2008 წლის ომი 3D–ში

БМП-3–ის და Ми-28Н–ის 3D გამოსახულება ვითომდა 2008 წლის რუსეთ საქართოლ ომში მონაწილეობისას:

P.S. არავინა ხართ საქართველოში ასეთი რაღაცეები რომ გააკეთოთ – თუნდაც პროპაგანდის მიზნით (ამ ნახატების შექმნისას გამოყენებული იქნა 3dsmax, v-ray, Ph)

წყარო:

Август 8-го

ტყვიამფრქვევები

2003 წელი, კრწანისის სასროლეთი (GTEP–ის სწავლება)

რუსეთის სპეცდანიშნულების რაზმების არსენალი (ZENIT–ის აპგრეიდი)

სადღაც ჩრდილოეთ კავკასიაში – ტყვიამფრქვევის ლენტის ზურგჩანთა–კოლოფი

ზემოთ მოყვანილი ზურგჩანთა – Ранец для пулеметной ленты MOLLE

ამერიკული ვარიანტი

 

ПКМ-ის და ПКП–ეს ვარიაციები

სავარაუდოდ 5,45მმ–იანი დოლურა მჭიდი

ПКМ-ის ბაზაზე შემქნილი 5,56მმ–ნი ტყვიამფრქვევი (სერბული Zastava M09)

რუსული ექსპერიმენტალური მოდელები

ებრაული "კარსამტვრევი" SIMON

საკმაოდ საინტერესო მოწყობილობა – SIMON - სალულე კარსამტვრევი ყუმბარა. იწარმოება ებრაული კომპანია Rafael–ის მიერ 2005 წლიდან. ყუმბარის ძირითადი დანიშნულებაა ქალაქის პირობებში ბრძოლის წარმოებისას შესავლელი კარებების გამომტვრევა. ყუმბარა კეთდება იარაღის ლულაზე და მისი ტყორცნა 5,56მმ–ნი ტყვიის გასროლით ხდება. ეფექტური სროლის მანძილი 15–30 მეტრი. ყუმბარა შეიარაღებაში დგას ისრაელის და აშშ–ს არმიებში. ასევე არსებობს პირდაპირ კარებზე დასაყენებელი მოდიფიკაციაც.

დაწვრილებით ყუმბარის შესახებ: Simon (GREM) – Door Breaching Rifle Grenade 

SIMON ებრაულ არმიაშისწავლებაზე

არსებობს ასევე იმავე ფირმის მიერ ანალოგიური სქემით შექმნილი უფრო მძლავრი ერთჯერადი ყუმბარმტყორცნი Matador – რომელიც ქალაქის პირობებში ბრძოლისას მძიმე კარებების და კედლების განანგრევად გამოიყენება.

დაწვრილებით Matador–ის შესახებ:
Matador (PZF-90) Family

1973 წელი - "განკითხვის დღის" ომი (III)

სანამ სტატიას წაიკითხავთ, გთხოვთ გადახვიდეთ მითითებულ ბმულზე (ყავისფრად მონიშნული ტექსტი) და მოიწონოთ ჩვენი სამხედრო თემატიკის გევრდი - No Man's Land

................................................................................................................................................................................

მოწინაარმდეგეთა სამოქმედო გეგმები

1973 წელი – გოლდა მეიერი ისრაელის პოლიტიკურ და სამხედრო მოღვაწეებთან ერთად

9. სირიელთა სამოქმედო გეგმა

სირიელების პირველად საბრძოლო ამოცანას გოლანის სიმაღლეებიდან ებრაელების განდევნა და მდინარე იორდანამდე ტერიტორიის დაკავება იყო.

გეგმა შეტევითი ოპერაციების ორ საფეხურს მოიცავდა - ესენი იყო:

• პირველი საფეხური - შეტევა სირია-ისრაელის მთელი საზღვრის გასწვრივ, და გოლანის სიმაღლეების და კუნეიდრას მთიანეთის თავდაცვითი ზღუდის გარღვევა შემდეგი ძალებით შემდეგ მიმართულებებზე: 

1. მიმართულება "A" - ლეგიას პატარა ვაკე - ჰერმონის ქედი.  მე-7 მექანიზირებული ქვეითი დივიზია
2. მიმართულება "B" -  ელ-ხარა - კუნეიდრა - ნაფეკი.  მე-9 მექანიზირებული ქვეითი დივიზია,
3. მიმართულება "C" -ლეგიას დიდი ვაკე - რაფიდი - გალილეა.   მე-5 მექანიზირებული ქვეითი დივიზია.

• მეორე საფეხური - თავდაცვითი ზღუდის გარღვევის შემდეგ   ჩრდილოეთ სექტორში მოხდებოდა მანევრი 2 სატანკო დივიიზთ (პირველი და მესამე დივიზიებით). განხორციელდებოდა კუნეიდრას პოზიციების  ორმაგი შემოვლა და ამის პარალელურად იორდანის ვაკეებისგენ გადაადგილდება. ხოლო სამხრეთ სექტორში უნდა დაეკავებინათ უღელტეხილი კუდნე და იაკობის ხიდი მდინარე იორდანზე.

მუსტაფა ტლასი – სირიის თავდაცვის მინისტრი განკითხვის ომის პერიოდში

10. ეგვიპტელთა საქმოქმედო გეგმა

ეგვიპტელთა ძირითადი მიზანი ასევე არ განსხვავდებოდა სირიელთა ძირითადი მიზნისგან - მათ უნდა განედევნათ ებრაელები სუეცის არხიდან და სინას ნახევარკუნძულიდან და უნდა დაებრუნებინათ 1967 წელს დაკარგული ტერიტორიები.

სამოქმედო გეგმა მოიცავდა ორი ეგვიპტური არმიის სამ საფეხურიან შეტევით ოპერაციას - ესენი იყო:

• პირველი საფეხური - სუეცის არხის სწრაფი გადალახვა და მასზე ორი გადასასვლელი პუნქტის მოწყობა. ერთი ისმაილიასთან ახლოს, კოდარას სამხრეთით, ხოლო მეორე მწარე ტბების ახლოს.

• მეორე საფეხური - გადასასვლელების მოწყობის შემდეგ წინსვლა და სინას ნახევარკუნძულის გადასასვლელების დაკავება.

• მესამე საფეხური - მოპოვებული წარმატების გამოყენება, სინას ნახევარკუნძულის გასუფთავება ისრაელის საზრვრებამდე და მტრის საბოლოო განადგურება.

11. ებრაელთა სამოქმედო გეგმა

ებრაელთა საქმოქმედო გეგმა სამ ძირითად სამოქმედო ერთეულს ეყრდნობოდა, ეგრეთ წოდებული ისრაელის "სამოქმედო დოგმის სამსიტყვეული":

1. ისრაელის სადაზვერვო სამსახურების მიერ დორულად გაფრთხილება მტრის მოქმედებების შესახებ.
2. რეგულარული არმიის ძალის და შესაძლებლობების სრული გამოყენება სამხედრო საჰაერო ძალებთან ერთად – და ამ ბოლოზე დაკისრებული იყო ძალიან დიდი მოვალეობა ბრძოლის ველზე ბატონობის შესანარჩუნებლად.
3. რეზერვის სწარფი მობილიზაცია და ბრძოლის ველზე მათი ოპერატიული გადასროლა.

გეგმა ითვალისწინებდა:

• საბრძოლო მოქმედებების პირველ პერიოდში არსებული ძალების გამოყენებით:

1. გოლანის სიმაღლეების სტაბილიზაცია. 
2. სინას ნახევარკუნძულზე მტრის შეტევის მოგერიება.

• საბრძოლო მოქმედებების მეორე ფაზაში, რეზერვის წინა ხაზზე გადასროლის შემდეგ, კონტრშეტევის განხორციელება:

1. პირველ ფაზაში, გოლანის სიმაღლეებთან სირიის და მისი მოკავშირეების, ერაყისა და მაროკოს არმიების განადგურების მიზნით სირიის თავდაცვითი ზღუდის გარღვევა და შეტევის განხორციელება დამასკოს მიმართულებით.
2. მეორე ფაზაში სინას ნახევარკუნძულზე მანევრის განხორციელება, სუეცის არხის გადალახვა, ეგვიპტურ ნაპირზე პლატფორმის შექმნა, ეგვიპტური ჯარების ალყაში მოქცევა შემდგომ მათი განადგურების მიზნით.

იცხააკ რაბინი, მოშე დაიანი (ისრაელის თავდაცვის მინისტრი განკითხვის დღის ომის დროს) და უზი ნარქისი იერუსალიმში

პირველი ორი ნაწილი:

1973 წელი - "განკითხვის დღის" ომი

1973 წელი - "განკითხვის დღის" ომი (II)

ამერიკელი მრჩეველ-ინტრუქტორების დაჯილდოება/U.S. Advisor-Instructors Awarded

დღეს, საქართველოს თავდაცვის მინისტრმა ირაკლი ალასანიამ ამერიკელი მრჩეველ-ინსტრუქტორები დააჯილდოვა. მედლები „გენერალი კვინიტაძე“, ქართული ბატალიონების ISAF-ის მისიისთვის გადასროლისწინა მომზადებაში შეტანილი განსაკუთრებული წვლილისთვის, სერჟანტ-მაიორ გრეგორი რაიტს, უფროს სერჟანტ ვინსენტ ჰელერს და უფროს სერჟანტ ანტონი კუკურისს გადაეცათ. დაჯილდოების ცერემონია საწვრთნელ ბაზაზე „სამხრეთ ვაზიანი“ (ალგეთი) გაიმართა.

„დღეს, ჩვენ მოვინახულეთ 33-ე ბატალიონი, რომელიც ჩვენს ამერიკელ პარტნიორებთან ერთად გადის წვრთნებს და უახლოეს მომავალში წავლენ ავღანეთში. ჩვენი ვაჟკაცები, ჩვენი მეომრები მორალურადაც, ფიზიკურადაც და რაც მთავარია, სამხედრო ცოდნით მზად არიან ყველა ამოცანა გადაწყვიტონ და შეასრულონ. მათ ყველა ამოცანის შესრულებისას უნდა ახსოვდეთ მთავარი - გადაირჩინონ საკუთარი თავი და ამით შეასრულონ ძირითადი ამოცანა -საერთაშორისო და ჩვენი ქვეყნის უსაფრთხოების დაცვა“ - განაცხადა თავდაცვის მინისტრმა. ამერიკელი მრჩეველ-ინსტრუქტორების დაჯილდოების ცერემონიალს ასევე, გაერთიანებული შტაბის ხელმძღვანელობა დაესწრო. ცერემონიალის შემდეგ, თავდაცვის მინისტრმა საწვრთნელი ბაზა დაათვალიერა და ინფრასტრუქტურას გაეცნო. ამერიკელმა მრჩეველ-ინსტრუქტორებმა დადებითად შეაფასეს ქართველი სამხედროების მომზადების დონე. უფროსი სერჟანტის ვინსენტ ჰელერის თქმით, ქართველი სამხედროები ძალიან მოტივირებულნი არიან და მაღალი პროფესიონალიზმით გამოირჩევიან.

21 December 2012 05:06 

Today Georgian Defence Minister Irakli Alasania has awarded the American advisor-instructors. Sergeant Major Gregory Wright, 1st Sergeant Vincent Heller and Gunnery Sergeant Anthony Cuccurese were granted with Medals “General Kvinitadze” for their special contribution to pre-deployment training the Georgian soldiers for ISAF mission. The awarding ceremony was held at the training base “Sounth Vaziani”, Algeti.

“Today we have visited the 33rd Battalion currently undergoing the trainings with our American partners.  They will depart for Afghanistan in the nearest future. Our soldiers are morally and physically ready and the most important is that they have relevant military knowledge to solve every task successfully. They should always be aware to save themselves and carry out the most important task - to provide international and national security”, declared Defence Minister.

The leadership of the GAF also attended the awarding ceremony. After the ceremony, Defence minister had a tour around the training base and the infrastructure.

U.S. advisor-instructors have positively assessed the preparedness of Georgian soldiers. According to 1st Sergeant Vincent Heller, the Georgian soldiers are highly motivated and distinguished for their professionalism. 

წყარო:

ამერიკელი მრჩეველ-ინტრუქტორების დაჯილდოება

Starry night – დღის ფოტო

სურათი გადიდებადია

საქართველოს ეროვნული გვარდია 22 წლისაა

საქართველოს ეროვნული გვარდია 22 წლისაა – ზუსტად ამ დღეს, 20 დეკემბერს, 22 წლის წინ, 1990 წელს, საქართველოს რესპუბლიკის კანონი №375–ი შევიდა ძალაში, რითაც საფუძველი ჩაეყარა ეროვნული გვარდიის შექმნას. ვულოცავ ყველა მოქმედ და ყველა ვეტერან გვარდიელს – რომლებიც გმირულად იდგნენ და ახლაც დგანან სამშობლოს სადარაჯოზე. ხოლო ბრძოლის ველზე დაცემულებს მარადიული დიდება.

საქართველოს ეროვნული გვარდიის მოკლე ისტორია

1990 წლის 20 დეკემბერი - გვარდიის შექმნა

საქართველოს რესპუბლიკის კანონი №375. საქართველოს რესპუბლიკის შინაგანი ჯარების, ეროვნული გვარდიის შექმნის შესახებ. 

საქართველოს რესპუბლიკის უზენაესი საბჭო ადგენს: 

1) საქართველოს რესპუბლიკის შინაგან საქმეთა სამინისტროსთან შეიქმნას შინაგანი ჯარების ეროვნული გვარდია; 

2) შინაგანი ჯარების, ეროვნული გვარდიის ხელმძღვანელობისათვის შინაგან საქმეთა სამინისტროსთან ჩამოყალიბდეს მთავარი სამმართველო, რომლის უფროსი იმავდროულად იქნება შინაგან საქმეთა მინისტრის პირველი მოადგილე; 

3) შინაგან ჯარებს, ეროვნულ გვარდიას, მეთაურობს სარდალი, რომელსაც ნიშნავს საქართველოს რესპუბლიკის უზენაესი საბჭო. 

კანონი შედგება ცხრა პუნქტისაგან და ძალაში შედის 1990 წლის 20 დეკემბრიდან. 

საქართველოს რესპუბლიკის ტერიტორიაზე შეჩერებულ იქნა სავალდებულო სამხედრო სამსახურის შესახებ სსრ კავშირის კანონის მოქმედება (1990 წ. 15 ნოემბერი), მიღებულ იქნა დადგენილება "შინაგან ჯარებში-ეროვნულ გვარდიაში გაწვევის დროებითი ვალდებულების შესახებ” (1991 წ. 29 იანვარი). ეროვნული გვარდიის დაარსებიდან მცირე ხანში გაირკვა, კანონი ეროვნული გვარდიის შესახებ არ სრულდებოდა ეროვნული გვარდიის სარდალისა და ფაქტობრივად მთელი სარდლობის (რომელსაც სარდალი თ.კიტოვანი ნიშნავდა თანამდებობაზე - უმეტესწილად მისი პირადი მეგობრების წრიდან) მიერ - ისინი, სარგებლობდნენ რა გვარდიის სარდლის განსაკუთრებული სტატუსით (იხ. კანონის მე-3 მუხლი) - ფაქტობრივად გამოვიდნენ შინაგან საქმეთა სამინისტროს მორჩილებიდან და ამდენად თანდათანობით დაუპირისპირდნენ შინაგან საქმეთა სამინისტროს. გვარდიის მატერიალურ-ტeქნიკური მომარაგება უმთავრესად ხდებოდა შინაგან საქმეთა სამინისტროს ფონდებიდან. მაგრამ, გვარდიის სარდლობის თავნებობის ზრდასთან ერთად, მან დაიწყო გარკვეული ფინანსური და მატერიალური რესურსების თვითნებული მოკრება საბჭოთა სახელმწიფო საწარმოებიდან და კორუმპირებული კერძო პირებიდან. ამ საქმიანობაში გვარდიის სარდალს თ.კიტოვანს მხარში ედგა და დახმარებას უწევდა საქართველოს მინისტრთა საბჭოს თავმჯდომარე თ.სიგუა - რომელთანაც თ.კიტოვანმა გარკვეული ალიანსი შექმნა. გვარდიის პირადი შემადგენლობის დაკომპლექტება უმთავრესად ხდებოდა იმ ახალგაზრდებით - რომლებიც უარს აცხადებდნენ საბჭოთა არმიაში სავალდებულო სამსახურზე. ეროვნულ გვარდიაში ალტერნატიული სამსახური მათ გარკვეულწილად იცავდა საბჭოთა კანონებისაგან სამართლებრივი დევნისაგან. ეროვნული გვარდიის იარაღით მომარაგება მცირე ნაწილში ხდებოდა შინაგან საქმეთა სამინისტროს რესურსებიდან. მეორე მხრივ - გვარდიის შესაიარაღებლად გამოიყენებოდა საქართველოს უმაღლესი სასწავლებლების სამხედრო კათედრებზე არსებული სასწავლო იარაღი შესაბამისი რემონტის შემდეგ. გვარდიის პირადი შემადგენლობა რომელიც 1991 წლის მაისისათვის დაახლოებით 700 მებრძოლს ითვლიდა მსუბუქი იარაღით ასე-თუ-ისე შეიარაღებული იყო 30-40%-ით. ხელის იარაღის გარდა გვარდიას გააჩნდა აგრეთვე სასწავლებლების სამხედრო კათედრებიდან მობილიზებული რამდენიმე ჯავშანტრანსპორტიორი („ბმპ" და „ბტრ"), ერთი ჰაუბიცა და ზვავთსაწინააღმდეგო სამსახურიდან მობილიზებული რამდენიმე საზენიტო ტიპის ზარბაზანი. შენიშვნა: შსს კომუნისტურმა ხელმძღვანელობამ 28 ოქტომბრის არჩევნებამდე ცოტა ხნით ადრე ქვეყანას "უკანასკნელი სამსახური” გაუწია, როცა სამინისტროს განკარგულებაში არსებული 25 ათასამდე ერთეული ცეცხლსასროლი იარაღი და ამუნიცია სასწრაფო წესით რუსეთის ტერიტორიაზე გაიტანა. 

კიტოვანიმა და სიგუამ პრეზიდენტ გამსახურდიასთან ღია დაპირისპირების დაწყებისას რკონის ხეობაში მდებარე გვარდიის ბაზაში გაიყვანეს დაახლოებით 350 საუკეთესოდ შეიარაღებული გვარდიელი და პრაქტიკულად მთელი მძიმე იარაღი.

1991 წლის აპრილი - უმაღლესი მთავარსარდლის თანამდებობის შექმნა 

პრეზიდენტის ინსტიტუტის შემოღებასთან დაკავშირებით კონსტიტუციაში შევიდა ცვლილებები, რომლითაც იქმნებოდა ეროვნული გვარდიის, საჯარისო ფორმირებების, უმაღლესი მთავარსარდლის თანამდებობა, რომელიც ყველა ფორმირებებს და მათ შორის გვარდიასაც გულისხმობდა.

1991 წლის 10 აპრილი - გაფრთხილება კრემლიდან 

- შეკითხვა: როგორია თქვენი პროგნოზი უახლოესი მომავლისათვის? - პასუხი: ახალ პროვოკაციას უნდა ველოდოთ. მით უმეტეს, რომ შიდა ქართლის ამბებზე ინფორმაციასთან ერთად მოსკოვიდან სხვა ახალი ამბებიც მოდის. მაგალითად, სსრკ შინაგან საქმეთა მინისტრმა პუგომ გამოგვიგზავნა დეპეშა, რომელშიც ნათქვამია, თითქოს "უკანონო" იყოს ჩვენი შინაგანი ჯარების - ეროვნული გვარდიის შექმნა. იგი იმოწმებს სსრკ პრეზიდენტის ბრძანებულებას უკანონო სამხედრო ფორმირებათა დაშლის შესახებ. ერთი სიტყვით დიდმასშტაბიან პროვოკაციებს უნდა ველოდოთ. (პრეზიდენტ ზ.გამსახურდიას პრესკონფერენცია, 1991 წლის 10 აპრილი)

1990 წლის 19 აგვისტო -- გვარდიის რეორგანიზაცია 

საქართველოს პრეზიდენტის ბრძანებულება №526 შინაგანი ჯარების - ეროვნული გვარდიის რეორგანიზაციის შესახებ. ეროვნულ გვარდიას მიენიჭა განსაკუთრებული დანიშნულების მილიციის ქვედანაყოფის სტატუსი, გაუქმდა სარდლის თანამდებობა, ხოლო მისი ხელმძღვანელობა დაეკისრა შინაგან საქმეთა მინისტრის მოადგილეს.

1991 წლის 23 აგვისტო - გვარდიის სარდლის განთავისუფლება 

საქართველოს პრეზიდენტის ბრძანებულება №535 თ.კიტოვანის ეროვნული გვარდიის - შინაგანი ჯარების სარდლის თანამდებობიდან განთავისუფლების შესახებ.

1991 წლის 26 აგვისტო - თავდაცვის სახელმწიფო დეპარტამენტის შექმნა 

საქართველოს რესპუბლიკის პრეზიდენტის ბრძანებულებით შეიქმნა საქართველოს რესპუბლიკის თავდაცვის სახელმწიფო დეპარტამენტი

1991 წლის 26 აგვისტო - ეროვნული გვარდიის სტატუსის შეცვლა 

საქართველოს რესპუბლიკის პრეზიდენტის ბრძანებულებით ეროვნულ გვარდიას მოეხსნა შინაგანი ჯარის სტატუსი და დაექვემდებარა რესპუბლიკის თავდაცვის სახელმწიფო დეპარტამენტს.

1991 წლის სექტემბერი - ეროვნული გვარდიის მთავარი სამმართველოს შექმნა 

შეიქმნა ეროვნული გვარდიის მთავარი სამმართველო, რომლის უფროსად დაინიშნა ვახტანგ ქობალია, ხოლო მის პირველ მოადგილედ და ამავე დროს ეროვნული გვარდიის მთავარი სამმართველოს შტაბის უფროსად - როლანდ ლაკია.

ეროვნული გვარდიის ხელახალი შექმნა დასავლეთ საქართველოში 

1991-1992 წწ. დეკემბერ-იანვრის პუტჩის პერიოდში ლეგიტიმურ ხელისუფლებას იცავდა ეროვნული გვარადიის ის ნაწილი რომელც არ გაჰყვა კიტოვანსა და სიგუას რკონის ხეობაში - დაახლოებით 200 მებრძოლის რიცხვოვნობით. ეს მებრძოლები გაჰყვნენ აგრეთვე პრეზიდენტ გამსახურდიას, როდესაც იგი იჯევანში ილტვოდა. პრეზიდენტ გამსახურდიას ჩეჩნეთში გადასვლის შემდგომ მისი ერთგული ეროვნული გვარდია ფაქტობრივად დაიშალა და მისი წევრების არსებითი ნაწილი სამხედრო საბჭოს მიერ რეპრესირებული იქნა. 

ხუნტა შეეცადა მიემხრო პრეზიდენტისადმი ერთგული გვარდიელები „სტრუქტურებში ჩართვის" შეპირებით ანუ დაპირებით აეყვანათ ისინი ხელფასიან სამსახურში ხუნტის შეიარაღებულ ძალებში - რის შედეგადაც იმედგაცრუებული გვარდიელების ერთი, მცირე ნაწილი მართლაც მიიმხრეს. ეროვნული გვარდიის იმ წევრების მიმართ, რომლებიც არ გახდნენ კოლაბორაციონისტები მიმდინარეობდა დაუნდობელი რეპრესიები. 

„მხედრიონისა" და კიტოვანის გვარდიის მიერ დასავლეთ საქართველოს ეგზეკუციების პერიოდში - როდესაც მათ ფართომასშაბოვანი ძარცვა მოაწყეს და მრავალი სისატიკე ჩაიდინეს - ძირითადად სამეგრელოში სტიქიურად ჩამოყალიბდა რამდენიმე მცირე პარტიზანული რაზმი, რომლებიც ადგილობრივ მოსახლეობას იცავდნენ ძარცვისაგან და რომლებშიც გაერთიანდა პრეზიდენტ გამსახურდიას ერთგული გვარდიელების ნაწილიც.

პირველი ბრძოლა პარტიზანულმა რაზმებმა გაუმართეს „მხედრიონს" მათ მიერ წალენჯიხის ძარცვის დროს 1992 წლის ზაფხულში, რომელსაც ახლდა მოსახლეობაზე დიდი ძალადობა და მკვლელობა-გაუთატიურებები. ელვისებურად ჩატარებულ წალენჯიხის ოპერაციისას „მხედრიონის" რაზმი, რომელსაც პირადად ჯაბა იოსელიანი მეთაურობდა პრაქიკულად განადგურებული იქნა, ხოლო იოსელიანი ბრძოლის ველიდან გაიქცა. ამ ოპერაციის შემდეგ პარტიზანულმა რაზმებმა ხელთ ჩაიგდეს რამდენიმე ათეული საბრძოლო იარაღი და საკმაო საჭურველი - რამაც მათ საშუალება მისცათ კიდევ რამდენიმე წარმატებული ოპერაციის შედეგად მთლიანად გაენთავისუფლებინათ სამეგრელოს რეგიონი სამხედრო საბჭოს შეიარაღებული ბანდებისაგან. 

ხელახალა შექმნილი ეროვნული გვარდიის მეთაურები და რიგითი წევრები - გვარდიელები მოხალისეებს წარმოადგენდნენ და შეიარაღებული იყვნენ საკუთარი (კერძო-პირადი, პრივატული) იარაღით. გვარდიის ტრანსპორტირებისათვის აგრეთვე კერძო-პირადი ტრანსპორტი (ავტოტრანსპორტი) გამოიყენებოდა. მოხალისური სისტემისა და საკუთარი შეიარაღებების ცენტრალიზებული მომარაგებით შეცვლა ვერ მოხერხდა (ვერც არსებული იარაღის ცენტრალიზებული კონტროლირება) და გვარდიის შეიარაღება კვლავ მოწინააღმდეგის განიარაღებით მოპოვებული იარაღით (ალაფით) ხდებოდა - რომელიც ალაფის მომპოვებელი რაზმის ხელში იყო. ალაფის მომპოვებელი რაზმი ჭარბ იარაღს ცვლიდა საჭურველში ან სატრანსპორტო საშუალებებსა და საწვავში.

1992 წლის ივნისში პრეზიდენტ გამსახურდიას ბრძანებულებით დასავლეთ საქართველოში (აფხაზეთ-სამეგრელოში) არსებული პარტიზანული რაზმები გაერთიანდნენ და ხელახლა შექმნეს ეროვნული გვარდია. მის მეთაურად და პრეზიდენტ გამსახურდიას სამხედრო რწმუნებულად დასავლეთ საქართველოში დაინიშნა პოლკოვნიკი ვახტანგ ქობალია. ამ პერიოდისათვის გვარდიის რიცხვოვნობა სამეგრელო-აფხაზეთში 200-250 მოხალისე-მებრძოლს აღწევდა. 

აფხაზეთში ომის დაწყებიდანვე და განსაკუთრებით სოხუმის დაცვაში მონაწილეობდა გამსახურდიას ერთგული გვარდიის მებრძოლების თითქმის ნახევარი და განსაკუთრებით თავი გამოიჩინა სოხუმის ბატალიონმა სოსო ჯომიდავას მეთაურობით. 

პოლკოვნიკ ვ.ქობალიას პირადი მეთაურობით ჩატარებული იქნა აფხაზეთის ომის პრაქტიკულად ერთად-ერთი წარმატებული მასშტაბური ოპერაცია - როდესაც ტამიშის შესართავთან მოგერიებული და შემდგომ განადგურებული იქნა სეპარატისტების ძლიერი დესანტი - როდესაც გვარდიას ხელში ჩაუვარდა არსებითი რაოდენობის იარაღი და საჭურველი. 

1993 წლის სექტემბრისათვის გვარდიის პირადი შემადგენლობის რიცხვოვნობა 400-450 მოხალისე-მებრძოლს აღწევდა (აფხაზეთიდან ლტოლვილ მებრძოლთა ჩათვლით) და მას გააჩნდა 4 მოძველებული ტანკი, 2 „გრადი", რამდენიმე „ბმპ" და „ბრდმ". 

90-იან წლებში საქართველოს ერთიანობისთვის წარმოებულ ბრძოლებში ეროვნული გვარდია წარმოადგენდა ქართული შეიარაღებული ძალების ძირითად ბირთვს. 600-ზე მეტმა გვარდიელმა სამშობლოს ერთიანობასა და თავისუფლებას საკუთარი სიცოცხლე შეწირა. 

2000 წლამდე ეროვნულ გვარდიაში თავმოყრილი იყო საბრძოლო და სასწავლო ქვედანაყოფები, ხოლო 2000 წლიდან აშშ –ს ევროპული სარდლობისა და გენერალ პოიტრესის რეკომენდაციების გათვალისწინებით, ეროვნულ გვარდიას ახალი როლი და ფუნქციები განესაზღვრა, განხორციელდა შესაბამისი სტრუქტურული ცვლილებები.

საქართველოს თავდაცვის 2004-2006 წლის სამხედრო დოქტრინიდან გამომდინარე, ეროვნული გვარდიის პრიორიტეტებია:

შეიარაღებული ძალების რეზერვის მომზადება-გადამზადება, სამობილიზაციო რესურსების მართვა, საბრძოლო წვრთნების ორგანიზება და განხორციელება, რეზერვის მობილიზაციის დაგეგმვა და მართვა, საჯარისო მობილიზაციის ჩატარება სრული მოცულობით ყოველგვარ პირობებში. სამხედრო ოპერაციების დროს, მხარდამჭერი და უსაფრთხოების ოპერაციების ჩატარება (ზურგის ოპერაციები),საგანგებო სიტუაციების დროს სამოქალაქო ხელისუფლების მხარდაჭერა, შეიარაღებული ძალების შენაერთების, დანაყოფების და ნაწილებისათვის ხელშეკრულების საფუძველზე მოქალაქეთა შერჩევა და დაკომპლექტება. 

X-47B სახლში ბრუნდება

ავიამზიდ USS Harry S. Truman–ზე (CVN 75) ორკვირიანი გამოცდების შემდეგ უპილოტო საფრენმა აპარატმა X-47B UCAS (Unmanned Combat Air System) დაასრულა საგემბანო გამოცდების პირველი ციკლი და სახლში, NAS Patuxent River–ში ბრუნდება - სადაც ახალ საფრენოსნო ტესტირებას გაივლის.

ავიამზიდზე განხორციელებულ სტატიკურ გამოცდებს შორის იყო უპილოტო თვითმფრინავის მართვა გემბანზე და ადაპტაცია ხომალდზე არსებულ რადიოელექტრონულ გარემოსთან.

შეგახსნებეთ რომ X-47B შეიარაღებაში მირებული არ იქნება, ეს უბრალოდ მფრინავი ლაბორატორიაა და მასზე ის ტექნოლოგიები იცდება, რომლებიც მომავალში აშშ–ს UCAV–ებში იქნება გამოყენებული.