აშშ-ს საზღვაო ძალებმა საზღვაო რუტინის კადრების ფოტოები გაავრცელეს, მათ შორის არის 7 ივნისს, ავიამზიდ CVN-77 "George H.W. Bush"-ის გემბანიდან ასაფრენად გამზადებული ესკარილია VFA-213 "Blacklions"-ის კუთვნილი, ერთდროულად ათი ცალი კორექტირებადი ავიაბომბით შეიარაღებული, F/A-18F "Super Hornet"-ების ფოტოებიც. გამანადგურებლებს ფრთებს ქვეშ GBU-32 ტიპის ავიაბომბები აქვთ ჩამოკიდებული. ამგვარად საბრძოლო დატვირთვა 5 ტონას აღწევს ("Sidewinder"-ებსაც თუ გავიხსენებთ), რაც რეალური საბრძოლო ექსპულატაციისთვის უბრალოდ ფენომენალური მოვლენაა, ჩვეულებრივად 2-4 ცალი ბომბით დაფრინავენ.
ფოტოების მიხედვით თუ ვიმსჯელებთ, გემბანზე როგორც მინიმუმ ამგვარად აღჭურვილი ორი გამანადგურებელი იყო ემზადებოდა (საბორტე ნომრები 202 და 212). საინტერესოა ვისთვის არის ეს ჩემოდნები განკუთვნილი? "George H.W. Bush" ამჟამად სახლში მიემგზავრება და გზადაგზა აღმოსავლეთ ხმელთაშუაზღვიდან ისლამურ სახელმწიფოზე ახორციელებს იერიშებს.
No comments:
Post a Comment