მძიმე ავიამზიდ კრეისერ „ადმირალ კუზნეცოვის“ რემონტი 40 მილიარდი რუბლი დაჯდება

თავდაცვით წარმოებაში არსებულმა წყარომ, საინფორმაციო სააგენტო ТАСС გაუმხილა მძიმე ავიამზიდის, „ადმირალ კუზნეცოვის“ (Адмирал Кузнецов), რემონტთან დაკავშირებული დეტალები. „სექტემბერში „ზვიოზდოჩკა“ (Звездочка) ფლოტთან ხელს მოაწერს „ადმირალ კუზნეცოვის“ მოდერნიზაციის ელემენტების შემცველ რემონტის მეორე ეტაპს“ - განაცხადა წყარომ.

„ხელშეკრულების ფასი უკვე შეთანხმებულია - თანხა თითქმის 40 მილიარდ რუსულ რუბლს აღწევს. სამუშაოები იმავე თვეს, მურმანსკთან, როსლიაკოვოშო მდებარე 35-ე ხომალდასრემონტო ქარხანაში დაიწყება“ - დაამატა წყარომ და ასევე განმარტა, რომ რემონტის დასრულება 2020 წლის მე-4 კვარტალშია დაგეგმილი. ТАСС-ს არ გააჩნია აღნიშნული ინფორმაციის ოფიციალური დადასტურება.

როგორც ცნობილია. ხომალდი „ადმირალი კუზნეცოვი“ სირიის ტერიტორიაზე მიმდინარე კონფლიქტში ღებულობდა მონაწილეობას. ხომალდის გემბანიდან 400 საბრძოლო გაფრენა განხორციელდა. ეს საბრძოლო მივლინება რუსეთის ბიუჯეტს 10 მილიარდი რუსული რუბლი დაიჯდა.

წყარო:

Ремонт «Адмирала Кузнецова» может обойтись в 40 млрд рублей