უკრაინული არმიის ახალი ტანკსაწინააღმდეგო კომპლექსი

5 იანვარს უკრაინის არმიისთვის გადაცემული ტექნიკის რიგებში ასეთი საინტერესო მანქანაც იყო – დისტანიცური საბრძოლო მოდული "Сармат"–ით აღჭურვილი ჯავშანმანქანა "Спартан". 

უკრაინული არმიის გარემონტებული ტექნიკის ახალი პარტია

2014 წლის 5 დეკემბერს, უკრაინის პრეზიდენტმა, პეტრე პოროშენკომ, თავდაცვის მინისტრმა, სტეფანე პოლოტორაკმა და გენშტაბის მეთაურმა ვიქტორ მუჟენკომ მონაწილეობა მიიღეს უკრაინის არმიისთვის გარემონტებული საბრძოლო ტექნიკის მორიგი პარტიის გადაცემის ცერემონიალში. ცერემონიალი ჟიტომირის ოლქში, ოზერნოეს აეროდრომზე განხორციელდა.

მთლიანობაში უკრაინის არმიამ 150 ერთეული გარემონტებული და მოდერნიზირებული ტექნიკა მიიღო, მათ შორის 50 ცალი БМП-2, შეჯავშნული გამწეები МТ-ЛБ, 203მმ–იანი თვითმავალი საარტილერიო დანადგარი 2С7 "Пион", 122მმ–ნი თვითმავალი ჰაუბიცა 2С1 "Гвоздика", 82მმ–ნი ავტომატური ნაღმტყორცნი 2Б9 "Василек", ასევე ოთხი გარემონტებული გამანადგურებელი – ორი МиГ-29 და ორიც Су-27.

 

Т-55 და Т-62 შეფასება ებრაელი სამხედროების მიერ

ისრაელში, ნაალაფარი საბჭოთა ტანკების, Т-55 და Т-62 ექსპულატაციის საფუძველზე დაწერილი დასავლური პუბლიკაციების მიხედვით დაწერილი მოკლედ მიმოხილვა. ასევე ნახსენებია 1982 წლის ომის საფუძველზე Т–72–ის გამოყენების გამოცდილებაც.

ვითომ Т-14 "Армата"

ინტერნეტში პერსპექტიული რუსული ტანკის, Т-14 "Армата"–ს (Объект 148) გამოსახულების ვიდეო და ფოტო მასალის მუსირება ხდება. გრაფიკული გამოსახულება სავარაუდოდ შარშან, როგოზინისადმი წარდგენილი მოდელების მოტივებზეა შექმნილი – დიმიტრი როგოზინისადმი წარდგენილ ტანკთან დაკავშირებული კითხვა გადაიჭრა. ამიტომაც რეალობისგან ძაან შორს არ უნდა იდგეს, თუმცა განსხვავება ნამდვილი მანქანისგან სავარაუდოდ იქნება. მაგრამ მკითხაობას ჯობია მოსკოვში მაისის აღლუმს დაველოდოთ, რომელზეც ამ ტანკის საჯარო პრეზენტაცია მოხდება – რუსეთის თავდაცვის სამინისტრო აღლუმისთვის ახალი თაობის ტექნიკას ამზადებს.

SR-71–ის დაბიდუბი

გუშინწინ კაცობრიობის ისტორიაში ყველაზე სწრაფი პილოტირებადი საფენი აპარატი, SR–71–ის, დაბადების დღე იყო, მას 50 წელი შეუსრულდა. ზუსტად 50 წლის წინ, 1964 წლის 22, დეკემბერს აღნიშნულმა ზებგერითმა მზვერავმა პიველი ფრენა შეასრულა.

SR-71–ის პირველი ფრენა

თვითმფრინავის შექმნის შესაზებ გადაღებული დოკუმენტური ფილმი 

უკრაინაში საქართველოსთვის დაღუპილი ქართველი მებრძოლი

გუშინ უკრაინაში  ომში დაიღუპა ქართველი მებრძოლი ალეკო გრიგოლაშვილი, იგივე "Чужой" ანუ "უცხო" (ბეჯი ფორმაზე წარწერით "4UJOI") ის უშუალოდ მტერთან ხანგრძლივი ბრძოლის შემდეგ დაეცა.

ალეკო უკრაინაში ჩავიდა საბრძოლველად 2-3 თვის წინ.  მას დარჩა  ორი მცირეწლოვანი შვილი და მეუღლე, ცხოვრობდა თბილისში ქირით.

გთავაზობთ ფოტოებს და ვიდეოს

 

წყარო:

• ოკუპანტებთან ბრძოლაში დაღუპული ალეკო გრიგოლაშვილის შესახებ ინფორმაცია(ვიდეო და ფოტომასალა)

ისევ ერაყი და ისევ Abrams–ები

მოკლედ ისტორია ასე განვითარდა – ერაყული არმიის M1A1M ბრძოლაში დააზიანეს (რამდენად სერიოზულად უცნობია, თუმცა ფოტოს მიხედვით ამძრაობა არ უნდა დაეკარგა), ეკიპაჟმა ტანკი მიატოვა და გაიქცა, შემდეგ მოვიდა ISIL იპოზიორა ახალი ტროფეის ფონზე, რო მოსწყინდა ტანკი გაავსო ასაფეთქებლით და ააფეთქა

ჩინური J–31–ის ფოტოები ახლოდან

J–31 – ჩინური, მეხუთე თაობის, სტელს გამანადგურებელი, რომელიც ძალიან ჰგავს ამერიკულ F–35–ს. ბევრი ამერიკელი კრიტიკოსის აზრით F–35 სწორედ ასეთი უნდა ყოფილიყო – ორძრავიანი, სწრაფი, დიდი იარაღის საცავით, დიდი მოქმედების რადიუსით და რეალური საჰაერო მებრძოლი, თუმცა ახლა უკან მოხედვა გვიანია. 

წყარო:

Chinese J-31 Falcon Eagle Stealth Fighter Aircraft Gathering Momentum

ქართველები უკრაინის ფრონტზე

ტელეარხ რუსთავი–2–ზე გასული სიუჟეტი:

უკრაინაში ფრონტის პირველ ხაზზე ქართველები იბრძვიან. სხვის ომში დაწყებისთანავე წავიდნენ და ამ დრომდე პოზიციებზე რჩებიან. იმისთვის, რომ დებალცევოდან შორ მანძილზე მდებარე სამხედრო ბანაკებამდე მიხვიდე, რამდენიმე საგუშაგო უნდა გაიარო. უსაფრთხოების გარანტიები აქ არ არსებობს, ყველა კუთხიდან ისვრიან, ამიტომ სპეციალური ეკიპირების გარეშე გადაადგილება ჟურნალისტებისთვისაც აკრძალულია. ქართველი მებრძოლები ამბობენ, რომ ეს სხვისი ომი არ არის, მტერი ორივე ქვეყანას საერთო ჰყავს.

გერმანიის არმიამ პირველი Leopard-2A7 მიიღო

როგორც ჟურნალი "Jane's Defence Weekly" კრისტოფერ ფ. ფროსის–ის სტატიაში (Christopher F. Foss) "Germany Receives First Leopard 2A7 MBT" იტყობინება, გერმანულმა კომპანია Krauss-Maffei Wegmann–მა (KMW) მიუნხენში მდებარე თავის საწარმოში გერმანიის სახმელეთო ჯარების ინსპექტორს, გენერალ–ლეიტენანტ რეინერ კორფუს, 2014 წლის 10 დეკემბერს ტანკ Leopard–2–ის ბოლო მოდიფიკაცია, Leopard–2A7 გადასცა.

ტანკი Leopard–2A7 წარმოადგენს Leopard–2A5, Leopard–2A6 და Leopard–2PSO (Peace Support Operation) შემდგომ განვითარებას, რომელშიც მაქსიმალურადაა გამოყენებული კანადის არმიის მიერ ავღანეთში ტანკ Leopard–2–ის გამოყენების გამოცდილება.

გერმანულმა არმიამ 20 ცალი Leopard–2A7 შეუკვეთა, რომლიდანაც 19 მანქანა უახლოეს მომავალში 203–ე სატანკო ბატალიონს  (1–ლი სატანკო დივიზიის 21–ე სატანკო ბრიგადა) მიუნხენში, KMW–ს საწარმოდან უნდა გადაეცეს. ბატალიონი აუგუსტდორფში (რეინ–ვესტფალის ჩრდილოეთით) დისლოცირდება და ამჟამად მის შეიარაღებაზე 44 ცალი Leopard–2A6 დგას. ხოლო დარჩენილი ერთი მანქანა საგამოცდო მიზნებისთვის იქნება გამოყენებული.

როგორც გენერალ–ლეიტენანტმა კორფმა განაცხადა – "გერმანული არმიისთვის ეს კარგი დღეა" და რომ "ისინი ძალიან კმაყოფილები არიან Leopard 2A7–ით". 

რეალობაში Leopard–2A7–ის ეს 20 მანქანიანი პარტია წარმოადგენს ჰოლანდიური არმიის ყოფილ, გადაკეთებულ Leopard–2А6NL–ებს, რომლებიც კანადურმა არმიამ გერმანიას Leopard–2A6M–ბის საკომპენსაციოდ გადასცა. გერმანიის არმია იმედოვნებს რომ დაფინანსების შემთხვევაში, მოახერხებს Leopard–2A6–ბის მთელი პარკის მოდერნიზირებას Leopard–2A7 დონემდე.

ტანკ Leopard–2A7–მა შეინარჩუნა გლუვლულიანი ქვემეხი Rheinmetall 120 mm L/55, თუმცა განაახლდა მისი საბრძოლო კომპლექტი – ტანკების საბრძოლო მარაგის ნომენკლატურაში შევა ახალი თაობის ქვეკალიბრულ–ფრთასხმული ჯავშანგამტანი ჭურვი DM63 APFSDS-T (Armour Piercing Fin Stabilised Discarding Sabot - Tracer) და ასევე უახლესი გერმანული პროგრამირებადი ფუგასური ჭურვი Rheinmetall DM11. შეგახსენებთ რომ, ჭურვ DM11–ის ამფეთქი, უზრუნველყოფს ფუნქციონურობის სამ რეჟიმს: კონტაქტური, შეყოვნებით და საჰაერო აფეთქებით. რეჟიმის კარნახი დამტენის მართვის პანელიდან ხდება, მაშინ როდესაც გასროლა უკვე კამორაშია მოთავსებული, ხოლო საჰაერო აფეთქების რეჟიმის არჩევის შემთხვევაში, აფეთქების დისტანცია ჭურვში ავტომატურად შედის.

Leopard–2A7 გააჩნია გაუმჯობესებული დაცვა, რომელიც მოიცავს ახალი თაობის პასიური ჯავშნის ახალ შემავსებლებს და ნაღმებისგან და ფუგასებისგან დამცავ გაძლიერებულ ფსკერს. მანქანა ასევე აღჭურვილია საბორტე დამატებითი ჯავშნის მოდულების დასაყენებელი მოწყობილობებით, თუმცა თვითონ დამატებითი ჯავშანი გერმანელებს არ შეუკვეთავთ.

სხვა სიახლეებიდან აღსანიშნავია: მძღოლ–მექანიკოსის ახალი სარქველი, ქვემეხის სრულებით ელექტრონული ამძრავები, დამხმარე ძალური დანადგარი (APU) და კონდიციონერი. ბოლო ორი დიდი ხანია გამოჩნდა უცხორუი შეკვეთების Leopard-2–ებზე (საბერძნეთი, ესპანეთი, დანია) – თუმცა გერმანული არმია აქამდე კონდიციონერებზე და დამხმარე ძალურ აგრეგატზე გაურკვეველ ეკონომიას აკეთებდა.

ტანკის მეთაურმა მიიღო კოშკურის სახურავზე განთავსებული პანორამული სამიზნე, რომელშიც შედის მე–3 თაობის სითბური კამერა, ინტეგრირებული ლაზერული მანძილმზომი და დღის CCD ვიდეოკამერა (საუბარია პანორამულ სამიზნე Airbus Defence and Space PERI-17A3–ზე, თუმცა ზოგიერთი წყაროს თანახმად ახალ ტანკზე წინამორბედის, Leopard–2A6–ის ძველი პანორამული სამიზნე, PERI-17A2 გადმოიტანეს, რომელიც მე–3 თაობის თბოხედბვის კამერა Attica–თი გაუმჯობესდა). მემიზნეც ასევე მე–3 თაობის თბოხედვის სამიზნეთი არის აღჭურვილი. 

Leopard–2A7–ის პროტოტიპზე ასევე გაიარა გამოცდები 12,7მმ ტყვიამფრქვევით, M2HB–ით აღჭურვილმა დისტანციურად მართვადმა კოშკურა FLW–200–მა, თუმცაღა გერმანულმა არმიამ ასეთი კოშკურები არ შეუკვეთა.

IDEX-2013–ზე წარმოდგენილი  დისტანციური სატყვიამფრქვევო მოდული FLW–200–ით აღჭურვილი ბერძნული Leopard-2HEL

ჯარების ავტომატიზირებული მართვის სისტემის, IFIS–ის დაყენების ხარჯზე ასევე გაუმჯობესდა მანქანის სამეთაურო მართვის დონე, შესაბამისად რადიოსადგურების რაოდენობა სამამდე გაიზარდა – ერთი ინფორმაციის გადაცემაზე მუშაობს. კერძოდ IFIS–ის დაყენება მანქანის მოდერნიზაციის მთავარ დეტალად შეიძლება ჩაითვალოს.

წყარო:

Germany receives first Leopard 2A7 MBT