აშშ-ს არმიის უკოშკურო Bradley

აშშ-ს არმიის ჯავშანსატანკო ქვედანაყოფები გადაიარაღების ახალ ეტაპს იწყებენ. როგორც პორტალი defensenews.com 15 დეკემბერის სტატიაში იუწყება, კომპანია BAE Systems-მა აშშ-ს თავდაცვის სამინისტროს ქსმ Bradley-ს ბაზაზე შექმნილი ახალი ჯავშანტრანსპორტიორის, AMPV-ს (Armored Multi-Purpose Vehicle), პირველი ნიმუში გადასცა.

პროტოტიპის ოფიციალური გამოგორება ქალაქ იორკში (პენსილვანიის შტატი) მდებარე კომპანია BAE Systems-ის ქარხანაში განხორციელდა. აშშ-ს თავდაცვის სამინისტროს წარმომადგენლებს შეკვეთილი 29 მანქანიდან პირველი გადაეცათ.

ტენდერის პირობების თანამხად, რომელიც BAE Systems-მა მოიგო, მწარმოებელმა ამერიკულ არმიას უახლოეს დროში, წინასერიული, ხუთი სხვადასხვა მოდიფიკაციის (ჯტრ, სამეთაურო-საშტაბო მანქანა, სამედიცინო-სანიტარული მანქანა, სამედიცინო-საევაკუაციო მანქანა და 120მმ-ნი თვითმავალი ნაღმტყორცნი) 29 ცალი მანქანა უნდა გადასცეს.

ნახევარი წლის განმავლობაში, საარმიო სპეციალური ქვედანაყოფები, ახალი ჯტრ-ების გამოცდებს განახორციელებენ, რის შემდეგაც ახალ ტექნიკასთან დაკავშირებული სურვილები და შენიშვნები მწარმოებელს გადაეცემა, და თავდაცვის სამინისტრო მიიღებს გადაწყვეტილებას მცირესერიული საწარმოო საცდელი პარტიის (289 მანქანის ოდენობით) შეკვეთაზე.

მომდევნო ათი წლის განმავლობაში აშშ-ს თავდაცვის სამინისტრო 2907 ცალი ახალი მანქანის შესყიდვას გეგმავს (993 ცალი სამეთაურო-საშტაბო მანქანა, 790 ცალი სამედიცინო-საევაკუაციო მანქანა, 386 ცალი 120მმ-ნი თვითმავალი ნაღმტყორცნი, 216 ცალი სამედიცინო-სანიტარული და ამდენივე საერთო დანიშნულების მანქანა). დაგეგმილი ხელშეკრულების საერთო ღირებულება 13 მილიარდ აშშ დოლარს შეადგენს. 

ახალი ჯავშანტრანსპორტიორები, რომლებიც საბრძოლო მანქანა M2 Bradley-ს უკოშკურო ვარიანტს წარმოადგენს, ჯავშანსატანკო ბრიგადების შეიარაღებაზე მყოფ 2897 ცალ მუხლუხებიან ჯავშანტრანსპორტიორ M-113 შეცვლის, რომლებიც, აშშს თავდაცვის სამინისტროს განცხადების თანახმად, ტანკ M1 Abrams-თან და ქსმ M2 Bradley-სთან სრულფასოვნად ვეღარ თანამოქმედებენ. ამას გარდა, სამხედრო უწყება, გეგმავს უახლოეს წლებში სხვა სამხედრო ქვედანაყოფების შეიარაღებაზე მდგარი 2000 ცალი ჯტრ M-113-იც შეცვალოს.

ჯავშანტრანსპორტიორი M-113 ამერიკის არმიამ 1960 წელს მიიღო შეიარაღებაზე. წარმოება დღემდე გრძელდება: 2016 წლის მონაცემების თანახმად, ამ პლატფორმაზე მსოფლიოში 80 000 ცალი მანქანაა გამოშვებული.

P.S. როგორც ჩანს ეს მანქანა იქნა ამორჩეული იმ ცნობილი და უცნაური კონკურსის შედეგად, რომელსაც ამერიკის არმია ახორციელებდა და რომელშიც ისეთი მანქანები მონაწილეობდნენ, როგორებიცაა CV-90-35, Namer, M2A3 Bradley, Puma, Stryker SDVH და Bradley GCV. (ამ კონკურის შესახებ ბლოგზე უკვე ვწერდი ორჯერ - საბრძოლო მანქანის ტენდერი ამერიკული არმიისთვის და საბრძოლო მანქანის ტენდერი ამერიკული არმიისთვის (გაგრძელება))

წყარო:

BAE Systems Presents First AMPV Prototype to US Army

BAE Systems rolls out first Armored Multi-Purpose Vehicle

საბრძოლო მანქანის ტენდერი ამერიკული არმიისთვის (გაგრძელება)

როგორც 13 მაისს ბლოგზე გავრცელებული ინფორმაციით გახდა ცნობილი ( http://scout-thedeaddistrict.blogspot.com/2012/05/blog-post_13.html ) აშშ-ს არმია აპირებდა გამოეცადა სხვადასხვა ქვეყნის მიერ შეთავაზებული საბრძოლო მანქანები, რათა მომხდარიყო მათგან ერთერთის ამორჩევა, შემდგომში მისი არმიაში დანერგვის მიზნით. 

საუბარი იყო შემდეგ მანქანებზე - Stryker SDVH (აშშ), M2A3 Bradley (აშშ), Bradley GCV (აშშ), Namer (ისრაელი), CV-90-35 (შვედეთი), Puma (გერმანია).
გთავაზობთ რამოდენიმე ახალ ფოტოს ამ მანქანების გამოცდებიდან:

                                                                            CV-90-35


                                                                          Namer

Namer, CV-90-35, Bradley GCV

                                                                    
                                                                    M2A3 Bradley

Namer  

ვიდეო გამოცდებიდან



საბრძოლო მანქანის ტენდერი ამერიკული არმიისთვის

ამერიკის საწარმოო კომპლექსი ახალი ჯავშანმანქანა GVC (Ground combat Vechicle) შექმნის გარდა ტეტირებას უტარებს უკვე არსებულ მანქანებს, რომლებსაც სხვა ქვეყნის მწარმოებლები სთავაზობენ. ამ სხვადასხვა მანქანების შემოწმება ხდება ერთერთის ამორჩევის მიზნით, რომელიც ყველაზე მეტად დააკმაყოფილებს აშშ-ს არმიის მოთხოვნებს.

ამერიკის არმიის ოფიცრებისგან განცხადებით, ტესტირება რომელიც განხორციელდება 17-24 მაისს, არ განხორციელდება მათი შედარების მიზნით, უბრალოდ მოხდება მათი შემოწმება მცირე ხნიანი ოპერაციის განმავლობაში. მანქანები რომლებიც შემოწმდება ამ ტესტირების დროს :

• Stryker SDVH (Double-V hull)
• M2A3 Bradley
• Bradley GCV
• Namer
• CV-90-35
• Puma (მხოლოდ თეორიულად)

Bradley GCV

 CV-90-35 MK III

M2A3 Bradley

Stryker SDVH (Double-V Hull)

Stryker SDVH (Double-V Hull)