უკრაინელ მზვერავებს ქართველი ისნტრუქტორები წვრთნიან

ქალაქ მარიუპოლთან მდგომარეობა ისევ დაძაბულია, მიმდინარეობს სროლები, მაგრამ რუსი ტერორისტები იერიშს არ გეგმავენ. ამავდროულად უკრაინული არმია ახალ სადაზვერვო ბატალიონს ამზადებს.

უკრაინული დაზვერვის თანახმად, ნოვოაზოვსკის რაიონში რუსული ჯარი ღრმად ზურგში გაიყვანეს და წინა ხაზზე მხოლოდ დაქირავებულები და ადგილობრივი ბანდები იბრძვიან. აქ მათ რუსი ინსტრუქტორები ამზადებენ, რომლებიც ფრონტის ხაზს პოლიგონად იყენებენ.

ოკუპანტების მიერ ტაქტიკის შეცვლამ, უკრაინულ მხარეს ქვედანაყოფების ახალი ძალებით შევსების დრო მისცა. მაგალითად დრეს, მარიუპოლში მიმდინარეობს 129–ე სადაზვერვო ბატალიონის ფორმირება. ამ ქვედანაყოფის დანიშნულებაა ფრონტის წინა კიდეზე ბრძოლით დაზვერვის განხორციელება. სამხედრო მეთაურობა დარწმუნებულია, რომ მანევრული და გაწვრთნილი ჯგუფების მიერ სწრაფი დარტყმების მიყენება მოწინააღმდეგეს სერიოზულ ზიანს მიაყენებს.

129–ე სადაზვერვო ბატალიონს უცხოელი ინსტრუქტორები ამზადებენ, მათ შორის ქართველი, სადაზვერვო სამსახურის ყოფილი ხელმძღვანელი, ირაკლი ქურასბედიანი (ირაკლის შესახებ უკვე ვწერდი ბლოგზე – ქართველი უკრაინის სამსახურში vol.3 - ირაკლი ქურასბედიანი: პრორუსულად განწყობილ სეპარატისტებს დიდი დღე არ უწერიათ).

ვიდეოსიუჟეტი

ომის უკანა მხარე

ბევრში და მათ შორის ჩემშიც ომი სიმამაცესთან, ვაჟკაცობასთან, მეგობრობასთან და ბევრ რაღაცა სხვა ემოციებთან ასოცირდება. მოკლედ გვიყვარს ომის რომანტიზირება რა საზოგადოებს. არა და ომის უკან თვითოეული მონაწილის ბედი დგას და ყველაზე მტკივნეული მაინც ბავშვები არიან, ბავშვები რომელთა ფსიკიქაც ძალიან დიდი ზეწოლას და დეფორმაციას განიცდის ომის წნეხის ქვეშ – რა ჯანდაბა უნდა ამ ბავშვებს ეხლა ამ ბლოკ–პოსტზე?

Микола Хорішко:

Встретился мне по дороге детский Блокпост. и заболело сердце у меня...

пришлось подгонять минибойцам налокотники которые стали им наколенниками и сухпай армейский. радости было.

сами строили, сами стоят. самому старшему 16, младшему 5 думаю

P.S. ქალბატონებო თვალები დახუჭეთ .................................. ..................... ................ ............... .............. .......................... .................. ......................... ................ ............... .......................... ............................. ........................ ..................... ...................... ............................... .................. რუსებო თქვენს დედას შევეცი, როდემდე უნდა ასახიჩროთ ჩვეი ცხოვრება, ჩეჩნეთი, საქართველო, უკრაინა!!! დაიხრჩობით, ყელზე დაგადგებით.

პირდაპირი მოხვედრით დაზიანებული ტანკი

93–ე ცმბ–ის ოფიცრის სიტყვების თანახმად, ტანკ  Т–64–ის კოშკურაში ჰაუბიცა Д–30–ის 122მმ–ნი ჭურვი მოხვდა. ტანკი მწყობრიდანაა გამოსული, ეკიპაჟი, როგორც ამბობენ, არ დაზარალებულა.

კანადური დახმარება უკრაინულ არმიას

ოტტავა – როგორც ოთხშაბათს კანადის თავდაცვის მინისტრმა რობ ნიკოლსონმა (Rob Nicholson) განაცხადა, კანადა პრო მოსკოვურ სეპარატისტებთან მებრძოლ უკრაინულ არმიას 30 000 საზამთრო ჩაცმულობის კომპლექტს გადასცემს, კომპლექტში ცივი კლიმატისთვის განკუთვნილი პალტო, ჩექმები, ხელთათმანები და სხვა საჭირო ჩასაცმელი შედის.
პრეს–კოფრენეციაზე მინისტრის მიერ გაკეთებული განცხადების თანახმად ტვირთი კიევში ოთხშაბათს უნდა ჩავიდეს.

მომდევნო წლის დასაწყისში კანადა უკრაინას არალეტალური სამხედრო დახმარების მეორე პარტიას გაუგზავნის. დახმარებაში შევა ისეთი აღჭურვილობა, როგორიცაა – მობილური საველე ჰოსპიტალი, ღამე ხედვის ხელსაწყოები, ნაღმების უტილიზაციის მოწყობილობები და ტაქტიკური კავშირის აპარატურა, ყველაფერი ეს საზღვაო გზით იქნება გაგზავნილი.

წყარო:

Canada to dress Ukrainian soldiers for winter warfare

აშშ გეგმავს უკრაინას ფინანსური და სამხედრო დახმარება გაუზარდოს

ჯონ ბაიდენის მაროკოში, უკრაინასა და თურქეთში ვიზიტისას ამერიკელმა მაღალჩინოსანმა ჟურნალისტებს განუცხადა: ბარაკ ობამას ადმინისტრაცია გეგმავს უკრაინას სამხედრო დახმარება გაუზარდოს და იმედი აქვს რომ კონგრესი 2015 ფინანსური წლისთვის ბიუჯეტიდან ამ მიზნებისთვის დამატებით თანხებს გამოყოფს.

როგორც ერთმა ამერიკელმა მაღალჩინოსანმა განაცხადა – აშშ გაფართოებს უკრაინის დახმარებას უსაფრთხოების სფეროში. პირველი სამი ცალი კონტრნაღმტყორცნული რადარი ამერიკამ უკვე გადასცა უკრაინის არმიას, მალე დანარჩენებიც გადაეცემა.

უკრაინას ასევე გადაეცემა გარკვეული რაოდენობის აღჭურვილობა, პენტაგონის არსენალში მყოფი ჭარბი მარაგებიდან საარმიო ავტომობილები, მათ შორის ყველგანმავალი HMMWV–ეები. აშშ–მ უკვე გამოყო 100 მილიონი დოლარი და გეგმავს დახარჯოს ათობით მილიონი უკრაინის არმიის გასაწვრთნელად. დაგეგმილი დაფინანსება კონგრესის განხილვაზეა გამოტანილი. ამერიკელმა მაღალჩინოსანმა განაცხადა რომ უკრაინას დახმარება ბევრმა ქვეყანამ და საერთაშორისო ორგანიზაციამ უნდა აღმოუჩინოს. როგორც პრეზიდენტის ადმინისტრაციის პრეს–მდივანმა განაცხადა – შეერთებულ შტატებს არ ძალუძს უზრუნველყოს შესაბამისი დახმარება და ამიტომ მოელის რომ საერთაშორისო სავალუტო ფონდი და ევროპა მიიღებენ ამაში მონაწილეობას. კიევისთვის სამხედრო დახმარების გაზრდის შესახებ განცახდება ვაშინგტონში, ბაიდენის ვიზიტის დროს გაკეთდა, რაზეც მოსკოვმა ეგრევე გაამახვილა ყურადღება და განაცხადა რომ თავდასხმითი იარაღის გადაცემა 17 აპრილის ჟენევის ხელშეკრულების დარღვევა იქნება.

წყარო:

United States plan to increase military assistance and additional funds to Ukraine.

12,7მმ ტყვიამფრქვევი КОРД სირიაში

უკრაინის ფონზე სირიისთვის დიდი ხანია ყურადღება აღარ მიმიქცევია, თუმცა იქაც საინტერესო ამბები ხდება. ამჯერად გამოჩნდა ჯობარში გადაღებული სირიის სამთავრობო ძალების რიგებში მომსახურე გოგონას ფოტოები, რომელიც მსხვილკალიბრიან ტყვიამფრქვევთან პოზირებს. საინტერესო ისაა რომ გოგონა უახლეს რუსულ "КОРД"–ს მართავს , მანამდე ეს ტყვიამფრქვევი სირიაში შემჩნეული არ ყოფილა. ტყვიამფრქვევი კოვროვში, დეგტირიაევის სახელობის ქარხანაში იწარმოება.

წყარო:

12.7-мм пулемет КОРД в Сирии

ბალისტიკური რაკეტა "Булава"–ს წარმატებული გაშვება

სააქციონერო საზოგადოება "Корпорация "Московский институт теплотехники" (МИТ) წარმოადგინა სტრატეგიული დანიშნულების საკონტინტთაშორისო ბალისტიკური რაკეტა "Булава"–ს წარმატებული გამოცდის ფოტოები, რომელიც თეთრი ზღვის აკვატორიიდან სტრატეგიული დანიშნულების წყალქვეშა სარაკეტო კრეისერმა  К-551 «Владимир Мономах»-მა (Проект 955) 2014 წლის 10 სექტემბერს სახელმწიფო გამოცდების ფარგლებში განახორციელა. გაშვება ეკიპაჟმა, მე–2 რანგის კაპიტნის, ალექსანდრე ნადეჟდინას მეთაურობით განახორციელა. რაკეტის ტრაექტორიის პარამეტრები საშტატოდ შესრულდა, საბრძოლო ბლოკებმა კამჩატკაზე, პოლიგონ კურაზე წარმატებით მიაღწიეს. 

წყარო:

Запуск "Булавы" с "Владимира Мономаха" 10 сентября 2014 года

ბრიტანულ–პოლონური სწავლება "Black Eagle–2014"

დასავლეთ პოლონეთში ბოლო კვირაა ინტენსიურად მიმდინარეობს ბრიტანულ–პოლონური ერთობლივი სწავლება "Black Eagle–2014" (ამ სწავლების შესახებ ბლოგზე უკვე ვწერდი – ბრიტანული ჯავშანი პოლონეთში). სწავლებაში ბრიტანეთის მხრიდან მე–3 დივიზიის 1300–ზე მეტი სამხედრო მოსამსახურე და 100–ზე მეტი საბრძოლო ტექნიკა, მათ შორის ძსტ  Challenger–2–ები და ქსმ Warrior-ები, ღებულობენ მონაწილეობას.

ტიდვორტის ბაზაზე დისლოცირებული მისი აღმატებულება სამეფო ჰუსარების (King’s Royal Hussars – KRH) პოლკი, რომელიც ტანკ Challenger 2–ის მეწინავე ოპერატორია, პოლონურ ტანკ Leopard-2–ებთან ერთად ახორციელებს საცეცხლე და სამანევრო სწავლებებს, ამის პარალელურად ქვეითთა მხარდაჭერას ახორციელებდა პოლკ 1R Welsh–ის 1–ლი ბატალიონი.

ეს სწავლება ხორციელდება ბრიტანეთის მიერ, NATO–ს ძალისხმევის ფარგლებში, მოკავშირე ქვეყნების დახმარების დემონსტრირებისათვის და ასევე იმის საჩვენებლად რომ ბრიტანეთს უმოკლეს ვადებში შეუძლია ჯარების საჭირო რეგიონში გადასროლა.

დამატებითი ინფორმაცია სწავლების შესახებ იხილეთ შემდეგ ბმულზე:
British Army on Polish NATO exercise



P.S. ისე ჩემის მხრივ დავამატებდი, რომ ასეთი სანახაობა კარგა ხანია სანატრელი გახდა – რუსეთის გადამკიდე, ევროპაც აჩუჩუნდა.

F-35–ის ფასი დაბლა იწევს

მათთვის ვინც თემითაა დაინტერესებული, წარმოგიდგენთ F–35–ების განახლებულ ფასებს (წინა პარტიების ფასებზე უკვე ვწერდი – 7,8 მილიარდ დოლარად 71ცალი F-35), რომელიც პენტაგონსა და Lockheed Martin–ს შორის LRIP-8  (დაბალი ტემპით საწყისი წარმოების მე–8 პარტია / Low-Rate, Initial Production-8) ხელშეკრულების გაფრომებისწინა მოლაპარაკებების შედეგად გახდა ცნობილი.

ხელშეკრულება ეხება 43 გამანადგურებელს, რომელთა საერთო ფასიც 4,7 მილიარდი დოლარია, რაც LRIP-7–თან შედარებით საშუალოდ 3,5% იაფია და ...... 57%–თ LRIP–1–თან მიმართებაში.
ფასები ტიპების მიხედვით ასე გამოიყურება:

• F-35A $94.8 million/airframe
• F-35B $102.0 million/airframe
• F-35C $115.7 million/airframe

ფასები ძრავების გარეშეა მოცემული. ძრავების შესახებ პენტაგონმა Pratt & Whitney–სთან ცალკე, 1,05 მილიარდი დოლარის ღირებულების ხელშეკრულება გააფორმა, რომლის თანახმადაც კომპანიამ შემკვეთს 48 რეაქტიული ძრავა უნდა მიაწოდოს. თავის მხრივ ეს ღირებულება  LRIP-7–თან შედარებით 4,5% იაფია.

წყარო:
Pentagon, Lockheed Sign F-35 LRIP 8 Deal