აშშ–ს საზღვაო ქვეითები ავღანეთში 60მმ–ნი ნაღმტყორცნის ახალ სამიზნეებს მიიღებენ

ავღანეთში მყოფი აშშ–ს საზღვაო ქვეითები 60მმ–ნი ნაღმტყორცნის ახალ სამიზნეებსა და სახვევებს მიიღებენ. სამიზნე სახელწოდებით Fire Control Unit უზრუნველყოფს ნაღმტყორცნის სიზუსტის მკვეთრ გაზრდას. სიზუსტის გაზრდა განსაკუთრებით ღამის პირობებშია საგრძნობი. ამასთან ის საკმაოდ მცირე ზომისაა რომ ფორმის ჯიბეში მოთავსდეს. სამშაბათს საზღვაო ქვეითების ინსტრუქტორებმა ამ სამიზნის გამოყენებით კვანტიკის ბაზაზე საჩვენებელი სროლები განახორციელეს.

წინა გამოცდების შედეგები ძალიან კარგი იყო და ამიტომ ავღანეთში მყოფმა საზღვაო ქვეითებმა ამ სამიზნის ექვსი პროტოტიპის მიწოდება მოითხოვეს, რომლებიც ამჟამად გზაში იმყოფება. ამ სამიზნის შექმნაზე ჯგუფი L3 Insight Technologies მუშაობდა.
"სამიზნე საკაიოდ გვეხმარება ღამე სროლების დროს, ეს ძალიან მნიშვნელოვანი შესაძლებლობაა", განაცხადა ინსტრუქტორმა სერჟანტმა გარრეტ დანარდმა. "ღამით მე 100% დარწმუნებული ვარ ჩემს მეორე გასროლაში".
ყველაფერი ეს პროგრამა TechSolutions მეშვეობით გახდა შესაძლებელი, რომელსაც აშშ–ს საზღვაო ძალების მეცნიერულ–კვლევითი სამმართველო ახორციელებს. პროგრამა საზღვაო ქვეითებისგან და მეზღვაურებისგან იღებს მოთხოვნებს და მუშაობს მეცნიერებთან ერთად, რის შედეგადაც როგორც წესი 12–18 თვეში "წარმოადგენს ტექნოლოგიურ გადაწყვეტილებას".
ასევე ფირმა Tactical Assault Gear Industries–თან თანამშრომლობით შეიქმნა60მმ–ნი ნაღმტყორცნის ახალი მსუბუქი სახვევი, რომელშიც ხელების თბოიზოლაციური დამცავია ჩაკერებული. ახალი სახვევიში წინა მოდელის ხარვეზებია გამოსწორებული, რომლის სამაგრებიც გადატანის დროს ნაღმტყორცნზე ურტყამდა, რაც ხმაურს წარმოშობდა და ჯარისკაცების ადგილმდებარეობას ამჟღავნებდა.



წყარო:
Marines in Afghanistan getting mortar improvements

ტანკები და უპილოტო საფრენი აპარატები VOL.2

აბრაამსისა და მისი უპილოტო საფრენი აპარატის შესახებ უკვე ვწერდი – ტანკები და უპილოტო საფრენი აპარატები. ამჯერად წარმოგიდგენთ იტალიური კომპანია Oto-Melara–ს მიერ წარმოებულ უპილოტო სადაზვერვო საფრენ აპარატს, რომელიც ტანკის ქვემეხიდან გაიტყორცნება და  კილომეტრის რადიუსში შეუძია მოქმედება და სატანკო ქვედანაყოფისთვის სადაზვერვო გამოსახულების ცოცხალ დროში გადაცემა. უპილოტოს Oto-Melara Horus UAV ეწოდება.

უპილოტოს გატყორცნა სავარაუდოდ შეკუმშული ჰაერის საშუალებით ხდება, რომელიც სატანკო ჭურვის ფორმის კონტეინერშია ჩატუმბილი. გასროლის შემდეგ უპილოტოს ტანკიდან რამდენიმე კილომეტრის მოშორებით შეუძლია ფრენა და სადაზვერვო ინფორმაციის ცოცხალ დროში გადაწოდება.

უპილოტო სადაზვერვო საფრენი აპარატი Oto-Melara Horus UAV

უპილოტო საფრენი სადაზვერვო აპარატი Oto-Melara Horus UAV–ის მაკეტი გამოფენა IDEX 2011–ზე ქვემეხის ლულიდან გამოსვლის იმიტაციას ახდენს (ფოტოსურათების წყარო – Launching a UAV from an LAV’s main gun)

დღის ფოტო – Apache vs RPG

ავღანეთში РПГ–თი დაზიანებული დამრტყმელი შვეულმფრენი AH-64

ტანკები და უპილოტო საფრენი აპარატები

სწავლების დროს ხორციელდებოდა მიზნების აღმოჩენა უპილოტოს მიერ, რის შემდეგაც ტანკისტები ამ მიზნების განადგურებას ახდენდნენ

აშშ–ს საზღვაო ქვეითების ბაზა კამპ ლეჟენუე (CAMP LEJEUNE) – აშშ–ს საზღვაო ქვეითების მე–2 დივიზიის, მე–2 სატანკო ბატალიონის საზღვაო ქვეითებმა, 15 ოქტომბერს, პოლიგონ SR-10–ზე განახორციელეს სწავლება, რომლის განმავლობაშიც ტანკი M1A1 Abrams და უპილოტო საფრენი აპარატი RQ-11 Raven შეთანხმებულად მოქმედებდნენ. 

სწავლება უპილოტოს სადაზვერვო შესაძლებლობების შეემოწმებას ისახავდა მიზნად. აპარატის სწორედ გამოყენების შემთხვევაში მის მიერ მოწოდებული მონაცემები შეიძლება შეიცავდეს მტრის რაოდენობას, მანძლის მტრამდე და მათი ადგილმდებარეობის ინფორმაციას.

RQ-11 Raven–ის ოპერატორის, კაპრალ პიტერ ჯ. რიჰტერის განცხადების თანახმად "RQ-11 Raven იძლევა ჩიტის ფრენის სიმაღლიდან სადაზვერვო ინფორმაციის მოპოვების საშუალებას. შეუძლია იმ მიზნებზე ინფორმაციის მოპოვება, რომლებიც ძალიან შორსაა და მათი დანახვა შეუძლებელია". "უპილოტოები ასევე კარგია რთული რელიეფის პირობებში ნავიგაციისა და ძებნისთვის".  

შვიდ ფუნტიანი სადაზვერვი უპილოტო, მებრძოლ ქვედანაყოფებს თავისი კამერით ეხმარება მტრის შესახებ ინფოირმაციის მოპოვებაში. მას შემდეგ რაც  RQ-11 Raven მოიპოვებს მტრის შესახებ ინფორმაციას, ის მყისიერად იგზავნება ქვევით, სახმელეთო ქვედანაყოფებთან. მტრის შესახებ ინფორმაციის მიღების შემდეგ ტანკისტებს ბრძოლისათვის ხელსაყრელ პოზიციების დაკავებეის საშუალება ეძლევათ.

წყარო:

2nd Tanks conducts training with UAVs

რუსული ზებგერითი ხომალდსაწინააღმდეგო რაკეტა Х-31–ის ბაზაზე ამერიკის საზღვაო ძალებისთვის შექმნილი საჰაერო სამიზნე MA-31

SR-72 – ჰიპერბგერითი სადაზვერვო თვითმფრინავის პროექტი

ჟურნალმა "Aviation Week & Space Technology"–მ 2013 წლის 1 ნოემბრის ნომერში გამოქვეყნებულ სტატიაში Guy Norris "Exclusive: Skunk Works Reveals SR-71 Successor Plan" წარმოადგინა მისთვის, კომპანია Lockheed Martin–ის მიერ მიწოდებული ექსკლუზიური ინფომრაცია ამ კორპორაციაში შემავალი, საკმაოდ ცნობილი პერსპექტიული სამუშაოების ქვედანაყოფის, Skunk Works–ის მიერ შემუშავების სტადიაში მყოფი პერსპექტიული ჰიპერბგერითი სადაზვერვო–დამრტყმელი თვითმფრინავის, SR-72–ის პროექტის შესახებ, რომელიც ცნობილი Lockheed SR-71–ის მემკვიდრე უნდა გახდეს.

SR-72-სა და SR-71–ის შედარებითი გამოსახულება 

თვითმფრინავი SR-72 Lockheed Martin–ის (Skunk Works) საინიციატივო პროგრამაა, რომელიც აშშ–ს საჰაერო ძალებისს და DARPA–ს მიერ, "სწრაფი დარტყმის" პლატფორმის შესაქმნელად წამოყენებული მოთხოვნების მიხედვით იქმნება. SR-72–ის ძირითად ამოცანად დაზვერვა სახელდება, მაგრამ მას ასევე შეეძლება დამრტყმელი ამოცანების შესრულება. ორძრავიანი თვითმფრინავი SR-72–ის სიგრძე 100 ფუნტზე მეტი, ხოლო მისი კრეისერული სიჩქარე 6М იქნება. 

პროექტის წარმატების საფუძვლად ითვლება პროგრესი, რომელიც Skunk Works–მა და Aerojet Rocketdyne–მ ბოლო შვიდი წლის განმავლობაში, კომბინირებული ძალური დანადგარის შესაქმნელად ერთობლივი მუშაობით მიაღწიეს. ძალური დანადგარი წარმოადგენს  ტურბორეაქტიული ძრავისა და ჰიპერბგერითი პირდაპირი დინების საჰაერო–რეაქტიული ძრავის ნაზავს – ამგვარი სქემა ამერიკაში Тurbine-based Сombined Сycle (TBCC) იწოდება. ტურბორეაქტიული ძრავა ასაფრენ–დასაფრენი რეჟიმების დროს იმუშავებს და ასევე უზრუნველყოფს 3M სიჩქარემდე აჩქარებას, რაც საკმარისია პირდაპირი დინების რეაქტიული ძრავის უპრობლემო მუშაობისთვის. თავის მხრივ პირდაპირი დინების საჰაერო–რეაქტიული ძრავა თვითმფრინავს 6M–მდე ააჩქარებს.

ამასთან მთავარ "know how" წარმოადგენს პირდაპირი დინების რეაქტიული ძრავის მყარი მუშაობა "წევის ჩავარდნის" (thrust chasm) დიაპაზონში, რომელიც ტურბორეაქტიული ძრავის მაქსიმალური სიჩქარისა (3M-მდე) და პირდაპირი დინების რეაქტიული ძრავის მყარი მუშაობის მინიმალურ (მიახლოებით 4M) ზღვრებს შორის მდებარეობს. როგორც ჩანს შემქმნელებმა პირდაპირი დინების რეაქტიული ძრავის მუშაობის მინიმალური ზღვარის დაწევა მოახერხეს, თუმცაღა Skunk Works არ ამხელს თუ როგორ მიაღწია ამ შედეგს.

SR-72–სთვის შემუშავებული ძრავაის კონცეფცია (Тurbine-based Сombined Сycle (TBCC))

ძალური დანადგარის ამგვარი კონცეფცია პირველად წარმოდგენილი იქნა DARPA ეგიდით წარმოებულ Skunk Works, Вoeing, Pratt & Whitney და АТК მიერ ერთობლივი ექსპერიმენტალური ჰიპერბგერითი საფრენი აპარატის, HTV-3X Blackswift–ის პროექტში. ეს პროგრამა 2009 წელს იქნა ანულირებული. როგორც მწარმოებელი იუწყება SR-72–ზე, "ტურბო–რეაქტიული საფეხურად" გამოყენებული იქნება "გამანადგურებლის მოდერნიზირებული ძრავა" (სავარაუდოდ Pratt & Whitney ნაწარმი).

ამჟამად Skunk Work–ი ძრავა ТВСС–ის დაბალი სიმძლავრის დემონსტრატორის სახმელეთო გამოცდებს ანხორციელებს. როგორც Skunk Works იუწყება, უახლოეს რამდენიმე წელიწადში შემოთავაზებული ძრავის, TBCC–ის ტექნოლოგია გამოცდილი იქნება გამანადგურებელ F-22–ის ზომის საცდელ "თვითმფრინავ–დემონსტრატორზე", რომელსაც "შეეძლება რამდენიმე წუთის განავლობაში 6М სიჩქარით ფრენა".

შემდეგ 2018 წელს უნდა დაიწყოს "ოფციონალურად–პილოტირებადი" შემცირებული ზომის დემონსტრატორის, FRV–ეს (Flight Research Vehicle) საფრენოსნო გამოცდები. ამ დემონსტრატორის ფიუზელაჟის სიგრძე 60 ფუნტი იქნება და აღჭურვილი იქნება სრული ზომის ძრავით. სრულმაშტაბიანი სამუშაოს შესასრულებლად საჭირო ფინანსების მიღების შემთხვევაში თვითმფრინავ SR-72–ის შეიარაღებაზე მიღება სავარაუდოდ 2030 წლისთვის მოხდება. 

SR-72

წყარო:

• Exclusive: Skunk Works Reveals SR-71 Successor Plan
• SR-72, a Hypersonic Drone is Positioned to be the Successor of SR-71 ‘BlackBird’

რუსული ССО–ს ეკიპირება

რუსეთის ССО–ს შესახებ რამდენჯერმე უკვე ვწერდი – რუსეთის სპეციალური ოპერაციების ძალებს ქმნის,  რუსეთის ССО (Силы Специальных Операций). 

ამჯერად წარმოგიდგენთ ამ ქვედანაყოფის აღჭურვილობას – ასეთ იერზე იქნებიან მისი მებრძოლები ამ წლის ბოლოსთვის

წყარო:

Экипировка ССО

საკონტეინერო Тор-М2КМ საცეცხლე გამოცდებზე

საზენიტო–სარაკეტო კომპლექსი Тор–ის ახალი მოდიფიკაცია, Тор-М2КМ კაპუსტინ–იარის პოლიგონზე საცეცხლე გამოცდებზე იქნა გამოყვანილი. მანქანის დანიშნულებაა მნიშვნელოვანი ობიექტების საჰაერო თავდასხმებისგან დაცვა. კომპლექსის წონა 15 ტონას აღწევს და მისი დამონტაჟება ნებისმიერ შესაფერის სატვირთოზეა შესაძლებელია. ასევე მისი განთავსება სტაციონარულად შესაძლებელია სახურავებზე და თვით ხომალდის გემბანზეც კი.

მანქანა ინდური ტენდერისთვისაა განკუთვნილი და ამიტომაც მისი ტრანსპორტირებისთვის ინდური სატვირთო, Tata გამოიყენება.

საზენიტო რაკეტა 9М331 გაშვება საბრძოლო საკონტეინერო მოდული 9А331МК-1–იდან

საბრძოლო მოდული 9А331МК-1–ის დატენვა ოთხი ცალი 9М331 რაკეთით აღჭურვილი სარაკეტო მოდული 9М334–ით

სატრანსპორტო–დამტენი მანქანა 9Т244

ვიდეოსიუჟეტი:

Начались испытания зенитного ракетного комплекса «Тор-М2КМ»

წყარო:

www.forums.airbase.ru

Начались испытания зенитного ракетного комплекса «Тор-М2КМ»

სახელმძღვანელო – "ჯარისკაცის სამახსოვრო"

სახელმძღვანელო (ქართულად), სახელწოდებით "ჯარისკაცის სამახსოვრო", რომელშიც ის ძირითადი მცნებებია აღწერილი (ნავიგაცია, პირველადი დახმარება, საცეცხლე მომზადება), რომლებიც ჯარისკაცს ყველგან და ყოველთვის ესაჭიროება და ადგება.

გადმოსაწერი ბმული:
ჯარისკაცის სამახსოვრო

ჯარისკაცის სამახსოვრო

How low can you go (3)?

Су-25–ის ფრენის სიმაღლე – ალბათ კარავში მძინარე ოცეულს "პადიომი" გაუკეთა