„დელტასა“ და Keysight Technologies–ის შორის ურთიერთთანამშრომლობის მემორანდუმს მოეწერა ხელი

სახელმწიფო სამეცნიერო–ტექნიკური ცენტრი „დელტა“ ელექტრონული საზომი ტექნოლოგიების მსოფლიო ლიდერის Keysight Technologies–ის წარმომადგენელი გახდა. „დელტასა“ და Keysight Technologies–ის შორის ურთიერთთანამშრომლობის მემორანდუმს მოეწერა ხელი.

„დელტასა“ და Keysight Technologies–ის შორის ურთიერთთანამშრომლობის მემორანდუმს მოეწერა ხელი

კომპანია Keysight Technologies „დელტას“ მიერ გამოსაშვები შეიარაღების პროგრამულ უზრუნველყოფას განახორციელებს, რაც საქართველოში ელექტრონული შეიარაღების სისტემების წარმოების საკითხს განავითარებს.

Keysight Technologies ელექტრონული საზომი ინსტრუმენტები, სისტემები, პროგრამული უზრუნველყოფა და მომსახურება ელექტრონული მოწყობილობების წარმოებაში გამოიყენება. კერძოდ, ციფრული აპარატურის, სხვადასხვა სიხშირეებისა და მოდელირებაში და ა.შ.

კომპანია Keysight Technologies ელექტრონული სქემების შესამუშავებლად ისეთ პროგრამებს ამზადებს,რომლებითაც საზომი – ელექტრონული მოწყობილობების წარმოებაა შესაძლებელი. ამ მოწყობილობებით სიხშირული სპექტრის გაზომვა, ელექტრონული სიგნალების შემოწმება და მიკროსქემების ფუნქციონირებაა შესაძლებელი.

როგორც „დელტას“ გენერალური დირექტორი უჩა ძოძუაშვილი აცხადებს, ნებისმიერი პროექტი, რომელსაც სამეცნიერო–ტექნიკური ცენტრი ახორციელებს, საკონტროლო გამზომ აპარატურას აუცილებლად საჭიროებს, იმისთვის, რომ მოხდეს არა მხოლოდ მისი სწორი დეველოპმენტი, არამედ შემდეგ სერიაში სწორად ჩაშვებაც.

„ზუსტად ამ საკონტროლო გამზომი აპარატურის სტანდარტიზაციასა და შემდგომ უკვე მის კონტროლზეა დამოკიდებული, რამდენად ხარისხიანი და სტაბილური პროდუქცია იქმნება საბოლოოდ. ჩვენ ვგეგმავთ, კიდევ რამდენიმე წამყვან კომპანიასთან გავაფორმოთ შესაბამისი ხელშეკრულებები. ამ კონკრეტულ შემთხვევაში, რადიოსიხშირული და ელექტრონული მიმართულებებით ვმუშაობთ და ჩვენი მიზანია „დელტას“ ნებისმიერი მაღალი დონის ტექნოლოგიაზე წვდომა ჰქონდეს, რომელიც დღეს სხვა წამყვანი კომპანიებისთვის არის ხელმისაწვდომი“, – აცხადებს უჩა ძოძუაშვილი.

მისივე თქმით, სამომავლოდ, ერთ–ერთი ყველაზე მნიშვნელოვანი ინიციატივა, რასაც „დელტა“ იწყებს, არის ის, რომ გაზარდოს კადრები, რომლებმაც საბოლოოდ საქართველოს მომავალი წინსვლა უნდა უზრუნველყონ.

„კომპანია Keyside–სთან ერთად ჩვენ ვგეგმავთ, ავაშენოთ და მოვაწყოთ სპეციალური ლაბორატორია, სადაც ახალგაზრდა კადრები შეძლებენ გამზომი აპარატურის საბაზო ცოდნას დაეუფლონ და ისწავლონ მისი გამოყენება.  ასევე ექნებათ შესაძლებლობა, პრაქტიკაში განახორციელონ სხვადასხვა ტიპის ელექტრონული სქემები, სხვადასხვა მოწყობილობების დიზაინი და განვითარება. ეს არის მთავარი იმ ვაკუუმის შესავსებად, რაც დღეისათვის „დელტას“ გააჩნია“, – ამბობს კომპანიის გენერალური დირექტორი.

ძოძუაშვილის თქმითვე, დღესდღეობით კომპანიას 40 მაღალკვალიფიციური ელექტრონული დიზაინის სპეციალისტი და პროგრამისტი ესაჭიროება, რომელთა პოვნაც შეუძლებელია, იმის გამო, რომ კადრები, რომლებიც ასეთი სპეციფიური ტიპის მოთხოვნებს აკმაყოფილებენ ქვეყანაში თითქმის არ არსებობს.

„ცალსახად შეგვიძლია ვთქვათ, რომ ეს ინიციატივა არის მნიშვნელოვანი არა მარტო დელტასთვის, არამედ საქართველოს მასშტაბით მოქმედი ყველა ელექტრონული დიზაინ კომპანიისთვის, ვინაიდან მათ ექნებათ შეუზღუდავი წვდომა იმ ადამიანურ რესურსზე, რომელიც ამ ლაბორატორიის ბაზაზე გაიზრდება. შესაბამისად,საქართველოში, ამ მთლიანად ამ ინდუსტრიის მიმართულებით, დადებითი შედეგი დადგება“, – აცხადებს უჩა ძოძუაშვილი.

კომპანია Keysight Technologies ელექტრონული საზომი ტექნოლოგიების მსოფლიო ლიდერია. მისი ელექტრონული საზომი ინსტრუმენტები, სისტემები, პროგრამული უზრუნველყოფა და მომსახურება ელექტრონული მოწყობილობების წარმოებაში გამოიყენება.

Keyside Agilent Technologies შვილობილი კომპანიაა. Agilent Technologies 1999 წელს დაფუძნდა, როგორც Hewlett-Packard-ის კორპორაციიდან გამოყოფილი სტრატეგიული მნიშვნელობის კომპანია, რომელმაც  75 წლის წინ საზოგადოებას HP-ის პირველი საგამოცდო ინსტრუმენტი წარუდგინა.   

2013 წლის 19 სექტემბერს Agilent Technologies-ია 2 კომპანიად გაიყო.

2014 წლის 1 აგვისტოს კი, ახალმა კომპანიამ Keysight Technologies-მა დაიწყო მუშაობა, როგორც Agilent-ის შვილობილმა კომპანიამ.

წყარო:

www.commersant.ge

აშშ–ს საარმიო ავიაციის ფუტურისტული ვერტმფრენები

ამერიკულ ინტერნეტ რესურს Army Technology Magazine Focus: Aviation–ში გამოქვეყნდა სტატია, რომელიც აშშ–ს საარმიო ავიაციის მომავლის მანქანებს ეხება. სტატიაში საკმაოდ საინტერესო გრაფიკული გამოსახულებებია:

Bell Helicopter V-280 Valor

Sikorsky და Boeing–ს ერთობლივი ნამუშევარი SB-1 Dfaint

რუსეთის ფედერაციის ახალი სამხედრო დოქტრინა

უკრაინაში განვითარებული მოვლენების ფონზე რუსეთის მთავრობამ ახალი სამხედრო დოქტრინა შეიმუშავა, რომელიც განსაზღვრავს სახელმწიფოს სამხედრო–ეკონომიკურ მიმართულებას 2020 წლამდე. გადავწყვიტე დოკუმენტის შესახებ რამოდენიმე სიტყვა დამეწერა და მისი ძირითადი დებულებების თარგმანი თქვენთვის წარმომედგინა.

თავი II

რუსეთის ფედერაციის სამხედრო საფრთხეები

ტექსტის რუსულად:

Неурегулированными остаются многие региональные конфликты. Сохраняются тенденции к их силовому разрешению, в том числе в регионах, граничащих с Российской Федерацией. Существующая архитектура (система) международной безопасности не обеспечивает равной безопасности всех государств.

ნეტა ვისი ბრალია ეს დაურეგულირებელი კონფლიქტები? ცუდი დასავლეთია დამნაშავე ალბათ.

დოქტრინის მიხედვით რუსეთის ფედერაციის ძირითადი გარე საფრთხეების ჩამონათვალი:

ა) ჩრდილოატლანტიკური ორგანიზაციის (NATO) ძალოვანი პოტენციალის ზრდა და მისი გლობალური ფუნქციებით აღჭურვა, რაც საერთაშორისო უფლებების ნორმების დარღვევით ხდება. NATO–ს წევრი ქვეყნების სამხედრო ინფრასტუქტურის რუსეთის ფედერაციის საზღვრებთან მიახლოება და ბლოკის შემდეგი გაფართოება.

ბ) ცალკეულ სახელმწიფოებსა და რეგიონებში მდგომარეობის დესტაბილიზაცია და გლობალური და რეგიონალური სტაბილურობის დარღვევა.

გ) რუსეთის ფედერაციის და მისი მოკავშირეების მოსაზღვრე ქვეყნებში და მიმდებარე აკვატორიებში უცხო ქვეყნების (ქვეყანათა ჯგუფების) სამხედრო კონტინგენტების გაშლა (გაზრდა), მათ შორის რუსეთზე პოლიტიკური და სამხედრო ზეწოლის მიზნით.

დ) სტრატეგიული ანტისარაკეტო თავდაცვის სისტემების შექმნა და გაშლა, რაც საფრთხის ქვეშ აყენებს გლობალურ სტაბილურობას და არღვევს სარაკეტო–ბირთვულ სფეროში შექმნილ ფარდობას, "გლობალური დარტყმის" კონცეფციის რეალიზაცია, კოსმოსში იარაღის განთავსების სურვილი და ასევე სტრატეგიული, არაბირთვული, ზეზუსტი შეიარაღების სისტემების გაშლა.

ე) რუსეთი ფედერაციის და მისი მოკავშირეების მიმართ ტერიტორიული პრეტენზიები, მათ შიდა საქმეებში ჩარევა.

ვ) მასიური დაზიანების იარაღის, რაკეტებისა და სარაკეტო ტექნოლოგიების გავრცელება.

ზ) ცალკეული სახელმწიფოების მიერ საერთაშორისო შეთანხმებების დარღვევა და ასევე შეიარაღების აკრძალვის, შეზღუდვისა და შემცირების სფეროში ადრე მიღწეული საერთაშორისო ხელშეკრულებების არ შესრულება.

თ)  გაერო–ს და სხვა საერთაშორისო ნორმების დარღვევით რუსეთის ფედერაციისა და მის მოკავშირე ქვეყნებთან მოსაზღვრე ქვეყნებში სამხედრო ძალების გამოყენება.

ი) რუსეთის ფედერაციასთან და მის მოკავშირეებთან მომიჯნავე ქვეყნების ტერიტორიაზე არსებული (ან მომავალში წარმოქმნილი) სამედრო კონფლიქტები და მათი კერები.

კ) გლობალური ექსტრემიზმის (ტერორიზმის) მზარდი საფრთხე და მისი ახალი გამოვლინენები არასაკმარისი საერთაშორისიო ანტიტერორისტული თანამშრომლობის პირობებში, რადიოაქტიური და ტოქსიკური ნივთიერებების ტერაქტებში გამოყენების რეალური საფრთხე, ტრანსნაციონალური ორგანიზირებული დანაშაულებების მაშტაბების ზრდა და პირველ რიგში იარაღითა და ნარკოტიკებით უკანონო ვაჭრობა.

ლ) არსებული (ან წარმოშობადი) ერთაშორისი ან სარწმუნოებათაშორისი დაძაბულობა, რუსეთის ფედერაციის და მის მოკავშირე ქვეყნებთან მოსაზღვრე ტერიტორიებზე საერთაშორისო შეიარაღებული რადიკალური დაჯგუფებების და კერძო სამხედრო კომპანიების მოღვაწეობა და ასევე მსოფლიოს ცალკეულ რეგიონებში ტერიტორიული წინააღმდეგობების არსებობა და ექსტრემიზმისა და ტერორიზმის დონის ზრდა.

მ) საინფორმაციო და საკომუნიკაციო ტექნოლოგიების გამოყენება სუვერენიტეტის, პოლიტიკური დამოუკიდებლობისა და სახელმწიფოების ტერიტორიული მთლიანობის წინააღმდეგ მიმართული სამხედრო–პოლიტიკურ მიზნებში, საერთაშორისო სამართლის საწინააღმდეგო მოქმედებებისს განსახორციელებლად,  

ნ) რუსეთის ფედერაციასთან მოსაზღვრე ქვეყნებში ისეთი რეჟიმების დამყარება, მათ შორის ლეგიტიმური სახელმწიფო ხელისუფლების დამხობის გზითაც, რომელთა პოლიტიკაც რუსეთის ფედერაციას უქმნის საფრთხეს. (მაგალითად ჩვენ და უკრაინა).

ო) უცხო ქვეყნების და მათი კოლაციის სპეცსამსახურებისა და ორგანიზაციების რუსეთის ფედერაციის წინააღმდეგ მიმართული ხელისშემშლელი მოქმედებები.

ძირითადი შიდა სამხედრო საფრთხეები

ა) რუსეთის ფედერაციის საკონსტუტიციო წყობის ძალოვნად შეცვლისკენ მიმართული მოქმედება, ქვეყანაში სოციალური და შიდაპოლიტიკური სიტუაციის დესტაბილიზაცია, რუსეთის ფედერაციის სახელმწიფო ხელისუფლებოს ორგანოების, მნიშვნელოვანი სახელმწიფო და სამხედრო ობიექტების და საინფორმაციო ინფრასტუქტურის ფუნქციონალურობის დეზორგანიზაცია.

ბ) რუსეთის ფედერაციის სუვერენიტეტის, ერთიანობისა და ტერიტორიული მთლიანობის წინააღმდეგ მიმართული ტერორისტული ორგანიზაციებისა და ცალკეული პირების მოღვაწეობა.

გ) სამშობლოს დაცვის სფეროში ისტორიული, სულიერი და პატრიოტული ტრადიციების დარღვევის მიზნით მოსახლეობაზე და პირველ რიგში ქვეყნის ახალგაზრდა მოქალაქეებზე საინფორმაციო ზემოქმედების ღონისძიებები.

დ) ეროვნებთშორისი და სოციალური დაძაბულობის პროვოცირება, ექსტრემიზმი, ეთნიკური და რელიგიური სიძულვილის ან მტრობის გაღვივება.

ძირითადი სამხედრო საფრთხეები

ა) სამხედრო–პოლიტიკური ვითარების მყისიერი გამწვავება (სახელმწიფოთაშორისი ურთიერთობები) და სამხედრო ძალის გამოყენების პირობების შექმნა.

ბ) რუსეთის ფედერაციის სახელმწიფო და სამხედრო სისტემის მართვისთვის ხელის შეშლა, მისი სტრატეგიული ბირთვული ძალების, სარაკეტო თავდასხმის გაფრთხილების სისტემის, ბირთვული საბრძოლო მარაგების შენახვის ობიექტების, ატომური ენერგეტიკის, ატომური, ქიმიური, ფარმაცევტული და სამედიცინო მრეწველობის და სხვა პოტენციურად საშიში ობიექტების ფუნქციონალურობის დარღვევა.

გ) არაკანონიერი შეიარაღებული ფორმირებების ჩამოყალიბება და მომზადება და მათი მოქმედება რუსეთის ფედერაციის ან მისი მოკავშირეების ტერიტორიებზე.  (არა თვითონ კი კარგად ახერხებს ამას აღმოსავლეთ უკრაინის ტერიტორიაზე – კრემლი ეს უმსხვილესი ტერორისტული ორგანიზაციის ცენტრია მსოფლიოში).

დ) რუსეთის ფედერაციის და მისი მოკავშირეების მომიჯნავე სახელმწიფოების ტერიტორიაზე სწავლების გზით სამხედრო ძალის დემონსტრირება.

ე) ცალკეული სახელმწიფოების (სახელმწიფოთა ჯგუფის) მიერ სამხედრო მოღვაწეობის აქტივაცია ნაწილობრივი ან მთლიანი მობილიზაციის გატარების და ამ ქვეყნების სახელმწიფო და სამხედრო მმართველობის ორგანოების მუშაობის საომარი დროის პირობებზე გადაყვანა.

თანამედროვე სამხედრო კონფლიქტების განმასხვავებელი მახასიათებლები და განსაკუთრებულობა

ა) სამხედრო ძალის, პოლიტიკური, ეკონომიკური, საინფორმაციო და სხვა არასამხედრო ზომების კომპლექსური გამოყენება, რომელთა რეალიზაციაც მოსახლეობის საპროტესტო პოტენციალის და სპეციალური ოპერაციების ძალების ფართო გამოყენებით ხდება.

ბ) შეიარაღების სიტემების და საბრძოლო ტექნიკის, მაღალი სიზუსტის, ჰიპერბგერითი იარაღის, რადიოელექტრონული ბრძოლის საშუალებების, ეფექტურობით ბირთვულ იარაღთან გატოლებული ახალი ფიზიკური პრინციპებზე მოქმედი იარაღის, საინფორმაციო–მმართველი სისტემების და ასევე უპილოტო საფრენი და ავტონომიური საზღვაო აპარატების, მართვადი რობოტიზირებული შეიარაღების და სამხედრო ტექნიკის ნიმუშების მასირებული გამოყენება.

გ) მოწინააღმდეგის ტერიტორიის მთელ სიღრმეზე ზემოქმედება ერთდროულად გლობალურ საინფორმაციო და საჰაერო–კოსმოსურ სივრცეში, ხმელეთზე და ზღვაზე.

დ) ობიექტების არჩევითობა და მათი დაზიანების მაღალი ხარისხი, ჯარების (ძალბის) და ცეცხლის მანევრის სისწრაფე, ჯარების (ძალების) სხვადასხვა მობილური დაჯგუფებათა გამოყენება.

ე) საბრძოლო მოქმედებების მომზადების და განხორციელების დროის პარამეტრების შემცირება.

ვ) მკაცრად ვერტიკალური მართვიდან ჯარების (ძალების) და შეიარაღების მართვის გლობალურ ქსელური ავტომატიზირებულ სისტემებზე გადასვლის შედეგად ჯარების და შეიარაღების მართვის ცენტრალიზაციისა და ავტომატიზაციის გაძლიერება.

ზ) დაპირისპირებული მხარეების ტერიტორიებზე მუდმივად მოქმედი სამხედრო მოქმედებების ზონების შექმნა. (მაგალითად – აფხაზეთი და სამაჩაბლო, აღმოსავლეთ უკრაინა).

თ) სამხედრო მოქმედებებში ირეგულარული შეიარაღებული ფორმირებებისა და კერძო სამხედრო კომპანიების მოქმედება. (იხილეთ აღმოსავლეთ უკრაინაში არსებული დაქირავებული მებრძოლები და ტერორისტების ჯოგი).

ი) არაპირადპირი და ასიმეტრული მოქმედებების ხერხების გამოყენება.

კ) გარედან მართული და დაფინანსირებული პოლიტიკური ძალების, საზოგადო მოძრაობების გამოყენება. (იგივე ჩვენ და უკრაინა, აღარ დავკონკრეტდები ვინ სად რა პრო რუსულ საქმეს აწვება).

და რა თქმა უნდა ბირთვული შეკავების ფაქტორიც არ გამორჩათ დოქტრინაში – "ბირთვული სამხედრო კონფლიქტების და დაზიანების ჩვეულებრივი საშუალებების გამოყენებით განხორციელებული სამხედრო კონფლიქტების (მსხვილმაშტაბიანი ომები, რეგიონალური ომები) აღკვეთაში ბირთვული იარაღი კვლავ რჩება მნიშვნელოვან ფაქტორად".

გაგრძელება იქნება!!!

ესტონეთის დამოუკიდებლობის დღისადმი მიძღვნილი აღლუმი ნარავაში

24 თებერვალს, ესტონეთის დამოუკიდებლობის დღეს, ნარვას ოლქში ესტონეთის თავდაცვითი ძალების აღლუმი გაიმართა

ქვეყნის დამოუკიდებლობის დღის 97 იუბილესადმი მიძღვნილ აღლუმს თავდაცვითი ძალების მეთაური, რიხო ტერრასა ხელმძღვანელობდა, აღლუმი ჩაიბარა ესტონეთის პრეზიდენტმა, ტომას ჰენდრიკ ილვესმა.

ჩვენ ჩვენთვის საინტერესო ჯავშანტექნიკაზე გავამახვილებთ ყურადღებას. აღლუმზე გამოყვანილი იქნა ფინური Sisu Pasi XA-180-ბი

ყველაზე საინტერესო ახლად შეძენილი CV–90–35NL იყო. 44 ცალი ასეთი მანქანა ესტონეთმა ნიდერლანდებისგან შეისყიდა (ამის შესახებ ბლოგზე უკვე ვწერდი – ესტონეთმა ნიდერლანდებთან ქსმ CV9035NL Mk III შესყიდვის ხელშეკრულება გააფორმა)

ნიდერლანდებში ქსმ–ბთან ერთად ნაყიდი შეჯავშნული საინჟინრო მანქანა Pionirpanzer

ესტონეთის არმიასთან ერთად აღლუმზე ამერიკული არმიაც გამოვიდა, რომელმაც აღლუმში ჯტრ Stryker-ებით ჩამოიარეს

 წყარო:
В Нарве прошел военный парад Сил обороны Эстонии

ქსმ Enigma + БМП-3 კოშკურა

გაერთიანებული არაბეთის საემირატოში ამ დღეებში გახსნილ თავდაცვითი და ორმაგი ტექნიკის გამოფენა IDEX-2015–ზე Emirates Defense Technology–მ ახალი 8x8 სავალი ფორმულის მქონე საბრძოლო მანქანა წარადგინა, რომელიც რუსული წარმოების საბრძოლო განყოფილებით, კერძოდ კი ქსმ БМП-3–ის კოშკურითაა აღჭურვილი.

მანქანას "Enigma" ეწოდება, მისი წონა 28 ტონას აღწევს და შეუძლია 11 ადამიანის გადაყვანა. მანქანა იმდაგვარადაა შექმნილი რომ მისი გამოყენება სხვადასხვა დანიშნულებით და სხვადასხვა საბრძოლო მოდულითაა შესაძლებელი.

მანქანის წარმოება EDT–ს საწარმოო სიმძლავრეებზე იგეგმება. გამოფენამდე ქსმ–მა საწარმოო გამოცდები გაიარა. 

წყარო:

Emirates Defense Technology Unveils its New 8x8m Armored Modular Fighting Vehicle “Enigma”

დებალცევოსთან განადგურებული რუსული ტანკები

უკრაინული რესურსის, Український Мілітарний Портал (U.T.A.G) თანახმად ქვემოთ მოყვანილი ჯავშანტექნიკა ერთ დროს რუს ტერორისტებს ემსახურებოდა. უმეტესობა ნამდვილად ტერორისტებისაა, ზოგიერთი გადამოწმებას საჭიროებს, თუმცა ეს ალბათ შეუძლებელია. 

განადგურებული ორი ცალი Т-72Б

Т-72Б

МТ-ЛБ

Т-64БВ

Т-64БВ

Т-72Б

Т-64БВ

Т-72Б

Т-72Б

Т-64БВ

უახლესი რუსული რადიოსადგური Р-166-05 უკრაინაში ტერორისტების ხელში

დებალცევოში და კერძოდ ლოგვინოვოსთან განვითარებული მოვლენების დროს რუსი ტერორისტების მხარეს დაფიქსირდა К1Ш1 შასიზე დამონტაჟებული უახლესი რუსული რადიოსადგური Р-166-05. აღნიშნული რადიოსადგურის შეიარაღებაზე მიღება რუსულმა არმიამ 2010 წლის მერე დაიწყო. მანქანა უზრუნველყოფს პოლკის/ბრიგადის დონის კავშირს.

იდენტიფიკაცია შემდეგი დეტალებით მოხდა – მარცხნიდან მარჯვნივ:

სათადარიგო ნაწილების ყუთი, კორპუსი ნაწიბური, სარქველი სახელურით, გამონაბოლქვის სისტემა, ანტენების სამაგრი, კაბელის კოჭა, დაკეცილი ანტენა, ანტენების სამაგრი, ანტენის ძირი

მანქანას შეუძლია უზრუნველყოს კავშირი როგორც მოძრაობაში ასევე გაჩერებული მდგომარეობიდან, კავშირის უზრუნველყოფის მანძილია:

მოკლე ტალღებით:

• გაჩერებულ მდგომარეობაში – 2000კმ–მდე
• მოძრაობაში – 350კმ–მდე

ულტრა მოკლე ტალღებით:

• გაჩერებულ მდგომარეობაში – 250კმ–მდე
• მოძრაობაში – 70კმ–მდე

აღნიშნულ მობილურ რადიოსადგურს აწარმოებს ОАО "Тамбовский завод "Октябрь"

რადიოსადგური Р-166-05 ნიჟნი ნოვგოროდში 2014 წლის გამარჯვებისადმი მიძღვნილ აღლუმზე (Парад Победы 2014 в Нижнем Новгороде)

მონაცემები აღებულია შემდეგი რესურსიდან – Р-166 "Артек" - радиостанция средней мощности КВ-УКВ диапазонов

მანქანა შიგნიდან

 ფოტოების წყარო – 20-я мотострелковая бригада

 მანამდე აღნიშნული კლასის მანქანა 2014 წლის 10 ნოემბერს დაფიქსირდა დონბასის ტერიტორიაზე 

P.S. ინტერესს უკვე არ იწვევს რუსული ტექნიკა უკრაინაში, საინტერესო ისაა რომ ასეთი შესაძლებლობების მანქანა გამოიყენეს, რომელსაც კავშირის დამყარება რუსეთშიც კი შეუძლია რაც იწვევს იმის ეჭვს რომ დებალცევოს ოპერაცია უშუალოდ რუსეთიდან, ძაან მაღალი ეშელონებიდან იმართებოდა.