воскресенье, 31 декабря 2017 г.

ამერიკული 105 მილიმეტრიანი ქვეკალიბრული ჯავშანგამტანი ჭურვები

M735-ს არასტანდარტული, წვეთის ფორმის, ვოლფრამის მძიმე შენადნობის გულარი ჰქონდა (კონკრეტული დასახელება არ შემხვედრია). გულარი 2,21კგ-ს იწონიდა და მისი სიგრძე 309 მილიმეტრი იყო (საწყისი, გაუჩარხავი ფორმის წონა 7,7 კგ იყო, შემდეგ ის 4,5კგ-მდე შეამცირეს).

M774 და M833 აღჭურვილი იყო ურანის U-3/4Ti (staballoy) ტიპის შენადნობისგან დამზადებული გულარით, რომლის სიმკვრივეც 18.6 გრ/სმ3 უდრიდა.

M774-ის გულარის სიგრძე 347მმ იყო, დიამეტრი 26მმ (ნაჭდევებით 29მმ) და იწონიდა 3,45კგ-ს

M833-ის გულარის სიგრძე 427მმ-ს უდრიდა და იწონიდა 3,674კგ-ს (გაუჩარხავი სამზადისის წონა 6,236კგ-ს უდრიდა).

ფოტოზე ქვვიდან ზევით შემდეგი ჭურვების გულარებია გამოსახული (სულ ქვედა არ გაითვალისწინოთ) M774, M829, M829A2, M829A1, M833

რუსეთის არმიის 2017 წლის რაოდენეობრივ-ტექნიკური მონაცემები

რუსეთის თავდაცვის სამნისტროს მიე რგავრცელებული საკმაოდ საინტერესო ინფოგრაფიკა, რომელზეც 2017 წლის განმავლობაში რუსეთის არმიის აღჭურვასა და მომზადებაში მიღწეული შედეგებია ასახული (გამოსახულება გადიდებადია):

P.S. რუსეთის არმიის ძირითად მიღწევებზე ბლოგზე უკვე ვწერდი, სტატია შეგიძლიათ იხილოთ შემდეგ ბმულზე - რუსეთის თავდაცვის მინისტრის მოხსენება და 2017 წლის შედეგების შეჯამება

суббота, 30 декабря 2017 г.

უკრაინაში მოდერნიზირებული Т-72 საარმიო გამოცდებისთვის მზადაა

ამა წლის აგვისტოში კიევში მოდერნიზირებული Т-72 გამოაგორეს. დღეს როგორც მწარმოებელი იუწყება, ტანკი საარმიო გამოცდებისთვის უკვე მზადაა.

ვიდეოს მიხედვით და ასევე ვიზუალური დაკვირვებით ტანკმა შემდეგი გაუმჯობესება განიცადა:
  • განახლდა ცეცხლის მართვის სისტემა.
  • საბრძოლო მარაგის ნომენკლატურაში შეყვანილია ტსმრ "კომბატი" (Комбат)
  • მანქანა აღიჭურვა "ნიჟის" ტიპის დინამიკური დაცვით (ДЗ "Нож"), ვიდეოს მიდზედვით კოშკურა და კორპუსის ბორტები.
  • მანქანაზე დამონტაჟდა ცხაურები (კოშკურის ბორტებზე და კიჩოზე და კორპუსის კიჩოზე).
  • მსხვიკალიბრიანი საზენიტო ტყვიამფრქვევის მსროლელის დაცვის მიზნით დანადგარი ჯავშან პანელებით აღიჭურვა.
  • გაუმჯობესდა სავალი ნაწილი - ვიდეოში ტანკი პარალელურ სახსრიანი მუხლუხებითაა აღჭურვილი.

მთლიანობაში მანქანა ცუდად არ გამოიყურება, ბიუჯეტიანი მოდერნიზაციაა.

пятница, 29 декабря 2017 г.

რუსეთში საკონტინენტთაშორისო რაკეტა "Сармат"-ის პირველი სატყორნცი გამოცდა განხორციელდა



როგორც გაზეთი "Московский Комсомолец" იუწყება, 2017 წლის 27 დეკემბერს, არხანგელის ოქლში, პლესეცკის კოსმოდრომიდან რაკეტა "Сармат"-ის პროტოტიპის პირველი ტყორნცითი გამოცდები განხორციელდა. წყაროს თანახმად, ბალისტიკური რაკეტის გამოცდამ წარმატებით ჩაიარა.

"გამვშვებმა ჭამ და რაკეტამ გამართულად იმუშავეს. რაკეტამ რამდენიმე ათეული კილომეტრი იფრინა და პოლიგონის საზღვრებში ჩამოვარდა. გამოცდების პროგრამა სრულებით იქნა შესრულებული" - განაცხადა წყარომ.

სატყორცნ გამოცდებში იგულისხმება რაკეტის წონითი მაკეტის გამშვები ჭიდან ამოგდება დენთის აკუმლიატორის წნევით 30 მეტრის სიმაღლეზე. ამ სიმაღლეზე საშტატო სიტუაციაში სამარშო ძრავა ჩაირთება და რაკეტას სამიზნეზე გაიყვანს.


შეგახსენებთ რომ პერსპექტიული თხევადსაწვავიანი, ორსაფეხურიანი, საკონტინენტთაშორისო ბალისტიკური რაკეტა 15А28 (Р-28), რომელიც საცდელ-საკონსტრუქციო თემა "Сармат"-ის ფარგლებში იქმნება, სააქციონერო საზოგადოება "აკადემიკოს ვ. პ. მაკეევის სახელობის სახელმწიფო სარაკეტო ცენტრი" (Государственный ракетный центр имени академика В. П. Макеева) სახელმწიფო კონტრაქტის შესაბამისად, 2011 წლის 21 ივლისიდან მუშაობს.

პირველი სატყორცნი გამოცდები გრაფიკიდან ორი წლის ჩამორჩენით განხორციელდა. კიდევ ორი სატყორცნი გაოცდა 2018 წლის პირველ ნახევარშია დაგეგმილი. რაკეტების საცდელი ნიმუშების შექმნას "კრასნოიარსკის მანქანათმშენებლობის ქარხანა" (Красноярский машиностроительный завод) ახორციელებს.

Gray Wolf - აშშ-ს იაფი ფრთოსანი რაკეტის პროგრამა

2017 წლის 18 და 20 დეკემბერს, აშშ-ს თავდაცვის სამინისტრომ, საჰაერო ძალების კვლევითი ლაბორატორიის სახელით (US Air Force Research Laboratory - AFRL) Lockheed Martin-სა და Northrop Grumman-ს, ორი, თითო 110 მილიონი დოლარის ღირებულების, კონტრაქტი გაუფორმა. ხელშეკრულების თანახმად კორპორაციებმა  საჰაერო ბაზირების იაფი ფრთოსანი რაკეტა, კოდური სახელწოდებით Gray Wolf, უნდა შექმნან.

Lockheed Martin-ს მიერ შემოთავაზებული რაკეტა Gray Wolf-ის კონცეპტუალური გამოსახულება

ხელშეკრულება 2017 წლის მარტში AFRL-ს მიერ გაკეთებული მოთხოვნის შესაბამისად გაიცა, რომლის თანახმადაც უნდა განხორციელდეს იაფი, ქვებგერითი საავიაციო ბაზირების ფრთოსანი რაკეტის პროტოტიბების "დაპროექტება, შემქნა, დამზადება და გამოცდა", რომლებმაც "ძლიერი წინააღმდეგობის პირობებში მოწინააღმდეგის ინტეგრირებული ჰსთ საფრთხეთა" წინააღმდეგ საბრძოლველად განვითარებულ ქსელურცენტურლი მოქმედების ტექნოლოგიები უნდა გამოიყენოს. ამგვარად ამ რაკეტების ძირითად დანიშნულებად მტრის ჰსთ სისტემის განადგურება სახელდება. რაკეტებმა ერთობლივი, მასირებული გამოყენებისთვის შეიარაღების სხვა სახეობებთან ურთიერთმიზანჩვენების მიზნით ქსელურად უნდა განახორციელონ ურთიერთქმედება
Gray Wolf-ის პროგრამამ "სპირალური განვითარების" ოთხი საფეხური უნდა მოიცვას და უნდა მისცეს საშუალება შეაფასონ ღია არქიტექტურის და მოდულური გათანწყობის გადაწყვეტილება, რომელიც საშუალებას იძლევა სწრაფად შეიქმნას საცდელი ნიმუშები და მოხდეს მათი გაუმჯობესება "სპირალურ განვითარებაში". რაკეტებმა მიზნის განადგურების გარდა უნდა განახორციელონ დაკვირვება და დაზვერვა, რადიოტექნიკური დაზვერვა და რადიოელეტრონული ბრძოლა.
AFRL-ის მიერ გამოცხადებულ კონკურსზე თავისი შემოთავაზება შვიდმა ამერიკულმა კომპანიამ წარმოადგინა, რომლებიდანაც ამოირჩა ორი ზემოთხსენებული კომპანიის პროექტი. პირველი ეტაპის ხელშეკრულების თანახმად, Lockheed Martin-მა და Northrop Grumman-მა, 2022 და 2024 წლებში შესაბამისად, უნდა განახორციელონ აღნიშნული თემის ფარგლებში შექმნილი რაკეტების პროტოტიპების შექმნა და გამოცდა. მანამდე, 2017 წლის ბიუჯეტიდან, ორივე კომპანიამ ამ თემაში "სამეცნიერო-კვლევითი სამუშაოების" შესასრულებლად სამ-სამი მილიონი დოლარი მიიღო.
რაკეტებ Gray Wolf-ების პირველი ეტაის გამოცდებიLockheed Martin F-16-იდან განხორციელდება. შემდეგში რაკეტის გამოყენება შესაძლებელი იქნება აშშ-ს საბრძოლო ავიაციის ყველა ტიპის თვითმფრინავიდან (F-35, F-15, F-18, B-1, B-2 и B-52).

წყარო:

вторник, 26 декабря 2017 г.

რუს სამხედროებს პირველად ანახეს ამერიკული F-35


5 დეკემბერს, რუსეთის არმიის სამმა ოფიცერმა, ნორვეგიაში მდებარე ავიაბაზა ერლანში, დათვალიერება განახორციელა. ინსპექტირება ასევე შეეხო სამ უახლეს თვითმფრინავს "ბომბდამშენ-გამანადგურებელს" F-35А-ს, რომლებიც ნორვეგიას აშშ-მ ერთი თვის წინ გადასცა.
როგორც ცნობილი, ეს პირველი შემთხვევაა, როდესაც რუსმა სამხედროებმა ამ სამხედრო ტექნიკის ახლოდან დათვალიერების შესაძლებლობა მიიღეს.
ინსპექტირება 2011 წელს ვენის დოკუმენტის შესაბამისად მოხდა, რომლის ფარგლებში 57 ქვეყანამ ერთმანეთის შეიარაღებული ძალების ინსპექტირების უფლება მიიღო.

суббота, 23 декабря 2017 г.

რუსეთის თავდაცვის მინისტრის მოხსენება და 2017 წლის შედეგების შეჯამება

22 დეკემბერს რუსეთის თავდაცვის მინისტრმა გასული წლის შეჯამება გააკეთა და მოხსენებით წარსდგა თავდაცვის კოლეგიის წინაშე. მთელს ტექსტს არ გითარგმნით, მაგრამ რამოდენიმე მნიშვნელოვან დეტალებს კი მოგახსენებთ.

  • სირიაში საბრძოლო გამოცდილება 48 ათსმა სამხედრო მოსამსახურემ მიიღო. აქედან 14 ათასზე მეტი სახელმწიფო ჯილდოებითაა დაჯილდოებული.
  • ოპერატიულ-ტაქტიკური ვიაციის ეკიპაჟების 80% და საარმიო ავიაციის ეკიპაჟების 90%-მა 100-დან 120 საბრძოლო გაფრენამდე განახორციელა. შორეული ავიაციის ეკიპაჟებმა მოწინააღმდეგის მნიშვნელოვან ობიექტებზე დარტყმების გამოცდილება მიიღეს.
  • სულ ბოლო ორი წლის განმავლობაში, რუსეთის ავიაციამ, 34 ათასი საბრძოლო გაფრენა განახორციელა.
  • პირველად საბრძოლო მოქმედებებში საგემბანო ავიაციის პილოტებიც მონაწილეობდნენ. მათ მიერ 420 საბრძოლო გაფრენა იქნა განხორციელებული.
  • მოწინააღმდეგის მნიშვნელოვან ობიექტებზე გამოიყენებოდა ისეთი ზეზუსტი შორსმფრენი რაკეტები, როგორებიცაა "Калибр" და Х-101, "Искандер", "Точка-У" და Х-55.
  • ხუთასიდან ათასხუთასამდე კილომეტრ მანძილზე წყალქვეშა ნავებმა და ხომალდებმა 100 დარტყმა, ხოლო სტრატეგიული ავიაციის თვითმფრინავებმა 66 დარტყმა განახორციელეს. ყველა რაკეტამ მიზანი გაანადგურა.
  • ჰსთ კომპლექს "Панцирь"-ის შესაძლებლობები მცირეზომიან სამიზნეებთან და რეაქტიულ ჭურვებთან ბრძოლის საშუალებას იძლეოდა. კომპლექსის დახმარებით განადგურებული იქნა 16 ცალი უპილოტო საფრენი აპარატი და 53 ზალპური ცეცხლის რეაქტილი სისტემის რაკეტა.
  • სტრატეგიული დანიშნულების სარაკეტო ჯარებში სამმა პოლკმა დაასრულა "Ярс" ტიპის მოძრავ კომპლექსებზე გადაირაღება.
  • საავიაციო სტრატეგიულმა ბირთვულმა ძალებმა მიმდინარე წელს სამი მოდერნიზირებული თვითმფრინავი იიღეს.
  • საერთო დანიშნულების ძალებში - სახმელეთო ჯარებში ერთ საარმიო მმართველობა, თვრამეტი შენაერთი და სამხედრო ნაწილი ჩამოყალიბდა.
  • ჯარებმა მიიღეს 2055 ახალი და მოდერნიზირებული სხვადასხვა სახის შეიარაღება, რომლებზეც გადავიდა სამი შენაერთი და თერთმეტი სამხედრო ნაწილი.
  • საჰაერო-კოსმოსური ძალების შემადგენლობაში ჩამოყალიბდა სამხედრო-სატრანსპორტო სავიაციო დივიზია და საერთო დანიშნულების საავიაციო დივიზია. მიღებულია 191 თანამედროვე თვითმფრინავი და ვერტმფრენი, 143 ჰაერსაწინააღმდეგო და რაკეტსაწინააღმდეგო თავდაცვის შეიარაღება.
  • დეკემბრიდან ერთიანი კოსმოსური სისტემა დადგა მორიგეობაზე.
  • საჰაერო-სადესანტო ჯარებში ჩამოყალიბდა ცალკეული სადესანტო-მოიერიშე და სარემონტო-აღმადგენელი ბატალიონები. მიწოდებული იქნა 184 ცალი საბრძოლო შეჯავშნული მანქანა და თვითმავალი ქვემეხი.
  • შეიარაღებულ ძალებს უპილოტო საფრენოსნო აპარატების 59 კომპლექტი გადაეცა. ეს 199 უპილოტო აპარატია.
  • ბოლო ხუთი წლის განმავლობაში რაკეტმზიდებმა საჰაერო პატრულირების მიზნით 178 გაფრენა განახორციელეს, ხოლო სამხედრო-საღვაო ფლოტის ხომალდებამ - 672 გასვლა მოახდინეს მსოფლიო ოკეანეში.
  • ბოლო ხუთი წლის განმავლობაში შეიარაღებულმა ძალებმა მიიღეს: 80 საკონტინენტთაშორისო ბალისტიკური რაკეტა; წყალქვეშა ნავებისთვის განკუთვნილი 102 ბალისტიკური რაკეტა; "Борей"-ს ტიპის სტრატეგიული დანიშნულების სამი ცალი წყალქვეშა კრეისერი; 55 კოსმოსური აპარატი; 3 237 ტანკი და სხვადასხვა სახის ჯავშანტექნიკა; 1000-ზე მეტი ვერტმფრენი და თვითმფრინავი; 150 ხომალდი; 6 წყალქვეშა ნავი, 13 სანაპირო დაცვის სარაკეტო კომპლექსი "Бал" და "Бастион.
  • საერთო საჯარისო 35 შენაერთი უზრუნველყოფილია "Ратник-2" ტიპის თანამედროვე საბრძოლო ეკიპირებით. ეს ფაქტიურად მთელი სახმელეთო ჯარებია.
  • თანამედროვე რუსეთის ისტორიაში რუსეთის საზღვარი პირველადაა მთელს სიგრძეზე დაფარული რაკეტსაწინააღმდეგო თავდაცვის სისტემის რადიოლოკაციური ველით. ეს მიღწეული იქნა "Воронеж"-ის ტიპის ექვსი ცალი ახალი რადიოლოკაციური სადგურის დამონტაჟებით და მოქმედი სადგურების, "Дарьял", "Днепр" და "Волга"-ს, გაუმჯობესებით.
  • სახელმწიფო პროგრამებს განხორციელების შედეგად არმიის და ფლოტის თანამედროვე შეიარაღებით აღჭურვის დონემ 59,5% მიაღწია. სტრატეგიულ ბირთვულ ძალებში გათანამედროვეობის დონეს 79%-ია, სახმელეთო ჯარებში - 45%, საჰაერო-კოსმოსურ ჯარებში - 73%, ფლოტში - 53%.
  • ამასთან რუსეთის სამხედრო ბიუჯეტი დაბალანსირებულია, პასუხობს შეიარაღებული ძალების მოთხოვნებს და მომავალ წელს მშპ-ს 2,8% გაუტოლდება, ან 46 მილიარდი დოლარს. ამასთან აშშ-ს სამხედრო ბიუჯეტი 700 მილიარდია, დიდი ბრიტანეთისა 60 მილიარდი, ხოლო საფრანგეთისა და გერმანიის სამხედრო ბიუჯეტები 40 მილიარდ დოლარს უტოლდება. 
  • გასულ ხუთ წელიწადში შეიარაღებული ძალების საკადრო შემადგენლობა საგრძნობლად შეიცვალა. წვევამდელთა რაოდენობა 50 ათასით შემცირდა, 290-იდან 240 ათასამდე, ხოლო კონტრაქზე მომსახურეთა რაოდენობა 2012 წელს 162 ათასიდან დღემდე 384 ათასამდე გაიზარდა. გაიზარდა მათი შერჩევის ხარისხი. კონტრაქტით მომსახურეთა 70%-ს გააჩნია საშუალო პროფესიული ან უმაღლესი განათლება.


მთლიანი ტექსტი იხილეთ შემდეგ ბმულზე:

пятница, 22 декабря 2017 г.

ილონ მასკის ზემძიმე კოსმოსური რაკეტა

ამერიკული კომპანიის,  SpaceX-ის მფლობელმა, ილონ მასკმა, Twitter-ში ზემძიმე რაკეტმზიდის, Falcon Heavy-ს აწყობილი პირველი საფეხურის ფოტოები გამოაქვეყნა. ფოტოსურათებზე რაკეტმზიდის ცენტრალური ბლოკი და მასზე დამაგრებული გვრედითი ამაჩქარებლებია ასახული. 

"აფრენისას მაქსიმალური წევა 5,1 მილიონ ფუნტს უდრის, ან 2300 მეტრიკულ ტონას. პირველი მისია 92% სიმძლავრეზე იმუშავებს" - განაცხადა მაქსმა.
SpaceX-ის მფლობელმა ასევე დაიკვეხნა რომ, Falcon Heavy იმავე მოედნიდან  (LC-39A) აიღებს სტარტს, რომლიდანაც 1967 წლის 9 ნოემბერს პირველად იქნა გაშვებული ზემძიმე რაკეტა Saturn 5.
კონსტრუქციულად Falcon Heavy-ს პირველი საფეხური ცენტრალური ბლოკისგან და მასზე დამაგრებული ორი ამაჩქარებლისგან შედგება, რომლებიც თავის მხრივ საშუალოდმძიმე Falcon 9 ტიპის მოდერნიზირებულ პირველ საფეხურებს წარმოადგენენ. დაბალ საყრდენ ორბიტაზე მატარებელს 63,8 ტონის გაყვანა შეუძლია, გაშვების ღირებულება 90 მილიონ დოლარს გაუტოლდება.
Falcon Heavy-ს პირველი გაშვება 2018 წლის იანვარშია დაგეგმილი. როგორც მაქსი ვარაუდობს, 27 ძრავის სინქრონულ მუშაობაში არსებული პრობლემების მიზეზით, ის წარუმატებელი იქნება.

წყარო - Elon Musk

აქამდე ზემძიმე რაკეტების პროექტებმა (50 ტონა ტვირთამწეობის) მხოლოდ აშშ-ი მიაღწიეს მატარებლების აწყობამდე. გასულ საუკუნეში ამ კლასის სამი რაკეტა იქნა შექმნილი. აქედან ყველაზე წარმატებული, Saturn 5, ამერიკის მთვარის პროგრამაში გამოიყენებოდა. სსრკ-ში შემუშავებული Н-1 ტიპის მატარებლის ოთხივე სტარტი წარუმატებელი გამოდგა. მეორე საბჭოთა ზემძიმე მატარებელი, "Энергия", ორჯერ იქნა გაშვებული, ორივე ჯერზე წარმატებულად. ამ მომენტისთვის პროგრამები Saturn 5, Н-1 და "Энергия" დახურულებია.

среда, 20 декабря 2017 г.

ქართული არმიის ახალი ტყვიამფრქვევი, ანუ M-240B vs ПК/ПКМ

საკმაოდ დიდი ხნის განმავლობაში ქართული არმია საბჭოთა ПК/ПКМ და მის ბულულგარული ვარიანტი MG-M1-ის ტიპის ტყვიამფრქვვებით იყო აღჭურვილი. თუმცა  გავრცელებული ინფორმაციის თანახმად, გასულ ოქტომბერს მათი ჩანაცვლება ამერიკული წარმოების M240B ტიპის ტყვიამფრქვევებით დაიწყეს (უკვე დაწყებულია პირადი შემადგენლობის გადამზადება, ამის შესახებ ბლოგზე უკვე ვწერდი - M240B ტყვიამფრქვევის მოვლა-შენახვისა და ექსპლუატაციის კურსი).
ამერიკული ტყვიამფრქვევი თავის მხრივ ბელგური FN-MAG-ის გაამერიკულებული ვერსიაა, რომლის წარმოებაც აშშ-ში გასული საუკუნის 70-იან წლებში დაიწყო და დღემდე გრძელდება (იწარმოება სხვადასხვა მოდიფიკაციებში და წონით კატეგორიებში, ყენდება ვერტმფრენებზე, საზღვაო საშუალებებზე, სახმელეთო ტექნიკაზე და ასე შემდეგ). ამ ბელგიურმა ტყვიამფრქვევმა მისი ამერიკული წინამორბედი და კონკურენტი, M-60 "ტახი", ამერიკის შეიარაღებული ძალების რიგებში ფატიურად სრულიად ჩაანაცვლა, თუ არ ჩავთვლით იმ მცირე რაოდენობას, რომელიც აშშ-ს სპეციალური დანიშნულების ძალებშია დარჩენილი.
პირადი გამოცდილებიდან გეტყვით, რომ ქართული ქვედანაყოფებისთვის არანაი რადიკალურ მოგებას ეს ცვლილება არ მოიტანს, რადგანაც ეს ბელგიური წარმოშობის ამერიკელი, ტაქტიკურ-ტექნიკური მონაცემებით ფაქტიურად არაფრით არ განსხვავდება საბჭოთა/რუსული ПК/ПКМ-ისგან. ტყვიაც ანალოგიური სიმძლავრისაა. 

ისმის ლოგიკური კითხვა - მაშ რატომ დამატებითი ხარჯები?

ქვემოთ ამაზე ასუხს გაგცემთ, უბრალოდ სანამ პლიუს მინუსებზე გადავიდოდე გეტყვით რომ მუშაობის პრინციპით და დეტალებით ორივე ტყვიამფრქვევი ანალოგიურია და ორივეს აქვს თავისი პლიუსები და მინუსები.

მაშ ასე რა ხდება:

  • ქართული არმიის ტყვიამფრქვევებს რესურსი გაუვიდათ და საჭირო იყო ან მათი კაპიტალური რემონტი ან ჩანაცვლება - მგონი ჩანაცვლება უფრო სწორი ნაბიჯია, თუმცა უფრო ძვირიც ჯდება (თუმცა ადგილზე სარემონტო ბაზის არსებობის შემთხვევაში რა თქმა უნდა უფრო უპრიანი რემონტია, იმედია ეს დეტალი შესყიდვისას ჩვენებმა გაითვალისწინეს).
  • მეორე, და ჩემის აზრით ყვეაზე წონიანი არგუმენტი, ეს ამერიკული ტყვიამფრქვევის ქარხნნული პიკატინის მიმმართველებია - რაც მასზე სხვადასხვა სამიზნე მოწყობილობებისა და მიზანჩვენების ინფრაწითელი ხელსაწყოების დაყენების საშუალებას იძლევა. ამისი შესაძლებლობა ПК/ПКМ-ზე და მის ვარიაციებზე შეუძლებელი იყო (ყოველ შემთხვევაში ჩარევას და დამატებით გადაკეთებას/მოდერნიზაციას საჭიროებდა, რაც თავის მხრივ დამატებითი ხარჯებია).
  • ყბადაღებული NATO-ს სტანდარტები (თუმცა კაციშვილი ვერ ახსნის სადაა ეს სტანდარტები, როდესაც თურქული წარმოების 5,56მმ ტყვიებს ამერიკული M-4 ვერ მოიხმარს, ან ფრანგულ 120 მილიმეტრიან სატანკო ჭურვებს გერმანული Leopard-2). 
  • შევეშვათ სტანდარტებს, ჩვენთვის ყველაზე მნიშვნელოვანი და ფინანსურად მომგებიანი ეს საბრძოლო მასალების უნიფიკაციაა. მოდით დავითვალოთ ქართული არმიის შეიარაღებაზე არსებული მხოლოდ ცეცხლსასროლი იარაღის კალიბრების რაოდენობა - 5,45x39 (АК-74, АК-74СУ და РПК-74) 5,56x45 (M-4 და Negev), 7,62x51 (Galil-ები), 7,62x54 (ПК/ПКМ და СВД). ამ ბოლო ორის შეიარაღებიდან ამოღების შემთხვევაში ქვედანაყოფების უზრუნველყოფას ზედმეტი თავის ტკივილი მოეხსნებათ. ხო და პლლიუს ეს NATO-ს ყბადაღებული სტანდარტებიც გვექნება ხელზე დახვეული (თუმცა რაზეა საუბარი კაციშვილმა არ იცის).
ამვარად გვაქვს ორი ყველაზე წონიანი პლიუსი - ახალი, თანამედროვე პირობებთან ადაპტირებული ტყვიამფრქვევი და არმიაში ვახდენთ საბრძოლო მასალების უნიფიკაციას.

მინუსებზე ბევრს არ დავწერ:
  • ПК/ПКМ-თან შედარებისას ჩემი პირადი აზრით M-240B ძაან მცირედით განსხვავდება. უბრალოდ ეს ამერიკული ტყვიამფრქვევი შედარებით მძმეა (ლულის კოლოფს ამსისქე ფოლადის კორპუსი რად უნდა და თან დამოქლონებული, მაშინ როდესაც ПК/ПКМ დაშტამპული, თხელი კორპუსითაც საუკეთესო ტყვიამფრქვევია). მოკლედ თუ ტექნიკურ სახელმძღვანელოს დავუჯერებთ (რომელიც ინტერნეტში თავისუფლად მოიპოვება) M-240B-ს წონა 12,29კგ-ს უტოლდება, მაშინ როდესაც ПК/ПКМ-ის წონა 9 და 7,5 კილოა შესაბამისად.  პირდაპირ გეტყვით, მითრევია FN-MAG-იცა და ПК/ПКМ-იც, არანაირ სიამოვნებას არ განვიცდიდი დამატებით 3-5 კს თრევით. თუმცა ეს წონა მასიური, ფიქსირებული კონდახიანი ტყვიამფრქვევისთვისაა, ამ ტელესკოპური კონდახისთვის შეიძლება მოგება 300-400 გრამს აღწევდეს, მაგრამ მაინც, ნამეტნავი გადამძიმებული ტყვიამფრქვევია, თუმცა ეს მედალი ორ გვერდიანია - დიდი წონის დამსახურებით FN-MAG უფრო მდგრადია ჯერებით სროლისას და უფრო უკეთეს შექუჩულობას ჩვენებს.
M-240B-ს ტტმ  
(წყარო OPERATOR'S MANUAL FOR MACHINE GUN, 7.62MM, M240 (1005-01-025-8095); M240B (1005-01-412-3129); M240C (1005-01-085-4758) M240D (1005-01-418-6995); M240E1 (1005-01-252-4288) M240G (1005-01-359-2714); M240N (1005-01-493-1666))
P.S.  დანარჩენი მახასიათებლების შედარება და პლიუს მინუსების გარჩევა არ დავიწყე სპეციალურად, მოიპოვება ორივე მოდელის ტყვიამფრქვევის ტექნიკური სახელმძღვანელოები ინტერნეტში, მსურველებს შეუძლიათ გადმოწერონ და გაეცნონ (თუმცა ამისთვის რუსულისა და ინგლისური ენების ცოდნა იქნება საჭირო).



ამერიკული ჯავნშანჟილეტი ESAPI საბჭოთა ВСС "Винторез"-ის წინააღმდეგ

ამერიკელებმა თავისი ESAPI (ფოტოებზე სავარაუდოდ შეცდომით წერია XSAPI) საბჭოთა ВСС "Винторез"-ის ჯავშანგამტანი СП-6 ტიპის ტყვიების წინააღმდეგ მედეგობაზე გამოსცადეს.
შედეგი შემდეგნაირად გამოიყურებ - 25 მეტრზე 7 ნასროლი ტყვიიდან 3 გახვრიტა ფილა, 100 მეტრზე 2 გასროლიდან ორივემ გახვრიტა ფილა. გამჭოლი ნახვერტი 25 მეტრზე და 100 მეტრზე შესაბამისად თითი გასროლამ დააფიქსირა.
აღსანიშნავია რომ ფილას აწერია 7,62 mm APM2 Protection - რაც როგორც წესი 800მ/წმ სიჩქარის მქონე 7,62x39 ტყვიებისგან დაცვას გულისხმობს.
 



вторник, 19 декабря 2017 г.

Lockheed Martin - F-35-ების წლევანდელი გეგმა შესრულებულია

Lockheed Martin-მა 15 დეკემბერს, F-35-ის შესახებ, ანგარიში წარმოადგინა, რომლის თანახმადაც კომპანიამ, 2017 წელს დაგეგმილი 66 ცალი გამანადგურებელი შემკვეთს უკვე მიაწოდა. ამრიგად აშშ-სთვის და უცხოელი მყიდველებისთვის მიწოდებულ გამანადგურებელთა რაოდენობამ "265 ცალს გადააჭარბა". სრულმაშტაბურ წარმოებაზე გასვლას კომპანია 2023 წელს გეგმავს, ამ მომენტისთვის წელიწადში 160 გამანადგურებლის გამოშვება იგეგმება.

სხვა ციფრებიდან აღსანიშნავია 530-ზე მეტი მომზადებული პილოტი და მიახლოებით 5000 ტექნიკოსი. გამანადგურებლის პარკის მთლიანმა საფრენოსნო დრომ 115 ათას საათს მიაღწია.

უყურეთ ვიდეოს და დატკბით

среда, 13 декабря 2017 г.

გაერთიანებული ემირატების დააპგრეიდებული Leclerc

გაერთიანებული არაბული საემირატოს არმია ხუსიტებთან ბრძოლაში ფრანგული წარმოების, გაუმჯობესებულ ტანკ Leclerc-ებს იყენებს. ტანკის კორპუსისა და კოშკურის ბორტები დაძლიერებული დაცვითაა აღჭურვილი ეს გერმანული წარმოების დინამიკური დაცვაა. იგივე კომპანია აწარმოებს დაცვას გერმანული ქსმ Puma-სთვის.


The UAE ordered ERA packages from the German manufacturer Dynamit Nobel Defence, which also provides ERA for the Puma. This Leclerc seems to be fitted with such ERA.


ზემოთ მოყვანილი ტანკის გვერდით ფრანგული Leclerc Azur დასეირნობდა ცხაურებითა და დამატებითი ჯავშანდაცვით

სქრინები შემდეგი ვიდეორგოლიდანაა ამოჭრილი

воскресенье, 10 декабря 2017 г.

გამოცანა - რატო ეს იარაღი ამ მეომარს?

ეროვნული არქივის ვებ გვერდზე ქართული შეიარაღებული ძალების ფოტოებში ეს ფოტოცაა შესული - მეომარი რომელსაც ხელში შაშხანა M-16A2 უკავია. ვინმემ იცის რამე ამის შესახებ რამე?
ფოტო შეგიძლიათ იხილოთ არქივის გვერდზე - საქართველოს პარლამენტის ეროვნული ბიბლიოთეკა


P.S. Zuka Bolgashvili თხოვნა იქნება პასუხი არ დაწერო.

პასუხი

მოკლედ საიდან მოიტანეთ რომ ეს ქართველია? სადმე წერია რომ ქართველიაო? მე უბრალოდ გითხარით რომ ეროვნული ბიბლიოთეკის ვებგვერდზე ქართული არმიის ფოტოებთან ერთად დევს ეს ფოტო. მაგრამ ფოტოზე ქართველი საერთოდ არაა ასახული - მასზე მოლდაველი სამხედროა. ამას მოწმობს რვაქიმიანი კოკარდა ბერეტზე და მხარზე წარსწერა ARMATA, ერთიც და მეორეც მოლდავეთის შეიარაღებული ძალების სიმბოლოა, ბოლო სიტყვა არმიას ნიშნავს.

вторник, 21 ноября 2017 г.

ქართული არმია ტსმრ Javelin-ებით აღიჭურვება


ვაშინგტონი, 2017 წლის 20 ნოემბერი - აშშ-ს სახელმწიფო დეპარტამენტმა, საქართველოსთვის 75 მილიონი აშშ დოლარის ღირებულების Javelin-ის რაკეტებისა და "სამეთაურო გამშვები მოწყობილობის" (Command Launch Units) მიყიდვის გადაწყვეტილება დაამტკიცა. აშშ-ს თავდაცვის და უსაფრთხოების სფეროში თანამშრომლობის სააგენტომ (Defense Security Cooperation Agency), კონგრესს ამ სავარაუდო გაყიდვის შესახებ დოკუმენტაცია 2017 წლის 17 ნოემბერს წარუდგინა.

საქართველოს მთავრობამ აშშ-ს 410 ცალი ტანკსაწინააღმდეგო რაკეტა Javelin-ისა და 72 ცალი "სამეთაურო გამშვები მოწყობილობის" (მათ შორის 2 ცალი Javelin Block 1 CLU, რომლებიც სათადარიგო ნაწილებად იქნება გამოყენებული) მიწოდების მოთხოვნით მიმართა. მოთხოვნაში ასევე შედის "ძირითადი უნარ-ჩვევების სავარჯიშო" ტრენაჟორი (Basic Skills Trainers - BST), 70 ცალი ინერტული, სასწავლო რაკეტეა, ტექნიკური დახმარება აშშ-ს მთავრობისგან და მიმწოდებლისგან, ტრანსპორტირება და პროგრამასთან დაკავშირებული სხვადასხვა ლოჯისტიკური და მხარდამჭერი ელემენტები. პროგრამის მთლიანი ღირებულებ 75 მილიონ აშშ დოლარს უტოლდება.

ძირითადი მიმწოდებლებად Raytheon / Lockheed Martin Javelin გამოვლენ. მაგრამ მიუხედავად ამისა ამ რაკეტებს ამერიკული მხარე საქართველოს აშშ-ს არმიის მარაგებიდან გადასცემს, ხოლო გამშვები მოწყობილობები "თავდაცვის მხარდაჭერის სპეციალური ფონდის" მარაგებიდან იქნება გამოყოფილი.


WASHINGTON, Nov. 20, 2017 - The State Department has made a determination approving a possible Foreign Military Sale to Georgia for Javelin Missiles and Command Launch Units for an estimated cost of $75 million.  The Defense Security Cooperation Agency delivered the required certification notifying Congress of this possible sale on November 17, 2017.

The Government of Georgia has requested to purchase four hundred ten (410) Javelin Missiles, and seventy-two (72) Javelin Command Launch Units (CLUs) (includes two (2) Javelin Block 1 CLUs to be used as spares).  Also included are ten (10) Basic Skills Trainers (BST); up to seventy (70) simulated rounds; U.S. Government and contractor technical assistance; transportation; and other related elements of logistics and program support.  The total estimated cost is $75 million.

This proposed sale will contribute to the foreign policy and national security of the United States by improving the security of Georgia.  The Javelin system will provide Georgia with increased capacity to meet its national defense requirements.  Georgia will have no difficulty absorbing this system into its armed forces.

The proposed sale of this equipment and support will not alter the basic military balance in the region.

The prime contractors will be Raytheon/Lockheed Martin Javelin Joint Venture of Orlando, Florida, and Tucson, Arizona.  However, these missiles are being provided from U.S. Army stock and the CLUs will be obtained from on-hand Special Defense Acquisition Fund (SDAF)-purchased stock.  There are no known offset agreements proposed in conjunction with this potential sale.

Implementation of this proposed sale will require the assignment of approximately one (1) U.S. Government and two (2) contractor representatives to Georgia.

There will be no adverse impact on U.S. defense readiness as a result of this proposed sale.

This notice of a potential sale is required by law and does not mean the sale has been concluded.

All questions regarding this proposed Foreign Military Sale should be directed to the State Department's Bureau of Political Military Affairs, Office of Congressional and Public Affairs, pm-cpa@state.gov.

წყარო:

четверг, 16 ноября 2017 г.

და წარმოგდიგენთ მეორე კოშკურაგაფრენილ Т-90А-ს

მოკლედ Т-90А-ს დეტონაციის შედეგად გაფრენილი მეორე კოშკურის ოფიციალური ფოტომასალა (პირველი იხილეთ ბმულზე - ხო გეუბნებოდი გაფრინდებიანთქო - აბა თქვი Т-90А). ისლამური სახელმწიფო ექსკლუზიურად ავრცელებს ამ ფოტოებს (ველოდებით ვიდეოსაც). ზუსტად რა მოხდა უცნობია, მაგრამ ფაქტია რომ კოშკურა გაფრინდა და კორპუსის ყელის დეფორმირებული უკანა ნაწილით თუ ვიმსჯელებთ, დეტონაცია უკანა თაროებზე განლაგებულმა საბრძოლო მარაგმა განიცადა.
მანამდე კიდევ ერთი ამ ტიპის ტანკი იქნა დაკარგული ბრძოლაში - ოგორც ჩანს პირველი განადგურებული Т-90А გვყავს სიაში



M240B ტყვიამფრქვევის მოვლა-შენახვისა და ექსპლუატაციის კურსი


ალგეთის საწვრთნელ ბაზაზე „M240B ტყვიამფრქვევის მოვლა-შენახვისა და ექსპლუატაციის“ კურსი მიმდინარეობს. სწავლებაში საქართველოს შეიარაღებული ძალების სხვადასხვა ქვედანაყოფიდან 40 სამხედრო მოსამსახურე მონაწილეობს, რომელიც მოგვიანებით სხვა ჯარსიკაცებს მოამზადებს. დღეს, სწავლების პროცესს საქართველოს შეიარაღებული ძალების გენერალური შტაბის უფროსის პირველი მოადგილე, პოლკოვნიკი ნიკოლოზ ჯანჯღავა და წვრთნებისა და სამხედრო განათლების სარდლობის შტაბის უფროსი, პოლკოვნიკი როინ ფაილოძე გაეცნენ.

კურსი თეორიული და პრაქტიკული ნაწილისგან შედგება. ამერიკელი ინსტრუქტორების დახმარებით, პირველ ეტაპზე პირადმა შემადგენლობამ იარაღის მახასიათებლები შეისწავლა და მისი დაშლა-აწყობასა და მოვლა-შენახვისთვის საჭირო უნარ-ჩვევები განავითარა. სწავლების პრაქტიკული ნაწილის განმავლობაში კი, კურსის მონაწილეები უახლესი ამერიკული ტყვიამფრქვევიდან საწყისი სროლის პირველ, მეორე სავარჯიშოებსა და საკვალიფიკაციო სროლის სავარჯიშოებს ასრულებდნენ.
„M240B ტყვიამფრქვევის მოვლა-შენახვისა და ექსპლუატაციის“ კურსი 7 ნოემბერს დაიწყო და ხვალ დასრულდება. სწავლება საქართველოში პირველად ტარდება.


вторник, 14 ноября 2017 г.

რუსეთი თავდაცვის სამინისტრო თამაშსა და რეალობას ვერ არჩევს

რუსეთის ტავდაცვის სამინისტრომ თავის ოფიციალურ ვებგვერდზე გამოაქვეყნა უტყუარი მტკიცებულებები იმისა თუ როგორ ეხმარებიან ამერიკელები ისლამურ სახელმწიფოს მებრძოლებს

რუსების მიერ გამოქვეყნებული  ერთი ფოტო თამაშიდან ამოღებული სკრინშოტი აღმოჩნდა

დანარჩენი ფოტოსურათები ერაყის ავიაციის შარშანდელი აქტივობებიდან იყო ამოღებული

უკვე ჩაასწორეს ;)
https://www.facebook.com/mod.mil.rus/posts/2007062896203123

четверг, 19 октября 2017 г.

რუსული ტანკების გრძელი ჭურვების გამოსაყენებლად გადაკეთებული დამტენი მექანიზმი

რუსული ტანკებისთვის გრძელი ქვეკკალიბრულების გამოყენება ავტომატური და მექანიზირებული დამტენის თავისებურებების მიზეზით შეუძლებელი იყო. საუბარია უახლეს რუსულ ქვეკალიბრულ ჭურვებზე - 3БМ59 "Свинец-1"–ით აღჭურვილ გასროლა 3ВБМ22-ზე და 3БМ60 "Свинец-2"–ით აღჭურვილი გასროლა 3ВБМ23-ზე (ინფორმაცია ჭურვების შესახებ იხილეთ შემდეგ ბმულზე - ახალი რუსული სატანკო ჭურვები "Свинец", "Грифель" და სხვები). აღნიშნული ჭურვები 740 მილიმეტრამდე გაზრდილი გულარით გამოირჩევიან. აღნიშნული პრობლემის აღმოსაფხვრელად რუსეთის არმიის სატანკო პარკის მოდერნიზაციის პროექტებში ავტომატური და მექანიზირებული დამტენების გადაკეთება აქტიურად მიმდინარეობს, მაგალითისთვის Т-72Б3 მთელ პარკს ამ ჭურვების გამოყენება უპრობლემოდ შეუძლია. ამავე ჭურვების გამოყენება თავისუფლად შეუძლია Т-90А-ს და მცირედი გადაკეთების შემდეგ Т-80-ებსაც. ქვემოთ მოყვანილ ფოტოზე სწორედ ახალი, წაგრძელებული ჭურვის პარამეტრებზე გადაკეთებული მექანიზირებული დამტენია აღჭურვილი.


ფოტოს წყარო:
Механизм заряжания, доработанный под БПС L=740 мм

воскресенье, 24 сентября 2017 г.

Т-64 და მისი კორპუსის კომბინირებული ჯავშანდაცვა

კორპუსის წინა, ზედა დეატლის ჯავშანპაკეტი Т-64А/Т-64Б/Т-72 ტიპის ტანკებისთვის. ჰორიზონტალური სისქე 547-549 მილიმეტრი (დამრგვალებულად 550). კონსტრუქცია ვერტიკალური სიბრტყიდან 68 გრადუსითაა დახრილი და მისი არსებული სისქე 206 მილიმეტრს უდრის, აქედან - 80 მილიმეტრი ზედა ჯავშანფოლადი, ორი 53+53 მილიმეტრიანი (სულ 106 მილიმეტრი) СТБ-3-ФЭФ-Н მარკის სტეკლოტექსტოლიტის პაკეტი და ქვედა, 20 მილიმეტრიანი ჯავშანფოლადის დეტალი.

ჯავშანმედეგობა შემდეგნაირად გამოიყურებოდა:
  • ვერ იხვრიტებოდა 105 მილიმეტრიანი M456 ტიპის და ანალოგიური, 450 მილიმეტრი ჯავშანგამტანობის მქონე კუმულაციური ჭურვებით 
  • ვერ იხვრიტებოდა 105 მილიმეტრიანი L26/L36/L52 ტიპის ჭუვებით

Т-64А/Т-64Б ტიპის ტანკები, საცდელ-საკონსტრუქციო სამუშაო "Отражаемость" განხორციელების შემდეგ (დაემატა 30 მილიმეტრიანი ჯავშანფილა). გაუმჯობესება 83 წელს განხორციელდა, როდესაც აღმოჩნდა რომ, ებრაული ქვეკალიბრული ფრტასხმული ჭურვი, M-111, საბჭოთა ტანკებს საკმაოდ დიდი მანძილიდან ხვრეტდა.
ჰორიზონტალური სისქე 630 მილიმეტრი. კონსტრუქცია ვერტიკალური სიბრტყიდან 68 გრადუსითაა დახრილი და მისი არსებული სისქე 236 მილიმეტრს უდრის, აქედან - 30+80 მილიმეტრი ზედა ჯავშანფოლადი, ორი 53+53 მილიმეტრიანი (სულ 106 მილიმეტრი) СТБ-3-ФЭФ-Н მარკის სტეკლოტექსტოლიტის პაკეტი და ქვედა, 20 მილიმეტრიანი ჯავშანფოლადის დეტალი.

ჯავშანმედეგობა შემდეგნაირად გამოიყურებოდა:
  • ვერ იხვრიტებოდა 105 მილიმეტრიანი M456 ტიპის და ანალოგიური, 450 მილიმეტრი ჯავშანგამტანობის მქონე კუმულაციური ჭურვებით 
  • ვერ იხვრიტებოდა 105 მილიმეტრიანი, ქვეკალიბრული, ფრთასხმული M111, 1428 მ/წმ დარტყმითი სიჩქარით
  • ვერ იხვრიტებოდა 105 მილიმეტრიანი L26/L36/L52 ტიპის ჭუვებით


ზემოთ მოყვანილი Т-64А/Т-64Б ტიპის ტანკები, საცდელ-საკონსტრუქციო სამუშაო "Отражаемость" განხორციელების (დაემატა 30 მილიმეტრიანი ჯავშანფილა) და დინამიკური დაცვით აღჭურვის შემდეგ.

ჯავშანმედეგობა შემდეგნაირად გამოიყურებოდა:
  • ვერ იხვრიტებოდა 105 მილიმეტრიანი M456 ტიპის და ანალოგიური, 450 მილიმეტრი ჯავშანგამტანობის მქონე კუმულაციური ჭურვებით
  •  ვერ იხვრიტება 850-900 მილიმეტრი გამტანობის მქონე ტსმრ-ების მიერ.
  • ვერ იხვრიტებოდა 105 მილიმეტრიანი, ქვეკალიბრული, ფრთასხმული M111, 1428 მ/წმ დარტყმითი სიჩქარით
  • ვერ იხვრიტებოდა 105 მილიმეტრიანი L26/L36/L52 ტიპის ჭუვებით



წყარო - ფორუმ http://otvaga2004.mybb.ru/-ს მომხმარებელი Wiedzmin