მოდერნიზირებული ავიამზიდი "Charles de Gaulle"

მოდერნიზირებული ავიამზიდი "Charles de Gaulle" ღია ზღვაში მანევრებზე. ქვემოთ მოყვანილია ვიდეო ექსკურსია ავიამზიდზე - სრულიად გაციფროვნებულია ავიამზიდი, ყველგან ტაჩსკრინები და მსგავსი ეკრანებია.

Charles de Gaulle გენერალურ რემონტზე დადგა

9 თებერვალს, დილის 9 საათზე, საფრანგეთის საზღვაო ძალების ფლაგმანი, ატომური ავიაზმიდი Charles de Gaulle გენერალური რემონტის განსახორციელებლად, რომელი 18 თვეს გასტანს, ტულონის დოკებში შევიდა. რემონტის შედეგად მოხდება ხომალდის ყველა ძირითადი კვანძისა და დეტალის შეცვლა და მოდერნიზაცია, რის შემდეგადაც ავიამზიდი მწყობრში კიდევ 20 წელს დარჩება. ეს ამ ხომალდის პირველი გენერალური რემონტია. 

ფოტოებზე ავიამზიდის ტულონის დოკებში შესვლის მომენტი

წყარო:
Le Charles de Gaulle en IPER durant dis huit mois.

პირველი საბრძოლო გაფრენები "Charles de Gaulle"–დან

გუშინ, 23 ნოემბერს, პარიზის დროით დილის 12:30 ავიამზიდ "Charles de Gaulle"–დან ერაყის თავზე გამანადგურებლებმა მიმდინარე მივლინების ფარგლებში პირველი საბრძოლო გაფრენები განახორციელეს (ავიამზიდის გამგზავრების შესახებ ბლოგზე უკვე ვწერდი – ავიამზიდები ომში მიდიან). ორმა Rafale-M–მა დარტყმები მიიტანა ISIS–ის სამიზნეებზე, ერაყში – რამადზე (მებრძოლთა დაჯგუფებებზე) და მოსულში (საარტილერიო პოზიციაზე).

იმავე საღამოს, გამანადგურებელთა ოთხეულმა კიდევ ერთი გასვლა განახორციელა, ამჯერად სახალიფოს დედაქალაქში, რაქაში მდებარე სამეთაურო პუნქტზე, სატრანსპორტო საშუალებების სადგომზე და ავტოსარემონტოზე.

პარალელურ რეჟიმში მუშაობას აგრძელებენ ფრანგული Mirage-2000-ბი იორდანიიდან და Rafale–ბი საემირატოდან.

წყარო:

Chammal : premières missions du GAN contre Daech en Irak

ავიამზიდები ომში მიდიან

 ამ კვირას ახლო აღმოსავლეთში ერთდროულად ორი ავიამზიდი გაემგზავრება – ამერიკული CVN-75 "Harry S. Truman" ნორფლოკის საზღვაო ბაზიდან გუშინ გამოვიდა, ხოლო ფრანგული "Charles de Gaulle" (R91) ტულონიდან ხუთშაბათს გავა (ამის შესახებ ბლოგზე უკვე ვწერდი – "Charles de Gaulle" სპარსეთის ყურეში მიემგზავრება). ხომალდი საფრანგეთის სანაპიროებთან განხორციელებული სწავლებების შემდეგ უკვე დაბრუნდა.

წინა კვირას, პარიზში განხორციელებული ტერაქტი რა თქმა უნდა მასმედიაში "Charles de Gaulle"–ს ლაშქრობის ფართო გაშუქებას გამოიწვევს.

ასევე აღსანიშნავია რომ, გუშინ საღამოს ISIS–ის სამიზნეებზე, რაკკაში, ფრანგების თორმეტმა თვითმფრინავმა მასრიებული თავდასხმა განახორციელა (ექვსსი ცალი Rafale, ორ–ორი Mirage-2000D და N, დანარჩენი ორი სავარაუდოდ საწვავის ტანკერი და "Atlantique" 2 იყო).

თებერვალ–აპრილში, სპარსეთის ყურეში წინა შვიდკვირიანი მივლინების დროს, ავიამზიდ "Charles de Gaulle"–ს გემბანიდან 200–მდე საბრძოლო გაფრენა განხორციელდა. ასევე ცნობილი ხდება რომ საბრძოლო ვითარებაში პირველად იქნება გამოყენებულილ AESA–ს სისტემის საბორტე რადიოლოკაციური სადგური RBE2.

წყარო:

• Carrier USS Harry S. Truman to Deploy to Middle East on Monday
• French Navy’s Rafales M Successfully Assess the RBE2 “AESA” Radar Capabilities In Combat Operations

"Charles de Gaulle" სპარსეთის ყურეში მიემგზავრება

საფრანგეთის თავდაცვის სამინისტროს განცხადების თანახმად, ავიამზიდ "Charles de Gaulle"–ს გამგზავრება სპარსეთის ყურეში 18 ნოემბრისთვის არის დაგეგმილი. პარიზში განხორციელებული ტერორისტული აქტები მის პროგრამაზე გავლენას არ იქონიებს.

სპარსეთის ყურეში ავიამზიდისთვის წელს ეს მეორე გასვლა იქნება. პირველი გასვლა 23 თებერვლიდან 18 აპრილამდე განხორციელდა. ხომალდს ბორტზე 20 ცალი Rafale M და Super Etendard Modernise გადაყავს, ამ თვითმფრინავებს რეგიონში სხვა ფრანგული გამანადგურებლებიც დაემატება (კერძოდ 3 ცალი Mirage 2000D და 3 ცალი Mirage 2000N იორდანიაში და 6 ცალი Rafale გაერთიანებულ საემირატოში).

9 ნოემბერს Armee de’l Air–მა ISIS–ის პოზიციებზე სირიაში მეორე იერიში განახორციელა. მანამდე მხოლოდ ერაყის ცაში მოქმედებდნენ.

წყარო:

France to deploy Charles de Gaulle again for anti-IS strikes

საფრანგეთის საზღვაო ძალების საავიამზიდო დამრტყმელი ჯგუფი ერაყში საბრძოლო მისიით გაიგზავნება

ფრანგული საიტის, Mer et Marine–ს სტატიის თანახმად, საფრანგეთი გეგმავს ავიამზდი Charles de Gaulle (R91) და საავიამზიდო დამრტყმელი დაჯგუფება სპარსეთის ყურეში გაგზავნოს, სადაც ის ისლამური სახელმწიფოს წინააღმდეგ მიმდინარე ოპერაციაში მიიღებს მონაწილეობას.

ამის შესახებ ოფიციალური განცხადება სავარაუდოდ 14 იანვარს მოხდება, როდესაც საფრანგეთის პრეზიდენტი, ფრანსუა ოლლანდი, საფრანგეთის სამხრეთ ნაპირებთან ბაზირებულ ავიამზიდ, Charles de Gaulle–ს მოინახულებს.

Charles de Gaulle–ს საავიაციო არსენალში 40–მდე საფრენი აპარატი შედის, მათ შორის მოიერიშე Super Étendard, მრავალფუნქციური გამანადგურებელი Rafale M, შორი რადიოლოკაციური აღმოჩენის თვითმფრინავი E-2C და მრავალმიზნობრივი ვერტმფრენი SA-365.