суббота, 22 сентября 2018 г.

ახალი რუსული სატანკო ქვეკალიბრული ჭურვები ახლა უკვე ჯარებშიც გამოჩნდა

ინტერნეტში გავრცელებული საკმაოდ საინტერესო ფოტოსურათი, მასზე 3БМ59 "Свинец-1"–ით აღჭურვილ გასროლა 3ВБМ22-ია ასახული. გასროლა გაღარიბებული ურანის გულარითაა აღჭურვილი, წითელი ქუდი სწორედ ამაზე მოწმობს (გაღარიბებული ურანი ტოიქსიკურია და ეკიპაჟის დასაცავად გამოიყენება).

აღნიშნული ჭურვის შესახებ ბლოგზე არაერთხელ დაიწერა:

понедельник, 17 сентября 2018 г.

ბრიტანელები რუსული წარმოების Т-90С ამუღამებენ

როგორც ფოტოს აღწერა იუწყება: "Оfficers of the headquarters of the Royal Guards Grenadier Regiment of Great Britain are studying the T-90S (Iraqi Army) tank of Russian production in the Iraqi Army Engineering College."

ანუ ჩვენებურად რომ ვთქვათ "ერაყის საინჟინრო კოლეჯში, დიდი ბრიტანეთის სამეფო გვარდიის გრენადირთა პოლკის შტაბის ოფიცრები, რუსული წარმოების Т-90С სწავლობენ". 

P.S. ისე ჩემის აზრით მაგ ტანკში ტექნიკური კუთხით დასავლეთისთვის უცნობიც არაფერი არ უნდა იყოს.

Jaguar EBRC - სხვაობა შედარებაში შეიგრძნობა

Jaguar EBRC - როდესაც გგონია რომ ბოსელი ეს VBCI-ა და აღმოაჩენ რომ, ბოსლის გარდა თავლაც არსებობს. ძაან დიდი ხო არაა ფისუნია?

თემატური სტატიები:


ჰიდროპნევმატური საკიდარი


წყარო:

воскресенье, 16 сентября 2018 г.

აშშ-ს ჯავშანტექნიკის ადს-ის პროგრამას Iron Curtain გამოეთიშა

ბოლო წლის განმავლობაში ბლოგში არაერთხელ ვწერდი აშშ-ს არმიის ჯავშანტექნიკისთვის აქტიური დაცვის (ადს) კომპლექსების შესყიდვის შესახებ. 

თემატური სტატიები იხილეთ ბმულებზე:

შეგახსენებთ რომ ჯავშანტექნიკის 3 სახეობისთვის 3 სხვადასხვა ტიპის ადს-ის შერჩევა მიმდინარეობდა, ესენია: M1A2SEP v.3 Abrams-ზე ებრაული Rafael-ის წარმოების Trophy,  Bradley-ზე  ებრაული IMI-ს Iron Fist, ხოლო Stryker-ზე ამერიკული Aris Corporation-ის Iron Curtain. პირველმა კომპლექსმა გამოცდები წარმატებით გაიარა და სერიაშიც წავიდა, მალე ამ კომპლექსით აშშ-ს არმიის 4 ჯავშანსატაკო ბრიგადა აღიჭურვება.

Iron Curtain-ით აღჭურვილი ამერიკული არმიის Stryker-ი გამოცდებზე

Iron Fist-ის გამოცდები გრძელდება და ჯერ კიდევ გაურკვეველია მისი ბედი. რაც შეეხება მესამე, ამერიკული წარმოშობის კომპლექსს, 24 აგვისტოს, აშშ-ს არმიამ Iron Curtain-ზე უარი ოფიციალურად განაცხადა. გამოცდება უჩვენეს რომ, სისტემა უმეტეს შემთხვევებში ანადგურებდა საფრთხეებს, მაგრამ ის ჯერ არ იყო საიმედოობის სათანადო დონემდე მიყვანილი. თავისი როლი ამ უარყოფით მაჩვენებლებში რლს-ის შეცვლამაც ითამაშა: თავდაპირველად კომპლექსი ამერიკული Mustang Technology Group-სის მიერ წარმოებული Mustang-ის ტიპის რლს-ით იყო აღჭურვილი. ამ რადიოლოკაციურმა სადგურმა თავი ვერ გამოიჩინა და ის ებრაული Rada-ს RPS-10-ით შეცვალეს. მაგრამ როგორც ჩანს ახალი რლს-ის ინტეგრაციამ ბევრი დრო წაიღო და Aris Corporation-მა ვერ მოახერხა მისი აშშ-ს არმიისთვის დამაკმაყოფილებელ კონდიციამდე მიყვანა.

Iron Curtain-ის პროგრამიდან გამოვარდნა, ქსმ Bradley და ჯტრ Stryker-ზე ებრაული წარმოების ადს-ის დაყენების შანსებს საგრძნობლად ზრდის. ებრაულმა Rafael-მა ამ ფაქტთან დაკავშირებით, IMI-ს Iron Fist-ის გვერდით, გამოცდებზე საკუთარი  Trophy VPS-იც წარადგინა, კომპლექსი განკუთვნილია როგორც Stryker-ისთვის, ასევე Bradley-სთვის. Trophy VPS (Vehicle Protection System) – ეს Trophy-ს შემსუბუქებული ვარიანტია და ის სხვადასხვა სახის ჯტრ-ებისა და ქსმ-ების დასაცავადაა განკუთვნილი.

ებრაული IMI-ს Iron Fist-ით აღჭურვილი Bradley

 Rafael-ის ახალი შეთავაზება - Trophy VPS

ებრაული სისტემების პოტენციურ კონკურენტად, გერმანული Rheinmetal-ის ADS (Active Defense System) განიხილება. ნებისმიერ შემთხვევაში ამერიკული არმიის გადაწყუვეტილება  2019 წლის პირველ კავრტალში გახდება ცნობილი.


Abrams M1A2 SEP v.3-სა და M1A2 SEP v.4-ის რენუმერაცია - იცნობდეთ M1A2C-სა და M1A2D-ს


აშშ-ს კონგრესის წარმომადგენლობითი პალატის სამხედრო კოტროლის კომიტეტმა, შეშფოთება გამოხატა, აშშ-ს არმიის შეიარაღებაზე მყოფი Abrams-ის ტიპის ტანკების ახლართული ინდექსების შესახებ, რის საფუძველზეც ამ ტანკის ბოლო მოდიფიკაციებს, კერძოდ კი M1A2 SEP v.3-სა და M1A2 SEP v.4-ს, სახელები გადაერქვათ და შესაბამისად  M1A2C და M1A2D ეწოდათ.

წყარო:New designations for upgraded M1A2 SEPv3 and SEPv4 Abrams main battle tanks

ჩემი მხრიდან დავამატებდი რომ, M1A2C (ყოფილი M1A2 SEP v.3) 2017 წლიდან უკვე იწარმოება (ხდება ძველი მოდიფიკაციების გადაკეტება) და მიეწოდება ამერიკულ არმიას, ხოლო M1A2D (ყოფილი M1A2 SEP v.4)  შემუშავების სტადიაშია. მასზე კონტრაქტი უკვე გაფორმებულია და მწარმოებელი აქტიურად მუშაობს ამ პროგრამაზე. ახალი მოდიფიკაციის წარმოება 2023 წელს დაიწყება, ხოლო ოპერატიულ მზადყოფნას 2025 წლისთვის მიაღწევს.

თემატური სტატიები: