Osprey-ს შეძენის ბოლო შანსი - Boeing-მა საწარმოო ხაზის დახურვა დააანონსა

Bell Boeing-ი პოტენციურ მყიდველებს პირველი სერიული კონვერტოპლანის ყიდვის დაჩქარებას ურჩევს. კომპანიის ვერტმფრენების გაყიდვების სამსახურის ხელმძღვანელმა, რიკ ლემასტერმა, უახლხოეს მომავალში კონვერტოპლან V-22 Osprey-ს საწარმოო ხაზის დახურვა დააანონსა.

"ჩვენ ვუახლოვდებით სერიული წარმოების დასასრულს. ჩვენ უკვე ბოლო ხუთწლიანი ხელშეკრულების შუაში ვართ და თუ საერთაშორისო კლიენტებს სურთ V-22 Osprey-ს შეძენა, მაშინ მათ ამერიკის მთავრობასთან LoAs (letters of acceptance) ხელმოწერა 2020 წლის სექტემბრამდე უნდა მოასწრონს" - განაცხადა ლემასტერმა.

ლემასტერის თანახმად, მიმდინარე და უკვე შესრულებული ხელშეკრულებები სხვადასხვა მოდიფიკაციის 479 ცალ Osprey-ს მოიცავს - ესენია:

• აშშ-ს საზღვაო ქვეითთა კორპუსის მიერ შეკვეთილი 360 ცალი MV-22B

• აშშ-ს საჰაერო ძალების 54 ცალი CV-22B

• აშშ-ს საზღვაო ძალების 48 ცალი CMV-22B

• იაპონის არმიის 17 ცალი MV-22B

Boeing-ის განცხადების თანახმად - გეგმავენ კიდევ 50 ცალი კონვერტოპლანის შეკვეთის მიღებას. პოტენციურ მყიდველებს შორის კომპანიამ ისრაელი დაასახელა, თუმცა არის კიდევ ათამდე მსურველი, რომელთა ვინაობაც არ ხმაურდება.

Bell V-22 Osprey — ეს ამერიკული კონვერტოპლანია, რომელიც აერთიანებს თვითმფრინავისა და ვერტმფრენის უპირატესობებს (კერძოდ ვერტიკალური აფრენისა და დაფრენის შესაძლებლობება და ჩქაროსნული ფრენის რეჟიმი). საფრენი აპარატი კომპანია Bell Helicopter-სმა 80-იან წლებში შეიმუშავა, ხოლო ამერიკელმა სამხედროებმა ის შეიარაღებაში 2005 წელს მიიღეს. მყიდველის სურვილის მიხედვით მასზე შესაძლებელია დაყენდეს სხვადასხვა სახის შეიარაღება და უპილოტო საფრენი აპარატის გამშვები და მართვის კომპლექსი.

უპილოტო კონვერტოპლანი Bell V-247 Vigilant

25 სექტემბერს, გამოფენა "Modern Day Marine Expo 2018"-ზე, კომპანია Bell-მა, უპილოტო კონვერტოპლანი, V-247 Vigilant-ი, წარადგინა. კოვერტოპლანი ვერტიკალური აფრენ-დაფრენის მომდევნო თაობის უპილოტო სისტემებს განეკუთვნება. 

მწარმოებლის თანახმად, უპილოტო Bell V-247 Vigilant, ეს ფართოსპექტრის მქონე ოპერაციებისთვის განკუთვნილი შეიარაღებული ესკორტია, რომელსაც შეუძლია უზრუნველყოს ჰაერსაწინააღმდეგო თავდაცვა, ელექტრონული ბრძოლა, ადრეული აღმოჩენა და ზეზუსტი დარტყმები.

უპილოტო Bell V-247 Vigilant-ში შერწყმულია ისეთი შესაძლებლობები, როგორიცაა ფართო სპექტრის ოპერაციების შესრულებისთვის აუცილებელი უპრეცენდენტო მოქნილობა, დაზვერვისა და დაკვირვების ოპერაციები, მოდულურობა და გამძლეობა. ასევე შესაძლებელია უპილოტოს ფართო ნომენკლატურის შეიარაღებით აღჭურვა (ჰაერი-ხმელეთი, ჰაერი-ჰაერი). საბრძლო დატვირთვის გარდა, მას ასევე შეუძია სხვადასხვა დანიშნულების მარგი ტვირთის გადაზიდვაც.

წყარო:

Bell unveils V-247 Vigilant vertical take-off and landing unmanned system

V-280 Valor - აშშ არმიის ახალი კონვერტოპლანი

V-280 Valor - ეს კომპანია Bell-ის მიერ აშშ-ს არმიისთვის შექმნილი "საერთო, მრავალფუნქციური ტექნოლოგიების დემონსტრატორია" (Joint Multi-Role Technology Demonstrator - JMR-TD). მანქანა მომავლის ვერტიკალური აფრენის ტექნოლოგიებითაა შექმნილი და Sikorsky UH-60 Black Hawk და Boeing AH-64 Apache შეასცვლელადაა განკუთვნილი.

V-280-ს 4 კაციანი ეკიპაჟი ეყოლება (მათ შორის ორი პილოტი) და სადესანტო ნაკვეთურით 14 სამხედრომოსასმახურეს გადაიყვანს. მისი კრეისერული სიჩქარე 280 კვანძს გაუტოლდება (სწორედ აქედან გამომდინარეობს მისი სახელწოდებაც - V-280), ხოლო მაქსიმალური სიჩქარე 300 კვანძს მიაღწევს.

ფრენის სიშორე 230 კვანძით ფრენისას 2100 საზღვაო მილს უნდა გაუტოლდეს, ხოლო საბრძოლო რადიუსი 500-800 საზღვაო მილის ფარგლებში იქნება.

სამმაგი ელქტროდისტანციური ფრენის მართვის სისტემით და უახლესი ავიონიკით აღჭურვილი მომავალი თაობის კონვერტოპლანი თავის პირველ ფრენას უახლოეს თვეებში განახორციელებს. როგორც ჩანს, 30 აგვისტოს, სარეგისტრაციო ნომერ N280BH მქონე, 100% დასრულებული საფრენი აპარატი, , ამარილიოში მდებარე Bell Helicopter-სის ასაწყობ საამქროსთან (Amarillo Assembly Center) შეამჩნიეს (სადაც 95% დასრულებულმა ვერტმფრენმა სტატისტიკური ვიბრაციული გამოცდები, ჯერ კიდევ 2017 წლის თებერვალში დაიწყო): როგორც ჩანს  Valor 2017 წლის სექტემბერში დაგეგმილი პირველი ფრენისთვის ძრავების გატესტვას აწარმოებს.

ფოტოებში კარგად ჩანს ძრავა T64-GE-419 და რედუქტორები. საინტერესო ისაა რომ, V-22 ძრავებისგან განსხვავებით, რომლებიც გონდოლებიანად ტრიალდება, V-280-ში მხოლოდ გადაცემათა კოლოფია მოტრიალებადი.

წყარო:

Here are the first images of the Army's new futuristic helicopter prototype

აშშ–ს საარმიო ავიაციის ფუტურისტული ვერტმფრენები

ამერიკულ ინტერნეტ რესურს Army Technology Magazine Focus: Aviation–ში გამოქვეყნდა სტატია, რომელიც აშშ–ს საარმიო ავიაციის მომავლის მანქანებს ეხება. სტატიაში საკმაოდ საინტერესო გრაფიკული გამოსახულებებია:

Bell Helicopter V-280 Valor

Sikorsky და Boeing–ს ერთობლივი ნამუშევარი SB-1 Dfaint