მგონი ყველას ახსოვს რუსეთის საარმიო ავიაციის კუთვნილი Ка-52, რომელმაც საკუთარი კორპუსი დააზიანა გასროლით (დეტალები იხილეთ ბმულზე - Ка-52-მა საკუთარი კორპუსი დაცხრილა). ხო და აგერ ნიდერლანდების სამეფო საჰაერო ძალების F-16-მა ვისზე ნაკლები ვარო და ამანაც მსგავსი ილეთი ჩაატარა.
მოკლედ საქმე შემდეგნაირად გამოიყურება:
2019 წლის 21 იანვარს, ნიდერლანდების საჰაერო ძალების F-16 კუნძულ ვლილანდზე მდებარე პოლიგონ ვლიოროსაზე გამართულ სწავლებაში მონაწილეობდა, ქვემეხიდან სროლის დროს გამანადგურებელმა საკუთარი კორპუსი დააზიანა. როგორც ცნობილია - მინიმუმ ერთი ჭურვი აფეთქდა და დააზიანა გამანადგურებლის კორპუსი, ჭურვის დეტალები ძრავაში მოხვდა. პილოტმა დაზიანებული გამანადგურებლის ავარიული დაშვება წარმატებით განახორციელა.
მიმდინარეობს გამოძიება - თუ როგორ მოახერხა ჭურვმა დამოუკიდებლად აფეთქება და არსებობდა თუ არა ინცინდენტის დროს ეკიპაჟისთვის ან სახმელეთო პერსონალისთვის რაიმე საფრთხე.წყარო - F-16 boven Vlieland geraakt door eigen kogel
No comments:
Post a Comment