სტრატეგიულ ბომბდამშენ Ту-95–ს ავიაბაზა "უკრაინკაზე" აფრენისას ხანძარი გაუჩნდა

სტრატეგიული ბომბდამშენ–რაკეტმზიდი Ту-95 ამურის ოლქში მდებარე ავიაბაზა  "უკრაინკას" ასაფრე–დასაფრენი ზოლის გარეთ გაგორდა და ხანძარი გაუჩნდა. ხანძრის შედეგად ორი ადამიანი დაიღუპა, ხუთი კიდევ სხვადასხვა სიმძიმის ტრამვებით ჰოსპიტალში იქნა გადაყვანილი.

წყარო:

Два человека погибли при возгорании Ту-95 на аэродроме в Приамурье

Saab - Gripen The Smart Fighter (video)

Saab Gripen-ის პრომო ვიდეო, როგორც ყოველთვის ყველაზე–ყველაზე, მკვლელი მონადირე და ასე შემდეგ, მოკლედ დატკბით ხარისხიანი ვიდეოკლიპით:

თვითმფრინავ Су-34-ის ავარია

2015 წლის 4 ივნისს, მიახლოებით 16:30 საათზე, დაგეგმილი სასწავლო-საწვრთნელი ფრენის შემდეგ ბუტურლიოვკას აეროდრომზე (ვორონეჟოს ოლქი) დაჯდომისას ავარია განიცადა საფრონტო ბომბდამშენმა, Су-34-მა (საბორტე ნომერი "წითელი 28", სარეგისტრაციო ნომერი RF-95067). თვითმფრინავი რუსეთის სამხედრო-საჰაერო და ჰაერსაწინააღმდეგო თავდაცვის 1-ლი მეთაურობის, 10-5 შერეული საჰაერო დვიზიის, 47-ე ცალკეული, შერეული ავიაპოლკის შემადგენლობაში ირიცხებოდა. თავისი მუდმივი დისლოკაციის ადგილზე, ბალტიმორში, ასაფრენი ბიიკის რემონტის გამო, პოლკი 2013 წლის დეკემბრიდან დროებით ბუტურლინოვკას აეროდრომზე ბაზირდება.

როგორც რუსეთის თავდაცვის სამინისტროს წარმომადგენელზე დაყრდნობით სააგენტო "Интерфакс-АВН" იუწყება - "თვითმფრინავს სამუხრუჭე პარაშუტი არ გაეხსნა, რის შედეგადაც ის ასაფრენ-დასაფრენი ზოლის გარეთ გაგორდა და ამოტრიალდა. თვითმფრინავის ეკიპაჟი არ დაზიანებულა".

როგორც ფოტოებიდან ჩანს თვითმფრინავი აღდგენას არ ექვემდებარება და სავარაუდოდ მას ჩამოსწერენ, ამგვარად ეს იქნება ამ ტიპის პირველი დაკარგული თვითმფრინავი.

წყარო:

БОМБАРДИРОВЩИК СУ-34 ПОТЕРПЕЛ АВАРИЮ В ВОРОНЕЖСКОЙ ОБЛАСТИ, ЛЕТЧИКИ ЖИВЫ - МИНОБОРОНЫ РФ

დამწვარი F-35B-ს ფოტოები

გასული წლის 13 ივნისს ერთი F-35B ხანძარმა იმსხვერპლა, რომელიც მას დაჯდომის შედეგად გაუჩნდა. ამის შესახებ ბლოგზე უკვე ვწერდი - დამწვარი F-35B. 

როგორც ირკვევა ხანძარი ძრავაში ზეთის სარქველის გაუმართაობამ გამოიწვია, რის შედეგადაც გამანადგურებლის 70% დაიწვა და ის აღდგენას აღარ ექვემდებარება:

M-16 vs G-36 (შედარებითი გამოცდა სიზუსტეში)

საკმაოდ საინტერესო გრაფიკა G-36–სა და M-16-ის სიზუსტის შესახებ. როგორც გახსოვთ, ბლოგზე G–36–ის პრობლემების შესახებ უკვე ვწერდით – გერმანიის არმია შაშხანა G–36 იწუნებს, ამჯერად წარმოგიდგენთ მისი გამოცდების შედეგებს:

შედარებითი გამოცდები M-16A2–სა და G–36–ს შორის განხორციელდა, სროლები ხდებოდა როგორც ცივი ასევე გახურებული იარაღიდან (სავარაუდოდ 150 გასროლის შემდეგ). მწვანე და წითელი ფერები გერმანული შაშხანის მოხვედრების შუა წერტილებია ცივ და ცხელ მდგომარეობაში, ხოლო ყვითელი და იისფერი ამერიკული M-16A2-ის სიზუსტეს უჩვენებს (გამოცდები 100, 200, 300 და 400 მეტრზე განხორციელდა)

დოკუმენტის ბმული:
G36 Zwischenergebnis Anlage 2 G36 warm 100 m 200 m 300 m und 400 m Vergleich M16

ერაყის არმიამ ქ. მოსულის ბრძოლებში 2300 დაჯავშნული HMMWV დაკარგა

ერაყის პრემიერ მინისტრის, ჰეიდარ ალ აბადის განცხადების თანახმად, ერაყის ჩრდილოეთით მდებარე ქალაქის, მოსულის, დაკარგვის შედეგად, ერაყულმა არმიამ 2300 ცალი დაჯავშნული HMMWV დაკარგა.

ეს საკმაოდ ძვირი დანაკარგია და ამას ისიც ემატება რომ ეს სატრანსპორტო საშუალებებიისლამური სახელმწიფოს (IS) ხელში აღმოჩნდა.

გასულ წელს აშშ–ს სახელმწიფო დეპარტამენტმა ერაყისთვის გაზრდილი ჯავშანდაცვით, ტყვიამფრქვევებით, ყუმბარმტყორცნებით და სხვა მოწყობილობებით აღჭურვილი 1000 ცალი HUMVEE–ს მიყიდვის ნებართვა გასცა. ეს შესყიდვა ერაყს 579 მილიონი დოლარი დაუჯდება.

წყარო:

Iraq Lost 2,300 Humvees in Mosul, Prime Minister Says

M2A3 Bradley 26 მაისს თავისუფლების მოედანზე

26 მაისს თავისუფლების მოედანზე ახალწვეულთა ფიცის მიღების ცერემონიალი გაიმართა, რომელსაც ქართული არმიის ქვედანაყოფებთან ერთად აშშ–ს არმიის ქვედანაყოფებიც ესწრებოდნენ. ეს ის ქვე3დანაყოფებია რომლებიც სწავლება "Nobel Partner 2015"–ში ღებულობდნენ მონაწილეობას. სწორედ მათი ქსმ M2A3 Bradley იქნა გამოყვანილი თავისუფლების მოედანზე.

მანქანაზე დამაგრებული მოკლე ტტმ–ი

 დილით ადრე მივედი, მაგრამ დაცვამ არ შემიშვა ტერიტორიაზე, ფიცის მიღების ცერემონიალის შემდეგ კი საწყალ მანქანაზე ველურებმა გადაირბინეს

26 მაისი, ფიცის მიღების ცერემონიალი

26 მაისს, თავისუფლების მოედანზე ფიცის მიღების ცერემონიალი გაიმართა, რომელშიც მონაწილეობდნენ შემდეგი ქვედანაყოფები – საქართველოს თავდაცვის სამინისტროს 40 მედროშე, ავღანეთიდან „მტკიცე მხარდაჭერის“ მისიიდან დაბრუნებული V ქვეითი ბრიგადის 51-ე ბატალიონის 240 სამხედრო მოსამსახურე, I ქვეითი ბრიგადის მე-12 ბატალიონის ასეული, ავიაციისა და საჰაერო თავდაცვის სარდლობის პირადი შემადგენლობა, დავით აღმაშენებლის სახელობის ეროვნული თავდაცვის აკადემიის 40 ოფიცერი და 125 იუნკერი, გენერალ გიორგი კვინიტაძის სახელობის კადეტთა სამხედრო ლიცეუმის 40 კადეტი და აშშ–ს არმიის 173–ე საჰაერო–სადესანტო ბრიგადის 1–ლი ესკადრილიის 91–ე საკავალერიო პოლკის C (ჩარლი) ასეული, რომელიც გერმანიაში, გრაფენოჰრში ბაზირდება, და აშშ–ს არმიის მე–3 ქვეითი დივიზიის, 1–ლი მექანიზირებული ბრიგადის ერთი ასეული.

ცერემონიალს საქართველოს პრეზიდენტი და პრემიერ მინისტრი დაესწრო, ასევე მოწვეული იყო უცხო ქვეყნის ელჩები და წარმომადგენლები.

ორკესტრი

აშშ–ს საჰაერო სადესანტო ჯარების ფოტოგრაფი

საბრძოლო დროშის შემოტანა

ცერემონიალში მონაწილე ქვედანაყოფების შემოსვლა

მე–3 ქვეითი დივიზიის, 1–ლი მექანიზირებული ბრიგადის ასეული

აშშ–ს არმიის 173–ე საჰაერო–სადესანტო ბრიგადის 1–ლი ესკადრილიის 91–ე საკავალერიო პოლკის C (ჩარლი) ასეული (მარჯვნივ, წითელ ბერეტებში) და აშშ–ს არმიის მე–3 ქვეითი დივიზიის, 1–ლი მექანიზირებული ბრიგადის ერთი ასეული (მარცხნივ)

ახალწვეულთა მომზადების ცენტრის კურსდამთავრებულები ფიცის მისარებად მზად არიან

სერჯანტ–ინსტრუქტორები

ცერემონიალის დასაწყისი

საქართველოს პრეზიდენტი, გიორგი მარგველაშვილი სიტყვით მიმართავ დამსწრე საზოგადოებას

საბრძოლო დროშის ცენტრში გამოტანა

პირადმა შემადგენლობამ ფიცის მისარებად დაიჩოქა

UH-1–ები ქართული დროშით

Су-25-ები

ქვედანაყოფების გასვლა მოედნიდან

ცერემონიალის დასრულების შემდეგ, ვერტმფრენიდან მოსალოცი ბუკლეტები გადმოყარეს

პატარა პატრიოტები