საბჭოთა ტანკმშენებლობის კიდევ ერთი საიდუმლო

ინტერნეტ სივრცეში გამოჩენილი, საბჭოთა კავშირის დროს, უკრაინაში, ხარკოვის მნაქანათმშენებელი საკონსტრუქციო ბიუროს მიერ შექმნილი ახალი თაობის ტანკი Объект 477–ის, საცდელ საკონსტრუქციო სამუშაოს შიფრი "Молот", წინა სერიული მანქანის პირველი ფოტოსურათი, მანქანა Объект–219–ის სავალი ნაწილითაა აღჭურვილი:

ტანკი აღჭურვილი იყო 152მმ–ნი ქვემეხით, რომელიც დისტანციურად მართვად კოშკურაში იყო დამონტაჯებული. 34 ცალი 152მმ–ნი ჭურვი ავტომატურ დამტენში იყო განთავსებული.

აღსანიშნავია რომ პროექტს სახელი რამდენჯერმე შეეცვალა – თავდაპირველად იყო Объект–490 "Боксер" (სულ თავიდან მას სავარაუდოდ "Бунтарь" ეწოდებოდა) შემდეგ გახდა Объект 477 "Молот".

შარშან ასევე გამოქვეყნებული იყო 477–ის სავალი მაკეტის ფოტოები, მანქანა სადღაც რუსეთში განისვენებს:

დაწვრილებით მანქანის შესახებ წაიკითხეთ შემდეგ ბმულზე – «Объект 477» - опытный основной боевой танк, ОКР «Боксёр», ОКР «Молот».

იძებნება რარიტეტები

მივდივარ დღეს ჩემთვის დიღმის ტრასაზე ბიძაშვილის მანქანით და ბრახ და მეჩითება ასეთი რაღაცა

გასაგებია რომ ეს ყველაფერი 9 მაისისადმი მიძღვნილ ღონისძიებასთანაა დაკავშირებული, მაგრამ მე უცბად რამდენიმე შეკითხვა გამიჩნდა:

• ვინ არიან, რაიმე კლუბია თუ უბრალოდ ენთუზიაზისტები არიან?
• რა ღონისძიება იყო და სად იყო?
• სად შეიძლება რომ ამის შესახებ გავიგოთ ხოლმე და ჩვენც დავესწროთ?

რა უნდა ვიცოდეთ კამუფლიაჟის შესახებ (ცოტა იუმორი)

აბა ვინ როგორ იხატებით ხოლმე 

MBDA–მ გამოფენა SOFEX–2014–ზე ჯავშანტექნიკის სტელს აღჭურვილობა წარმოადინა

 MBDA–ს მიერ SOFEX–2014–ზე წარდგენილი MULTISORB–ის ნიმუში

სპეციალური დანიშნულების ძალების მე–10 საერთაშორისო გამოფენაზე (SOFEX-2014), კომპანია MBDA–მ სამხედრო მანქანებისთვის განკუთვნილი სტელს აღჭურვილობა, სახელწოდებით Multisorb–ი წარადინა. ეს მსუბუქი და მკვრივი, 3D სტრუქტურის მქონე სინთეთიკური ქსოვილი, შექმნილია გამტარ ბადეზე დამაგრებული ვენტილირებადი გარე ფენისგან. გამტარი ბადე თავის მხრივ ქაფის საძირეზე ამაგრია.

საფარველის სტრუქტურის 3D ფორმის გარე ფენა უზრუნველყოფს კამუფლიაჟის ტრადიციული ვიზუალურ ფერისა და კონტურს. მაგრამ სამი მასალის ერთად შერწყმული თვისებები, უზრუნველყოფს ტექნიკის მიერ გამოსხივებული სითბოს მნიშვნელოვან შეზღუდვას და ასევე ამცირებს რადიოლოკაციურ შემჩნევადობას.

ძრავის მიერ გამოსხვიებული სითბოს გარეშეც, ტექნიკა მზეზე დგომისას, საკმაოდ თებბა და მისი აღმოჩენა თბოხედვის ხელსაწყოებით ძალიან ადვილია. Multisorb–სის საფარველი ახდენს ტექნიკის მზის სხივებისგან იზოლირებას და საგრძნობლად ამცირებს სითბურ სიგნატურას.

Multisorb საგრძნობლად ზღუდავს მანქანის მიერ გამოყოფილ სითბის და ამცირებს რადიოლოკაციურ შემჩნევადობას

MBDA–მ სტელს კომპლექტი ყველაზე მკაცრ საველე პირობებში გამოსცადა, რითაც დაამტკიცა ამ საფარველის არა მარტო სტელს მახასიათებლები, არამედ ისიც რომ მას შეუძლია გაუძლოს ყველაზე აგრესიულ პირობებსა და მოპყრობას.

Multisorb–ის დაყენება ნებისმიერ მანქანაზე შეიძლება – დაწყებული 4х4 სავალი ფორმულის მქონე მსუბუქი ყველგანმავლებით და დამთავრებული ძირითადი საბრძოლო ტანკებით. მისი გამოყენება ასევე შეიძლება ისეთი ობიექტების შესანიღბავად, როგორებიცაა – თავშესაფრები, სატყვიამფრქვევო ბუდეები, სნაიპერის საფარი, სანაპირო დაცვისა და სპეცდანიშნულების რაზმების სწრაფმავალი კატერები.

წყარო:

MBDA showcases its MULTISORB vehicle stealth kit at SOFEX 2014

გილოცავთ 9 მაისს

ვულოცავ ყველა ვეტერანსა და მეომარს, ყველას ვისაც ეამაყება ეს დღეს და მსოფლიოსთან ერთად აღნიშნავს – გილოცავთ 9 მაისს

9 მაისი ფაშიზმზე გამარჯვების დღეა. 1945 წლის 8 მაისს ვერმახტის კაპიტულაციის შემდეგ მეორე ევროპაში მსოფლიო ომი დასრულდა, 9 მაისი კი ფაშიზმზე გამარჯვების დღედ გამოცხადდა.

მეორე მსოფლიო ომი ყველაზე მასშტაბური და სისხლისმღვრელი კონფლიქტი იყო კაცობრიობის ისტორიაში. აზიაში ის დაიწყო მეორე იაპონია-ჩინეთის ომით 1937 წლის 7 ივლისს და ევროპაში გერმანიის თავდასხმით პოლონეთზე 1939 წლის 1-ელ სექტემბერს. საომარი მდგომარეობა ევროპაში დასრულდა 1945 წლის 8 მაისის ვერმახტის კაპიტულაციით, ხოლო აზიაში - 1945 წლის 2 სექტემბერს იაპონიის კაპიტულაციით.

ომში მონაწილეობდა 72 სახელმწიფო (დედამიწის მოსახლეობის 80%). ბრძოლები მიმდინარეობდა 40 სახელმწიფოს ტერიტორიაზე. შეიარაღებულ ძალებში მობილიზებულ იქნა 110 მლნ. კაცი. დაიღუპა 62 მლნ. კაცი (სსრკ - 27 მლნ., გერმანია - 5,25 მლნ., პოლონეთი - 4,5-6 მლნ., იუგოსლავია - 1,7 მლნ., იაპონია- 1,8 მლნ., აშშ - 318.000, დიდი ბრიტანეთი - 386.000, საფრანგეთი - 810.000, იტალია - 330.000, რუმინეთი - 378.000, უნგრეთი - 420 000, ფინეთი - 84 000), სამხედრო ხარჯები და ზარალი 4 ტრილიონ დოლარს შეადგენდა.

P.S. ვისაც კიდევ "ეს არაა ჩვენი დღესასწაული, ეს არ იყო ჩვენი ომი, ეს სსრკ–ს ომი და გამარჯვება იყო და ჩვენ არ უნდა გვეომა" აზრები გაწუხებთ – მოდით %$}#&@? აღარ დავწერ, მანდილოსნებისა მერიდება.

ერაყისთვის განკუთვნილმა პირველმა F-16–მა პირველი ფრენა შეასრულა

8 ცალი ორადგილიანი (+28 ერთადგილიანი) F-16D–დან პირველმა, საბორტე ნომრით IAF1601, 7 მაისს, ფორტ–უორტში მდებარე LM–ის ქარხნული ასაფრენი ბილიკიდან ორი ფრენა განახორციელა.

როგორც მწარმოებელი იუწყება – მყიდველისთვის დღემდე სულ გადაცემული აქვთ 4540–ზე მეტი F-16. 4500–ე გამანადგურებელი კომპანიამ 2012 წელს მაროკოს გადასცა, რომელიც F–16–ის 25–ე მყიდველი იყო.

წყარო:
First Iraqi F-16 Completes First Flight

დღის ფოტო – მალელი პარტიზანები vs VBCI

ვიღაცას დაერხა

how low can you go (5)?

ვაგრძელებთ დაბლა მფრენი თვითმფრინავების ფოტო–ვიდეო მასალების გამოქვეყნებას, ამჯერად რუსული Су-24 – ამაზე დაბლა ალბათ უკვე მიწასე გაივლიდა

XXI საუკუნის საბრძოლო სატრანსპორტო ავტომოანქანა – რუსები ფუტურისტობენ

2014 წლის მარტში სტარტი აიღო კონკურსმა "XXI საუკუნის საბრძოლო სატრანსპორტო ავტომოანქანა" (Боевой транспортный автомобиль XXI века), რომლის მონაწილეებსაც შესთავაზეს მომავლის მრავალფუნქციური სამხედრო ავტომანქანის გარეგანი იერის შექმნა. კონკურსი ახალი ტექნიკური და სტილისტიკური გადაწყვეტილებების აღმოჩენას ისახავს მიზნად. 6–დან 11 მაისამდე რუსეთის დეკორატიულ–გამოყენებით და ხალხური ხელოვნების მუზაუმში მიმდინარეობს ესკიზების გამოფენა, ხოლო ეზოში გამოფენილია ჯავშანმანქანები "კლოუნი" (Колун) და "ტოროს" (Торос).

"Колун"–ისა და "Торос"–ის პროტოტიპები ურალის საავტომობილო ქარხანაშია დამზადებული. მოხდება თუ არა მათი სერიაში ჩაშვება, ამას პოტენციური მყიდველების რეაქცია განსაზღვრავს.

"Торос" სამ მოდიფიკაციაშია წარმოდგენილი – სამეთაურო, საბრძოლო და სანიტარული. ეს ამფიბია–მანქანებია, რომლებსაც ძალუძთ წყლის წინაღობების ცურვით გადალახვა. მათი შექმნისას გამოყენებული იქნა БТР-60–ის აგრეგატები და მინსკის ძრავმშენებელი ქარხნის ძრავები.

"Колун" ორ ვარიანტშია წარმოდგენილი – 4х4 და 6х6. დაჯავშნული მანქანები ЗиЛ-131 შასიზეა აწყობილი. 

პროტოტიპები კონსორციუმ "ИНТРАЛЛ"–ის პრეზიდენტმა, ანატოლი ლეირიხმა წარადგინა. მის აზრით რუსი ინჟინრების და კონსტრუქტორების მუშაობა მიმზიდველი უნდა გახადონ. კონკურსის მონაწილეთა შორის 100–მდე ახალგაზრდა სპეციალისტია, რომლებიც ტექნიკური დიზაინის სფეროში მუშაობენ.

ავტორი ილია ავაკოვი

ავტორი სერგეი პუგა

 Mikhanizator86

ავტორი sWhale

 ავტორი Yolly

ავტორი რუგერი – აშკარად თურქული კობრის გავლენის ქვეშ იმყოფება

ავტორი rom.tortuga

კონკურსანტების ყველა ნამუშევრების გაცნობა შემდეგ საიტზეა შესაძლებელი – www.cardesign.ru.

წყარო:

Вежливые броневики

ინდოეთმა ჰაერი–ჰაერი კლასის რაკეტა Astra წარმატებით გამოსცადა

რაკეტა Astra–ს საცდელი გაშვება Су-30МКИ–დან

გასულ კვირას, 4 მაისს, იდოეთმა ქვეყნის დასავლეთით, საზღვაო პოლიგონზე წარმატებით გამოსცადა ეროვნული წარმოების ჰაერი–ჰაერი კლასის რაკეტა Astra. სროლები რუსული წარმოების, მრავალფუნქციური გამანადგურებელ Су-30МКИ–დან განხორციელდა.

სატესტო სროლებისას რაკეტამ ყველა ფაზაში გამართულად იმუშავა, მის მოქმედებას მაღალი სიჩქარის კამერებით აკვირდებოდნენ.

Astra პირველი ინდური შორიმანძილის ჰარი–ჰაერი კლასის რაკეტაა და ის სრულებით ინდოეთში, DRDO–ს მიერაა შექმნილი. რაკეტის სროლის მანძილი 60+ კილომეტრია და მას გააჩნია მიზნის ერთი გასროლით დაზიანების მაღალი კოოფიციენტი (Single Shot Kill Probability – SSKP), რაც მის საიმედოობაზე მეტყველებს.

Astra წარმოადგენს ტერმინალური მართვის მქონე, აქტიური რადიოლოკაციური თავაკით აღჭურვილ რაკეტას, რომლის გამოყენებაც ნებისმიერ ამინდში შეიძლება. მას გააჩნია ელექტრონული ხარვეზების კონტრზომების (ECCM – electronic counter-counter measures) შესანიშნავი შესაძლებლობები, უკვამლო ძრავა და მულტიმიზნობრივ სცენარში მოქმედების გაზრდილი ეფექტურობა, რაც მას მსოფლიოში მეწინავე რაკეტად ხდის.

ეს სროლები პირველი იყო იმ ფართომაშტაბიანი გამოცდებიდან, რაც მომავალში უნდა განხორციელდეს. როგორც პროექტის დირექტორმა, ს. ვენუგოპალმა (S. Venugopal) განაცხადა – "20–30 საცდელი გაშვება უწყვეტ რეჟიმში მოხდება". ეს გაშვებები რაკეტის ისეთ მახასიათებლების შეეხება, როგორებიცაა – სიჩქარე, სიმაღლე და შეტევის კუთხე.

რაკეტის სერიაში ჩაშვების შემთხვევაში მის გამოყენებას შესძლებს ინდოეთის საჰაერო ძალების შეიარაღებაში მყოფი ყველა გამანადგურებელი – Су-30МКИ, МиГ-29УПГ, Tejas, Mirage-2000 და Sea Harrier.

ასევე ცნობილია, რომ რაკეტა Astra–ას Mk-II ვარიანტის გამოცდები, რომელის სროლის მანძილიც 100 კილომეტრს შეადგენს,  ამ წელს დაიწყება. 

რაკეტა Astra–ს საცდელი გაშვება Су-30МКИ–დან

ჰაერი–ჰაერი კლასის რაკეტა რაკეტა Astra შეიარაღების გამოფენაზე ინდოეთში

 ჰაერი–ჰაერი კლასის რაკეტა რაკეტა Astra–ს მოკლე ტექნიკური აღწერილობა და მახასიათებლები

წყარო:

Astra successfully test-fired from Sukhoi-30 MKI

Astra Mk1 BVRAAM Design & Performance Parameters

ჩინეთის არმია ურბანული ბრძოლებისთვის ემზადება

ჩინეთის არმია ურბანულ პირობებში საომრად ემზადება. ჩემის აზრით ამაში გარკვეული აზრი დევს – წყნარი ოკეანის რეგინში მსოფლიოს უმსხვილესი ქალაქებია განლაგებული. თუ ომი დაიწყო ჩინელებს ნამდვილად მოუწევს ქალაქში ბრძოლები.