სირია სავარაუდოდ რუსეთისგან С-300–ებს მიიღებს

აშშ–ს თავდაცვის მინისტრის განცხადებით – "თანამედროვე რუსული ჰაერსაწინააღმედგო კომპლექს С-300-ის ბატარეების სირიაზე გადაცემა ისრაელის უსაფრთხოების "დესტაბილიზაცია" მოახდენს".

ისრაელმა რუსეთს მოსთხოვა არ მიეყიდა საირიისთვის თანამედროვე ჰაერსაწინააღმედგო სისტემები, რომლებიც სირიის პრეზიდენტ ბაშარ ასადს დაეხმარება ებრაული საჰაერო თავდასხმებისგან თავის დასაცავად. როგორც ამერიკული და ებრაული წყაროები იუწყებიან სირიის მხარემ უკვე დაიწყო С-300–ის შესყიდვის კონტრაქტით გათვალისწინებული 900 მილიონი ევროს გადახდა. თვითონ კომპლექსების მზადყოფნაში მოყვანა და საბრძოლო მორიგეობაზე დაყენება სავარაუდოდ სამ თვეში იქნება შესაძლებელი. 

როგორც ინტერნეტში გავრცელებული წყაროებიდან ხდება ცნობილი რუსული მხარე სირიას 6 გამშვებ მოწყობილობას და 144 საზენიტო რაკეტას გადასცემს. 

აშშ–ს სახელმწიფო მდივნის ჯონ კერის თანამხად – "აშშ–ს მთავრობა შესფოთებულია იმით, თუ რა გავლენას იქონიებს ეს კომპლექსი ისრაელის უსაფრთხოებაზე". თავის საუბარში მას არ უხსენებია თუ რა ზეგავლენას მოახდენს ეს ჰსთ კომპლექსი სირიის სამოქალაქო ომზე.

С-300–ის დანიშნულებაა თვითმფრინავებისა და რაკეტების განადგურება 200 კილომეტრიან რადიუსში. დაწვრილებით კომპლექსის შესახებ შეგიძლიათ წაიკითხოთ შემდეგ ბმულზე – С-300.

ისრაელისა და აშშ–ს პროტესტს მოსკოვიდან და დამასკოდან რაიმე პასუხი არ მოჰყოლია. მიუხედავად ამ პროტესტისა, არაა გამორიცხული რომ ისრაელს მაინც და მაინც დიდად არ აფრთხობდეს ეს კომპლექსები – როგორც ცნობილია ისრაელის ავიაცია ხშრიად ატარებდა ერთობლივ სწავლებებს საბერძნეთის ავიაციასთან, რომელსაც თავის მხრივ შეიარაღებაზე С-300-ები გააჩნია, რომლებიც კუნძულ კრეტაზეა განთავსებული. ამიტომაც არაა გამორიცხული რომ ისრაელის ავიაცია ამ ჰსთ კომპლექსს კარგად თუ არა ნაწილობრივ მაინც იცნობდეს.

წყარო:
Israel asks Russia to block Syria arms sale

U.S. Presses Russia on Syria Arms Sale