საიტ militaryphotos.net განთავსდა ერთ რიგში ჩამწკრივებული ჩინური გამანადგურებლების უნიკალური ფოტოსურათი
წყარო:
Thursday, January 30, 2014
სირიის ომის გამოძახილი თურქეთში
სირიაში მიმდინარე მოვლენები უკვე მთელმა მსოფლიომ იცის. იცის ისიც რომ ტერორისტებსა და კაციჭამიებს დასავლეთი აფინანსებდა, მაგრამ მერე გადაიფიქრეს, მიხვდნენ რო ამდენი ჭამა არ შეიძლება.
ამ ცოტა ხნის წინათ სირიიდან ხანძრის გავრცელება მეზობელ ქვეყნებშიც დაიწყო – მაგალითად ერაყში (ამის შესახებ უკვე ვწერდი – ბრძოლები ფალუჯასთვის, ერაყში რადიკალებმა პირველი Abrams გაანადგურეს). ამჯერად უკვე თურქეთის რიგია, თურქეთისა რომელიც ასე თავგამოდებით ეხმარებოდა ამ ტერორისტებს და ათას მამაძაღლსა და ოხერს ასადის რეჟიმის წინააღმდეგ, თურქეთისა საიდანაც ძირითადი მომარაგება ხდება ამ ხროვისა.
მოკლედ მოქმედება ასე ვითარდება:
თურქეთ–სირიის საზღვარზე თურქეთის არმიასა და Al-Qaeda–ს რადიკალურ დაჯგუფება "ერაყისა და ლევანდეს ისლამური რესპუბლიკას" (ISIL Islamic State of Iraq and the Levant) შორის მძიმე შეტაკება მოხდა. კონკრეტულად ეს ბოლო 28 იანვარს, ადგილობრივი დროით 15:30 საათზე თავს დაესხა ჩობანბეიში (Çobanbey) მდებარე თურქეთის არმიის სასაზღვრო სადარაჯოს.
თურექთის არმიამ მოხმდურთა მოსაგერიებლად ტანკები, არტილერია, ტანკსაწინააღმდეგო და სხვა მძიმე შეიარაღება გამოიყენა. როგორც თურქეთის არმიის წარმომადგენელმა განუცხადა მასმედიის წარმომადგენლებს განადგურებული იქნა Al-Qaeda–ს მანქანების კოლონა. შემთხვევის შესახებ ინფორმაცია მასმედიაში ოთხშაბათს გავრცელდა, სავარაუდოდ ქვეყნის მმართველობას არ სურს მოსახლეობის აღელვება.
ბოლო თვის განმავლობაში თურქეთის უსაფრთხოების ძალებმა Al-Qaeda–ს წინააღმდეგ რამდენიმე სპეცოპერაცია განახორციელეს. თურქეთის ხელისუფლების განცხადებით Al-Qaeda სავარაუდოდ ახორციელებს სხვა ქვეყნებიდან ისლამისტი დაქირავებულების გადაყვანას სირიაში (რას ამბობენ კაცო, ნუთუ? მე ამას ვერ დავიჯერებ).
გასულ მაისში, ამერიკის ყოფილმა ელჩმა თურქეთში, James F. Jeffrey–მ განაცხადა რომ, Al-Qaeda–ს ორგანიზაციებმა შესაძლოა თავისი იარაღი თურქეთის წინააღმდეგ მიმართონ.
წყარო:
Tuesday, January 28, 2014
ბაბუ და ნაშუჩკები
გამოფენა RAE-2013, მოდერნიზირებული ტანკი Т-72 - ტანკი ქუსლებიან ტანკისტებზე 20 წლით უფროსია (ფოტოები გადიდებადია)
Модернизированный танк Т-72. RAE-2013
Monday, January 27, 2014
დღის ფოტო – "Cascade Gambit"
2012 წლის 4 იანვარი, ნიუ მექსიკის ცაში 71-ე სპეციალური ოპერაციების ესკადრილიის (71st Special Operations Squadron) CV-22 Osprey საწვავს ისხამს 522–ე სპეციალური ოპერაციების ესკადრილიის (522nd Special Operations Squadron) MC-130J Commando II–დან. 72–ე ბაზირდება ნიუ მექსიკიაში, კირტლანდის ავიაბაზაზე, ხოლო 522–ე იმავე შტატში, კანიონის ავიაბაზაზე (სურათი გადიდებადია)
F-35 Lightning II უბრალო "მოკვდავის" კონფიგურაციაში
Lockheed Martin F-35 Lightning II Joint Strike Fighter–ის მოდიფიკაციამ, რომელიც F-35C–ეს სახელით არის ცნობილი, 13 იანვარს, საზღვაო ძალების ავიაციის აეროდრომ Patuxent River–იდან, სრული გარე დატვირთვით განახორციელა ფრენა.
საბორტე ნომერი CF-01–ის მქონე F-35C, რომელმაც პირველი ფრენა 2010 წლის 6 ივნისს განახორციელა, ამ გამოცდის დროს აღჭურვილი იყო ჰაერი–ჰაერი კლასის რაკეტები AIM-9X Sidewinder–ებით, ლაზერით მართვადი ავიაბომბ GBU-12 Paveway–II–ებით და დასაკიდი საქვემეხო კონტეინერით (თვითონ გამანადგურებელს ჩაშენებული ავტომატური ქვემეხი არ გააჩნია).
ბრიტანული ჟურნალი IHS Jane's Defence Weekly, მწარმოებელ კომპანიაზე დაყრდნობით, წერს რომ, ეს კონფიგურაცია არ იყო ყველაზე მძიმე რაც გამანადგურებელს შეუძლია რო წაიღოს, უბრალოდ ამ გამოცდაზე ყველა გარე დასაკიდი პილონი შეიარაღებით იყო დატვირთული.
F-35C და F-35B - წარმოადგენენ "take-off/vertical landing" ვარიანტს, რომლებიც განკუთვნილი არიან აშშ–ს საზღვაო ქვეითების კორპუსისთვის, აშშ–ს საზღვაო ძალებისთვის და ბრიტანეთის სამეფო საჰაერო ძალებისა და საზღვაო ძალებისთვის. ყველა მათგანი აღჭურვილია დასაკიდი საქვემეხო კონტეინერით (gun pod). გამანადგურებლის სერიიდან მხოლოდ F-35A–ს გააჩნია ჩაშენებული ავტომატური ქვემეხი.
დასაკიდი საქვემეხო კონტეინერით
F-35 "უხილავ" გამანადგურებლად ითვლება, თუმცა გარეთ დაკიდებული შეიარაღება მის ეფექტური გაფანტვის ზედაპირს (RCS) საგრძნობლად ზრდის.
წყარო:
Sunday, January 26, 2014
Arjun Mk.2
ტანკ Arjun–ის შემქმნელმა ინდურმა კომპანია DRDO-მ (Defence Research and Development Organisation) აღლუმზე ამ ტანკის მოდერნიზაციის შედეგად მიღებული Arjun Mk.2 გამოაგორა. მოდერნიზაციის შედეგს ფოტოებზე ვხედავთ (ამ ახალი მოდერნიზაციის შესახებ 2012 წლის აგვისტოში ვწერდი – ტანკ Arjun Mk II-ის პირველი სურათი)
ასევე ამ ტანკის შესახებ ინფორმაცია შეგიძლიათ შემდეგ ბმულებზე წაიკითხოთ:
Friday, January 24, 2014
Rafale Heavy
მძიმედ დატვირთული Rafale-M - მიუხედავად იმისა რომ ვიზუალურად ეფექტურად გამოიყურება, მაინც საეჭვოა მისი საბრძოლო ეფექტურობა
მძიმედ დატვირთული Rafale-M–ის შესახებ უკვე ვწერდი ბლოგში. მითითებულ ბმულზე (ზედა ფოტოზე იგივე გამანადგურებელია) ნაჩვენებია მძიმედ დატვირთული ფრანგული გამანადგურებელი Rafale-M გამოცდების მომენტში, რომელსაც კომპანია Dassault თავისი ფინანსებით ახორციელებს. გამოცდები გამანადგურებლის "მძიმე კონფოგურაციას" ეხება.
გამოცდების შედეგად რეალურად დადგინა ის ფაქტი რომ, გამანადგურებელს თავის წონასტან შედარებით 150% დატვირთვის წაღება შეუძლია. ამ შესაძლებლობის გამოყენებით ორი ცალი Rafale ექვს ცალ Mirage-2000–სს უტოლდება. თუმცა მწარმოებელი არაფერს ამბობს იმის შესახებ რომ ასე დატვირთული გამანადგურებლები საჰაერო ტანკერებმა მთელი მისიის განმავლობაში უნდა გააცილონ.
აშშ–ს პერსპექტიული საბრძოლო მანქანა GCV დამუხრუჭდა
თუ დავუჯერებთ იმ ბიუჯეტს, რომელსაც ამ თვის დასაწყისში პრეზიდენტმა ობამამ ხელი მოაწერა, მაშინ აშშ–ს არმიის პროგრამა GCV (Ground Combat Vehicle) მკვდარია (ყოველ შემთხვევაში ამ დროისთვის).
როგორც ცნობილია გათვალისწინებული 592 მლნ. დოლარის ნაცვლად ბიუჯეტში 492 მილიონი დოლარია გამოყოფილი პროგრამის განვითარებისთვის, რაც მისი სარეალიზაციოდ არ კმარა.
ხუთშაბათს, აშშ–ს არმიის გენერალური შტაბის მეთაური, რეი ოდიერნო (Ray Odierno) ამ საკითხთან დაკავშირებით სიტყვით გამოვიდა, რომლის დროსაც მან დასვა კითხვა: "გვინდა თუ არა ახალი საბრძოლო მანქანა? კი. შეგვიძლია თუ არა ჩვენ ამჟამა მისი ყოლა? არა".
ოდიერნომ აღნიშნა, რომ პროგრამისთვის გამოყოფილი თანხა საშუალებას მისცემს აშშ–ს არმიას პროგრამის ტექნოლოგიები განავითაროს და სამი–ოთხი წლის შემდეგ შეუდგეს ქვეითთა საბრძოლო მანქანის, Bradley-ს, შემცვლელის აწყობა დაიწყონ. როგორც გენერალმა ახსენა: " ის კმაყოფილი იყო პროგრამის მსვლელობითა და მანქანის მონაცემებით, ამიტომ მას სურს გაარკვიოს თუ როგორ მოიქცნენ მომავალში".
BAE Systems–მა და General Dynamics–მა 2011 წლიდან მოყოლებული GCV–ეს ტექნოლოგიების შესაქმნელად ასობით მილიონი დოლარის დაფინანსება მიიღეს. მაგრამ მიუხედავად ამისა კონგრესი ამ პლატფორმის წინააღმდეგ გამოდის – ძირითად პრობლემასდ მისი ავიატრანსპორტაბელურობა, ჯავშანი და მომარაგების დიდი მოთხოვნები დასახელდა. როგორც ცნობილია აშშ–ს არმიას 2014 წლიდან 2030 წლამდე 1748 ცალი GCV–ეს შესაძენად 29 მილიარდი დოლარის დახარჯვა მოუწევს.
როგორც გენშტაბის უფროსმა განაცხადა: "ბოლო ათი წლის განმავლობაში ჩვენ მობიულორბასა და გადარჩენადობას შორის ვცდილობით გვევაჭრა" და ასევე დაამატა რომ: "მე მომავალში ტაქტიკური მობილურობა მესაჭიროება".
წყარო:
Thursday, January 23, 2014
აქტიურ ფაზირებულ ცხაურიანი რადარი "Армата"–სთვის
მინპრომტორგის წყაროზე დაყრდნობით რუსულ მასმედიაში ვრცელდება ინფორმაცია იმის შესახებ, რომ რუსეთის პერსპექტიული ტანკი, "Армата"–ს ბაზაზე, აღჭურვილი იქნება აქტიურ ფაზრიებულ ცხაურიანი რადარით (აფცრ–ით).
"Уралвагонзавод"–ის კორპორაციის მიერ შექმნილი მძიმე მუხლუხებიანიპლატფორმა "Армата" უნდა გახდეს სხვადასხვა ტექნიკისთვის განკუთვნილ უნიფიცირებულ მძიმე პლატფორმად. მისი აგების მოდულური პრინციპი საშუალებას მისცემს მწარმოებელს რომ მის ბაზაზე შექმნას როგორც ტანკები, ასევე საჯარისო ჰსთ სისტემები, სარაკეტო და საარტილერიო დანადგარები. ამ ნაკეთობებისთვის რადარი, ისევე როგორც პლატფორმა, იქნება მოდულური – შემადგენელი ნაწილები ურთიერთგაცვლადი, რაც ელექტრონული სისტემების მოკლე დროში რემონტის საშუალებას იძლევა.
ვიცე პრემიერის, დიმიტრი როგოზინის განცხადებით "Армата"–ს ბაზაზე შექმნილი ტანკების მიღებას რუსული არმია 201402015 წლებში დაიწყებს. თვითონ ლოკატორის ელექტრონული სისტემების სერიული წარმოება კი 2016 წელს დაიწყება. თარიღებში სხვაობა პრობლემას არ წარმოადგენს – ლოკატორის უკვე მზა მანქანაზე დაყენება იქნება შესაძლებელი.
მინპრომტორგის ტექნიკური დავალების თანახმად, "Армата" მიღებს Ка-დიაპაზონის (26,5-40 GHz) რადიოლოკატორს, რომელიც აქტიურ–ფაზირებულ ცხაურიანი რადარის ბაზაზე იქნება შექმნილი. რადარი დაბალტემპერატურიანი კერამიკის ტექნოლოგიებით იქნება აწყობილი.
წყარო:
Subscribe to:
Posts (Atom)