პენტაგონის სამხედრო შესყიდვების რადიკალური ზრდა

საკმაოდ საინტერესო დოკუმენტი, სახელწოდებით DEPARTMENT OF DEFENSE SELECTED ACQUISITION REPORTS (SARS) DECEMBER-2018., რომელშიც ასახულია 2018 წლიდან დღემდე შესყიდვების ზრდის დინამიკა.

მაგალითად:

• DDG-51 Arleigh Burke-ს ტიპის ნაღმოსნების რაოდენობა 95-დან 97-მდე გაიზარდა (2018 წლამდე დაგეგმილი ხომდების რაოდენობა 87 იყო).

• JDAM ბომბების შესყიდვები 336,433 ერთეულიდან 370,219 ერთეულამდე გაიზარდა.

• AIM-9X Block 2 და  Block 2+ ტიპის რაკეტების შესყიდვა გაორმაგდა - რაოდენობა ფლოტმა 3,352 ცალიდან 6,309 ცალამდე, ხოლო ავიაციამ 2,648 ცალიდან 5,326 ცალამდე, გაზარდა.

• Patriot-ის გზაგადამჭრელი, PAC-3 MSE ტიპის რაკეტების, შეკვეთის მოცულობა 1,723 ცალიდან 3,100 ცალამდე გაიზარდა.

• M109 PIM-ების რაოდენობა გაიზარდა 574-დან 689-მდე.

• KC-130J-ბის რაოდენობა გაიზარდა 104-დან 111-მდე.

• LPD-17 San Antonio-ს ტიპის სადესანტო ხომალდების რაოდენობა 13-დან 26-მდე.

• სახომალდო ბაზირების SM-6 ტიპის ანტირაკეტების რაოდენობა 1,800 ცალიდან 2,331 ცალამდე გაიზარდა. FY2024-დან SM-6 Block IA-წარმოება წელიწადში 120-დან 189 ხალამდე  გაიზრდება.

თბილავიამშენის Су-25 აფრიკისთვის

თბილავიამშენის მიერ აფრიკის ერთ-ერთი ქვეყნისთვის გარემონტებული Су-25

აშშ-ს არმიის ორი უახლესი თსდ - Hawkeye და Brutus საცეცხლე გამოცდებზე

აშშ-ს ეროვნული გვარდიის სარდლობის მიერ ორგანიზირებულ სწავლება Northern Strike 19-ზე, FMTV-ს ტიპის სატვირთოზე დამონტაჯებული აშშ-ს არმიის უახლესი, 155 მილმეტრიანი ჰაუბიცა გამოჩნდა.

155 მილიმეტრიანი ექსპერიმენტალური ქვემეხი, რომელმაც სახელწოდება "Brutus"-ი მიიღო, 25 ივლისს, მიჩიგანის შტატში, გრეილინგის ბაზაზე მიმდინარე სწავლება Northern Strike 19-ზე იქნა წარმოდგენილი.

აღნიშნული ქვემეხის შესახებ სტატია იხილეთ ბმულზე - აშშ-ს არმიის პერსპექტიული 155მმ-ნი ჰაუბიცა სატვირთოს ბაზაზე

თვითმავალი საარტილერიო დანადგარი კომპანიების - AM General-ისა და Mandus Group-ის მიერაა შემუშავებული და მასში ბუქსირებადი M777-ის ქვემეხია გამოუყენებული, რომელიც  FMTV (Family of Medium Tactical Vehicles)-ის ტიპის სატვირთოზეა დამონტაჟებული. უკუცემის შესამცირებლად კომპლექსი ჰიდროპნევმატური ჩამხშობითაა აღჭურვილი. ჰაუბიცა მრავალფეროვან საბრძოლო მასალებს მოიხმარს, რომლებიც ეფექტურად ანადგურებენ დაცულ და დაუცველ სამიზნეებს, ქმნის მობილური და მანევრული შენაერთებისთვის წინაღობებს და შეუძლია გამოიყენოს მანათობელი გასროლები.

ახალი ჰაუბიცის შესახებე დეტალები არ გავრცელებულა, ტუმცაღა აღინიშნა რომ აშშ-ს არმია დაინტერსებულია ახალი, უფრო მობილური და მსუბუქი საარტილერიო დანადგარებით. 

ახალამა, სატვირთოზე დამონტაჟებულმა, ჰაუბიცამ სავარაუდოდ აშშ-ს არმიასა და საზღვაო ქვეითების შეიარაღებაზე არსებული ბუქსირებადი M119 და M777 უნდა ჩაანაცვლოს. 

Northern Strike 19-ზე ასევე გამოცდილი იქნა მობილური 105 მილიმეტრიანი ქვემეხი Hawkeye, რომელიც ასევე AM General / Mandus Group-ის ერთობლივი პროექტია. ქვემეხის საცეცხლე გამოცდები აშშ-ს ეროვნული გვარდიის 122-ე საველე არტილერიის, მე-2 ბატალიონმა განახორციელა.

Hawkeye სასროლეთზე

F-22-ის ატყავებული ცხვირი და მის ქვეშ განთავსებული სრულიად უცნაური და უცნობი ზედაპირი

შტატ ვისკონსინში, ქალაქ ოშკოშში გამართულ ავიასალონ EAA-ზე, გამანადგურებელი F-22 Raptor-ის გამოსვლა მთავარ მოვლენად იქცა. Raptor-ების დემო ჯგუფი ვირჯინიაში დისლოცირებული ლენგლის ავიაბაზიდან ჩამოფრინდა. ჯგუფის ერთ-ერთ გამანადგურებელს კოროზიისგან ძალიან დაზიანებული კორპუსი აღმოაჩნდა, კერძოდ კი ფანარის წინ, ცხვირის ზედა ნაწილზეა საუბარი (თუმცა კოროზია კორპუსის სხვა ადგილებზეც შეიმჩნეოდა).

აღნიშნული სექცია იმდენად იყო დაზიანებული, რომ აშკარად ჩანდა ის უცნაური ზედაპირი რაც საღებავებისა და რადიომშთანთქავი საფარველის ქვეშ იმალება.

როგორც ფოტოებზე ჩანს ეს არაა მხოლოდ ზედაპირის კოროზია - როგორც ჩანს გარე საღებავის ქვეშ არსებული რადიომშთანთქავი მასალა (Radar-Absorbent Material - შემოკლებით RAM) სრულიად გაქრა. როგორც ჩანს ცხვირის ზედა ნაწილში ხვრელებს დაუღიათ პირი, მაგრამ რეალობაში ეს ასე არაა. დაკვირვების შედეგად ხვდები რომ ამ მონაკვეთზე ნახევრადგამჭვირვალე საფარველია, რომელიც ქმნის ერთგვარ გარსსაცმს ან ნაჭუჭს, რომელიც შიდა, ქაფისმაგვარი სტრუქტურის ლამინირებას ახდენს. მაგრამ F-22-ის ცხვირი მაინც ცარილად გამოიყურება.

სარაკეტო გაშვების გაფრთხილების AN/AAR-56-ის ოპტიკური სენსორის ფანჯარაც კი თითქსო ჰაერშია გამოკიდებული. ეს რომ მართლა ხვრელები და სიცარიელეები ყოფილიყო, მაშინ ფრენის მომენტში  მოხდებოდა მათო მოგლეჯვა, დეტალების ვიბრირება და გამოიწვევდა უარყოფით ეროდინამიკურ და ამროტიზაციულ ეფექტს და კიდევ სხვა მრავალ პრობლემას. მაგრამ მიუხედავად ამისა ჩვენ ვუმზერთ მასალათმცოდნეობის და მშენებლობის რეალურად სასწაულ მეცნიერებას, რომელიც ჩვენთვის სრულიად უცნოლბი და უცხოა და რადიკალურად განსხვავდება იმისგან, რაც აქამდე მე-4 თაობის გამანადგურებლებზე იყო გამოყენებული.

თვითონ ვრცელი სტატია F-22-ის სპეცსაფარველისა და მასზე მუშაობის შესახებ და ბევრი სხვა საინტერესო დეტალებით შეგიძლიათ იხილოთ შემდეგ ბმულზე - These Images Of An F-22 Raptor's Crumbling Radar Absorbent Skin Are Fascinating

P.S. F-22-ის სპეციალური საფარველის აღდგენას სამ კვირამდე დრო ესაჭიროება - ხდება დაზიანებული ზედაპირის ამოჭრა, გახეხვა და გასუფთავება, შემდეგ ისევ რადიომშთაქავი საფარველით დაფარვა და ზემოდან საღებავის სგადასმა. თვითონ პროცედურა ტოქსიკურ მასალებთან ურთიერთობას მოიცავ, ამიტომაც ტექპერსოსნალი სპეციალური კოსტუმებით მუშაობს - ამ კოსტუმების გამო ამ ადამიანებს "მარსიანელებს" უწოდებენ.

ყუმბარა-დრონი კამიკაძე

ავსტრალიური Drone-40 - ეს 40 მილიმეტრიან ყუმბარაზე დაფუძნებული სადაზვერვო-ყუმბარა დრონია. მარტივი, ეფექტური, მინიატურული, მომაკვდინებელი და  უხეში.

კოსმოსის მილიტარიზაცია - 2030 წლისთვის თანამგზავრებს ლაზერით აღჭურვავენ

გასული წლის სექტემბერში საფრანგეთის მთავრობამ რუსეთი "კოსმოსურ შპიონაჟში" დაადანაშაულა - რუსული რადიოდაზვერვის თანამგზავრი «Олимп»-ი ფრანგულ სამხედრო კავშირის თანამგზავრ "Athena-Fidus"-ს ძალიან მიუახლოვდა და აედევნა. 

როგორც მაშინ საფრანგეთის თავდაცვის მინისტრმა ფლორენს პარლიმ (Florence Parly) განაცხადა "თანამგზავრი იმდენად ახლოს იყო, რომ ჩვენი ვარაუდით ის ჩვენი და ჩვენი მოკავშირეების სიგნალების მოსმენას ცდილობდა - ეს არა მხოლოდ არამეგობრული საციელია, ეს უბრალოდ შპიონაჟია".

გასულ კვირას, ლიონე-მონტ-ვერდენის ჰსთ ბაზაზე, პარლიმ ახალი "კოსმოსური თავდაცვის სტრატეგიის" დეტალების შესახებ ისაუბრა. "გაძ₾იერებული კოსმოსური თავდაცვის არსებობა აბსოლიტურად აუცილებელია - დასძინა მან - საფრთხის ქვეშაა ჩვენი გამოხატვის თავისუფლება და კოსმოსთან წვდომა და მოქმედება". როგორც ფრანგებმა განაცხადეს - 2019 წლის ზაფხულში კოსმოსი საბოლოოდ გახდა "მოქმედების ველი".

საფრანგეთის თავდაცვის მინისტრმა წარმოადგინა თანამგზავრებზე დამონტაჯებული კამერები, ტყვიამფრქვევები და ლაზერები, რომლებსაც შეუძლიათ უთვალთვალონ საფრთხეებს და შემდეგ მოახდინონ მათი მოგერიება. "ამისი მიღწევა შესაძლებელია ტყვიამფრქვევებით, რომლებიც თანამგზავრის მზის მპანელებს გაანადგურებენ, ან ლაზერებით, რომლებიც დააბრმავებენ ან გაანადგურებენ თანამგზავრს" - განაცხადა თავდაცვის მინისტრმა. მინსტრს ასევე ხაზი გაუსვა ორ საინტერესო იდეას - პირველი მას სურს დაბალორბიტალური ნანოთანამგზავრების ხროვების გაშვება - "რომლებიც ყველაზე მნიშვნელოვანი სტრატეგიული ობიექტების გარშემო იქნებიან განთავსებული" და მეორე უნდა არსებობდეს "მოწინააღმდეგის მიერ განადგურებული თანამგზავრების დროებით შემცვლელები".

გეგმებში ასევე შესულია ისეთი ფრანგული თავდაცვისა და აეროკოსმოსური გიგანტების, როგორებიცაა ArianeGroup, Airbus და Thales, დაფინანსება. პარლიმ, განცხადების გაკეთების მომენტში, 2025 წლამდე სამხედრო-კოსმოსური ხარჯებისთვის უკვე გამოყოფილ 4,3 მილიარდ ევროსთან (4,8 მილიარდი აშშ დოლარი) დამატებით კიდევ 700 მილიონი ევრო (780 მილიონი აშშ დოლარი) გამოყო.

ამ ბოლო მოვლენების ფონზე, საფრანგეთში (და არა მარტო) აღიარებენ, რომ კოსმოსში ქცევის წესები კარდინალურად უნდა შეიცვალოს. და მიუხედავად იმისა, რომ ფრანგული მთავრობა ხაზგასმით ამბობდა რომ ეს ნაბიჯები მხოლოდ დ ამხოლოდ თავდაცვით ხასიეთ ატარებს, მაინც აღსანიშნავია, რომ დღეს უცხოურ თანამგზავრზე ფიზიკური თავდასხმა საერთაშორისო ნორმებით აკრძალულია.

ადამიანის მთვარეზე დაჯდომიდან ორმოცდაათი წლის მერე საფრანგეთში მომხდარი ძვრები იმაზე მიგვანიშნებს რომ, მიუხედავად არაერთი გაფრთხილებისა, მსოფლიო რადიკალურად განსხვავებულ კოსმოსურ რბოლაში ერთვება.

წყარო - Space Wars: Military Satellites Will Be Armed 'With Lasers And Guns' By 2030

საქართველოში პირველად ჩამოფრინდა აშშ-ს ფლოტის საპატრულო ავიახომალდი Boeing P-8 Poseidon

როგორს საქართველოშ აშშ-ს საელჩოს გვერდი იუწყება - საქართველოში პირველად ჩამოფრინდა აშშ-ის საზღვაო ძალების საპატრულო ავიახომალდი Boeing P-8 Poseidon. 

ამ ისტორიული ვიზიტისას პოსეიდონმა შავი ზღვის აღმოსავლეთ ნაწილში საქართველოს სანაპირო დაცვასთან ერთად წვრთნები ჩაატარა. საზღვაო პატრულირების ავიახომალდის საქართველოში შემოსვლა კიდევ ერთხელ უსვამს ხაზს ჩვენი ორი ქვეყნის მტკიცე სამხედრო პარტნიორობას.

U.S. Navy P-8 Poseidon maritime patrol aircraft made a historic first visit for that type of aircraft to Georgia and conducted training with the Georgian Coast Guard in the eastern Black Sea as part of the visit. This visit underscores the strong military-to-military relationship between Georgia and the United States.

რუსეთში Ми-26 ჩამოვარდა

იაკუტსკის მახლობლად რუსეთის სასაზღვრო სამსახურის კუთვნილმა Ми-26-მა (საბორტე ნომერი RF-06054) ავარიული დაშვება განახორციელა.

ვერტმფრენი მიწაზ მაღალი სისწრაფიდ დაენარცხა, რის შედეგადაც ბორტს უკანა ნაწილი მოტყდა. მიუხედავად სერიოზული დაზიენებისა ეკიპაჟი ცოცხლად გადარჩა.

აშშ-ს ავიაციის ტექნიკური გამართულობა გაუარესებას განაგრძობს

როგორც ამერიკული ინტერნეტ რესურსი "Air Force Times" იუწყება - 2018 ფინანსურ წელს (დასრულდა 2018 წლის 30 სექტემბერს), აშშ-ს საჰაერო ძალების ავიაპარკის ტექნიკური გამართულობის დონე წინა წელთან შედარებიT კიდევ უფრო დაეცა. აშშ-ს საჰაერო ძალების ტექნიკური გამართულობის დონე 2012 წლიდან მოყოლებული ყოველ წელს დაბლა იწევს - ბოლო ექვსი წლის მანძილზე ეს დონე 8%-ით შემცირდა.

აშშ-ს საჰაერო ძალებიუს ტექნიკური გამართულობის დონე 2018 ფინანსურ წელს

გამოქვეყნებული მონაცემების თანახმად, 2018 წელს აშშ-ს საჰაერო ძალების 87 სახეობის საფრენი აპარატიდან, 39 ტექნიკური გამართულობის პრობლემას წააყწდა და აქედან რამდენიმე სერიოზულს.

კონკრეტულად მეხუთე თაობის Lockheed Martin F-35A Lightning II ტიპის გამანადგურებლების ტექნიკური გამართულობა 5%-ით შემცირდა (აშშ-ს ავიაციის F-35A-ს პარკის 148 მანქანიდან მხოლოდ ნახევარს შეუძლია იფრინოს).  ასევე საგრძნობლად შემცირდა Boeing F-15E Strike Eagle-ს პარკის მზადყოფნაც (დაიწია 4%-ით, აის მიზეზი სავარაუდოდ ამ ტიპის გამანადგურებლის აქტიური საბრძოლო გაფრენები სახელდება), კონვერტოპლან Bell Boeing CV-22 Osprey-ს მზადყოფნამ (7%), ასევე დაიწია მფრინავი რადარების Boeing E-3G Sentry AWACS-ების (9%-ით), სამხედრო სატრანსპორტო Lockhеed C-130H Hercules-ების (5%-ით) და სასწავლო-საწვრთნელი თვითმფრინავ Beechcraft T-6A Texan II (10%-ით) მზადყოფნამ.

აშშ-ს საჰაერო ძალების ავიაპარკის ტექნჰიკური გამართულობის დინამიკა 2012-2018 წლებში

წყარო - Aircraft mission-capable rates hit new low in Air Force, despite efforts to improve

ებრაული ანტისარაკეტო სისტემის წარმატებული გამოცდა ალიასკაში

უახლესმა ებრაულმა ანტისარაკეტო სისტემა Arrow-3-მა ალიასკაში, კადიაკზე მდებარე კომპლექს Pacific Spaceport Complex-Alaska (PSCA)-ზე წარმატებით გაიარა საცეცხლე გამოცდები.

როგორც რაკეტსაწინააღმდეგო სააგენტო იუწყება - "თავდაცვითი კვლევებისა და განვითარების სამმართველოში (Directorate of Defense Research and Development - DDR&D) შემავალმა ებრაულმა ანტისარაკეტო თავდაქცვის ორგანიზაციამ (The Israel Missile Defense Organization -  IMDO) და აშშ-ს ანტისარაკეტო თავდაცვის სააგენტომ (U.S. Missile Defense Agency - MDA) წარმატებით დაასრულეს რაკეტა გზაგადამჭრელ Arrow-3-ის გამოცდები".

გამოცდების დროს აანტირაკეტამ ატმოსფეროსგარეთ მდებარე სამიზნის განადგურების შესაძლებლობა უჩვენა, თუმცა ეს არ წარმოადგენდა ებრაული ქმნილების გამოცდის ძირითად მიზანს. გამოცდებში ამერიკული რადარი AN-TPY2 იყო ჩართული. შედეგების წინასწარი ანჯალიზის თანახმად, გამოცდების ყველა მიზანი მიღწეული იქნა.

P.S. Arrow-სი ისრაელის ანტისარაკეტო თავდაცვის ცენტრალურ ნაწილს წარმოადგენს. ეს სისტემა ოთხ ოპერატიულ დონედაა დაყოფილი, ესენია ანტისარაკეტო სისტემები  Iron Dome,  David’s Sling, Arrow-2 და Arrow-3

დღის ფოტო - უბრალაოდ ლამაზი ტანკი

БМ Оплот-ის ეფექტური გრაფიკული გამოსახულება