The Dead District: 2017-08-06

суббота, 12 августа 2017 г.

სკანდალი SIG-Sauer P320 გარშემო (პისტოლეტი დაცემისას თვითნებურად ისვრის)

SIG-Sauer P320 30 გრადუსიანი კუთხით დაცემისას თვითნებურად ისვრის

მოკლედ რომ ვთქვათ - სუპერ-თანამედროვე SIG-Sauer P320 მოულოდნელად ТТ-ს ავადმყოფობით დაავადდა, ანუ უხერხულად დაცემის შემთხვევაში თვითნებურად ისვრის. ეს ყველაფერი როგორც მფლობელთა მიერ ჩატარებული ტესტებით, ასევე ამერიკელი პოლიციელების რიგებში დაფიქსირებული უბედური შემთხვევებითაც დასტურდება.

ყველაზე საინტერესო ისაა რომ, ამერიკული არმიისთვის განკუთვნილი M-17 ამ სისუსტით არ ხასიეთდებიან (აშშ-ს არმიის ახალი პისტოლეტის შესახებ ბლოგზე უკვე ვწერდი - Sig Sauer-მა Glock 100 მილიონი დოლარით დაჯაბნა), კომპანიამ აშშ-ს არმიისთვის განკუთვნილ მოდელზე მკაცრი მოთხოვნებიდან გამომდინარე საკმაოდ ბევრი იმუშავა და ბევრი რამე შეცვალა.

ყველაფერი ამიდან ჩანს რომ მწარმოებელმა იცოდა ამ ხარვეზის შესახებ, მაგრამ თავს აჩვენებდა, ვითომდა ყველაფერი წესრიგშიაო. ნუ ყოველ შემთხვევაში მანამდე, სანამ კედელთან არ მიაყენეს.

წყარო:
SIG Sauer P320 trigger issues: no rest for the wicked!

P.S. აღნიშნული სისუსტით ბევრი პისტოლეტი იტანჯება - ვალტერი, ПМ, S&W-ის მოდელები. აქ უფრო ნაწყენი Glock-ის კვალი შეიმჩნევა.

სატანკო ბიატლონზე ინდუსების Т-90С-ებს ძრავები გადაუხურდათ

რუსეთში, სატანკო ბიატლონზე, ინდუსებმა Т-90С-ებს ძრავები გადაუხურეს. აღსანიშნავია რომ ძრავა გადაუხურდა როგორც ძირითად, ასევე მის დასახმარებლად გასულ სათადარიგო მანქანასაც.

სხვა შემთხვევები ბიატლონზე - სატანკო შეჯიბრების მთავარი მსაჯის, პოლკოვნიკ რომან ბინიუკოვის განვხადების თანახმად, შეჯიბრის პირველივე დღიდან რუსეთის ფედერაცია ზარალს განიცდის. ქუვეითის გუნდმა ტანკი მწყობრიდან გამოიყვანა - ქვემეხის ლულა მიწაში ჩაარჭეს, მოხდა ეკიპაჟის დისკვალიფიკაცია და რეიტინგის ბოლოში გადაყვანა.

ნიკარაგუსი ეკიპაჟმა, მსაჯების გაფრთხილების იგნორირება მოახდინა, Т-72-ით დიდი სიჩქარე აკრიფა და მაღალ სიჩქარეზე გზიდან გადავიდა და სავალი ნაწილი დააზიანა. ზიმბაბვეს გუნდმა ტრასის გავლისა ყველა შესაძლო საჯარიმო ქულა დაიმსახურა და შეჯიბრის სხვა მონაწილეებს საგრძნობლად ჩამორჩა.

გამანადგურებელ Т-50-ს ოფიციალურად მიანიჭეს სახელწოდება Су-57

რუსეთის ფედერაციის საჰაერო-კოსმოსური ძალების სარდალმა, ვიქტორ ბონდარევმა, ტელეარხ „ზვეზდას“-თვის მიცემულ ექსკლუზიურ ინტერვიუში, ოფიციალურად პირველად გაახმოვანა მე-5 თაობის გამანადგურებელს Т-50-ს სახელწოდება. გამანადგურებელს ინექსი Су-57 მიენიჭა.

„გადაწყვეტილება მიღებულია, თვითმფრინავმა მიიღო სახელწოდება. Су-57 - დღეიდან ჩვენ მას ასე დავუძახებთ“ - განაცხადა ბონდარევმა.

წყარო:

Главком ВКС впервые сообщил название российского истребителя 5-го поколения

пятница, 11 августа 2017 г.

კოშკურითა და ავტომატური ქვემეხით აღჭურვილი ჯტრ Namer

ისრაელის სატანკო წარმოებამ ისრაელის სახმელეთო ჯარებთან თანამშრომლობით, კოშკურითა და 30მმ-ნი ავტომატური ქვემეხით აღჭურვილი მძიმე ჯტრ Namer-ის შექმნა დაასრულა. გეგმების თანახმად ანალოგიური კოშკურით იქნება აღჭურვილი საბურავებიანი ჯტრ „Eytan“. კოშკურა დისტანციურად მართვად, გარეთ გატანილი შეიარაღების სისტემას წარმოადგენს (ანუ კოშკურის შიგნით არ ზის ეკიპაჟი დაასევე კორპუსის შიგნით არ არის კოშკურის დეტალები) და ამგვარად Namer-ის მიერ დესანტის გადაყვანის შესაძლებლობები არ მცირდება.

კოშკურაში როგორც ჩანს Mk44 Bushmaster II ტიპის 30მმ-ნი ქვემეხია გამოყენებული. როგორც ინტერნეტში გავრცელებული მასალიდან ხდება ცნობილი, კოშკურა UT30-ის ბაზაზეა შექმნილი. ქვემეხის მარჯვნივ შეწყვილებული ტყვიამფრქვევია მოთავსებული. კოშკურის წინა მარცხენა ნაწილში 60 მილიმეტრიანი ნაღმტყორცნის მაგვარი რაღაცა მოსჩანს. მაგრამ გაუგებარია თუ როგორ ხდება მისი გადატენვა უკაცური კოშკურის პირობებში.

მანქანა, ისევე როგორც Merkava Mk4, აღჭურვილია აქტიური დაცვის სისტემა „მეილ რუახით“ (იგივე ტროფი). თუმცაღა უკაცური კოშკურის პირობებში მისი საბრძოლო კასეტების გადატენვა გართულებული უნდა იყოს.

ახალი Namer-ის მძღოლ-მექანიკოსის სარქველი ჯტრ „Eytan“-ზე გამოყენებული სარქველის მსგავსია. ახალი სარქველი კარგ ხილვადობას („თავი გარეთ“) უზრუნველყოფს, მიუხედავად ამისა მძღოლ-მექანიკოსი სრულიად დაცულია ცეცხლსასროლი იარაღის და ნამსხვრევების ზემოქმედებისგან.

კორპუსზე საკვმალე ყუმბარების გარდა, კოშკურაზე, მეთაურის სარქველის ზემოთ დამატებითი ყუმბარებია დამონტაჟებული, ამგვარად მათი გადატენვა საკმაოდ გაადვილებულია.

ქვემეხს ვერტიკალურ სიბრტყეში საკმაოდ დიდი კუთხით ამაღლების შესაძლებლობა გააჩნია, ასეთივე შესაძლებლობა აქვს კოშკურაზე განთავსებულ დაკვირვებისა და დამიზნების ხელსაწყოებს. ეს მანქანას ამაღლებაზე (მთებზე, ქალაქში კორპუსების ზედა სართულებზე) განთავსებული სამიზნეების განადგურების საშუალებას აძლევს.