"დელტას" პროდუქციის ექსპორტზე მუშაობა მიმდინარეობს

2017 წლის განმავლობაში "დელტა" არსებული კონტრაქტების შესრულებას ახორციელებდა, 2018 წლის მდგომარეობით კი ქართული შეიარაღების ექსპორტის თაობაზე მუშაობა მსოფლიოს 40-ზე მეტ ქვეყანასთან მიმდინარეობს. სსსტც „დელტას“ გენერალურმა დირექტორმა უჩა ძოძუაშვილმა ტელეკომპანია "პირველის" ეთერში, გადაცემა "საქმის კურსში" გასული 2017 წელი შეაჯამა და სამომავლო გეგმებზეც ისაუბრა. „გასული 2017 წლის განმავლობაში „დელტა“ აქტიურად მუშაობდა კლიენტების მოთხოვნაზე მორგებული სერიული პროდუქტის წარმოებასა და დახვეწაზე. ასევე დაინტერესებულ ქვეყნებთან შეთანხმებითა და მათი მოთხოვნების გათვალისწინებით გადაიდგა ნაბიჯები ახალი პროდუქციის შექმნისკენ. შედეგად, 2018 წელს ცენტრი კვლავ შეძლებს გააგრძელოს მუშაობა საერთაშორისო კონტრაქტებზე“. 

„დელტას შესაბამისი გუნდი მსოფლიოს ყველა კონტინენტზე მუდმივ რეჟიმში მუშაობს პოტენციურ მყიდველებთან. ამ ეტაპზე გვყავს წარმომადგენლობა მსოფლიოს 40-ზე მეტ ქვეყანაში, ისინი აქტიურად მუშაობენ ადგილობრივ შემსყიდველებთან, რათა მოახდინონ ჩვენი პროდუქციის ექსპორტი.“

„დელტას მიერ შემუშავებული სეტყვასაწინააღმდეგო სისტემა უზრუნველყოფს 96-97 პროცენტიან ეფექტურობას, დარჩენილი 3-4 პროცენტი, ყველაზე უფრო მტკივნეულად ამახსოვრდება საქართველოს მოსახლეობას, რაც აბსოლუტურად ბუნებრივია. თუმცა, არ უნდა დაგვავიწყდეს დიდი რაოდენობით განეიტრალებული სეტყვასაშიში პროცესები და თავიდან აცილებული მნიშვნელოვანი ზარალი. რამაც გამოიწვია იმ ქვეყნების დაინტერესება, რომლებიც იყენებენ ძველ სისტემებს, რომელთა რეაგირების დრო საშუალოდ 7-15 წუთია მაშინ როდესაც ჩვენს სისტემას გადაწყვეტილების მიღებიდან პირველი გასროლის განხორციელებამდე საშუალოდ 15-20 წამი ჰყოფნის.“ 

„დელტა აქტიურად მუშაობს ინდივიდუალური დაცვის საშუალებების განვითარებაზე, ამავდროულად მივდივართ ჯავშანტექნიკის მიმართულებით, სადაც განსაკუთრებულ ფოკუსს ვაკეთებთ მოდულურ და მულტიფუნქციურ ჯავშანტექნიკაზე, ასევე ვმუშაობთ საარტილერიო სისტემების, ტანკსაწინააღმდეგო სისტემებისა და პირადი შეიარაღების მიმართულებებითაც.“ „მულტიფუნქციური მოდულური სისტემებით შესაძლებელია მრავალწლიანი კომერციული ურთიერთობების დამყარება, ვინაიდან ერთი ტიპის ჯავშანტექნიკის შემთხვევაში შესაძლებლობა გვეძლევა ერთი პლატფორმის ბაზაზე ათობით სხვადასხვა დანიშნულების ჯავშანმანქანა შევთავაზოთ.

ასევე, შესაბამისი მუშაობა მიმდინარეობს არსებული კადრების შენარჩუნების, მათი კვალიფიკაციის ამაღლებისა და ახალი კადრების მოზიდვის მიზნითაც. ამისათვის „დელტაში“ ფუნქციონირებს შესაბამისი სასწავლო ცენტრი".

წყარო:

საქართველოს თავდაცვის სამინისტრო / Ministry of Defence of Georgia

აშშ-ს ჯავშანტექნიკის აქტიური დაცვის სისტემების პროგრამის შესახებ

აშშ-ს არმიის ჯავშანტექნიკაზე აქტიური დაცვის სისტემების დაყენების გადაწყვეტილების შესახებ ბლოგზე უკვე ვწერდი (სტტია შემდეგ ბმულზე იხილიეთ - 2018 წელს Abrams-ი და Bradley აქტიური დაცვით აღიჭურვება) შეგახსენებთ რომ M1A2 Abrams-სზე ებრაული Rafael-ის წარმოების Trophy-ს,  Bradley-ზე  ებრაული IMI-ს Iron Fist-ის, ხოლო Stryker-ზე ამერიკული Aris Corporation-ის Iron Curtain-ის დაყენება გადაწყდა.

Iron Curtain-ით აღჭურვილი Stryker

Trophy-ით და Iron Fist-ით აღჭურვილი  Abrams და Bradley შესაბამისად

თითოეული ტიპის ჯავშანტექნიკის აქტიური დაცვის სისტემამ 3 საფეხურიანი გამოცდები უნდა გაიაროს. პირველი - მახასიათებლების ფაზა (characterization phase), იმის შემოწმება, რომ აქტიურ დაცვას მოცემულ ჯავშანტექნიკაზე საბაზისო სისტემებისთვის ხელის შეუშლელად მოქმედება შეუძლია, პლიუს საბაზისო გამოცდები. მეორე ეტაპი - სრულმაშტაბური გამოცდები (production-representative tests), ანუ სისტემის რეალურ საბრძოლო პირობებთან მიახლოებულ სიტუაციში გამოყენების გამოცდები. ამ გამოცდების სცენარი სამივე აქტიური დაცვის სისტემისთვის ერთნაირია. მესამე ეტაპი - სისტემის გაშლა (deployment of the system).

ამ მომენტისთვის მხოლოდ M1A2 Abrams-ზე გაწერილი Trophy იმყოფება გამოცდების მეორე ფაზაში, ეს საფეხური ზაფხულისთვის უნდა დსრულდეს, რის შემდეგაც დაიწყება მე-3 საფეხური. სხვა ორის სიტემა გრაფიკს ჩამორჩება, სხვა მიზეზებთან ერთად მათ შედარებით გვიან დაიწყეს გამოცდები, თანხები 2017 ფინანსურ წელს იქნა გამოყოფილი. ამ მომენტში Iron Fist  8 თვით, ხოლო Iron Curtain – 6 თვით ჩამორჩებიან გრაფიკს.

სისტემა Iron Curtain-ს რადიოლოკაციური სადგურის (რლს) ინტეგრაციასთან აქვს პრობლემა, რაც მის შეცვლასთანაა დაკავშირებული. ამ სისტემაში ინტეგრირებული იყო 2 სახეობის რლს - ებრაული Rada-ს RPS-10 და ამერიკული Mustang Technology Group-სის Mustang. რადგანაც Mustang-ის ინტეგრირება ადრე მოხდა, მაშინ შეცვლაში ალბათ RPS-10-ზე გადასვლა იგულისხმება, ამის მიზეზი სავარაუდოდ Mustang-ის ძალიან გაძვირება გახდა. სხვა პრობლემა - ეს გამოცდების დაწყების მომენტისთვის სისტემის საერთო მოუმწიფებლობაა (არასაკმარისი მზადყოფნა). ეს ეტაპი თებერვლის ბოლოსთვის უნდა დასრულდეს. რის შემდეგაც სამუშაოების გაგრძელების გადაწყვეტილება იქნება მიღებული.

Bradley-ზე დაყენებული Iron Fist-ის პრობლემა მთლიანობაში ამ ქსმ-ის ენერგეტიკულ სისტემასთანაა დაკავშირებული, რომელსაც საერთოდ არ შეეძლო რაიმე აქტიური დაცვის მაგვარი სისტემის უზრუნველყოფა. საჭირო გახდა სისტემაში ცვლილებების შეტანა, რომლის დროსაც Bradley-ს მომავალ მოდერნიზაციაში გაწერილი კომპონენტების გამოყენება გახდა საჭირო. მხოლოდ ამის შემდეგ გახდა შესაძლებელი სისტემის დაყენება და გამოცდების პირველი საფეხურის დაწყება. შემდეგში პრობლემები თვითონ აქტიური დაცვის სისტემაში გამოვლინდა: მისი მუშაობის ლოგიკა, ელექტროენერგიის ხარჯვის მართვა და ასე შემდეგ. IMI-ს სპეციალისტებს ხარვეზების აღმოფხვრის მიზნით, რეგულარულად უხდებოდათ ცვლილებების შეტანა, ბოლო ხარვეზზე მუშაობა დეკებრის ბოლოს მოუწიათ. თებერვლის შუა რიცხვებისთვის სავარაუდოდ შესწორებების შეტანა დასრულდება და ამის შემდეგ შესაძლებელი გახდება გამოცდების გაგრძელება.

Trophy-ს გამოცდები

ამ ორი სისტემის (Iron Fist და Iron Curtain) მიერ გამოცდების პირველი საფეხურის ჩაგდების შემთხვევაში, აშშ-ს არმია შეიძლება კონკურსიდან ადრე გაცხრილულ, გერმანული Rheinmetall-ის აქტიური დაცვის სისტემას,  ADS-ს (Active Defense System) მიუბუნდეს.

წყარო:
Systems to protect Stryker, Bradley vehicles from missile attacks delayed

აღსანიშნავია რომ პრობლემებს გამოცდებზე Abrams-იც წააწყდა. გასული წლის ივნისის ტესტებზე დამატებითმა წონამ (რომელიც 2,2 ტონას აღწევს), კოშკურის მობრუნებაში დისბალანსი გამოიწვია. ტანკის 5 გრადუსიან დახრაზე დაყენების შემთხვევაში ეკიპაჟს არ შეეძლო კოშკურის ხელით ობრუნება, ხოლო 8 გარდუსზე მეტი დახრის შემთხვევაში მობრუნების მექანიზმის სიმძლავრე საგრძნობლად მცირდებოდა. ტექნიკურმა ანალიზმა ასევე უჩვენა ქვემეხის სასხლეტის დაშვებასა და გასროლას შორის შეყოვების მაღალი ალბათობა.
2017 წელის სექტემბერში განხორციელებულმა შემდგომმა გამოცდებმა გაუმჯობესება უჩვენეს, შემცირდა კოშკურის მობრუნების მაჩვენებლის დეგრადაცია იმდენად რომ, ეკიპაჟს შეეძლო აქტიური დაცვის სისტემით აღჭურვილი ტანკიდან ბრძოლის წარმოება. ასევე არ შეიმჩნეოდა შეყოვნება გასროლების დროს. მიუხედავად ამისა, არმიას ჯერ არ გადაუწყვეტია ბოლომდე ამ ცვლილებების შეტანის შესახებ.

აღნიშნული პრობლემების შესახებ საუბარია FY2017 DOT&E annual report-ში:

- The June 2017 user assessment event identified a degradation in turret traverse performance resulting from an imbalance of the turret due to the additional weight of the Trophy system. The crew could not traverse the turret manually on slopes greater than 5 degrees and power traverse capability was degraded on slopes greater than 8 degrees.  Technical analysis indicated a high likelihood of delays between pulling the trigger and the main gun round actually firing.
-  The subsequent user testing in September 2017 identified several mitigations that reduced the degradation in turret traverse performance enough for crews to conduct combat operations with the additional weight, and the potential trigger delay problems were not observed during the event.  The Army has not made a final decision on the final configuration for mitigations.

ამერიკელი გენერლის ვერსია დეირ-ეზ-ზორში 7 თებერვალს მომხდარი მოვლენების შესახებ

დღეს პენტაგონში, გენერალ ლეიტენანტ ჯეფრი ჰარრიგანთან, ბრიფინგი გაიმართა, გენერალი ცენტრალურ და სამხრეთ დასავლეთ აზიაში აშშ-ს საჰაერო ძალების მეთაურია. გენერალი ბრიფინგის მსვლელობისას ასევე შეხო 7 თებერვალს დეირ-ეზ-ზორთან მომხდარ შეტაკებას. სწორედ ამ ბრძოლაში დიღუპნენ რუსი დაქრიავებულები, თუმცაღა თვითონ ჰარრიგანმა მათი დაღუპვის ფაქტი არც დაადასტურა და არც უარყო.

ჰარრიგანის სიტყვების თანახმად, 7 ტებერვალს "მტრის ძალებმა" ბატალიონის შემადგენლობით ქვეითად დაიწყეს გადაადგილება "სირიის დემოკრატიული ძალების" პოზიციებისკენ, ამ პოზიციებზე ასევე იმყოფებოდნენ ამერიკელი მრჩეველები, რომლებიც დაჯგუფებას ისლამურ სახელმწიფოსთან ბრძოლაში ეხმარებიან. სირიის დემოკრატიული ძალების პოზიციების მიმართ თავდამსხმელებმა საარტილერიო და სატანკო ცეცხლი გახსნეს, რის შემდეგაც ამერიკელმა მაკორექტირებლებმა ცეცხლი გამოიძახეს და მტრის მიმართულებით რამდენიმე საათი მართავდნენ "წერტილოვან დარტყმებს". გენერალმა ასევე დაამატა რომ, იერიშის მოგერიებაში მონაწილეობდნენ F-15E-ს ტიპის გამანადგურებლები, MQ-9 Reaper-ის ტიპის უპილოტოები, B-52 ტიპის სტრატეგიული ბომბდამშენები, მფრინავი ბატარეა AC-130 და AH-64 Apache-ს ტიპის მოიერიშე ვერტმფრენები.

საარტილერიო დანადგარისა და ტანკების განადგურების შემდეგ "მოწინააღმდეგეთა ძალები" იძულებულები იყვნენ უკან დაეხიათ. ჰარრიგანმა უარი განაცხადა დაეზუსტებინა თუ ვინ იმყოფებოდა "მოწინააღმდეეთა რიგებში". მან ასევე განაცხადა რომ არ იცის ვინ მართავდა ტანკ Т-72-ს, რომელიც ამერიკულმა ავიაციამ 10 თებერვალს გაანადგურა.

მთლიანი ბრიფინგი იხილეთ ბმულზე:

Department Of Defense Press Briefing by Lieutenant General Harrigian via teleconference from Al Udeid Airbase, Qatar

ახალი ინფორმაცია სირიაში განადგურებული რუსების შესახებ (ფოტო და ვიდეო)

CNN-მა გაავრცელა ვიდეო კადრები, სადაც ასახულია 7-8 თებერვლის ღამეს ამერიკულ-ქურთულ პოზიციებზე მოიერიშე სიეირელებისა და რუსების ტექნიკის განადგურების ამსახველი კადრები.

ვიდეოს დასაწყისში ასახულია თუ როგორ ანადგურებს ამერიკული ავიაცია Т-72-ის ტიპის ტანკს, მომდევნო კადრში ჩანს არტილერიის პოზიცია, კერძდ 122 მილიმეტრიანი М1938 (М-30) ტიპის ჰაუბიცა დასახლებულ პუნქტში, აღნიშნული გზაჯვარედინი მდებარეობს სოფელ Khsham-ში, ევფრატის აღმოსავლეთ სანაპიროზე, სწორედ იმ ნავთობგადამამუშავებელი ქარხნის მახლობლად (7-8 კილომეტრში ქარხნიდან აღმოსავლეთით). გზაჯვარედინის კოორდინატებია 35.299211, 40.296639.

კადრი ვიდეოდან. ქვემოთ google maps-იდან ამოღებული გზაჯვარედინის თანამგზავრული ფოტოსურათი, დააკვირდით ისრებს ფერების მიხედვით, იდენტური ადგილებია მონიშნული

ასევე გაირკვა რამოდენიმე დაღუპილი რუსის ვინაობა:

შიხოვ ალექსეი "კადეტ" (ნიჟნი ნოვგოროდი, 13/10/91) იბრძოდა დონბასში, დაიღუპა 07/02/18 დეირ-ეზ-ზორის რაიონში

კირილ ანანევი 

Олег Терещенко, 01.10.82, житель станицы Крыловская Краснодарского края. Погиб 7 февраля, в Дейр-эз-Зоре

Руслан Гаврилов (03.08.1983), поселок Кедровое Свердловской области. Погиб 7 февраля, в Дейр-эз-Зоре

მეტი ანტირაკეტა აშშ-ს უსაფრთხოებისთვის

შეერტებული შტატები განაგრძობს ანტისარაკეტო შესაძლებლობების გაუმჯობესებას. როგორც კორპორაცია Lockheed Martin-ის პრეს სამსახური იუწყება, 27 იანვარს, აშშ-ს რაკეტსაწინააღმდეგო თავდაცვის სააგენტომ (US Missile Defense Agency) 459 მილიონი დოლარის ღირებულების, ახალი გზაგადამჭრელი რაკეტების შეკვეთა გააკეთა.

გზაგადამჭრეი რაკეტის გაშვება THAAD-ის კომპლექსიდან

Lockheed Martin-ის თანახმად, 2017-2018 წლებში, ამერიკის მთავრობამ სულ 1,28 მილიარდი დოლარის ღირებულების გზაგადამჭრელი-რაკეტები შეუკვეთა - ყველა ეს რაკეტა აშშ-ს არმიის Terminal High Altitude Area Defense (THAAD) ტიპის სისტემისთვისაა განკუთვნილი.

THAAD ამერიკის რაკეტსაწინააღმეგო თავდაცვის ერთ-ერთი ძირითადი კომპონენტია ის ახლო და საშუალო რადიუსის მქონე ბალისტიკური რაკეტებისგან იცავს სამხედრო ობიექტებს, დასახლებულ პუნქტებს და კრიტიკულად მნიშვნელოვან ინფრასტუქტურას. დღეისთვის რაკეტსაწინააღმდეგო თავდაცვის სააგენტოს არსენალში 200-ზე მეტი რაკეტა გზაგადამჭრელი იმყოფება. აღსანიშნავია რომ ამ კომპლექსის თხუთმეტივე გამოცდა წარმატებით განხორციელდა.

წყარო:

Lockheed Martin Receives $459 Million THAAD Interceptor Contract

დამატებით 6,6 მილიარდი დოლარი აშშ-ს რაკეტსაწინააღმდეგო ქოლგისთვის

კომპლეს GMD-ში შემავალი რაკეტა-გზაგადამჭრელი GBI

შეერთებული შტატები აგრძელებს რაკეტსაწინააღმდეგო თავდაცვაში მილიარდების ჩადებას. პორტალ defensenews.com-ის თანახმად, კომპლექს Ground-based Midcourse Defense (GMD) რაკეტების რაოდენობა, უახლოეს მომავალში 50% უნდა გაიზარდოს.

აღნიშნული კომპლექსის შესახებ ბლოგზე უკვე დაიწერა:
ამერიკულმა ანტირაკეტა GBI-მ პირველად გაანადგურა საკონტინენტთაშორისო ბალისტიკური რაკეტის იმიტატორი

გასული წლის ნოემბერში, აშშ-ს კონგრესმა, საკონტინენტთაშორისი და საშუალო რადიუსის მქონე ბალისტიკური რაკეტების გზაგადმჭრელი რაკეტების დამატებითი რაოდენობის თანხის გამოყოფის თანხმობა გასცა. თებერვლის დასაწყისში ცნობილი გახდა რომ, კორპორაცია Boeing-თან ხელი მოეწერა ახალი გზაგადამჭრელი რაკეტების შესყიდვისა და ინფრასტრუქტურის მშენებლობის ხელშეკრულებას.

სულ, 6,6 მილიარდი დოლარის ღირებულების, ხელშეკრულების ფარგლებში, აშშ-ს რაკეტსაწინააღმეგო თავდაცვის სააგენტო  (US Missile Defense Agency) 20 ერთეულ Ground-Based Interceptors (GBI) ტიპის რაკეტა-გზაგადამჭრელს მიიღებს. ეს რაკეტები უკვე არსებულ 44 გზაგადამჭრელს შეავსებს. აშშ-ს თავდაცვის სამინისტროს განცხადების თანახმად, ახალი რაკეტები,  "ირანისგან და ჩრდილოეთ კორეისგან" თავდაცვისთვისაა საჭირო.

წყარო:
Boeing wins $6.6B deal to support missile defense system, build more interceptors

აშშ-ს თავდაცვის სამინისტროს ბიუჯეტმა ისტორიულ რეკორდს მიაღწია

აშშ-ს სახედრო ბიუჯეტი 824,6 მილიად დოლარს გაუტოლდა. ეს ის თანხა, რაც დონალდ ტრამპმა კონგრესს 2018 წლის ფინანსური წლის ანგარიშში წარუდგინა და ის მოიცავს პერიოდს 2017 წლის 1 ოქტომბრიდან 2018 წლის 30 სექტემბრამდე. სამხედრო ხარჯები აშშ-ი რაოდენობრივად მეორე ადგილზე სოციალური უზრუნველყოფის შემდეგ, რომელიც თავის მხრივ ერთ ტრილიონ დოლარს უტოლდება. აღნიშნული ბიუჯეტი აშშ-ს ისტორიაში ყველაზე დიდია და აღემატება მომდევნო ცხრა ქვეყნის (ჩინეთი, რუსეთი, ბრიტანეთი, საფრანგეთი, საუდის არაბეთი, იაპონია, ინდოეთი, გერმანია) ერთად აღებულ სამხედრო ბიუჯეტს.

სამხედრო ხარჯები ოთხი კომპონენტისგან შესდგება, ესენია:

1. საბაზისო ბიუჯეტი თავდასცვის სამინისტროსთვის და ის 574,5 მილიარდ ოლარს უდრის.
2. თავდაცვის სამინისტროსთვის, საზღვარგარეთ ISIS-თან საბრძოლველად, გამოყოფილი ხარჯები, რომელიც 64,6 მილიარდ დოლარს უტოლდება.
3. აშშ-ს ეროვნული ინტერესების დამცველი სხვა დაწესებულებების საერთო რაოდენობა. ეს ხარჯები 173,5 მილიარდ დოლარს უდრის. ეს დაწესებულებებია ვეტერანთა დეპარტამენტი (78,9 მილიარდ დოლარი), სახელმწიფო დეპარტამენთი (21,1 მილიარდი), შიდა უსაფრთხოება (44,1 მილიარდი), FBI და კიბერუსაფრთხოება იუსტიციის დეპარტამენტში (9,5 მილიარდი) და ენერგეტიკის დეპარტამენტში არსებული ბირთვული უსაფრთხოების ეროვნული ადმინისტრაცია (13,9 მილიარდი).
4. ბოლო პუნქტი ეს არის სახელმწიფო დეპარტამენტისთვის და ეროვნული უსაფრთხოებისთვის გამოყოფილი, უცხოეთში ISIS წინააღმდეგ გაუთვალისწიწნებელი ოპერაციების განსახორციელებელი ხარჯები (12 მილიარდი).

2018 წლის 9 თებერვალს კონგრესმა დამტკიცა კანონპროექტი, რომელიც 2018 წელს აშშ-ს თავდაცვისთვის და უცხოეთში განსახორციელებლი ოპერაციებისთვის 700 მილიარდ აშშ დოლარის გამოყოფას ითვალისწინებს.

სხვა უწყებებისთვის კონგრესი ბიუჯეტს 2018 წლის მარტისთვის ცალცალკე განიხილავს.

თავდაცვის სამინისტროს საბაზისო ბიუჯეტი

თავდაცვის სამინისტრომ 574,5 მილიარდი დოლარი მოითხოვა. მისი მიზანია:

1. ოთხივე უწყების დაკომპლექტების დონის გაზრდა
2. სამხედრო პრესონალისთვის 2,1% ხოლო სამოქალაქო პერსონალისთვის 1,9% ხელფასების გაზრდა.
3. სამხედრო-საზღვაო ფლოტის შესაძლებლობების გაზრდა და საავიაციო კომპონენტის მოსახურების გაუმჯობესება.
4. არმიის რაოდენობის და საფრენოსნო მომზადების გაზრდა.
5. ავიაშეიარაღების და პილოტების რაოდენობის გაზრდა.
6. კიბერუსაფრთხოების ძალების განვითარება. ეს კოსმოსური კონტროლის გამაგრებასა და საბრძოლო მასალების მოწინავე სისტემებში ინვესტირებას მოიცავს. 
7. შტაბ-ბინის ხარჯების 25% შემცირება. აუდიტის, შესყიდვებისა და ხარჯების მეთოდების გაუმჯობესება. ჭარბი ინფრასტუქტურის მოშორება.
8. წელიწადში, სამხედრო ბაზების დახურვის გზით, 2 მილიარდი დოლარის დაზოგვა.
9. პენსიონერთა და TRICARE-ს რეფორმის გაგრძელება. თუ თქვენ იყნებთ სუბსიდირებულ სახლს, უფასო ჯანდაცვას და სხვა სოცდახმარებებს, რომლებიც ეკუთვნის სამხედრო მოსამსახურეს, მაშინ საშუალო კომპენსაცია 59 000 დოლარს გაუტოლდება სამხედროებისთვის და 108 000 ოფიცრებისთვის.

სამხედრო-საჰაერო ძალებმა F-35 Joint Strike Fighter ტიპის 70 ცალი გამანადგურებლის შესაძენად 10,3 მილიარდი დოლარი მოითხოვეს. მთლიანობაში 2457 ცალი გამანადგურებლის პროგრამის საფასური 400 მილიარდ დოლარს გაუტოლდება. ამ ხარჯების უმეტესი ნაწილი შექმნასა და გამოცდებზე დაიხარჯა.

თავდაცვის სამინისტრო ასევ გეგმავს შემდეგი ხარჯების გაწევას:

1. 15 ცალი საჰაერო ტანკერი KC-46 (3,1 მილიარდი).
2. ბომბდამშენი B-21 (2 მილიარდი).
3. Virginia-ს კლასის 2 წყალქვეშა ხომალდი (5,5 მილიარდი).
4. DDG-51 Destroyers ტიპის 2 ხომალდი (4 მილიარდი).
5. CVN-78 კლასის 1 ავიამზიდი (4,6 მილიარდი).
6. 2647 ცალი JLTV (Joint Light Tactical Vehicle) (1,1 მილიარდი).
7. მეცნიერებასა და ტექნოლოგიებში (13,2 მილიარდი).

გაუთვალისწინებელ შემთხვევებში ოპერაციები საზღვარგარეთ 

რაოდენ უცნაურიც არ უნდა იყოს, თავდაცვის ბიუჯეტი არ შეიცავს ომის ღირებულებას. ეს ეხება გაუთვალისწინებელ შემთხვევებში საზღვარგარეთ ოპერაციებს. თავდაცვის დეპარტამენტისთვის ამ მუხლით ბიუჯეტში 64,6, ხოლო სახელმწიფო დეპარტამენტისთვის 12 მილიარდი დოლარია გათვალისწინებული.

სამხედრო ბიუჯეტის ისტორია 2003 წლიდან დღემდე

წყარო:

U.S. Military Budget: Components, Challenges, Growth