Rafale-ს შემქმნელი, სერჟ დასსო გარდაიცვალა

2018 წლის 28 მაისს, პარიზში, 94 წლის ასაკში, ჯგუფ Groupe Industriel Marcel Dassault-ის მეპატრონე და ცნობილი ფრანგული ავიამშენებელი კომპანიის, Dassault Aviation-ის, საკონტროლო პაკეტის (50,21%) მფლობელი, სერჟ დასსო გარდაიცალა.

სერჟ დასსო, 1925 წლის 4 აპრილს, ცნობილი ფრანგი ავიაკონსტრუქტორისა და მეწარმის, მარსელ ბლოკის (1892-1986, 1946 წელს მარსელ ბლოკმა გვარი დასსოდ გადაიკეთა) ოჯახში დაიბადა. დაამთავრა პარიზის პოლიტექნიკური სკოლა და შემდეგ აერონავტიკის ეროვნული ინსტიტუტი (SUPAERO), 1951 წელს მამამისის კუთვნილი ავიაკომპანიის, Génération aéronautique Marcel Dassault-ის, საკონსტრუქციო ბიუროში ინჟინრად ჩაირიცხა. 1955 წელს კომპანია Dassault-ის საფრენოსნო გამოცდების დირექტორი გახდა, ხოლო 1961 წელს ამავე კომპანიის ექსპორტის დირექტორად დაინიშნა. 1962 წლიდან კურირებდა Dassault-ის ბიზნეს-ავიაციის მიმართულებას. 1986 წელს, მამის გარდაცვალების შემდეგ, მემკვიდრეობად მიიღო ჯგუფი Dassault Industries (ამჟამად Groupe Industriel Marcel Dassault) და მაშინდელი საფრანგეთის მთავრობის წინააღმდეგობის მიუხედავად, სათავეში ჩაუდგა Dassault Aviation-ს. 2000 წლიდან Dassault Aviation-ის საპატიო თავმჯდომარედ იყო არჩეული.

სერჟ დასსო გამანადგურებელ Dassault Rafale-ს შემქნის აქტიური მხარდამჭერი იყო, მან მისი შექმნის წარმატებით დასრულება და საფრანგეთის საზღვაო და საჰაერო ძალების ძირითად გამანადგურებლად გაყვანა მოახერხა. სერჟ დასსომ ასევე წარმატებით დაიცვა Dassault Aviation-ის დამოუკიდებლობა და არ დაუშვა მისი მრავაალრიცხოვანი ეროვნული და საერთაშორისო შერწყმის პროექტებში ჩართვა, რომლებსაც საფრანგეთის მთავრობა, 1990-იანებსა და 2000-იანებში, აქტიურად კურირებდა. სერჟ დასსომ ასევე წარმატებით განახორციელა Dassault Aviation-ის დივერსიფიცირება და მისი შემოსავლების სამოქალაქო სექტორზე (ბიზნეს-ავიაცია) გადაორიენტირება. ამ ყველაფერმა, ბოლო ოცდაათი წლის მანძლზე, კომპანია გადაარჩინა და სერჟ დასსოს მამამისზე არანაკლები რეპუტაცია შეუქმნა.

სერჟ დასსო აქტიურად აფართოვებდა Groupe Industriel Marcel Dassault-ის ბიზნეს იმპერიას, გახდა კომპანია Dassault Systèmes-ის, ბელგიური ავიაკომპანია SABCA-ს, მედიაკონცერნების Figaro Group (გამოსცემს გაზეთ Le Figaro) და L'Express Group-ის, ასევე სააქციონერო სახლ Artcurial-ის, ღვინოს მწარმოებელი Chateau Dassault-ის და უძრავი ქონების სფეროში და ელექტრომობილების მწარმოებელი კომპანიების საკონტროლო პაკეტების მფლობელი.

სერჟ დასსო მემარჯვენე კონსერვატორულ შეხედულებებს ემხრობოდა და "ძველი სკოლის კაპიტალისტის" რეპუტაცია ჰქონდა, 2004 წლიდან 2007 წლამდე ეკავა სენატორის თანამდებობა, ხოლო 1995 წლიდან 2009 წლამდე იყო პარიზის შემოგარენში მდებარე ქალაქ კორბეი-ესსონის მერი. არაერთხელ გამოსულა სახალხოდ კონსერვატორული შეხედულებების და ფასეულობების მხარდასაჭერად, მათ შორის ჰომოსექსუალიზმის პროპაგანდის წინააღმდეგ.

Forbes-ის მონაცემების თანახმად, 2018 წლისთვის სერჟ დასსოს ქონება 19 მილიარდ ევროს უდრიდა და მას საფრანგეთის ყველაზე მდიდარი ადამიანების სიაში მეოთხე ადგილი ეკავა.

უკრაინა Airbus helicopters-ისგან 55 ცალ ვერტმფრენს შეიძენს

H225

უკრაინის შინაგან საქმეტა სამინისტრომ, კომპანია Airbus helicopters-თან, 551 მილიონი ევროს (635 მილიონი აშშ დოლარი) ღირებულების ხელშეკრულება გააფორმა. რომლის თანახმადაც კომპანიამ შემკვეთს, H145, H125 და H225 ტიპის (ძველი სახეელწოდებებით EC145, AS350 B3e Ecureuil და EC725 Caracal), 55 ცალი ვერტმფრენი უნდა მიაწოდოს.

ხელშეკრულების თანახმად, ფრანგული მხარე უკრაინას პირველ პარტიაში 37, ხოლო მეორეშ 18 ვერტმფრენს მიაწოდებს. მათ შორის იქნება H225 ტიპის 21 ვერტმფრენი. აღსანიშნაცია რომ, ამ ბოლოს 10 ტონა მარგი დატვირთვის გადატანა შეუძლია, რაც ძალიან დაეხმარება უკრაინულ ძალოვნებს აწარმოონ როგორც სამაშველო, ასევე კონტრტერორისტული ოპერაციები და განახორციელონ საზღვრის ეფექტური კონტროლი.

H145

H125

წყარო: Ministères de Bercy

სსსტც ,,დელტას,, გასული წლის ექსპორტ იმპორტი

რამდენად რეალური დოკუმენტებია არ ვიცი, გვერდებზე მონიშნული ინტერნეტ მისამართი eflow.mod.ge არ იძებნება. თუმცაღა არარეალურიც არაფერი არ წერია: 

ექსპორტი:

• 53 ცალი AMEV (სამედიცინო დიდგორი) საუდის არაბეთს
• 50 ცალი 120 მილიმეტრიანი ნაღმტყორცნი ხორვატიას

იმპორტი:

• 4200 ცალი სეტყვასაწინააღმდეგო რაკეტა D-68 სერბეთიდან

სიმულაციური ცენტრი და საველე სწავლება, როგორ ეუფლებიან ახალბედები ტანკისტის პროფესიას?

სიმულაციური ცენტრი და საველე სწავლება ორფოლოს პოლიგონზე. როგორ ეუფლებიან ახალბედები ტანკისტის პროფესიას? ქართული ბატალიონის 11-კვირიანი სამხედრო მომზადების კურსი.

საკმაოდ საინტერესო ვიდეოსიუჟეტი პირველი არხისგან. ნაჩვენებია ტანკის ეკიპაჟის სიმულატორები და თეორიული და პრაქტიკული მომზადების სხვადასხვა დეტალები.

P.S. საინტერესო დეტალი 2008 წლის რუსეთ-საქართველოს ომის შესახებ. გენერალ ხრულოვის კოლონის გნადგურების მცირე დეტალები - 7 ქართულმა ტანკმა 24 საათის განმავლობაში 2100 ჭურვი გაისროლა და რაც აღსანიშნავია, ბრძოლას მაქსიმალურ დისტანციაზე აწარმოებდა.

რუსეთმა მსოფლიოში ყველაზე შორსმსროლელი საზენიტო რაკეტის გამოცდა განახორციელა

როგორც ტელეარხი CNBC, ამერიკის სადაზვერვო სამსახურებზე დაყრდნობით, იუწყება: რუსეთში С-500-ის საცეცხლე გამოცდები განახორციელეს. გამოცდებისას, ჰსთ კომპლექსმა, საჰაერო სამიზნე 299 მილის მანძილზე, ანუ 481 კმ-ში გაანადგურა, რაც წინა შედეგთან შედარებით 80 კილომეტრით მეტია. ეს მსოფლიში ყველაზე შორ მანძლზე განხორციელებული საზენიტო სროლაა.

რუსების განცხადების თანახმად, С-500-ს, შეუძლია გაანადგუროს ჰიპერბგერითი რაკეტები, თვითმფრინავები და უპილოტოები, და ასევე დაბალი შემჩნევადობის F-22 და F-35 ტიპის გამანადგურებლები.

წყარო:

• Russia quietly conducted the world's longest surface-to-air missile test

რადიოლოკაციური სადგური GM-403-ის პირველი საჯარო წარდგენა

დღეს, 26 მაისს, საქართველოს პირველი რესუბლიკის 100 წლის იუბილესთან დაკავშირებით, თავისუფლების მოედანზე გამართულ ღინისძიებაზე, საქართველოს თავდაცვის სამინისტრომ, ფართო საზოგადოებას პირველად წარუდგინა მობილური რადიოლოკაციური სადგური GM-403.

შეგახსენებთ რომ, 56 131 369 ევროს ღირებულების ხელშეკრულება, Thales Raytheon Systems–სა და საქართველოს თავდაცვის სამინისტროს შორის, 2015 წლის ივლისში მოეწერა, რომლის თანახმადაც, კომპანიამ ქართულ მხარეს ორი რადიოლოკაციური სადგური, ერთი GM200 და ერთი GM400, უნდა მიაწოდოს. გავრცელებული ფოტოეის მიხედვით, კომპანიამ თაისი ვალდებულება უკვე შეასრულა.

აღნიშნული ხელშეკრულებს შესახებ ბლოგზე უკვე ვწერდი - ფრანგული რაკეტები ქართული ცის დასაცავად

რადიოლოკაციური სადგურის მცირე ტტმ

თავისუფების მოედანზე ფართო მასებისთვს წარმოდგენლი რლს GM-403

P.S. ერთი საინტერესო დეტალი - ჩვენს რადიოლოკაციურ კომპლექსზე არ აყენია ჩემი-სხვისი მომთხოვნი Thales TSA-3520, რომელიც, როგორც წესი ძირითადი ანტენის თავზე, დამატებითი, მცირე ზომის ანტენის სახით უნდა ეყენოს. როგორ ჩანს ჩვენებმა ავიაციის არ არსებობის მიზეზით თანხა დაზოგეს და არაა გამორიცხული, რომ თვითონ მწარმოებელმაც უარი თქვა ამ აპარატურის გადმოცემაზე.

მარცხნივ ჩვენი კომპლექსი, მარცხნივ სტანდარტულ კონფიგურაციაში

"დიდგორის" ოჯახობას საპატრულო მანქანა შეემატა

დღეს, 26 მაისს, საქართველოს პირველი რესპუბლიკის 100 წლის იუბილესადმი მიძღვნილ ღონისძიებაზე, სახელმწიფო სამხედრო სამეცნიერო-ტექნიკურმა ცენტრმა „დელტა“-მ, ჯავშანმანქანა "დიდგორის" ახალი ვერსია წარადგინა. მანქანა შეჯავშნული სამედიცინო–საევაკუაციო "დიდგორის"  ბაზაზეა შექმნილი.

მედევაკი "დიდგორის" შესახებ ბლოგზე არაერთხელ დაიწერა

• შეჯავშნული სამედიცინო–საევაკუაციო მანქანა "დიდგორის" ბაზაზე
• გილოცავთ - სსსტც „დელტა“ საუდის არაბეთს სამედიცინო საევაკუაციო ჯავშანმანქანებს მიაწვდის.

ახალი მანქანა საპატრულო დანიშნულებისაა, იტევს ეკიპაჟისა და დესანტის 5 წევრს, ორი წინ, ორი უკან და ერთი შუაში, შეიარაღებასთან (ამერიკული Oshkosh M-ATV-ს მსაგვსად). მანქანამ ყველა აგრეგატი და კომპონენტი წინამორბედისგან უცვლელად მიიღო, შეცვლილია მხოლოდ მისი სიგრძე, კორპუსი მიახლოებით 60 სანტიმეტრით დამოკლდა.

26 მაისს, თავისუფლების მოედანზე წარმოდგენილი საპატრულო "დიდგორი"

კორპუსის დამოკლებამ მანქანა საგრძნობლად შეამსუბუქა, რის შედეგადაც გაიზარდა მისი სამანევრო-მობილური შესაძლებლობები და რესურსი. თუმცაღა საპატრულო "დიდგორი" საცდელ ეტაპზეა და ჯერ კიდევ უნდა აჩვენოს, თუ რამდენად ადაპტირებულია ეს სავალი ნაწილი ახალ წონა-გაბარიტებთან.

სხვა, არანაკლებ მნიშვნელოვანი გადაკეთება, ისევ კორპუსს შეეხო - მანქანის უკანა ნაწილში სატვირთო ნაკვეთურია განთავსებული. ნაკვეთური მოდულური პრინციპითაა მანქანაზე დამაგრებული და სურვილის შემთხვევაში შესაძლებელია მისი მოხსნა და ფუნქციურად განსხვავებული ნაკვეთურის დაყენება (ამოსაწევი სადაზვერვო ანძა, ტანკსაწინააღმდეგო კომპლექსი და სხვა, ყველაფერი შემკვეთის ფანტაზიასა და ამანქანის წონა-ზომით გაბარიტებზეა დამოკიდებული). მოდულის მოსახსნელად, სულ რამდენიმე ჭანჭიკის მოხსნაა საჭირო. მისი შეცვლა საველე პრიბობებშიც შეიძლება.

კორპუსის უკან განთავსებული მოდულური ნაკვეთური

საპატრულო "დიდგორმა" შეინარჩუნა საბაზისო მანქანის დაცვის ხარისხი, რომელიც EN1063 სტანდარტის მიხედვით B7+ დონეს შეესაბამება. დაცვის ეს დონე გაშორიშორებული (ორშრიანი) ჯავშანდაცვის წყალობით მიიღწევა (მანქანაზე საბაზისო დაცვის გარდა, გარედან, ფოლადისგან დამზადებული, მოდულური, ჯავშანფილებია დამაგრებული).

 ფოტოებზე კარგად ჩანს გაშორიშორებული (ორშრიანი) ჯავშანი, რომელიც მანქანის კორპუსზე ჭანჭიკებითაა დამაგრებული

რუსული ბირთვულძრავიანი რაკეტის წარუმატებელი გამოცდები

როგორც საინფორმაციო სააგენტო CNBC იუწყება, გასული წლის ნოემბრიდან ამა წლის თებერვლის ჩათვლით, რუსულმა მხარემ, ბირთვულძრავიანი რაკეტის, ოთხი ტესტი განახორციელა, ყველა მათგანი წარუმატებელი გამოდგა. ყველაზე ხანგრძლივმა ფრენამ 2 წუთს გასტანა და რაკეტამ 35 კილომეტრამდე იფრინა. სააგენტო ამის შესახებ, აშშ-ს სადაზვერვო ინფორმაციასთან ნაცნობ პირებზე დაყრდნობით აცხადებს.

სააგენტოს განცხადების თანახმად, აშშ-ს დაზვერვამ დაადგინა რომ, ყველაზე ხნგრძლივი ფრენა ორ წუთს გაგრძელდა და რკეტამ მიახლოებით 22 მილი (35 კილომეტრი იფრინა, რის შემდეგაც მისი კონტროლი შეუძლებელი გახდა და ის ჩამოვარდა. ყველაზე ხანმოკლე ფრენამ კი ოთხ წამს გასტანა, რაკეტამ 5 მილის (8 კილომეტრის) ფრენა მოასწრო.

რაკეტა, რომელსაც, პუტინის განცხადების თანახმად, არ აქვს ფრენის მანძილში შეზღუდვა, სულ რაღაცა 35 კილომეტრის ფრენა მოახერხა.

სააგენტოს წწყაროების თანახმად, როგორც ჩანს, გამოცდების დროს ბირთვულმა ძალურმა დანადგარმა ვერ იმუშავა გამართულად, რამაც რაკეტის განადგურება გამოიწვია. CNBC-ს ასევე აცნობეს, რომ გამოცდები, კონსტრუქტორების პროტესტის მიუხედავად, რომელთა თქმითაც სისტემ ჯერ არ იყო მზად, კრემლის მაღალჩინოსნების ზეწოლის შედეგად მაინც განხორციელდა.

წყარო:

Putin claimed a new nuclear-powered missile had unlimited range — but it flew only 22 miles in its most successful test yet

Jaguar EBRC - ოპტიკის მამა

ახლად წარდგენილი მანქანის შესახებ უკვე ვწერდი - Jaguar EBRC - ფრნგული არმიის ახალი თაობის ჯავშანმანქანა. როგორც ჩანს მანქანა სერიოზული ოპტიკის გორაა და ალბათ ყველაზე თანამედროვეა ამ კუთხით რაც კი რამე წარდგენილა უბრალო მოკვდავების წინაშე.

სარეკლამო ბუკლეტის თანახმად მანქანაზე შემდეგი ოპტიკური სისტემებია განთავსებული (მხარეები მანქანის კურსის მიხედვითაა აღებული):

• ქვემეხის მარჯვნივ - მემიზნეს ძირითადი სამიზნე (ინფრაწითელი არხი, ვიდეო არხი, ლაზერული მანძილმზომი, ლაზერული მანიშნებელი, ვიდეო გამოსახულებით)

• ქვემეხის მარცხნივ - მემიზნის მექანიკური ოპტიკური სამიზნე (სარეზერვო)

• კოშკურის სახურავზე, მარცხენა მხარეს - მეთაურის პანორამული სამიზნე (Safran-ის PASEO), იგივე არხებით რაც მემიზნეს სამიზნეზეა. პანორამულ სამიზნეზე საზენიტო ტყვიამფრქვევია დამაგრებული.

• კოშკურის სახურავზე, ცენტრში, ოდნავ მარჯვნივ - მეთაურის მექანიკური ოპტიკური სამიზნე (სარეზერვო).

• კოშკურის წინა მარჯვენა და უკანა მარცხენა კუთხეებში აყენია სისტემა Antares - სისტემაში გაერთიანებულია გარემოზე დაკვირვების, ოპტიკური ლოკაციის და ლაზერული დასხივების ფუნქციები.

• მანქანაზე ასევე აყენია რადიომართვადი ნაღმების ჩამხშობი სისტემა ECLIPSE.

• სახურავზე ყველაზე მაღლა (მეთაურის პანორამის უკან და ცოტა მარჯვნივ) - აკუსტიკური ლოკატორი SLATE (იგივე PILAR V).
• პლიუს მძღოლ-მექანიკოსის კამერები.

აღსანიშნავია რომ ყველა ეს სისტემები ურთიერთდაკავშირებული და მთლიან კომპლექსშია ინტეგრირებული, რაც ეკიპაჟი ინფორმაციულ გათვითცნობიერებას საგრძნობლად ზრდის. ოპტიკური არხების მიხედვით თუ ვიმსჯელებთ მემიზნე მარცხნივ და ოდნავ წინ ზის, ხოლო მეთაური მარჯვნივ და ოდნავ უკან.

სისტემა Antares

საბრძოლო მოდულ CML Defence-თი აღჭურვილი Stryker

აშშ-ს არმიის შეიარაღების კვლევის, განვითარებისა და შემუშავების ცენტრმა (Armament Research, Development and Engineering Center (ARDEC)) 15 მაისს, ჯორჯიის შტატში მდებარე ფორტ ბენნინგში (Fort Benning), წითელი ღრუბლის სასროლეთზე, ახალი კოშკურით აღჭურვილი M1126 Stryker-ის საცეცხლე გამოცდები გამართა.

წყარო:

2018 05 15 Live Fire Weapons Demonstration

გავრცელებული ვიდეოსიუჟეტით თუ ვიმსჯელებთ (იხილეთ ბმულზე - Live fire demonstration of new weapon system performed at Ft. Benning) მემიზნე კოშკურაშია განთავსებული

ევროპაში ბაზირებული აშშ-ს არმიის საკავალერიო შენაერთების 30 მილიმეტრიან Strayker-ებზე გადაიარაღების შესახებ, ბლოგში არაერთხელ ვწერდი. სტატიები იხილეთ ბმულებზე:

• 30 მილიმეტრიანი ICV Stryker-ის საცეცხლე გამოცდები ევროპაში
• აშშ-ს არმია ევროპაში - გადაიარაღება დაჩქარებულ ტემპებში

არაა გამორიცხული, რომ დაჩქარებული გადაიარაღება, მე-2 საკავალერიო პოლკის მიერ გაკეთებული, დაცქარებული მოთხოვნის საფუძველზე მოხდა. შესაბამისად აიღეს ის რაც იყო მზად და არა ის რაც უნდოდათ და ეხლა ცდილობენ მონახონ საჭირო სისტემა. მაგრამ ჩემის აზრით, ეს ახმელა ბოსელი უკვე ნამეტანია.