The Dead District: IDEX

Showing posts with label IDEX. Show all posts

Saturday, March 6, 2021

South Korean Hanwha Defense MPUGV

South Korean Hanwha Defense Multi-Purpose Unmanned Ground Vehicle (MPUGV) at IDEX-2021. This was for the first time when this UGV shown in an overseas exhibition.

This electric-powered vehicle has top speed of 30km/h on paved road and has a payload capacity of 200kg for 14 hours on a single charge. Depending on the mission, operating time can be increased up to 72 hours. An upgraded 6x6 variant of the MPUGV is expected to be unveiled later this year.

Wednesday, February 27, 2019

"დელტას" 120 მილიმეტრიანი მობილური ნაღმტყორცნი IDEX-2019-ზე

მიმდინარე წლის 17-19 თებერვალს არაბთა გაერთიანებული საემიროების დედაქალაქ აბუ-დაბიში გაიმართა ახლო აღმოსავლეთისა და ჩრდილოეთ აფრიკის რეგიონის (MENA) უმსხვილესი გამოფენა IDEX-2019, რომელშიც მონაწილეობას ღებულობდა თავდაცვითი მრეწველობის მსოფლიოს 1000-ზე მეტი კომპანია. ისტორიაში პირველად, მსოფლიოს უდიდეს სამხედრო ექსპოზიციაზე წარმოდგენილი იყო საქართველოც.

სახელმწიფო სამხედრო სამეცნიერო-ტექნიკური ცენტრი „დელტა“ გამოფენაზე ექსკლუზიურად წარმოადგინა დიდგორი მეომარის ახალი მობილური 120 მილიმეტრიანი ნაღმმტყორცნის მოდული და ქართული წარმოების შეიარაღების სხვა ნიმუშები. ქვემოთ მოყვანილია მობილური ნაღმტყორცნის ფოტოები და მისი მოკლე აღწერა.

2018 წელს სსსტც „დელტამ“თანამედროვე ტენდენციების გათვალისწინებით, დაიწყო ჯავშანმანქანა “დიდგორი მეომარის“ ბაზაზე 120 მმ კალიბრიანი მობილური ნაღმმტყორცნის პროტოტიპური მოდულის შექმნა-ინტეგრაცია. რომლის ფართო მასებისთვის წარდგენაც პირველად საერთაშორისო სამხედრო გამოფენა IDEX 2019 ზე გაიმართება.

თანამედროვე მიდგომებისა და ტენდენციების გათვალისწინებით, დაპროექტებული და დამზადებული უახლესი ქართული მოდულური ჯავშანმანქანა „დიდგორი მეომარი“ ჯარების სხვადასხვაგვარობისთვის განკუთვნილი განსხვავებული ტიპის, დანიშნულებისა და კონფიგურაციის მანქანების, უნივერსალურ მოდულურ ჯავშანპლატფორმას წარმოადგენს. მათ შორისაა საარტილერიო ცეცხლით მხარდაჭერის მანქანები 81, 82 და 120 მმ ნაღმმტყორცნების მოდულებით. ორმაგად დაჯავშნული ჯავშანკაფსულა მანქანის 5 კაციან ეკიპაჟს ბრძოლის ველზე არსებული ნამსხვრევებისგან და 7,62 მმ კალიბრიანი ჯავშანგამტანი ტყვიებისგან საიმედოდ იცავს. მაღალი გამავლობის მქონე სავალი ნაწილი საბრძოლო პოზიციის დაკავების საშუალებას სხვადასხვა სახის რთულ რელიეფზეც იძლევა.

120 მმ კალიბრიანი ნაღმმტყორცნით აღჭურვილი „მეომარის“ დანიშნულებაა ბრიგადის ზომის შენაერთის ან ბატალიონის ზომის ქვედანაყოფის საცეცხლე მხარდაჭერა.

120 მმ კალიბრიანი საარტილერიო მოდული ჯავშანმანქანა „დიდგორი მეომარის“ უკანა საბრძოლო ნაკვეთურშია დამონტაჟებული, სისტემა აღჭურვილია სტანდარტული ნაღმმტყორცნისგან განსხვავებული, დიდი ზომის მართკუთხა საყრდენი ფილით, რომელიც სროლისას წარმოქმნილ უკუცემას ბევრად უფრო ეფექტურად ანაწილებს გრუნტზე. სალაშქროდან საბრძოლო მდგომარეობაში გადაყვანისას საყრდენი ფილა და მასზე დამონტაჟებული 120 მმ-იანი ლულა სპეციალური ჰიდრავლუკური მექანიზმით დაბლა ჩამოიწევა, მანქანის უკანა ბორბლები კი სროლისას ხისტად დაფიქსირებისთვის ჰაერში იწევა.

პოტენციური დამკვეთის სურვილის შესაბამისად საბრძოლო მანქანის დაკომპლექტება შესაძლებელია სხვადასხვა მოდელის შიდა და გარე კავშირის რადიოსადგურებით, გლობალური ნავიგაციის სისტემით, ინერციული ნავიგაცია-პოზიციონირების სისტემით (GPS/INS), კონსტრუქციაში ჩაშენებული ან სწრაფმოხსნადი ცეცხლის მართვის სისტემებით (MFCS), ბრძოლის ველის საინფორმაციო უზრუნველყოფისთვის მართვის, კავშირის და ინფორმაციის გაცვლის C2/C3/C4/C4i სისტემებით.

120 მილიმეტრიანი მობილური ნაღმტყორცნი IDEX-2019-ზე

გამოფენის ფარგლებში „დელტას“ წარმომადგენლობა განას რესპუბლიკის თავდაცვის სამინისტროს ოფიციალურ დელეგაციას შეხვდა. გაცნობითი ხასიათის შეხვედრაზე განას რესპუბლიკის თავდაცვის მინისტრის მოადგილე დერიკ მადურო ქართული წარმოების სამხედრო დანიშნულების პროდუქციას გაეცნო და გამოთქვა სამომავლო თანამშრომლობის სურვილი. განს წარმომადგენლობის განსაკუთრებული დაინტერესება გამოფენაზე ფართო მასებისთვის პირველად წარმოდგენილ ჯავშანმანქანა დიდგორი მეომარის ახალი 120 მილიმეტრიანი ნაღმმტყორცნის მოდულმა დაიმსახურა.

Saturday, February 23, 2019

ებრაული სატანკო ჭურვების ლიცენზირებული წარმოება სერბეთში

საერთაშორისო გამოფენა IDEX-2019-ზე, სერბეთის სამხედრო დანიშნულების ნაწარმის ექსპორტის სახელმწიფო კომპანიამ, "YUGOIMPORT"-მა საბრძოლო მასალების დიდი ნომენკლატურა წარადგინა. ყველაფერთან ერთად ებრაული IMI-ს 125 მილიმეტრიანი ქვეკალიბრული ფრთასხმული ჭურვი - CL-3579 Mk. 2-იც იქნა გამოტანილი (საექსპორტო დასახელება M711 Mk. 2). უფრო სწორედ მისი ლიცენზირებული კლონი.

აღნიშნული ჭურვი ებრაულმა სამხედრო მრეწველობამ ექსპორტისთვის შექმნა და საბჭთა და ჩინური 125 მილიმეტრიანი სატანკო ქვემეხებიდან გამოსაყენებლადაა განკუთვნილი. მისი ჯავშანგამტანობა, ექსპორტე არსებული ყველაზე საუკეთესო 125 მილიმეტრიანი ჭურვის, საბჭოთა 3ВБМ-17 Манго-ს, ჯავშანგამტანობაზე უკეთესია - ასევე ცნობილია რომ ებრაული ჭურვის გაუმჯობსებული ვერსიებიც არსებობს.

აღსანიშნავია, რომ ამ ჭურვის ლიცენზირებული წარმოების მცდელობა პოლონელებსაც ჰქონდათ - სახელწოდებით Pronit, მაგრამ რამდენიმე ასეული ერთეულის იქეთ საქმე არ წასულა. ამჯერად ამ საქმეს ხელი სერბებმაც მოჰკიდეს - საინტერესოა წარმოება თუ დაიწყეს და საერთოდ რა სტადიაში არიან.

გამოფენა IDEX-2019 - ფოტორეპორტაჟი (ნაწილი 2)

გამოფენა IDEX-2019-ის შესახებ ბლოგზე უკვე დაიდო რამოდენიმე სტატია - რომელთა ნახვაც შემდეგ ბმულებზეა შესაძლებელი:

ქვემოთ გამოფენის ფოტორეპორტაჟის მეორე ნაწილს ხილვაა შესაძლებელი:

სააქციონერო საზოგადოება "Концерн «Калашников»"-ის ნაწარმი

"Концерн «Калашников»"-ის კამიკაძე უპილოტო

ამერიკული კომპანია LRWC-ს ნაწარმი

მსხვიკალიბრიანი ტყვიამფრქვევი Browning M2

ბელგიური წარმოშობისა და ამერიკული კომპანია U.S. Ordnance-ს 7,62 მილიმეტრიანი M240 ტიპის ტყვიამფრქვევები - საავიაციო, სატანკო და ქვეით ვარიანტში

MGL-ის ახალი მოდიფიკაცია - Extenden Range 40mm MGL

სამხრეთ კორეული ტსმრ Raybolt-ის რაკეტა და გამშვები. უკანა ფონზე ახალი თაობის კონტრბატარეული რადარი

General Dynamics-ის 3 ლიულიანი .50 კალიბრიანი GAU-19

კომპანია Orbital ATK-ის M230LF - ცნობილი AH-64-ის 30 მილიმეტრიანი ქვემეხის სახმელეთო ვარიანტი. მარცხნივ კომპანიის 120 მილიმეტრიანი ჭურვები - კონტეინერული შრაპნელის და ქვეკალიბრული

Bell V-22 Osprey

გაერთიანებული საემიროს შეიარაღებული S-70i/UH-60M Black Hawk

გაერთიანებული საემიროს საზღვაო ძალების AS565 Panther

გაერთიანებული საემიროს საზღვაო ძალების AS-332B1 Super Puma

საერთაშორისო საფრენოსნო აკადემიის - EDIC Horizon-ის კუთვნილი Bell 429

გაერთიანებული საემიროს მსუბუქი საიერიშო ვერტმფრენი NorthStar 407MRH (ბაზად Bell 407-ია გამოყენებული)

მსუბუქი მოიერიშე თვითმფრირნავი Calidus B-250

კომპანია Boeing-ის უპილოტოები - ScanEagle-3 და Intergrator

ჩინელებისა და ემირატებსი ერთობლივი კონსორციუმის პავილიონი - წარმოდგენილია ტანკსაწინააღმდეგო და საჰაერო ბაზირების რაკეტების და მართვადი ბომბების ფართო ნომენკლატურა და ზცრს-ის რამდენიმე სახეოება