Sikorsky-სა და Boeing-ის პერსპექტიულმა SB>1 Defiant-მა პირველი ფრენა განახორციელა

ამა წლის 19 მარსტს, კომპანია Sikorsky-ს (შედის Lockheed Martin-ის კორპორაციაში) კუთვნილ ვესტ-პალმ-ბიჩის აეროდრომზე, Sikorsky-სა და Boeing-ის მიერ ერთობლივად შექმნილი მრავალფუნქციური ვერტმრენის დემონსტრატორის - SB>1 Defiant-ის პირველი ფრენა განხორციელდა (ვერტმფრენის საფირმო სახელწოდება Sikorsky S-100). SB>1-ის შემქნა აშშ-ს არმიის კონკურსის Joint Multi-Role (JMR) Technology Demonstrator (TD)-ს ფაგრგლებში სადემონსტრაციო პერსპექტიული ჩქაროსნულიო ვერტმფრენის სახით ხორციელდება. პროგრამის ფარგლებში უნდა შემუშავდეს პერსპექტიული საარმიო ვერტმფრენების Future Vertical Lift (FVL) კონცეფცია. SB>1-ის პირველი სადემოსნტრაციო პროტოტიპის პრეზენტაცია 2018 წლის 26 დეკემბერს განხორციელდა, პირველი ფრენა თავიდან 2017 წლის ბოლოს იყო დაგეგმილი, მაგრამ ვადების არაერთხელ გადაწევის მიზეზით ეს მხოლოდ ორიოდე დღის წინ მოხერხდა.

SB>1 მრავალფუნქციური ვერტმფრენის ქვეპროგრამა Capability Set 3 (Assault) / FVL-Medium-ის მოთხოვნის ფარგლებში იქმნება, ამჟამად პროგრამას Future Long-Range Assault Aircraft (FLRAA) ეწოდება - აღნიშნული პროგრამის მოთხოვნის თანახმად ვერტმფრენმა 12 სრულიად ეკიპირებული ქვეითი 230 კვანძის (428კმ/სთ) ტოლი კრეისერული სიჩქარით უნდა გადაიყვანოს 229 მილ (424 კმ) მანძილზე. ვერტმფრენი FLRAA ორი ცალი General Electric-სის პერსპექტიული ტურბოხრახნული ძრავით იქნება აღჭურვილი, ძრავების ასაფრენის სიმძლავრე 5000 ცხენის ძალას უნდა გაუტოლდეს.

პროგრამა FVL-ზე მუშაობა 2004 წლიდან მიმდინარეობს და ის ხუთი ახალი ვერტმფრენის ან ვერტიკალური აფრენ-დაფრენის მანქანის შექმნას ითვალისწინებს, რომლებმაც 2030-2035 წლისთვის აშშ-ს საარმიო ავიაციის არსებული ვერტმფრენები (OH-58, AH-64, UH-60, CH-47) უნდა შეცვალოს.

2013 წელს აშშ-ს არმიამ, Joint Multi-Role (JMR) Technology Demonstrator (TD)-ს ფარგლებში, ტექნოლოგიების დემონსტრატორად Bell Helicopter-სისა და Lockheed Martin-ის კონვერტოპლანი V-280 და Sikorsky-სა და Boeing-ის ჩქაროსნული ვერტმფრენი SB-1 Defiant იქნა აირჩია, ამ ორ ლიდერთან ერთად შერჩეული იქნა კომპანია Karem Aircraft-ის კონვერტოპლანი და AVX-ის ჩქაროსნული ვერტმფრენი - 2014 წლის აგვისტოში ეს ბოლო ორი კონკურსიდან მოიხსნა, რის შემდეგაც კონკურენცია,  JMR TD-ს კონკურსის ფარგლებში, უკვე აშშ-ს საავიაციო გიგანტებს შორის მიმდინარეობს, რომლებსაც 2014 წელს გაფორმებული ხელშეკრულების თანახმად პირველი სადემონსტრაციო პროტოტიპები 2017 წლის ბოლოსთვის უნდა წარედგინათ (ეს პირობა მხოლოდ კონვერტოპლანმა V-280-მა შეასრულა). ორივე პროექტის შემთხვევაში თავდაცვის სამინისტრო ხარჯების მხოლოდ 20% ანაზღაურებს, დანარჩენი კომპანიების ჯიბიდან გადის.

აღნიშნული პროექტის ფარგლებში სადემონსტრაციო მანქანების შესახებ ბლოგზე არაერთხელ დაიწერა, სტატიები იხილეთ მოყვანილ ბმულებზე:

• აშშ–ს საარმიო ავიაციის ფუტურისტული ვერტმფრენები
• V-280 Valor - აშშ არმიის ახალი კონვერტოპლანი
• SB1 Defiant - აშშ-ს საარმიო ავიაციის სადემონსტრაციო ვერტმფრენი
• Lockheed Martin - Sikorsky Raider-ის სადემონსტრაციო ფრენა

თავისი არსით, JMR TD-ს ფარგლებში წარმოდგენილი ორივე პროექტი მრავალფუნქციურ საფრენ აპარატს წარმაოდგენს, რომლებმაც აშშ-ს არმიის შეიარაღებაზე არსებული Sikorsky UH-60 Black Hawk (კატეგორია JMR-Medium / FVL-Medium) უნდა ჩაანაცვლოს. ამავდროულად ორივე კომპანია აცხადებს რომ აშშ-ს არმიის ქვეპროგრამა Capability Set 3 / FVL-Attack-ის (Boeing AH-64 Apache-ს შესაცვლელად) ფარგლებში თავიანთი მანქანების საიერიშო ვარიანტზეც მუშაობენ.

ვერტმფრენი SB>1 კომპანია Sikorsky-ს მიერ შემუშავებულ შეწყვილებულ ხრახნებსა და უკან განთავსებულ მიმწოლ ხრახნს იყენებს. ამ სქემას კომპანია ექსპერიმეტალურ ვერტმფრენზე - X2-ზე იყენებდა, რომელის 2008-2011 წლებში გადიოდა გამოცდებს და ამ მზიდი მოწყობილობის წყალობით მოახერხა 460კმ/სთ სიჩქარის განვითარება. ანალოგიური მზიდი მოწყობილბა გამოცდებს გადიოდა 5 ტონიან Sikorsky S-97 Raider-ზეც, რომელის განცხადებული მაქსიმალური სიჩქარე 444, ხოლო კრეისერული 407 კმ/სთ-ს უტოლდებოდა.

SB>1-ის პირველი პროტოტიპის მაქსიმალური ასაფრენი წონა 32 000 ფუნტია (14 515 კგ), ტევადობა 18 კაცი. საცდელი ნიმუშები 4000 ცხენისძალიანი ტურბოხრახნული ძრავებით, Honeywell T55-ითაა აღჭურვილი (ანალოგიური ძრავები CH-47 Chinook-ზე გამოიყენება). აღნიშნული ძრავები 250 კვანძ (460კმ/სთ) მაქსიმალურ კრეისერულ სიჩქარეს უზრუნველყოს. მაგრამ კომპანიის განცხადების თანახმად, FLRAA-ს პროექტში მოთხოვნილი ფრენის მაძილის მიღწევა პერსპექტიული FATE ძრავებით იქნება შესაძლებელი.

Sikorsky SB>1-ს კონკურენტმა Bell-Lockheed Martin-ის V-280 Valor-მა, პირველი ფრენა 2017 წლის 18 დეკემბერს განახორციელა.

SB1 Defiant - აშშ-ს საარმიო ავიაციის სადემონსტრაციო ვერტმფრენი

უესტ პალმ ბიჩი, ფლორიდა - ამა წლის 26 დეკემბერს, კომპანიებმა Sikorsky, Lockheed Martin და Boeing, პირველად ოფიციალურად წარადგინეს ვერტმფრენი SB1 Defiant. კომპანიებმა აღნიშნული ვერტმფრენი აშშ-ს არმიის სადემონსტრაციო პროგრამისთვის შექმნეს და მან, დღეს არსებული ჩვეულებრივ ვერტმფრენებტან შედარებით, გაორმაგებული სიჩქარითა და ფრენის მანძილით უნდა იფრინოს და უზრუნველყოს გაზრდილი მოქნილობა და მანევრულობა. ამ ყველაფერმა, აშშ-ს არმიის პროგრამა "Future Vertical Lift"-ისთვის, საინფორმაციო ბაზისი უნდა შექმნას.

ვერტმფრენი მრავალფუნქციური ტექნოლოგიების ერთობლივ საარმიო დემონსტრაციებში მონაწილეობს, რომლის საფუძველზეც მოპოვებული ინფორმაცია ახალი საარმიო ვერტმფრენების მოთხოვნების შემუშავებისთვის იქნება გამოყენებული. ახალი თაობის ვერტმფრენები, გეგმების თანახმად, 2030 წელს უნდა დადგეს შეიარაღებაზე.

წყარო:

Sikorsky, Boeing Provide First Look At SB>1 DEFIANT™

აშშ–ს საარმიო ავიაციის ფუტურისტული ვერტმფრენები

ამერიკულ ინტერნეტ რესურს Army Technology Magazine Focus: Aviation–ში გამოქვეყნდა სტატია, რომელიც აშშ–ს საარმიო ავიაციის მომავლის მანქანებს ეხება. სტატიაში საკმაოდ საინტერესო გრაფიკული გამოსახულებებია:

Bell Helicopter V-280 Valor

Sikorsky და Boeing–ს ერთობლივი ნამუშევარი SB-1 Dfaint

S-97 Raider–ის პრეზენტაცია

2 ოქტომბერს, ფლორიდის შტატში, ვესტ–პალმ–ბიჩში, გაიმართა პერსპექტიული სადაზვერვო–დამრტყმელი ვერტმფრენის, Sikorsky S-97 "Raider"–ის პრეზენტაცია. შეთანწყობილი ორი მზიდი ხრახნითა და კორპუსის უკან განთავესბული მიმწოლი ხრახნით აღჭურვილი ვერტმფრენი, მფრინავი ლაბორატორიის, Sikorsky X2–ის ბაზაზეა შექმნილი. ეს უკანასკნელი 2008–11 წლებში წარმატებით გადიოდა გამოცდებს და დაამყარა ვერტმფრენებს შორის სიჩქარის არაოფიციალური რეკორდი (თუმცა რამდენადაა ის ვერტმფრენი საკითხავია), მის მიერ მიღწეული სიჩქარე, 460კმ/სთ გასულ წლამდე სარეკორდო რჩებოდა, მანამ სანამ Eurocopter X3–მმა 472კმ/სთ არ განავითარა.

S-97 "Raider" აშშ–ს არმიაში სადაზვერვო OH-58 "Kiowa Warrior"–ების შესაცვლელად იქმნება. ვერტმფრენის განცხადებული საკრეისერო სიჩქარე 370კმ/სთ–ს უდრის და მას ეკიპაჟის ორი წევრის გარდა დამატებით ოთხი მედესანტის გადაყვანაც შეეძლება. ვერტმფრენს ასევე შეეძლება გამოიყენოს რაკეტები "Hellfire", უსრ–ს (უმართავი საავიაციო რაკეტების) ბლოკები და სატყვიამფრქვევო კონტეინერები. ფრენის მანძილი "600კმ–ზე მეტი", ფრენის ხანგრძლივობა "2სთ–სა და 40წთ–ზე მეტი". დიდ მანძილებზე ფრენის უზრუნველსაყოფად დაგეგმილია ვერთმფრენი დსა–ებითა (დასაკიდი საწვავის ავზებითა) და ჰაერში საწვავით გამართვის სისტემით აღჭურვა.

Sikorsky–ს კომპანიამ ადრე რამდენჯერმე განახორციელა ამ ვერტფრენის მაკეტის დემონსტრაცია სხვადასხვა გამოფენებზე, მათ შორის სრულმაშტაბიანი მაკეტისაც, მაგრამ ამჯერად პრეზენტაციაზე მათ ცოცხალი მანქანა გამოაგორეს. საბორტე ნომერი N971SK მქონე "Raider" – ეს აწყობილი ორი პროტოტიპიდან პირველია, მისი პირველი ფრენა ამა წლის დეკემბერშია დაგეგმილი.

წყარო:
Sikorsky unveils the first S-97 Raider helicopter prototype

საერთო მრავალფუნქციური ვერტმფრენი აშშ–ს ავიაციისთვის

Sikorsky–სა და Boeing–ის ერთობლივი პროექტი

ამ რამდენიმე დღის წინ ამერიკულმა კომპანიებმა Sikorsky–მ და Boeing–მა განაცხადეს რომ   JMR TD–ეს (Joint Multi-Role Technology Demonstrator – ერთიანი მრავალფუნქციური ვერტმფრენის ტექნოლოგიების დემონსტრატორი) კონკურსში მონაწილეობას ერთად მიიღებენ – რაც საკმაოდ დიდი სიურპრიზი იყო ავია წრეებში.  JMR TD–ეს კონკურსის ვერტიკალური აფრენ–დაფრენის საფრენ აპარატს ეხება, რომლის საფუძველზეც უნდა შეიქმნას საერთო მოხმარებისთვის და დამრტყმელი ფუნქციების მქონე ვერტმფრენები.

ეს ორი კომპანია კონკურსში მონაწილეობას მიიღებს კომპანია Sikorsky–ს ვერტმფრენ X–2–ის (რომელმაც ბოლო ფრენა 2011 წელს განახორციელა, რის შემდეგაც პროგრამა დაიხურა) საფუძველზე შექმნილი საფრენი აპარატით. შეგახსენებთ რომ X–2 წარმოადგენს ორმაგი წამყვანი ხრახნის მქონე ვერტმფრენს, რომელიც უკნიდან მიმწოლი მესამე ხრახნითაა აღჭურვილი.

Sikorsky X-2

ამავე პროგრამაში მონაწილეობის სურვილი გამოთქვა ევროპულა კონსორციუმმა Eurocopter–მა, რომელმაც თავისი წინადადება ამერიკულ მხარეს  EADS North America–ს შუამავლობით წარუდგინა. წინადადების თანახმად Eurocopter მზადაა დაამზადოს ერთი ცალი ახალი თაობის მაღალის სიჩქარის მქონე ვერტმფრენი.

JMR TD–ეს კონკურსის Eurocopter–ის პროექტი 

Eurocopter–მა თავისი წინადადების წვრილმანები არ გაამხილა, მაგრამ იმის გათვალისწინებით რომ კონკურსის მოთხოვნების მიხედვით ახალი ვერტმფრენის სიჩქარე 230 კვანძე ნაკლები არ უნდა იყოს, რაც  UH-60 Black Hawk–ისა და AH-64 Apache–ს სიჩქარეზე 50% მეტია, არაა გამორიცხული რომ კომპანია ჰიბრიდული ვერტმფრენ X–3–ზე დაფუნძნებული მანქანით წარსდგეს კონკურსზე.

Eurocopter X-3