PT-91M Pendekar MBTs of the Malaysia Army at firing range

PT-91M Pendekar MBTs of the 11th Tank Regiment of the Malaysia Army's Royal Armored Corp at firing range

 

ჯავშანტრანსპორტიორი AV–8–ის პირევლი ოფიციალური დემონსტრაცია მალაიზიაში

2013 წლის 2 მარტს მალაზიის ქალაქ პორტ–დიქსონში მალაზიის არმიის 80 წლისთავისადმი მიძღვნილ დღესასწაულზე პირველად ოფიციალურად იქნა წარდგენილი სავალი ნაწილის 8х8 ფორმულის მქონდე ჯავშანტრანსპორტიორი AV–8, რომელიც მალაზიის შეიარაღებული ძალებისთვის თურქულმა კომპანია  FNSS Savunma Sistemleri Inc.–მა დაამზადა (რომელიც თავის მხრივ თურქული კომპანია Nurol–ისა და კორპორაცია BAE Systems–ის ერთობლივ საწარმოო კომპანიას წარმოადგენს).

ჯავშანტრანსპორტიორი AV–8 წარმოადგენს თურქული FNSS–ის მიერ ქვეყნის შიდა და გარე ბაზარზე შეთავაზებული მანქანა Pars–ის მოდერნიზირებულ ვერსიას, რომელიც თავის მხრივ წარმოადგენს ერთ პატარა ამერიკული კომპანია General Purpose Vehicles–ის (GPV) მიერ შემუშავებულ ჯავშანტრანსპორტიორს. GPV–ეს ორიგინალურმა მანქანებმა (სავალი ნაწილის 4х4, 6х6, 8х8 და 10х10 ფორმულისთ) მყიდველი ვერ ნახეს, რის შემდეგაც 2002 წელს კომპანიამ ხელშეკრულება გააფორმა თურქულ FNSS–თან ამ მანქანის თურქეთში წარმოების შესახებ. ბოლო ათწლეულია ეს მანქანა აქტიურად რეკლამირდება მაგრამ თურქულ არმიას მისი შეყიდვის სურვილი ჯერ არ გამოუთქვამს, სამაგიეროდ მანქანამ უკვე ნახა პირველი უცხოელი კლიენტი – ეს მალაზიის არმიაა.

2010 წლის აპრილში მალაზიის თავდაცვის სამინისტრომ თურქულ კომპანიასთან 257 ცალი ჯავშანტრანსპორტიორი Pars–ის 12 სხვადასხვა მოდიფიკაციის ყიდვის შესახებ 2,4 მილიარდ დოლარიანი ხელშეკრულება გააფორმა. მალაზიური არმიისთვის სპეციალურად გადაკეთებულ მანქანას AV–8 ეწოდა. ხელშეკრულების თანახმად ჯავშანტრანსპორტიორების აწყობას მალაზიაში ქვეყნის თავდაცვითი გაერთიანება DEFTECH განახორციელებს.

სულ 2018 წლისათვის მალაზიის არმიამ 257 ცალი შემდეგი მოდიფიკაციების მანქანები უნდა მიიღოს – 25 მმ–ნი ATK М242 Bushmaster–ის ქვემეხიანი FNSS–ის წარმოებული ერთკაციანი კოშკურა Sharpshooter–ით აღჭურვილი 114 ცალი ჯავშანტრანსპორტიორი, სამხრეთ აფრიკული Denel–ის 30 მმ–ნი ავტომატური ქვემეხითა და ტანკსაწინააღმდეგო რაკეტები Denel Ingve–თი აღჭურვილი ორკაციან კოშკურიანი 54 ცალი საბრძოლო მანქანა, 10 ცალი 12,7 მმ–ნი ტყვიამფრქვევიანი დისტანციური მოდულით აღჭურვილი ჯავშანტრანსპორტიორი, 8 ცალი 120 მმ–ნი თვითმავალი ნაღმტყორცნი და ასევე კიდევ მანქანის სხვა 8 მოდიფიკაცია.

მალაიზია Gripen-ებს ქირაობს

მალაზიის სამეფო საჰაერო ძალები განიხილავენ შვედური მხარის მიერ შეთავაზებული 18 ერთეული Gripen-ის დაქირავებას - ეს გადაწყვეტილება შეიძლება დროებითი იყოს, ან კიდევ მუდმივი, რათა მოხდეს 10 ცალი MиГ-29Н ჩანაცვლება.

გამანადგურებლების ტენდერში მონაწილეობდნენ Су-30МКМ, Rafale, Typhoon, F/A-18E/F და Gripen. ტენდერიდან ამ ცოტა ხნის წინ შვედური და რუსული გამანადგურებლები გამოვარდნენ. მაგრამ შვედურმა მხარემ ხელახლა სცადა ბედი და ამჯერად სხვა წინადადება შესთავაზეს მალაზიის სამეფოს - წინადადება ეხება 18 ცალი Gripen-ის მიქირავებას, ჩეხეთისა და უნგრეთის მსგავსად. ამ წინადადებით შვედური მხარე მას მერე გამოვიდა, რაც გაირკვა რომ მალაზიის მხარის მიერ გამოყოფილი თანხა სხვა გამანადგურებლების ყიდვის შემთხვევაში მხოლოდ 6 თვითმფრინავის ყიდვას ჰყოფნიდა.