აშშ-ს ფლოტი Hornet-ებს დაემშვიდობა

სანამ სტატიას წაიკითხავთ, გთხოვთ გადახვიდეთ მითითებულ ბმულზე (ყავისფრად მონიშნული ტექსტი) და მოიწონოთ ჩვენი სამხედრო თემატიკის გევრდი - No Man's Land

................................................................................................................................................................................

აშშ-ს ფლოტი საბოლოოდ დაემშვიდობა გამანადგურებელ Hornet-ს. როგორც პორტალი navaltoday.com იუწყება, 2 ოქტომბერს ვირჯინიის შტატში, ავიაბაზა Oceana-ზე, გაიმართა აშშ-ს საზღვაო ძალების F/A-18C Hornet-ის ჩამოწერის საზეიმო ცერემონიალი.

გამანადგურებელი, საბორტე ნომრით "300", პირველი ფრენა 1988 წლის 14 ოქტომბერს განახორციელა და ფლორიდას შტატში, სესილ-ფილდზე ბაზირებულ გამანადგურებელთა 106-ე ესკადრილიას ეკუთვნოდა (106 Strike Fighter Squadron). 1988 წელს ასევე დაიბადა ლეიტენანტი ენდრიუ ჯალალი (Andrew Jalali), რომელომაც ბორტი "300" საბოლოოდ აწია ჰაერში. გამოსამშვიდობებელი ცერემონიის მსველობისას F/A-18C Hornet-მა სამი F/A-18F Super Hornet-ის თანხლებით გამოსამშვიდობებელი ფრენა შეასრულა, რის შემდეგაც სასაფლაოზე გაემართა. აღსანიშნავია, რომ F/A-18C Hornet-ის ტიპის გამანადგურებლებს ჯერ ისევ იყენებს აშშ-ს საზღვაო ქვეითთა კორპუსი და მათ მოდერნიზაციასაც კი ახორციელებს.

ლეიტენანტი ენდრიუ ჯალალი ბორტ "300" ბოლო ფრენისთვის ამზადებს

საგემბანო გამანადგურებელი F/A-18 კომპანია McDonnel Douglas-მა 70-იან წლებში შეიმუშავა, რის შემდეგაც მანქანამ არაერთი მოდერნიზაცია განიცადა. ამ დორის განმავლობაში სულ გამოშვებული იქნა 2000 Hornet, რომლებიც მსახურობენ აშშ-ს საზღვაო ქვეითთა კორპუსში და საზღვაო ძალებში და ასევე ავსტრალიის, ესპანეთის და კანადის საჰაერო ძალებში. 90-ინი წლების ბოლოს, აშშ-ს სამხედრო საზღვაო ძალებმა ამ მანქანის ღრმა მოდერნიზაციის მიღება დაიწყეს, რომელიც  F/A-18 Super Hornet-ის სახელითაა ცნობილი.

აშშ-ს ავიაციის საბრძოლო მზადყოფნა ზრდას განაგრძობს

6 აპრილს, აშშ-ს საზღვაო ძალების "სამხედრო-საზღვაო ინსტიტუტის" ვებგვერდზე გამოქვეყნებული ინფორმაციის თანახმად - გამანადგურებელ F/A-18 Super Hornet-ის ავიაპარკი საბრძოლო მზადყოფნის დაგეგმილ 80%-იან ზღვარს უახლოვდება.

2017 წელს აშშ-ს საზღვაო ძალების F/A-18 Super Hornet-ების მხოლოდ მესამედი იმყოფებოდა საბრძოლო მდგომარეობაში. სამხედრო უწყების მიერ გასულ წელს გაკეთებული განცხადების თანახმად - 546 საგემბანო გამანადგურებლების თითქმის ნახევარი იყო საბრძოლო მდგომარეობაში. წლევანდელი მონაცემებით გამანადგურებელების 63% -  73%-ს ნებისმიერ მომენტში შეუძლია საბრძოლო ამოცანაზე გასვლა. ამასთან აშშ-ს საზღვაო ძალების სარდლობა წლის ბოლოს ამ მონაცემის 80%-მდე გაზრდას გეგმავს.

თემატური სტატიები:

• აშშ-ს საჰაერო ძალები ბოლო წლების განმავლობაში ავიაპარკის საბრძოლო მზადყოფნის პრობლემებს განიცდის

• აშშ-ს საჰაერო ძალების ტექნიკური შემადგენლობა

აშშ-ს საზღვაო ძალების საჰაერო შემადგენლობის მეთაურის, სკოტტ კონნის, განცხადების თანახმად - სამხედრო უწყებამ F/A-18E/F Super Hornet-ების მომსახურების შესაფასებლად და პროცესის გაუმჯობესებისა და დაჩქარების მიზნით მწარმოებელთა წარმომადგენლები მიიწვია. შედეგად ერთი თვითმფრინავის გეგმიური მომსახურების ვადა 120 დღიდან 60 დღემდე შემცირდა, ასევე შემცირდა სათადარიგო ნაწილების მიწოდების დროც - 30-დან 2 დღემდე. ამას გარდა სამხედროებმა საგრძნობლად გაზარდეს F-35-ების პარკის საბრძოლო მზადყოფნის დონეც და ასევე გეგმავენ ამ მაჩვენებლის 80%-მდე გაზრდას.

აშშ-ს საზღვაო ძალების Super Hornet-ებისა და Growler-ების მზადყოფნის ინფოგრაფიკა

გამანადგურებელი Boeing F/A-18 Hornet და მისი უახლესი მოდიფიკაცია F/A-18E/F Super Hornet, აშშ-ს საზღვაო ძალების შეიარაღებაზე 1983 წლიდან იმყოფება და მათი თანდათანობითი ჩანაცვლება უახლესმა F-35C Lightning II-მა უნდა განახორციელოს. ამ უკანასკნელის პროგრამა გრაფიკს რამდენიმე წლით ჩამორჩება, რაც კომპანია Boeing-ს საშუალებას აძლევს როგორც განაგრძოს F/A-18E/F Super Hornet-ის პროგრამა, ასევე წარადგინოს მისი უახლესი მოდიფიკაციებიც.

წყარო - Navy Fighter Readiness Nearing 80 Percent Mission Capable Target

აშშ-ს საზღვაო ძალების F/A-18C Hornet რუსულ ფერებში

აშშ-ს საზღვაო ძალების კუთვნილი F/A-18C Hornet რუსეთის საზღვაო ძალების ავიაციის ფერებში - Су-30СМ-ის იმიტაციას ახდენს. 2019 წლის 5 თებერვალი, ტეხასის შტატი, ავიაბაზა ფორ-იერტი

Су-34-ის იმიტაცია

Су-35-ის იმიტაცია

Aggresors-ების შესახებ ბლოგზე განთავსებული თემატური სტატიები:

• Checkered Flag
• დღის ფოტო – "ლურჯი", "ყავისფერი" და БОРЯ

აშშ-ს ავიაციის "ოქროს ხუთეული" ერთობლივ სწავლებაზე

კალიფორნია, ედვარდსის ავიაბაზა - კალიფორნიის ცაში, ერთ მწყობრში დაფრინავენ, ედვარდსის ავიაბაზის კუთვნილი F-35 Lightning II და F-16 Fighting Falcon, ნელისის ავიაბაზის 422-ე საცდელი და შეფასების ესკადრილიის F-15E Strike Eagle და F-22 Raptor და აშშ-ს საზღაო ძალების ჩაინა ლეიკის ავიაბაზაის 31-ე საცდელი და შეფასების ესკადრილიის F/A-18D.

გამანადგურებლები კალიფორნიისა და ნევადის ცაში, დეკმებრის შუა რიცხვებში განხორციელებულ სწავლების, Orange Flag-ის, მსვლელობისას შეხვდნენ ერთმანეთს. აღნიშნული სწავლება აშშ-ს საჰაერო ძალების, საზღაო ფლოტისა და საზღვაო ქვეითთა კორპუსის ავიაციის ერთობლივი მოქმედბების შეფასების მიზნით ხორციელდება. სწორედ ამ სწავლების მსვლელობისას, სამხედრო კორესპონდენტებმა, მოახერხეს ამ ხუთი გამანადგურებლის ერთად დაფიქსირება.

სწავლებაში, გამანადგურებლების პარალელურად, ჩართული იყო ბომბდამშენები B-52 Stratofortress, B-2 Spirit და B-1 Lancer და ასევე საჰაერო ტანკერები KC-135 Stratotanker და KC-10 Extender. 

როგორც Orange Flag-ის შეფასების დირექტორმა, მაიორმა კრისტოფერ კემპბელმა განაცხადა "ბოლო ღონისძიებაში ექვს სხვადასხვა საცდელ ამოცანასა და ექსპერიმენტში, 18 თვითმფრინავი ღებულობდა მონაწილეობას". კემპბელის თანახმად, სამუშაო გუნდი, გაანალიზებს მიღებულ მონაცემებს და მომაცვალში მის საფუძველზე ახალ საავიაციო შესაძლებლობებს შემუშავებს.

Joining forces: Test team completes fourth Orange Flag of 2018

EDWARDS AIR FORCE BASE, Calif. (AFNS) -- In the skies above California, an F-35 Lightning II and F-16 Fighting Falcon from Edwards Air Force Base, are joined by an F-15E Strike Eagle and F-22 Raptor from the 422nd Test and Evaluation Squadron out of Nellis Air Force Base, Nevada, along with a Navy F-18 Hornet from Air Test and Evaluation Squadron 31 out of Naval Air Weapons Station China Lake. 

The Orange Flag Evaluation Team executed its fourth successful event Dec. 13. Orange Flag, developed by the 412th Operations Group, evaluates teamwork across the sister services to integrate joint forces across a wide range of mission areas. The events enable the test community to capture data to assess the interoperability of multiple aircraft platforms in an environment outside of traditional Edwards testing. 

“The latest event involved a total of 18 aircraft in six combat-relevant test tasks and experiments,” said Maj. Christopher Campbell, Air Force Test Center, Orange Flag Evaluation Director. 

In addition to the fighters, B-52 Stratofortress, B-2 Spirit and B-1 Lancer bombers participated along with KC-135 Stratotanker and KC-10 Extender aerial refueling tankers. 

Campbell said the team will analyze the data collected and apply it to develop new air power capabilities.

წყარო:

Joining forces: Test team completes fourth Orange Flag of 2018

Су-34 და Су-35 ამერიკული F/A-18 Super Hornet-ის სამიზნეში

ამჯერად გულის გასახარად ვიდეო მასალა, რომელზეც სირიის თავზე მოქმედი, რუსეთის საჰაერო ძალების, Су-34 და Су-35, ამერიკული F/A-18 Super Hornet-ის სამიზნეშია ასახული.

ვიდეო მასალა სითბურ ოპტიკურ სპექტრშია გადაღებული, ამისი რამდენიმე ვარიანტი არსებობს, ეს ან Lokcheed Martin-ის ჩამოსაკიდი კონტეინერები, IRST ან IRST21 იყო, ან  Raytheon-ის ATFLIR ( AN/ASQ-228 ). 

წინა ჯერზე საწინააღმდეგო მხარიდან იყო ფოტომასალა წარმოდგენილი, იხილეთ ქვემოთ მოყვანილი ბმულები:

• 2 ცალი F-22 და საჰაერო ტანკერი KC-10 რუსული Су-35С-ის სამიზნეში
• ამჯერად B-52H რუსული Су-35С ოპტიკურ სამიზნეში
• Су-35С-ის სამიზნეში მოხვედრილი F-22

F-22 vs F-18 Super Hornet

F-18 Super Hornet მთიულურს ეცეკვება F-22 -ს. როგორც ამბობენ "კრაზანამ"  3-იდან 2 მოუგოო მტაცებელს. ვიდეოში 47 წამზე სავარაუდოდ დაამიწა F-22

ტრამპის მიერ F-35-ის წინააღმდეგ წამოწყებული თამაში

პენტაგონის წყაროების თანახმად, 2017 წლის ბოლოს, ან 2018 წლის დასაწყისში (ეს დამოკიდებული F-35-ის კონკრეტული შესაძლებლობების რეალიზაციის ვადებზე) მოიერიშე A-10-სა და გამანადგურებელ-ბომბდამშენი F-35-ის შედარება განხორციელდება. შედარების მიზანია გამოავლინოს თუ რამდენად შეუძლია ამ ბოლოს A-10-ის მოვალეობის თავის თავზე აღება.

აღნიშნული შეჯიბრება (დაკანონებულად) ითვალისწინებს იმას, რომ აშშ-ს საჰაერო ძალებმა მის დასრულებამდე A-10-ის ბედის შესახებ არანაირი გადაწყვეტილება არ უნდა მიიღოს.

წყარო:

A-10 vs. F-35 Flyoff May Begin Next Year: General

დამატებით ცნობილი ხდება რომ, აშშ-ს ახლადდანიშნული პრეზიდენტის დავალებით თავდაცვის მინისტრმა, მეტტისმა, პირველი განკარგულებები გასცა, მათ შორის არის F-35-ის პროგრამის ღირებულების შემცრიებაზე მუშაობის დაწყება. ამჯერად მწარმოებელსა და პენტაგონს შორის ხელი მე-10 სერიის შესყიდვას უნდა მოეწეროს, ვნახოთ რა ფასი დაიდება (ცნობისთვის JSF პროგრამის ფარგლებში უკვე 200-ზე მეტი გამანადგურებელია გამოშვებული და პირველმა ქვედანაყოფმა ერთი თვის წინ მიაღწია ოპერატიულ საბრძოლო მზადყოფნას, ამის შესახებ ბლოგზე უკვე ვწერდი - გამანადგურებელ F-35-ის უცხოეთში პირველი ოპერატიული გაშლა დაიწყო).

ამას გარდა მეტტისმა "Super Hornet"-ის მოდერნიზაციის შესაძლებლობების შეფასების დაწყების შესახებ განაცხადა. ასევე ჰიპოთეტურად მოხდება იმის დადგენა თუ რამდენად შესძლებს "Advanced Super Hornet"-ი გახდეს F-35C-ს ალტერნატივა. გასულ კვირას, საზღვაო ძალების შტაბის უფროსმა F-35C ერთაზროვნად დაასახელა როგორც ფლოტის პირველი დღის დამრტყმელად, ასევე ქსელურცენტრული ომის, NIFC-CA-ს, კონცეფციის ერთ-ერთ ძირითად კვანძად. როგორც ჩანს, აღნიშნული შეჯიბრება შესაძლებელია გამოყენებული იქნას "Super Hornet"-ების მცირე რაოდენობის შესყიდვების ლეგალიზაციისთვის და პარალელურად საგემბანო გამანადგურებლის ფასის დაწევის მიზნით LM-ზე ზეწოლისთვის.

წყარო:

Mattis Orders Separate Reviews of F-35, Air Force One Programs

Perdix - მინი დრონების ჯგრო გამანადგურებლიდან

Perdix - ასე ეწოდება ახალ ამერიკულ უპილოტო საფრენ კომპლექსს. კომპლექსში შედის გამანადგურებელი F/A-18 და  micro-drone-ბით აღჭურვილი კონტეინერები. აღნიშნული სისტემის გამოცდა გასულ ოქტომბერს კალიფორნიაში მდებარე საგამოცდო პოლიგონ Chine Lake-ს ტერიტორიაზე განხორციელდა. გამოცდების დროს სამმა F/A-18-მა 103 ცალი მინი უპილოტო Perdix გაუშვა, რომლებმაც შემდეგში პენტაგონის ტერმინოლოგიის თანახმად "ჯგუფური გადაწყვეტილების მიღების" (collective decision-making) საჩვენებელი ოპერაცია განახორციელეს, რომლის დროსაც ადაპტირებული საფრენოსნო წყობა (adaptive formation flying) გამოიყენეს და ასევე პლანირების შესაძლებლობებიც აჩვენეს (self-healing).

Perdix-ის მოკლე აღწერილობა - PERDIX FACT SHEET 

F-35 vs F-18 Super Hornet - ყველაფერი მარტივია

ვიდეოში ნაჩვენებია F-35 და F-18 შედარება ბავშვების თვალით – პასუხი ნამდვილად ადვილია

F/A-18E/F + CFT

ოფიციალურიობისა და ზედმეტი განცხადებების გარეშე კომპანია Boeing ახორციელებს საწვავის ზედსადები ავზებით (CFT – Conformal Fuel Tank) აღჭურვილი ერთი F/A-18F–ის გამოცდებს (ამ გამანადგურებლის შესახებ უკვე ვწერდი – გასტელსებული F/A-18 Super Hornet aka F-18 Super Hornet Block II). როგორც მანამდე კომპანია იუწყებოდა, ზედსადები ავზები გამანადგურებელის აეროდინამიკისა და რადარის შემჩნევადობის გაუუარესების გარეშე დამატებით 3000–3500 ფუნტი საწვავის ზიდვის საშუალებას მისცემს

როგორც ცნობილია ეს პროგრამა დაბალი შემჩნევადობის მქონე, F-15 "Silent Eagle"–ს მსგავსი, F/A-18E/F–ის შესაქმნელად ხორციელდება, პროგრამის თანახმად ახალი გამანადგურებელი დასაკიდ შიდა იარაღის საცავსაც შეიძენს. არაოფიციალურად პროგრამას "Silent Hornet" ეწოდება და სავარაუდოდ F-35C–ზე გადამსვლელად ან მისი შემავსებელად იქნება გამოყენებული. 

წყარო:

Boeing "Ultra Hornet" Takes Off on Maiden Flight Today; Second and Third Flights Update

"კრაზანა" რომელიც მწარედ იკბინება

მოკლედ ვინც მის გვერდში გაიარა ყველამ ცუდად დაამთავრა - თვით F-22–მაც კი

ბოროტი კრაზანა–სმაილიკი

J-15-ის პირველი ფრენები ავიამზიდ "LIAONING"–დან

ჩინეთის სახელმწიფო საინფორმაციო სააგენტო "Xinhua"–ს თანახმად, 2012 წლის 25 ნოემბერს გამანადგურებელმა J-15–მა პირველ ჩინურ ავიამზიდ "LIAONING"–ზე (ყოფილი "Варяг") პირველად განახორციელა ფრენები (აფრენ–დაფრენა). ამ ფაქტთან დაკავშირებით სააგენტომ ფოტო და ვიდეო მასალა გამოაქვეყნა. როგორც გამოქვეყნებული მასალიდან ჩანს ცდებში J-15–ის ორი პროტოტიპი მონაწილეობდა – საბროტე ნომრებით "552" და "553". J-15–ის ავიამზიდიდან პირველი ფრნების ზუსტი თარიღი უცნობია, თუმცა ზოგიერთ ჩინურ არაოფიციალურ წყაროებში 20–23 ნოემბერს ასახელებენ. 

როგორც "ჩინეთის ეროვნულ–განმანთავისუფლებელი არმიის" სამხედრო საზღვაო ძალების წარმომადგენელი იუწყება გამოცდებმა წარმატებით ჩაიარეს, J–15 სრულებით პასუხობს მოთხოვნებს და მიღწეულია პლატფორმასა და თვითმფრინავს შორის საჭირო თავსებადობა.

ავიამზიდის მწყობრში ჩაყენების მომენტიდან ეკიპაჟმა უკვე 100 სასწავლო–საცდელი პროგრამა შეასრულა. 

ავიამზიდზე პირველი ფრენების გარდა ჩინეთის სამხედრო–საზღვაო ძალების წარმომადგენელმა ასევე აღნიშნა პირველი ჩინური მრავალფუნქციური საგემბანო გამანადგურებლის, J-15 დებიუტიც. გამანადგურებელს, რომელიც სრულებით ჩინეთშია აწყობილი, შეუძლია ზიდოს რამდენიმე სახეობის ხომალდსაწინააღმდეგო, ჰაერი–ჰაერი და ჰაერი–მიწა კლასის რაკეტები და ასევე ზეზუსტი ბომბები. წარმომადგენლის განცხადებით J-15–ის შესაძლებლობები რუსული Су-33 და ამერიკული F-18 შესაძლებლობების შესაბამისია.

წყარო:

Επιχειρήσεις από το «Liaoning»

China conducts flight landing on aircraft carrier

სტელს Rafale

ფრანგულმა ავიაკოსმოსურმა ჟურნალმა «Air & Cosmos»–მა ახლახანს გამოსცა მონოგრაფია, რომელიც ფრანგულ მრავალფუნქციურ გამანადგურებელ Rafale–ს ეძღვნება. წიგნის მოცულობა 100 გვერდს შეადგენს და მასში მოთავსებულია იშვიათი ინფორმაცია და ფოტომასალები ამ გამანადგურებლის განვითარების, სამსახურის და საბრძოლო გამოცდილების შესახებ. ერთერთი საინტერესო ფოტოსურათი რომელიც ინტერნეტში გახდა ხელმისაწვდომი წარმოგვიდგენს Rafale–ს, რომელიც აღჭურვილია კონფრომული ავზებვით და იარაღის დასაკიდი სპეციალური კონტეინერებით, რომლებიც  საბრძოლო ამოცანის შესრულების დროს გამანადგურებლის შემჩნევადობას საგრძნობლად ამცირებს. 

ჟურნალში გამოქვეყნებული სურათი

ამგვარი გადაწყვეტილება მანამდე ამერიკულმა კომპანია Boeing–მა გამოიყენა  გამანადგურებელი F/A-18E/F–ის მოდერნიზაციის კონცეფციის ჩამოყალიბებისას.

დასაკიდი კონტეინერით აღჭურვილი F/A-18E/F Super Hornet-II

 იარაღის დასაკიდი კონტეინერებით აღჭურვილი Rafale–ს ძველი 3D გამოსახულება