აშშ-ს საჰაერო ძალებს იმედი აქვს რომ, მოიერიშე A-10 Thunderbolt II მწყობრში 2030 წლამდე დარჩება. როგორც ინტერნტეტ რესურს http://aviationweek.com-ზე დაიწერა, აშშ-ს თავდაცვის სამინისტრომ მოიერიშის ფრთების ხელახალ წარმოებაში ჩასაშვებად 103 მილიონი დოლარი გამოყო.
80-იან წლებში აშშ-ს საჰაერო ძალებს არ სურდათ A-10 Thunderbolt II ტიპის მოიერიშის შეიარაღებაზე მიღება, მაგრამ ეხლა ყველანაირად ცდილობენ მისთვის სასმახურის ვადის გაგრძელებას. კერძოდ მაშინ, A-10 Thunderbolt II-ის ნაცვლად, შეთავზებული იყო გამანადგურებელ F-16-ის ვარიანტი, სახელწოდებით А-16. მაგრამ 1991 წელს, სპარეთის ყურეში, А-10-ის გამოყენების პირველივე შემთხვევის შემდეგ, მანქანამ დიდი პატივისცემა დაიმსახურა, ხოლო მისი GAU-8 Avenger-ის ტიპის ქვემეხის ღმული, აშშ-ს საიერიშო ავიაციის სავიზიტო ბარათი გახდა.
А-10 Thunderbolt II შეიარაღებაზე 1977 წელს მიიღეს, და სპეციფიკური იერის გამო "მეჭეჭად" (Warthog) მონათლეს. ეს მოიერიშეები, მათი მძლავრი შეიარაღების დამსახურებით, სახმელეთო ოპერაციების განხორციელების დროს საკმაოდ მოთხოვნადია. ამჟამად აშშ-ს საჰაერო ძალების სამსახურში ამ ტიპის 170 მოიერიშეა, აქედან 109 მანქანას ფრთების შეცვლა ესაჭიროება.
2018 წლის ბიუჯეტის ფარგლებში, აშშ-ს თავდაცვის სამინისტრომ, ახალი ფრთების საწარმოო ხაზის ასამუშავებლად, 103 მილიონი დოლარი გამოყო. მიმდინარე წელს საჰაერო ძალები პირველ ოთხ კომპლექტს მიიღებენ, რომელთა დახმარებითაც A-10 Thunderbolt II-ს სიცოცხლის ციკლი 2030 წლამდე გაუგრძელდება.
No comments:
Post a Comment