ჩინური საზენიტო–საარტილერიო სისტემები

PZG-07

ჩინეთში ადრეც არა-ერთხელ განხორციელდა თანამედროვე საარტილერიო-საზენიტო სისტემის შექმნის მცდელობა. პირველი მცდელობა 80-იანების დასაწყისში განხორციელდა. იმ დროს საბჭოთა კავშირმა ირანს ЗСУ-57-2 მიჰყიდა, რომელიც როგორც დასახელებიდან ჩანს 57მმ-ნი ორი ქვემეხით იყო აღჭურვილი. ჩინელებმა მოახერხეს ირანელების დარწმუნება, რომ მათთვის ეს საბრძოლო მანქანა მიეყიდათ. მანქანასთან გაცნობის შემდეგ ჩინელმა სპეციალისტებმა მისი კოპიო შექმნეს, რომელიც მისი საბჭოთა ორიგინალისგან გამოირჩეოდა ჰერმეტიული საბრძოლო ნაკვეთურით, რაც სახურავის დაყენებით მიიღწეოდა.მანქანას "Type-80" ეწოდა. საბრძოლო მოდული ტანკ "Type-69-II"-ის შასიზე იყო განთავსებული.
მანქანაზე რადარი ან მიზნის აღმომჩენი და გამიზვნის რაიმე თანამედროვე სისტემა არ ეყენა, რის გამოც 80-იანების დასაწყისში ეს მანქანა უკვე მოძველებულად ითველობდა. საუკეთესო შემთხვევაში ის 50-იანების დონეს შეესაბამებოდა. რა თქმა უნდა ჩინეთის არმიას ეს მანქანა ამ სახით არ სჭირდებოდა. ამ მანქანამ ჩინეთის იარაღის მყიდველების ინტერესიც ვერ გამოიწვია და ამიტომ პროტოტიპის დონეს ვერ გასცდა.

საერთაშორისო ბაზარზე ასევე წარუმატებელნი აღმოჩნდნენ საარტილერიო-საზენიტო სისტემები "W-88" და "Type-88". ეს მანქანები აღჭურვილიიყო 37მმ-ნი ორი ქვემეხით, რომლებიც წარმოადგენდნენ ჯერ კიდევ მეორე მსოფლიო ომამდე საბჭოთა კავშირში შექმნილი ქვემეხების ასლებს, რომლებიც ასევე ტანკ "Type-69-II"-ის შასიზე იყო განთავსებული. თუ "W-88"-ზე ოპტიკური სამიზნე ეყენა, "Type-88" კი უკვე რადარით და ლაზერული მანძილმზომით იყო აღჭურვილი, რაც ამ ბოლოს ეფექტურობას საგრძნობლად ამაღლებდა. 

შემდეგი მცდელობის შედეგად უკვე შედარებით წარმატებული "Type-95" შეიქმნა. ჩინელები თავისი სპეციფიკის გათვალისწინებით შეეცადნენ შეექმნათ საბჭოთა ЗСУ 2С6 "Тунгуска"-ს ანალოგი. თუმცა სინამდვილეში იმას რაც გააკეთეს "Тунгуска"-მდე ბევრი აკლდა.

Type-95

ახალი მანქანა აღჭურვილი იყო 25მმ-ნი ოთხი ავტომატური ქვემეხით, რომლებიც თავის დროზე საბჭოთა ЗУ-23-2 ქვემეხების ბაზაზე იქნა შექმნილი. საცეცხლე ძალის გაზრდა შესაძლებელია საზენიტო რაკეტა "Qian Wei-2" (საბჭოთა "Игла-1"-ის ასლი) გამშვებების დაყენებით. ამ რაკეტaს შეუძლია დააზიანონ 6კმ მანძილზე მფრენი საჰაერო ობიექტები. მაგრამ ეს საზენიტო სისტემაც ჩინური მხარის მიერ არასაკმარისად თანამედროვედ ითველობდა. ამიტომ მუშაობა მიმდინარეობდა უფრო თანამედროვე სისტემის შექმნაზე. ამრიგად 90-იანების დასაწყისში, ჩინეთში შეიქმნა საცდელი თვითმავალი საზენიტო დანადგარი, რომელმაც მიიღო სახელწოდება "Type-90-II". თავისი გათანწყობით სისტემა საკმაოდ წააგავდა გერმანული არმიის შეიარაღებაში მყოფ "Gepard"-ს.
"Type-90-II"-ის ძირითად შეიარაღებას ორი ცალი 35 მმ-ნი ავტომატური ქვემეხი "Type-90" წარმოადგენდა. ეს ქვემეხები ჩინელებმა შვედური ფირმა "Oerlikon"-ისგან წარმოების ლიცენზიით შეისყიდეს. ქვემეხები წრიულად მბრუნავი კოშკურის გვერდებზეა განთავსებული და ვერტიკალურ სიბრტყეში სინქრონულად უმიზნდებიან. ქვემეხებს მჭიდური კვება გააჩნიათ. თითო ლულაზე სროლის ტემპი 550გასრ/წთ-ში უდრის, ჭურვის საწყისი სიჩქარე 1175მ/წმ-ია.

Type-90–II

ქვემეხები სასროლად გამოიყენებს - მსხვრევად-ცეცხლგამჩენ და ნახევრად ჯავშანგამტან-მსხვრევად-ცეცხლგამჩემ-მგეზავ ჭურვებს. ჭურვების მასა 550 გრამია. თითო მჭიდი 280 გასროლას იტევს.
დაფერდებული სროლის ეფექტრუი მანძილი საჰაერო მიზნებზე 4000 მეტრს უდრის, მაქსიმალური სროლის მანძილი სახმელეთო სამიზნეებზე კი 12 კილომეტრია. ცეცხლით მართვის სისტემაში შედის ბალისტიკური გამომთვლელი, ელექტრო-ოპტიკური ვიზირი ლაზერული მანძილმზომით, მიზნის მიმყოლი სადგური და სამკორდინატიან რადიოლოკაციურ სადგური, რომელიც მილიმეტრულ დიაპაზონში მუშაობს და საჰაერო მიზნების აღმოსაჩენად გამოიყენება (აღმოჩენის მანძილი 8000 მეტრი).
საკვამლე ფარდის შესაქმნელად კოშკურის ქიმებზე, ქვედა ნაწილში განთავსებული საკვამლე მორტირების ბლოკები. საზენიტო-საარტილერიო სისტემა "Type-90-II"-ის შასი ანალოგიურია 122მმ-ნი თვითმავალი საარტილერიო სისტემა "Type-89"-ის სავალი შასისა, რომელიც აწყობილია მცურავი ჯავშანტრანსპორტიორი "Type-77"-ის ბაზაზე. დიზელის 450 ცხენისძალიანი ძრავა 12V150L12 განთავსებულია კორპუსის წინა ნაწილში, მისგან მარცხნივ განთავსებულია მძღოლ-მექანიკოსის ადგილი სარქველით და დაკვირვების ხელსაწყოებით. ეკიპაჟის დანარჩენი წევრები - მეთაური, მემიზნე და ორი დამტენი განთავსებულები არიან კოშკურაში.

მიუხედავად იმისა, რომ საზენიტო სისტემა "Type-90-II" საცდელ ერთეულს ვერ გასცდა, მისი შექმნისას შეძენილი გამოცდილება გამოყენებული იქნა უახლესი საზენიტო-საარტილერიო სისტემის "PZG-07"-ის შექმნისას.

ამ ახალ სისტემაზეც სავარაუდოდ შვედური "Oerlikon"-ის ლიცენზირებული 35მმ-ნი ქვემეხები აყენია. ასევე მანქანა აღჭურვილია - გაუმჯობესებული რადიოლოკაციური სადგურით და სითბოვიზორული სამიზნით, რომელსაც მიზნის ავტომატურად მიყოლის სისტემა გააჩნია. შასიდ გამოყენებულია 155მმ-ნი საექსპორტო თვითმავალ საარტილერიო დადნადგარი, "PZL-45"-ის ბაზა. რადგანაც ამ საზენიტო-სარაკეტო სისტემის დანიშნულებაა უზრუნველყოს საბრძოლო მანქანების და "Type-99A2" ტანკების საჰაერო თავდაცვა, გაზრდილია მისი სამარშო და მაქსიმალური სიჩქარე.

ინტერნეტში უკვე გამოჩნდა თითქოსდა მოდერნიზირებული "PZG-07"-ის სურათები, რომლებზეც ავტომატური ქვემეხების გარდა ჩანს საზენიტო რაკეტების კონტეინერებიც, მაგრამ ჯერ-ჯერობით შეუძლებელია დარწმუნებით ითქვას სურათზე რალური მანქანაა გამოსახული თუ ფოტოშოპის შედეგად შექმნილი გამოსახულება.

P.S. "PGZ-07"-ის 18 მანქანიანი კოლონა, რომელიც მიემართება ქალაქ Nanning Guagnxi-ში, სამხედრო ბაზაზე. რადგანაც  Nanning Guagnxi იმყოფება ბაზირდება მხოლოდ ერთი, 41-ე საარმიო დაჯგუფების, მოტომსროლელთა 123-ე დივიზი, დარწმუნებით შეიძლება ითქვას რომ ეს დივიზია არის მეორე, პეკინში ბაზირებული 38-ე საარმიო დაჯგუფების, მოტომსროლელთა 112-ე მძიმე დივიზიის შემდეგ, რომელმაც მიიღო ეს ახალი საზენიტო სისტემები შეიარაღებაში.

ტაივანი 200 ერთეული M-1 Abrams-ის შეიძენს

ტაივანი მოლაპარაკებას აწარმოებს აშშ-ს არმიის შეიარაღებაში მყოფი M-1 Abrams-ების შესყიდვის თაობაზე. კონკრეტულად საბარია იმ ტანკებზე რომლებსაც აშშ-ს არმია ერაყში და ავღანეთში იყენებს. როგორც ამერიკის სამხედრო ხელმძღვანელობა იუწყება - აშშ-ს არმია ამ რეგიონებიდან დაბრუნებისას მათ შეიარაღებაში მყოფ ტექნიკას გაყიდის სხვადასხვა პარტნიორ ქვეყნებზე, რადგანაც ამ ტექნიკის უკან, ამერიკაში ტრანსპორტირება ეკონომიკურად არა მომგებიანია.

ჯავშანტექნიკის ნამატის გაყიდვა ძირითადად ცენტრალური აზიის და ახლო აღმოსავლეთის რეგიონის ქვეყნებში განხორციელდება. გასაყიდი ჯავშანმანქანების სია მოიცავს მანქანების სხვადასხვა ტიპებს და მოდიფიკაციებს. როგორც ცნობილია ამავე კატეგორიიდან მოხდება ერაყის არმიისთვის M-1 Abrams-ების გადაცემა, მას შემდეგ რაც მათი რემონტი და მოდერნიზაცია განხორციელდება. ტაივანის მიერ Abrams-ების შეძენის შესახებ ცნობა ცოტა ხნის წინ გავრცხელდა - ცნობილია რომ ქვეყანას შეიარაღებაში გააჩნია 600 ერთეულამდე მოძველებული ტანკი M-60 და M-48 და კასევე კიდევ უფრო მოძველებული M-41. როგორც ცნობილი ხდება ტაივანი 200 ცალამდე M-1 Abrams-ს შეიძენს.

P.S.  როგორც ამ რამდენიმე ხნის წინ ვწერდით აშშ-ს ხელისუფლება პრობლემის წინაშე დადგა - ტანკების საწარმოო ქარხნის შეჩერების შემდეგ შესაძლებელია მთელი ამ საწარმოო სიმძლავრეების დაკარგვა. ამ პრობლემიდან გამოსავალი რამდენიმე იყო - ან აშშ-ს არმია გააგრძლებეს შეკვეთას ან გამოჩნდება ვინე უცხოელი მყიდველი რომელიც თავისი Abrams-ების მოდერნიზაციით ქარხნის დატვირთვას მოახდენდა. როგორც ამ ბოლო ცნობიდან ჩანს აშშ-ს ხელისუფლება აქტიურად ცდილობს ეს ბოლო ვარიანტი განახორციელოს.

Bradley BUSK III

BAE Systems-მა ცოტა ხნის წინ დაასრულა კორეაში განთავსებული აშშ-ს ბაზის 236 ცალი ქვეითთა საბრძოლო მანქანა Bradley A3 მოდერნიზაცია BUSK-III (Bradley Urban Survivability kit III - Bradley-ს ქალაქში გადარჩენადობის გაუმჯობესებული აღჭურვილობა) დონემდე. 

მოდერნიზაციის სამუშაოები დაგეგმილზე ერთი თვით ადრე დასრულდა, რამაც ხარჯების 20% ეკონომია გამოიწვია. BUSK მოდერნიზაცია ამაღლებს Bradley-ს გადარჩენადობას ფუნქციონალურობას ქალაქის პირობებში ბრძოლის დროს.

"ეს სიახლე საგრძნობლად ამაღლებს მანქანის გადარჩენადობას ბრძოლის ველზე. Bradley-ს ჩვენი, აშშ–ს მთავრობისა და BAE Systems -ის, ერთობლივი გუნდი აგრძელებს მუშაობას ჯარისკაცთა უსაფრთხოების უზრუნველსაყოფად., რაც კარგად აისახება ამერიკის საზოგადოების აზრზე, რაც თავის მხრივ BUSK-III პროგრამის ეკონომიურ ასპექტზე დადებითად მოქმედებს" - განაცხადა BAE Systems-ში Bradley-ს დირექტორმა ჯონ გ.ტაილმა (John G.Tile).

Bradley-ს პროგრამის პროდაქტ-მენეჯერმა, ვიცეპოლკოვნიკმა გლენ დინმა (Col. Glenn Dean) განაცხადა რომ აშშ-ს მთავრობამ და BAE Systems-მა BUSK-III პროგრამით მოდერნიზაცია ჩაუტარა 236 ცალ ქვეითთა საბრძოლო მანქანა Bradley-ს, ეს სამუშაოები ერთი თვით ადრე დასრულდა, რისი წყალობითაც მოხდა პროგრამის ღირებულების 20% ეკონომია, რაც მიახლოებით 700 000$ უდრის.

მოდერნიზაციის პროგრამა BUSK-III (რომელიც ხორციელდება კალიფორნიის შტატში, სანტა-კლერის ქარეხანაში და იორკში, პენსივლანიის შტატში) საშუალებას აძლევს მანქანას მოახდინოს უკეთესი ადაპტირება ქალაქის ბრძოლებში. BUSK-III მოიცავს  ოთხ მოდიფიკაციას. მოდერნიზაცია მოიცავს ისეთ ღონისძიებებს, როგორებიცაა - საწვავის ავსების ჯავშანდაცვის ქვეშ განთავსება, მძღოლ-მექანიკოსის აფეთქებადაცული სავარძელი,, კოშკურის გადარჩენადობის სისტემა და რამპის ავარიული დებლოირების სისტემა. BUSK-III დაყენების პროგრამა კორეაში 2012 წლის იანვარში დაიწყო.

მოდერნიზაციის შემდეგი ეტაპი ქვეითთა მე-4 დივიზიის Bradley-ბს შეეხება, რომლეიც კოლორადოს შტატშია განთავსებული.

წყარო:

http://www.armyrecognition.com/july_2012_new_army_military_defence_industry_uk/bae_systems_bradley_combat_vehicle_busk_iii_upgrade_ahead_of_schedule_and_under_budget_1007126.html

სწავლება RIMPAC

სწავლება RIMPAC (Rim of the Pacific Exercise-აზია-წყნარი ოკეანის რეგიონის ქვეყნების სწავლება) — მსოფლიოში უმსხვილესეი საერთაშორისო სამხედრო-საზღვაო სწავლებები. სწავლების ორგანიზატორებად აშშ-ს სამხედრო-საზღვაო ძალები, საზღვაო ქვეითების კორპუსი და ნაწილობრივ აშშ-ს სანაპირო დაცვა გამოდიან, ასევე ჰავაის შტატის ეროვნული გვარდია. სწავლებაზე იწვევენ აზია-წყნარი ოკეანის რეგიონში მდებარე აშშ-ს მოკავშირე ქვეყნებს. ტარდება ყოველ მე-2 წელს ჰონოლულუში, აშშ-ს შეიარაღებული ძალების წყნარი ოკეანის მმართველობის შტაბში, რომლის შტაბიც განთავსებულია ნიმიც მაკ-ართურის ცენტრში (Nimitz-MacArthur Pacific Command Center).

პირველად სწავლება RIMPAC 1971 წელს ჩატარდა, რომელშიც მონაწილეობა მიიღეს - აშშ-ს, დიდი ბრიტანეთის, კანადის და ავსტრალიის სამხედრო-საზღვაო ფლოტებმა. სხვა მუდმივი მონაწილეები არიან - იაპონია, სამხრეთ კორეა, ჩილი და პერუ. დამკვირვებლების როლში იწვევენ საფრანგეთის, სინგაპურის, მალაზიის, ფილიპინების, ტაილანდის, კოლუმბიის, მექსიკის, ინდოეთის, ეკვადორის, ინდონეზიის, ჩინეთის და რუსეთის წარმომადგენლებს. 2012 წელს სწავლებაში პირველად მონაწილეობა მიიღო რუსეთის ფედერაციის წყნარი ოკეანის ფლოტმა.

წყალქვგეშანავების საწინააღმდეგო ხომალდი "Адмирал Пантелеев" შედის პერლ-ჰარბორში

პერლ-ჰარბორში განთავსებულ აშშ-ს საზღვაო ბაზას სხვადასხვა ქვეყნის 40-ზე მეტი ხომალდი ეწვია

სხვადასხვა ქვეყნის სამხედროები რუს საზღვაო-ქვეითებს ეცნობიან

ურთიერთქმედების ბრიფინგი

ხომალდების მეთაურები იატაკის ჯოხებით ამუშავებენ ურთიერთქმედების ელემენტებს :D

ეს ყველაფერი რეალობაში ასე გამოიყურება

როგორც წესი სწავლების კულიმნაციურ ნაწილად რეალური სროლები ხდება, რომლის დროსაც ხდება ჩამოწერილი ხომალდების სამიზნეებად გამოყენება. ამჯერად სამიზნედ გამოყენებული იქნა ამერიკის სამხედრო ფლოტის ყოფილი მომარაგების ხომალდი USNS Concord (T-AFS-5), რომელიც კანადურმა წყალქვეშა ნავმა, HMCS Victoria-მ (SSK 876) ტორპედით ჩაძირა.

ასევე წარმოგიდგენთ სწავლებაში მონაწილე სხვადასხვა ქვეყნის ხომალდებს:

მექსიკური ARM Usumacinta (A-412)

ფრანგული ფრეგატი Prairial (F731)

სინგაპურის ფრეგატი RSS Formidable (68)

წყარო:

https://ptisidiastima.wordpress.com/2012/07/20/sinkex-2/

http://pressa-tof.livejournal.com/22519.html

http://ru.wikipedia.org/wiki/RIMPAC

მოდერნიზირებული LAV - II DVH

ჟურნალი "Jane's International Defence Review" თავის სტატია Christopher F Foss "GDLS develops LAV II upgrade package" იტყობინება, რომ General Dynamics-ის კანადურმა ფილიალმა - General Dynamics Land Systems - Canada (GDLS-C), რომელიც თვლიან ჯავშანავტომობილ LAV და Stryker-ებს აწარმოებს, შეიმუშავა და ცდის ჯავშანმანქანა LAV-II მოდერნიზირებულ ვარიანტს, რომელმაც მიიღო სახელწოდება LAV-II DVH (Double-V Hull). ეს მოდერნიზაცია განკუთვნილია საექსპორტოდ იმ ქვეყნებში რომელთა არმიის შეიარაღებაშიც უკვე იმყოფება LAV-II (ყველაზე სავარაუდოდ საუდის არაბეთი). მოდერნიზაციის დანერგვა შესაძლებელია როგორც ახლად აწყობილ მანქანებში ასევე ძველ, უკვე სამსახურში მყოფ მანქანებზე.

მოდერნიზაციის ძირითად ღონისძიებას გაძლიერებული, ნაღმსაწინააღმდეგო, ორმაგი V-სებური ფორმის ფსკერი წარმოადგენს. ამდაგვარი გადაწყვეტილება GDLS-C-ემ უკვე გამოიყენა 2011 წელს, აშშ-ს არმიისთვის განკუთვნილი ჯავშანტრანსპორტიორ Stryker DVH-ბზე. LAV-II DVH-ში დესანტი განთავსებულია ინდივიდუალურ დარტყმაგამძლე სავარძლებში. ხანძარსაწინააღმდეგო დაცვის გაძლიერების მიზნით მანქანის საწვავის შიდა ავზები მოცილებულია და მთელი საწვავი განთავსებულია ორ შეჯავშნულ პროტექტირებულ გარე ავზში, რომლებიც მანქანის უკანაა განლაგებული, უკანა კარის გვერდებზე. მანქანაზე ასევე შესაძლებელია დამატებითი ჯავშანდაცვის განთავსება.

ჯავშანმანქანის წონის 18,6 ტონამდე ზრდასთან დაკავშირებით (დამატებითი ჯავშანდაცვის დაყენების შემთხვევაში) მიღებულია LAV-II DVH გამავლობის გაუმჯობებსების ზომები. ძველი, 275 ცხენისძალიანი, დიზელის Detroit Diesel 6V-53T ძრავის ნაცვლად, რომელიც Allison MT-653 ავტომატური ტრანსმისიით იყო აღჭურვილი მანქანაზე დაყენდა  300 ცხენისძალიანი დიზელის Cummins 6.7 ISBE ძრავა, რომელიც Allison 2500 SP ავტომატური ტრანსმისიითაა აღჭურვილი. მანქანაზე ასევე გამოიყენება გაძლიერებული საკიდარი, ახალი მუხრუჭები და საბურავები. დაყენებულია 280 ამპერიანი, ცვალებადდენიანი ახალი ელექტროგენერატორი. 

GDLS-C განცხადების თანახმად კომპანიამ უკვე მიიღო ამ სქემით 550 ერთეული კანადური LAV-III მოდერნიზაციის შეკვეთა კანადური არმიისგან. შეკვეთა სავარაუდოდ 2017 წელს იქნება დასრულებული.

მოდერნიზირებული, თვლიანი ჯავშანტრანსპორტიორი LAV-II DVH 

ჩინური ავიამზიდი

ინტერნეტში გამოჩნდა ჩინური ავიამზიდის ახალი სურათები:

ჩინური ავიამზიდი ყოფილ საბჭოთა ავიამზიდ  "Варяг"-ის ბაზაზეა შექმნილი, რომელიც საბჭოთა კავშირის დაშლის შემდეგ უკრაინაში აღმოჩნდა და 1998 წელს ჩინეთში იქნა გაყიდული, სადაც მოხდა მისი გადაკეთება და საბოლოოდ ჩინურ მოთხოვნებთან ადაპტირება.

Rafale-ს სიმულატორი

გთავაზობთ ფრანგული გამანადგურებლის, Rafales-ს სიმულატორის რამოდენიმე ფოტოს:

P.S. 4 სიმულატორი ამჟამად განთავსებულია Saint-Dizier-ში, ხოლო 2  Landivisiau-ში, ყველა სიმულატორი F-3 დონეზეა მიყვანილი. სიმულატორები პრაქტიკულად სფერულ სიმულაციას ახდენენ და გააჩნიათ საკმაოდ მაღალი რეალისტური გამოსახულება.

შეცვლილი "Скорпион ЛША Б"

გამოფენა ТВМ-2012 წარმოდგენილი იქნა დაჯავშნული კოშკურით და მეტყვიამფრქვევის პლატფორმით აღჭურვილი "Скорпион ЛША Б", რაც ადრინდელ მოდელებზე შემჩნეული არ იყო.

წყარო: http://twower.livejournal.com/838086.html

ტანკ "БМ "Оплот"–ის ნახაზები

წარმოგიდგენთ უკრაინული ტანკის, БМ "Оплот"–ის (იგივე "Оплот-М" ან უფრო ზუსტად რომ ვთქვათ "Объект 478ДУ9") რამოდენიმე საინტერესო ნახაზსს.

წყარო: Представляем танк "БМ "Оплот"  

რუსულმა მხარემ შეიძლება იტალიური Soldato Futuro შეისყიდოს

დასავლეთის მასმედიის ცნობების თანახმად (მაგალითად "Jane's Defence Weekly" ან ), იტალიური საწარმოო ჯგუფ Finmeccanica-ს უფროსი ჯუზეპე ორიმ, 8 ივლისს ლონდონში გამართულ პრეს-კონფერენციაზე განაცხადა რომ რუსეთი და იტალია განიხილავენ რუსეთის მახრის მიერ იტალიური  Finmeccanica-ს მიერ შექმნილი მომავლის ჯარისკაცის (Soldato Futuro) სისტემის შესყიდვის საკითხს. ორსისმა განაცხადა რო მოლაპარაკება იტალიისა და რუსეთის თავდაცვის სამინისტროებს შორის მიმდინარეობს.

პროგრამა Future Soldier (Soldato Futuro) ხორციელდება იტალიის არმიის ინტერესებში 2004 წლიდან. სისტემის სათავო შემქმნელად Finmeccanica-ში შემავალი კომპანია Selex Galileo-ა, რომელმაც ამ პროგრამის ჩარჩოებში შექმნა მებრძოლის აღწურვილობის ინდივიდუალური "ციფრული" კომპლექტი Individual Combat Fire Control and Observation System. სისტემის პროტოტიპის გამოცდები 2007 წლიდან მიმდინარეობს, 2012 წლისათვის იტალიის არმიას 95 ცალი კომპლექტი მიეწოდა. საერთო ჯამში იტალიის არმია 1800 ცალ ასეთ კომლექტს მიიღებს, რომელთა მიწოდებაც ბრიგადა  Pinerolo-ში 2012 წელს უნდა დაიწყოს.

პროგრამა Soldato Futuro-ს ფარგლებში შექმნილი ინდივიდუალური ციფრული აღჭურვილობა Individual Combat Fire Control and Observation System

Individual Combat Fire Control and Observation System შესდგება შემდეგი სისტემებისგან:

ASPIS - ცეცხლსასროლი იარაღის მრავალფუნქციური სამიზნე მოწყობილობა, რომელიც შესდგება დღის და ღამის სითბოვიზორული არხებისგან, ლაზერული სამიზნისგან, ასევე გააჩნია შესაძლებლობა  ჩაფხუტზე განთავსებული სამიზნე კომპლექს NIMOS-ზე ან შიდა პორტატიულ ტერმინალზე სამიზნედან გამოსახულების უკაბელო გადაცემისა. იტალიურ არმიაში ASPIS უნდა გახდეს 5,56მმ-იან შაშხანა Beretta ALX-160 საშტატო სამიზნე, რომელზეც შესაძლებელია 40მმ-ნი ყუმბარმტყორცნ GLX-160-ის დაყენება.

SCORPIO -40მმ-ნი ლულისქვეშა ყუმბარმტყორცნ GLX-160-ის პორტატიული სამიზნე, რომელშიც შედის ციფრული ბალისტიკური გამომთვლელი, რომელსაც შეუძლია კომპლექტის სახვა ელემენტებისგან უკაბელო არხით გამიზვნიც მონაცემების მირება. სამიზნე გასროლილი ყუმბარების მართვადი აფეთქებაის განხორციელების საშუალებას იძლევა.