BAE Systems იყენებს საბრძოლო თვითმფრინავების მეწინავე ტექნოლოგიებს, რათა შექმნას ინფორმირების სიტუაციური სისტემა (Situational Awareness Aystem), რომელიც ჯავშანმანქანების ეკიპაჟის წევრებს საშუალებას მისცემს რეალურ დროში დაინახონ თავიანთი "მანქანების ჯავშნის იქეთ", რაც მეთაურებს ბრძოლის ველის შესახებ სრულ წარმოდგენას შეუქმნის.
სისტემას ეწოდება BattleView 360 და მისი ჩვენება ქსმ CV-90-ის შემადგენლობაში გასულ კვირას, ლონდონში მიმდინარე თავდაცვითი და საბრძოლო ტექნოლოგიების საერთაშორისო გამოფენა DSEi-2015–ზე მოხდა. კომპლექსი BattleView 360 საკმაოდ მოქნილია და ისეა აწყობილი რომ შესაძლებელია მისი ინტეგრირება რამდენიმე სხვადასხვა სატრანსპორტო საშუალებაში, სისტემაში და რადიომიმღებში.
თავისი არსით BattleView 360 წარმოადგენს ციფრული კარტოგრაფირების სისტემას, რომელიც ორ ან სამ განზომილებიან რეჟიმში აგროვებს, გამოსახავს და აკვირდება გარე სიტუაციის ინტერესის ობიექტებს. ეს საშუალებას აძლევს მანქანის მეთაურს მიიღოს უფრო სწრაფი და საფუძვლიანი გადაწყვეტილებები და ასევე სხვა სატრანსპორტო საშუალებებთან გაცვალოს ინფორმაცია გეგმებისა და ინსტრუქციების შესახებ. გამოტანილი გამოსახულება ეკიპაჟს საშუალებას აძლევს გაარჩიოს მეგობრული და მტრული ძალები და დაგეგმოს მტრისგან დაფარული უსაფრთხო მარშუტები.
როგორც აშშ–ში BAE Systems, Inc.–ის შვილობილი კომპანიის, BAE Systems Hägglunds–ის ტექნოლოგიურმა მენეჯერმა, პედერ შიოლუნდმა (Peder Sjölund) განაცხადა – "ხმაურიან და შეზღუდული მხედველობის მქონე მანქანაში მყოფი ეკიპაჟისთვის ყოველთვის პრობლემა იყო გაეგო რა ხდებოდა ჯავშანმანქანის გარეთ". მისივე თქმით "სისტემა BattleView 360 ეყრდნობა BAE Systems–ის სიტუაციური ინფორმირებისა და საინფორმაციო ინტეგრირების გაუმჯობესებიშ მრავალწლიან გამოცდილებას, რის შედეგადაც დატვირთვა ეკიპაჟზე მცირდება, რის შედეგადაც მათ შეუძლიათ მიიღონ გადაწყვეტილება და იმოქმედონ უფრო სწრაფად და ეფექტურად, რის შედეგადაც ბრძოლის ველზე იზრდება ეფექტურობა და უსაფრთხოება".
თავზე დასამაგრებელი სისტემა სინქრონიზირებულია სატრანსპორტო საშუალების კამერებთან, რათა მოახდინოს "გამჭვირვალე ჯავშნის" შესაძლებლობები ვიზუალურ და ინფრაწითელ სპექტრში. მისი გამოყენება ასევე შეუძლია ქვეით მებრძოლს, რათა გადასცეს ინფორმაცია უკან მანქანაზე. სრულ საბრძოლო გარემოს პირობებში შესაძლებელია მოხდეს დისფლეის ინტეგრირება სხვა სატრანსპორტო საშუალებებთან და თვით უპილოტო საფრენ აპარატებთანაც კი. BattleView 360 მოიხმარს სენსორულ ეკრანს, რომელიცთავლიც თავის წინ, ქვემოთაა განთავსებული, რათა მეთაურმა სწრაფად შეაფასოს ინფორმაცია და მიიღოს მიზანჩვენების ან სხვა ამოცანის შესახებ სწრაფი და ეფექტური გადაწყვეტილება. ეს ასევე საშუალებას აძლევს მეთაურს ნახოს ეკიპაჟის სხვა წევრების ჩვენებები, მაგალითად მემიზნე ოპერატორის დისფლეის გამოსახულება.
BAE Systems აბალოგიურ ტექნოლოგიას იყენებს დიდი ბრიტანეთის საბრძოლო მანქანებში ინტეგრირებისთვის. ორივე ქვეყნის, შვედეთისა და ბრიტანეთის სატრანსპორტო საშუალებების ტექნოლოგიების ინტეგრირება შესაძლებელია სხვა არსებულ ან მომავლი პლატფორმებზე.
თავის წინ განლაგებული BattleView 360–ს შემდეგი ფუნქციები გააჩნია:
- ლურჯი ძალების პოზიციების გამოსახვა (ეგრეთწოდებული Blue Force Tracking)
- მარშრუტის დაგეგმვა
- უპილოტო საფრენი აპარატის მარშრუტის დაგეგმვა.
- მარშუტის მდგომარეობის მონიტორინგი
- ველის ესკიზების ჩვენება
- სქემატური გამოსახულების ჩვენება
- მკვდარი ზონის ჩვენება
- წითელი ზონის ჩვენება (ტერიტორია რომელსაც აკონტროლებს ან აკვირდება მოწინააღმდეგე)
- საკუთარი ძალებისთვის საუკეთესო მარშრუტი
- მტრის ძალებისთვის საუკეტესო მარშრუტი
- გაურკვეველი მდგომარეობის ტერიოტრიის ჩვენება
Комментариев нет:
Отправить комментарий