმა, კომპანია ГАЗ-მა, საცდელ საკონსტრუქციო სამუშაო "Атлет"-ზე მუშაობის დაწყება შარშან დააანონსა. ახალი მანქანა Тигр-ის გაუმჯობესებულ ვარიანტს წარმოადგენს.

Тигр Next-ის სახელით ცნობილი ახალი მანქანის ტტმ უცნობია, მაგრამ ინტერნეტში გავრცელებული ფოტო-ვიდეო მიხედვით თუ ვიმსჯელებთ, მისი წინამორბედის ყველაზე სერიოზული კონსტრუქციული ხარვეზი გამოსწორებულია - V-სებური ფსკერი გაზრდილ ნაღმედეგობაზე მიუთითებს. მწარმოებლის განცხადების თანახმად 6 კგ ტროტილზეა გათვლილი, ასევე 1600 კილოთი გაზრდილია მანქანის ტვირთამწეობაც.

რუსეთის სადესანტო ჯარების ახალი საარტილერიო დანადგარი "Лотос"

რუსეთის სახელმწიფო კორპორაცია როსტექში შემავალი "ზუსტი მანქანათმშენებლობის ცენტრალური სამეცნიერო-კვლევითი ინსტიტუტის" მიერ შექმნილი 120 მილიმეტრიანი თვითმავალი საარტილერიო დანადგარი "Лотос". დანადგარი რუსეთის საჰაერო-სადესანტო ჯარებისთვისაა განკუთვნილი ამიტომაც ის მობილურობით გამოირჩევა - მისი ზომები საჰაერო სადესანტო ოპერაციებზე აადაპტირებული. 

ვიდეო სიუჟეტში, მანქანის შექმნისა და მის ძირითად მახასიათებლებზე, მისი მთავარი კონსტრუქტორი საუბრობს - კონსტრუქტორის სიტყვების მიხედვით თუ ვიმსჯელებთ, მიახლოებით შემდეგი აზრის გამოტანა შეიძლება - "გავაკეთეთ ის რაც შეგვიკვეთეს - იმათ უკეთ იციან რაც ესაჭიროებათ, მაგრამ დიდი უაზრობაა ეს სადესანტო ჯარებიო".

F-35-ის ფასი კიდევ უფრო შემცირდა

პენტაგონმა და კომპანია Lockheed Martin-მა F-35-ების წარმოების შესახებ შეთანხმებას მიაღწიეს. როგორც აშშ-ს თავდაცვის მინისტრის მოადგილემ "შესყიდვებისა და მდგრადი განვითარების" საკითთხებში, ელლენ ლორდმა, განაცხადა:

"პენტაგონმა და კომპანაია Lockheed Martin-მა უახლესი გამანადგურებლების Lot 12-ის შესახებ შეთანხმებას მიაღწიეს, შეთანხმება ასევე მიღწეული Lot 13-ისა და 14-ის ოპციების თაობაზეც. აღსანიშნავია, რომ F-35-ების წარმოების ისტორიაში ეს ყველაზე მსხვილი შესყიდვაა. შეთანხმება 34 მილიარდ აშშ დოლარს უტოლდება, რომლის თანბახმადაც Lot 12-დან 14-ის ჩათვლით პენტაგონს 478 ცალი F-35 უნდა მიეწოდოს, აქედან 157 ცალი Lot 12-ის ფარგლებში. 

ჯერ-ჯერობით უცნობია გამანადგურებლების საბოლოო ღირებულება (Unit Recurring Flyaway - URF), ამის შესხებ დეტალური ინფორმაცია სერტიფიცირების შემდეგ გასაჯაროვდება. მაგრამ მე შემიძლია სიმაყაით აღვნიშნო, რომ ამ შეთანხმების წყალობით F-35A-ს ღირებულება Lot 11-თან შედარებით Lot 12-ში 8,8%-ით შემცირდა. ასევე აღსანიშნავია, რომ Lot 11-დან Lot 14-მდე ღირებულება 15% შემცირდება. ამ ციფრებიდან გამომდინარე F-35A-ს ღირებგულების 80 მილიონ დოლარზე დააბლა ჩამოწევა დაგეგმილზე ერთი წლით ადრე მოხერხდა".

წყარო:
Pentagon and Lockheed Martin Reach Handshake Agreement on F-35 Production Contract

P.S. F-15X ჯერ არ შეუძენიათ და უკვე ეფექტურად მუშაობს.

საჰაერო ბრძოლისთვის გამზადებული F/A-18E Super Hornet სირია/ერაყის თავზე

სირიისა და ერაყის საჰაერო სივრცეში მფრენი აშშ-ს ფლოტის F/A-18E Super Hornet. გამანადგურებელი საკმაოდ საინტერესო საბრძოლო დატვირთვითაა აღჭურვილი - 4 ცალი AIM-120C, 2 ცალი AIM-9X  და ყოველი შემთხვევისთვის 2 ცალი GBU-54 LJDAM (გამანადგურებელზე ასევე აყენია დაზვერვისა და დამიზნების კონტეინერი Litening და დამატებითი საწვავის ავზი) - როგორც ჩანს რუსების ავიაციასთან შეხვედრის შანსი უფრო დიდია ვიდრე სახმელეთო სამიზნეების აღმოჩენისა.

Just a nice pic - MV-22 Osprey "Elephant Walk"

აშშ-ს საზღვაო ქვეითების ავიაციის მე-3 ავიაფრთის სწავლების ფარგლებში 27 კონვერტოპლანი Bell MV-22 Osprey და 16 ვერტმფრენი Sikorsky CH-53E Super Stallion მასირებული აფრენისთვის ემზადება. კალიფორნია, აშშ-ს საზღვაო ქვეითების ბაზა "მირამარი".

ამერიკული Patriot-ის ახალი საზენიტო რაკეტა

როგორც ინტერნეტ რესურსი DefenseNews თავის სტატიაში, სახელწოდებით "House panel wants cheaper Patriot missile", იუწყება -  აშშ-ს არმიის მინისტრმა, კონგრესის დავალებით, Patriot-ისთვის განკუთვნილი ახალი, იაფი და უნივერსალური საზენიტო რაკეტის ვარიანეტები უნდა მოიძიოს.

Patriot-ის გზაგადამჭრელი რაკეტის ღირებულება 5 მილიონ აშშ დოლარს უტოლდება, შესაბამაისად როგორც აშშ-ს წარმომადგენლობითი პალატის შეიარაღებული ძალების კომიტეტი, ასევე უცხოელი მყიდველები, ეძებენ მარაგების შევსების იაფ გზებს. მათი მიზანია რომ რაკეტის ღირებულება 5-ჯერ შეამცირონ და მილიონ დოლარამდე დაწიონ .

ექსპერტების ვარაუდიდთ, Patriot-ის ახალი რაკეტა, ინდექსით PAAC-4 (Patriot Advanced Affordable Capability-4), სხვა არაფერია თუ არა Stunner, რომელიც ებრაული რაკეტაა და ჰსთ კომპლეს "Kelah Da'vid"-ის (ეგრეთ წოდებული "დავითის შურდული") შემადგენლობაში შედის.

ჰსთ კომპლეს "Kelah Da'vid"-ის შემადგენლობაში შემავალი, Raytheon-ისა და ებრაული Rafael-ის ერთობლივ ქმნილება - საზენიტო რაკეტა Stunner

რაკეტა ამერიკული Raytheon-ისა და ებრაული Rafael-ის ერთობლივ ქმნილებას წარმოადგენს. მის განმასხვავებელ ნიშანს კუზიანი, ეგერთ წოდებული "დელფინის ტიპის", რაკეტა წარმოადგენს, რომელშიც მულტისენსორული დამიზნების თავაკია განთავსებული - წინ ელექტრო-ოპტიკური/ინფრაწითელი დამიზნების და კუზის უკან რადიოაქტიური. მსგავსი კონფიგურაცია რაკეტისთვის ხარვეზების დადგმას ფაქტიურად არაეფექტურს ხდის.

აღნიშნული რაკეტა არსებულისგან შემდეგი მონაცემებით განსხვავდება:

• მისი ღირებულება PAC-2-ის 20% უდრის (არა იაფია 20%-ით, არამედ 20%, ანუ ერთი მეხუთედია)

• აღჭურვილია ინფრაწითელი/ელექტრო-ოპტიკური/რადიო დამიზნების თავაკით (ამასთან არსებობს ვარაუდი რომ რადიოდამიზნების თავაკი აქტიურია)

• ძრავა ორ საფეხურიანი, მრავალიმპულსური (3 ან მეტი)

• შეუძლია გაანადგუროს ტაქტიკური ბალისტიკური და ფრთოსანი რაკეტები და მსხვი კალიბრის ჭურვები

• ფრენის მაქსიმალური მანძილი 175 მილი

აშშ-ს სამოქალაქო ავიაციის ყველაზე საიდუმლო აპარატი - Celera 500L

აშშ-ს სამოქალაქო ავიაციის ყველაზე საიდუმლო აპარატი, Celera 500L, პირველი ფრენისთვის ემზადება. აღნიშნული თვითმფრინავი, ზედმეტსახელად "ტყვია", საწვავის მაღალი ეფექტურობით გამოირჩევა.

2017 წელს პირველად გახდა ცნობილი კომპანია Otto Aviation-ის მიერ შექმნილი თვითმფრინავის შესახებ, რომელსაც თავისი ფორმის გამო ზედმეტსახელად "ტყვია" ეწოდა. ორი წლის შემდეგ, 2019 წლის პირველ ნახევარში, თვითმფრინავი სამხრეთ კაროლინაში, ვიკტორვილთან მდებარე მომარაგების აეროპორტში ხელახლა იქნა შემჩნეული - თვითმფრინავმა აეროდრომზე გარბენი შეასრულა და როგორც ჩანს პირველი ფრენისთვისაც ემზადება. მიუხედავად იმისა, რომ თვითმფრინავ Otto Aviation Celera 500L-ის დიაზინში ბევრი რამე გაურკვეველი და უცნობია, მაინც შეგვიძლია დარწმუნებით ვთქვათ - ის თავისი მაღალეფექტური ფრენის წყალობით სრულიად შეცვლის არსებული ავიაკოსმოსური ტექნიკის თამაშის წესებს და არაა გამორიცხული რომ ბაზრის რადიკალური გადაორიენტირებაც კი გამოიწვიოს.

ბოლო პერიოდში გავრცელებულ ფოტოებში, თვითმფრინავის კუდზე აშშ-ს საერგისტრაციო ნომერი "N818WM" არის დატანილი, რაც 2017 წლის ფოტებისგან განსხვავებით მის სიმწიფეზე მოწმობს.

საპატენტო დოკუმენტაციის თანახმად - თვითმფრინავის მომსახურება უნდა იყოს მარტივი, მას ერთი პილოტი უნდა მართავდეს და მას ყველა არსებული ასაფრენი ბილიკდან უნდა შეეძლოს ფრენების განხორციელება.

პატენტში ასევე საუბარია პირობითი თვითმფრინავის მონაცემებზე - მისი მაქსიმალური სიჩქარე 460-510 მილი საათშია (740-820 კმ/სთ), ფრენის მაქსიმალური სიმაღლე 65 000 ფუტი (20 კილომეტრი). მოცემულ სიმაღლესა და სიჩქარეზე თვითმფრინავის საწვავის ეფექტურობამ 30-42 მილი გალონზე უნდა შეადგინოს. შედარებისთვის მსუბუქი, ერთძრავიანი Pilatus PC-12-ის კრეისერული სიჩქარე 330 მილ მსაათს (531 კმ/სთ) უდრის, ფრენის სიმაღლე 30 00 ფუტია (9 კილომეტრი), ხოლო მისი საწვავაის ეფექტურობა 5 მილი გალონზეა. ასევე შეგვიძლია მოვიყვანოთ Celera 500L-ის სიჩქარის მქონე Learjet 70 (რომლის ფრენის ჭერი შედარებით ნაკლებია) - აღნიშნული თვითმფრინავი კრეისერული სიჩქარით ფრენისას გალონით 3 მილს გადის. ამგვარად გამოდის, რომ Otto Aviation-ის თვითმფრინავის საწვავაის ეფექტურობა 6-10-ჯერ მაღალია. 

ამგვარი ეფექტურობის მიღწევას თვითმფრინავი კომპანია "Raikhlin Aircraft Engine Developments"-ის (RED) ძრავა A03 V12-ით გეგმავს.

ძრავა RED A03 

თვითმფრინავი Celera 500L, 2017 წელი

თვითმფრინავი Celera 500L, 2019 წელი

უკრაინულ-თურქული დისტანციური საბრძოლო მოდული "SERDAR"

ტსმრ-ით აღჭურვილმა უკრაინულ-თურქულმა უახლესმა დისტანციურმა საბრძოლო მოდულმა "SERDAR"-მა უცხოელი შემკვეთისთვის გამოცდები გაიარა.

უკრაინაში უცხოელი შემკვეთისთვის შექმნილი ახალი მოდულის - "SERDAR"-ის საკვალიფიკაციო გამოცდები დასრულდა. ამგვარად თურქული "Aselsan"-ისა და უკრაინული "Луч"-ის და "СпецТехноЭкспорт"-ის ერთობლივი ქმნილება სერიული წარმოებისთვის მზადაა. მწარმოებელი ასევე იმედოვნებს, რომ მოდულით თურქული და უკრაინული სამხედროებიც დაინტერესდებიან.

უკრსინაში განხორციელებული "SERDAR"-ის საცეცხლე გამოცდები

თურქული მხარე სისტემის შექმნასა და ინტეგრაციაზე იყო პასუხისმგებელი, კერძოდ - სტაბილიზაციის, ცეცხლის მართვის, სამიზნის აღმოჩენისა და გაცილების, ინფრაწითელი/ვიდეო გამოსახულების, ლაზერული მანძილმზომისა და სხვა სისტემებზე. თავის მხრივ "СпецТехноЭкспорт" უზრუნველყოფს "Луч"-ში შექმნილი ტსმრ "СКІФ"-ის და მისი მართვის სისტემის მიწოდებასა და ინტეგრაციას.

ტანკსაწინააღმეგო კომპლექსით აღჭურვილი მოდული "SERDAR" წარმოადგენს დისტანციურად მართვადი შეიარაღების უნივერსალურ სტაბილიზირებულ სისტემას, რომელიც ცუდ ამინდში და დღისა-ღამის პირობებში უზრუნველყოფს შეტევითი და თავდაცვითი ოპერაციების მაღალ ექფეტურობას.

მოდულის ძირითად იარაღს მართვადი ტანკსაწინააღმდეგო კომპლექსი "СКІФ" წარმოადგენს. მოდულზე კომპლექსში შემავალი РК-2С ტიპის 2 რაკეტა აყენია (შესაძლებელია 4-ის დაყენებაც). ამ 130 მილიმეტრიან მართვად რაკეტებს 5 კილომეტრის მანძილზე შეუძლიათ დინამიკური დაცვის მიღმა 800 მილიმეტრი ჯავშნის გარღვევა. ამას გარდა მოდული 12,7 და 7,62 მილიმეტრიანი ტყვიამფრქვევებითაც არის აღჭურვილი.

შემკვეთის სურვილის შემთხვევაში "SERDAR"-ზე კომპლექს "СКІФ"-ში შემავალი 152 მილიმეტრიანი РК-2М ტიპის რაკეტების დაყენებაა შესაძლებელი. მსგავს მოდიფიკაციაში მოდულის საბრძოლო დისტანცია 5,5 კილომეტრამდე გაიზრდება, ხოლო ჯავშანგამტანობა დინამიკური დაცვის მიღმა 1100 მილიმეტრს გაუტოლდება.

მოდული ორ სიბრტყეშია სტბაილიზირებული, ის მცირე წონითა და მოცულობით ხასიათდება და მისი ინტეგრირება სხვადასხვა პლატფორმებზეა შესაძლებელია.