Hellfire R9X - ხორცსაკეპის გამოყენების კიდევ ერთი შემთხვევა (+18)

სირიის ჩრდილოეთით, დასახლებულ პუნქტ დანაში, ამერიკელებმა უპილოტოდან გაშვებული დანებით აღჭურვილი Hellfire R9X-ის გამოყენებით, ალ-ქაიდას კიდევ ერთი ლიდერის ლიკვიდაცია მოახდინეს (მსხვერპლი იორდანელი იყო).

Hellfire R9X-ის შესახებ ბლოგზე დეტალურად უკვე დაიწერა, სტატია იხილეთ ბმულზე - Hellfire R9X - ცნობილი ტსმრ-ის საიდუმლო მოდიფიკაცია

Hellfire რუსული Т-72Б-ს წინააღმდეგ

UH-60-ის საიერიშო ვერსიის საკმაოდ საინტერესო პრომო ვიდეო, რომელშიც ასევე ჩანს Контакт-5-ით აღჭურვილი Т-72Б-ს წინააღმდეგ ტსმრ Hellfire-ს საცეცხლე გამოცდა

Hellfire R9X - ცნობილი ტსმრ-ის საიდუმლო მოდიფიკაცია

აშშ-ს მთავრობისა და ცენტრალური სადაზვერვო სამმართველოს დაკვეთით Lockheed Martin-მა, ზუსტი დარტყმებისთვის, Hellfire-ს საიდუმლო მოდიფიკაცია, სახელწოდებით Hellfire R9X, შექმნა. აღნიშნული რაკეტა სამიზნეს აფეთქების გარეშე ანადგურებს, რითაც რადიკალურად ამცირებს მსხვერპლს სამოქალაქო მოსახლეობაში.

როგორც პენტაგონი, ასევე ცენტრალური სადაზვერვო სააგენტო ამ იარაღის არსებობის და გამოყენების ფაქტებს, საგულდაგულოდ მალავდნენ. რაკეტა Hellfire-ეს ბაზაზეა შექმნილი და მას ინერტული საბრძოლო ქობინი გააჩნია და მოხვედრისას ის არ ფეთქდება. აფეთქების ნაცვლად ის იყენებს საკუთარ წონას, რომელიც 100 ფუნტს (45 კილოს) უტოლდება, რათა გაანგრიოს ავტომანქანების ან შენობების სახურავები და გაანადგუროს სამიზნე ისე, რომ ახლოს მყოფი ადამიანები არ დააზიანოს.

მაღალჩინოსნების განცხადების თანახმად - "სამიზნეზე ამ რაკეტის მოხვედრა გრდემლის მოხვედრის ეფექტს ქმნის. მაგრამ ახალი რაკეტა კინეტიკური ეფექტის გარდა სხვა სიურპრიზითაც არის აღჭურვილი - რაკეტის ქობინი ექვსი გრძელი მჭრელი პირისგან შესდგება, რომლებიც კორპუსის შიგნითაა შეკეცეილი. პირები სამიზნესთან შეხვედრამდე რამდენიმე წამით ადრე იხსნება და თავის გაზაზე ყველაფერს ანადგურებს".

ალ-ქაიდას მეთაურის მოადგილის - აბუ კჰაირ ალ-მასრის (Abu Khayr al-Masri) ავტომანქანა. მანქანის სახურავს Hellfire R9X-ის მჭრელი პირების კვალი ეტყობა. რაკეტამ სამიზნე წარმატებით გაანადგურა

შედარებისთვის ჩვეულებრივი ქობინით განადგურებული ავტომანქანა

საიდუმლო იარაღის და მისი გამოყენების შესახებ დეტალები ათზე მეტმა ამერიკელმა ოფიციალურმა პირმა დაადასტურა. ამ რაკეტის შექმინსა და გამოყენების ინფორმაცია ადრე საიდუმლოს წარმოადგენდა - თუმცა მისი არსებობა მთელი რიგი სპეკულაციების მიზეზი გახდა.

R9X-ის შესახებ მცირე წრემ იცოდა და მას, მისი მჭრელი პირების გამო, რომლებსაც შეუძლია გაჭრან მანქანაცა და შენობაც, ზედმეტსახელად "მფრინავ გინსუ" (“The flying Ginsu” - Ginsu სამზარეულო დანების მარკაა) უწოდეს. რაკეტის მეორე ზედმეტსახელად "ნინძას ბომბა" (Ninja bomb) ეწოდა.

თვითონ ამ რაკეტის შექმნა პრეზიდენტ ობამას დროს მოხდა. მისი მმართველობის დროს აშშ-ს საჰაერო იერიშების დროს სამოქალაქო მოსახლეობაში დანაკარგების შემცირებას დიდი ყურადღება ეთმობოდა.

წყარო:

Secret U.S. Missile Aims to Kill Only Terrorists, Not Nearby Civilians

F-35-ს დიდი ეშვები გაეზრდება

როგორც ქვემოთ მოყვანილი დოკუმენტიდან ხდება ცნობილი - აშშ-ს საჰაერო ძალები, მომდევნო 5 წლის განმავლობაში, F-35-ზე შემდეგი სახის რაკეტების ადაპტაციას გეგმავს:

• AGM-158 JASSM

• AGM-158C LRASM

• AGM-179 JAGM

• AGM-114 Hellfire

ამ მიზნით Lockheed Martin-ს  90,2 მილიონი აშშ დოლარის ხელშეკრულება გაუფორმდა. ასე რომ "პინგვინი" სულაც "ნინაგი" ყოფილა.

AGM-158 JASSM (Joint Air-to-Surface Standoff Missile) - ჰაერი ხმელეთის კლასის ფრთოსანი რაკეტა, ფრენის მანძილი მიახლოებით 1000 კილომეტრი

AGM-158C LRASM (Long Range Anti-Ship Missile) - ხომალდსაწინააღმდეგო კლასის რაკეტა, ფრენის მანძილი მიახლოებით 800 კილომეტრი

AGM-179 JAGM (Joint Air-to-Ground Missile) - მსუბუქი კლასის ჰაერი-ხმელეთის რაკეტა, ფრენის მანძილი 8-16 კილომეტრი (მოდიფიკაციისდა მიხედვით)

 AGM-114 Hellfire (Heliborne, Laser, Fire and Forget) - ტანკსაწინააღმდეგო, საჰაერო ბაზირების რაკეტა, ფრენის მანძლი 8კმ

სადღაც ერაყში Hellfire-ს ნამუშევარი (+18)

1,5კმ სიმაღლიდან უპილოტო საფრენი აპარატი MQ-1 Predator აკვირდება ტსმრ Hellfire–ს ნამოქმედარს - შედეგი მართლაც რო საშინელია

Lockheed Martin/Patria Havoc LRSAV–ის გამოცდები

კომპანია "Lockheed Martin"–მა წარმატებით განახორციელა პერსპექტიული ჯავშანტექნიკისთვის განკუთვნილი უახლესი სარაკეტო დანადგარის, Long Range Surveillance and Attack Vehicle–ს (LRSAV) გამოცდები.

ფლორიდის შტატში მდებარე ავიაბაზა ეგლინზე, ჯავშანმანქანა Patria Havoc–ზე დამონტაჟებული LRSAV–ის სარაკეტო მოდულიდან, განხორციელდა მიწა–მიწა კლასის DAGR (Direct Attack Guided Rocket) და HELLFIRE–II რაკეტების გაშვება.

LRSAV წარმოადგენს სახმელეთო სატრანსპორტო საშუალებებისთვის განკუთვნილ სრულებით ინტეგრირებული სისტემის იარაღს. LRSAV–ს დანადგარი, მოიხმარს მეწინავე სარაკეტო შეიარაღებასა და დაზვერვისა და დამიზნების სისტემებს, რაც მას ამოცანათა ფართო სპექტრის შესრულების საშუალებას აძლევს.

გამოცდების დროს LRSAV–ს დანადგარიდან გაშვებული იქნა ორი რაკეტა – ერთი HELLFIRE–II, 6,4 კილომეტრზე, ხოლო მეორე DAGR, 3,5 კილომეტრზე. ორივე რაკეტამ წარმატებით გაანადგურა მიზანი. ამას გარდა Lockheed Martin–ის სპეციალური მოდულით, მოდერნიზირებული M-TADS/PNVS–ით (Target Acquisition Designation Sight/Pilot Night Vision Sensor),  აღჭურვილმა AH-64D Apache–მ განახორციელა კომპლექსი LRSAV–ის რაკეტის დამიზნება რეალურ დროში, რაც სარაკეტო კომპლექსის მიერ დიდ მანძილებზე სამიზნეების განადგურების შესაძლებლობას საგრძნობლად ზრდის.

გამოცდების ვიდეო:

ტსმრ HELLFIRE–II გამოცდა

რაკეტა DAGR–ის გამოცდა

წყარო:

Lockheed Martin’s DAGR and HELLFIRE II Missiles Score Direct Hits During Ground-Vehicle Launch Tests

Tiger ARH + Hellfire

ავსტრალიის არმიის Tiger ARH (Armed Reconnaissance Helicopter) ტანკსაწინააღმდეგო მართვადი რაკეტა Hellire–ს სროლის მომენტში. რაკეტით სროლები სწავლება Talisman Saber 13–ის ბოლო ფაზაჟი განხორციელდა. სწავლება ყოველ ორ წელიწადში ერთხელ ხორციელდება და მასში ავსტრალიელებთან ერთად ამერიკელებიც ღებულობენ მონაწილეობას.