Challenger-2 იუბილარია, ის 25 წლის გახდა

ზუსტად 25 წლის წინ, ბრიტანეთის არმიას მაშინ ჯერ კიდევ Vickers  Defence Systems-მა, პირველი Challenger-2 გადასცა

დღის ფოტო - Lockheed-ის შავი ჩიტუნები

Lockheed Martin-ის შავი ჩიტუნები პარკინგზე

ტაილანდისთვის განკუთვნილი პირველი БТР-3КШ

"Укроборонпром"-მა სალიცენზიო წარმოებისთვის ტაილანდს БТР-3КШ-ს პირველი მანქანა-კომპლექტი გადასცა. აღნიშნული სამეთაურო-საშტაბო მანქანა ტაილანდის სახმელეთო ჯარების სარდლობის შეკვეთით შეიქმნა.

აღნიშნული მანქანის შესახებ ბლოგზე უკვე დაიწერა, სტატია იხილეთ ბმულზე - ახალი უკრაინული სამეთაურო-საშტაბო მანქანა БТР-3КШ

ISIS-ის წარმოებული ყუმბარმტყორცნები

თავისი სიძლიერის ზენიტში ისლამური სახელმწიფო სამხედრო მრეწველობას ფლობდა და ამ მრეწველობის ერთ-ერთ საინტერესო ნიმუშს ერთჯერადი ყუმბარმტყორცნები წარმოადგენდა. 

სულ ხალიფატი 4 სახეობის ყუმბარმტყორცნს აწარმოებდა, რომლებიც ქვევითაა მოყვანილი:

ხალიფატის ყუმბარმტყორცნების შესახებ მცირე დოკუმენტის გადმოწერა შემდეგ ბმულზეა შესაძლებელი -  Islamic State Recoilless Launcher Systems

ბორისი და Challenger-2

ბრიტანეთის  უკვე თითქმის პრემიერ მინისტრი, ბორის ჯონსონი (Boris Johnson), ბრიტანეთის სამეფო სატანკო პოლკის ესტუმრა და ტანკის მეთაურის როლი მოირგო.

ერაყული M1A1M - ჯავშანთვითშემოქმედება

როგორც ჩანს ერაყელებს არ მოსწონთ ამერიკული M1A1M-ის შუბლის ჯავშნის მედეგობა კუმულაციური ჭურვების წინააღმდეგ და მას იმპროვიზირებული ცხაურებით აძლიერებენ.

ისრაელის F-35I ირანის თავზე

ისრაელის საჰაერო ძალების F-35-ებმა ირანის თავზე იფრინეს და ამის გამო ირანელი გენერალი დაითხოვეს სამსახურიდან.

როგორც უკვე ცნობილია, 2018 წლის მაისში, ისრაელის საჰაერო ძალებმა თავისი F-35-ები ირანის თავზე საბრძოლო-სადაზვერვო მისიაში გამოიყენეს. ამგვარად ისრაელი გახდა პირველი ქვეყანა, რომელმაც აღნიშნული გამანადგურებელს საბრძოლო ნათლობა მიაღებინა.

ებრაელების ამ ფრენას ირანის საჰაერო ძალების სარდალის, ბრიგადის გენერალ ფარზად ისმაილის კარიერა შეეწირა - ირანის უმაღლესმა ლიდერმა, აიათოლა ალი ჰამენეიმ, გენერალი თანამდებობიდან, რომელზეც ის 2010 წლიდან იმყოფებოდა, გაათავისუფლა. ქუვეითის გაზეთ Al Jarida-ს თანახმად ქვეყნის ხელისუფლებამ გენერალი ისრაელის F-35-ების მიერ ირანის საჰაერო სივრცის დარღვევის შემდეგ დაითხოვა. ამის შესახებ რამდენიმე კვირის წინ გახდა ცნობილი.

როგორც გაზეთი იუწყება, მიუხედავად იმისა რომ გენერალი ინცინდენტის მალავდა, მაღალჩინოსნებისთვის ებრაული რეიდების შესახებ სხვა წყაროებიდან მაინც გახდა ცნობილი, რის შემდეგაც ჰამეინის ბრძანებით, ისლამური რევოლუციის მცველთა დაზვერვამ და ირანის თავდაცვის სამინისტროს დაზვერვის სამსახურმა ერთობლივი გამოძიება დაიწყეს.

გამოძიების თანახმად, ებრაულმა F-35-ებმა შეუმჩნევლად შეაღწიეს ირანის საჰაერო სივრცეში და მაღალი სიმაღლიდან გადაუფრინეს თეგერანს, ისპაჰანს, შირაზს, კარჯარკს და ბანდარ-აბასს და გადაიღეს ირანის ჰსთ სისტემების ადგილმდებარეობა და პოზიციები.

ერთ ერთი წყაროს თანახმად ირანის რადარებმა და მათ შორის რუსეთის მიერ მიწოდებულმა სისტემებმა, ვერ მოახერხეს ებრაული გამანადგურებლების შესვლისას და გამოსვლის დაფიქსირება. ამის შესახებ გენერალმა აისმაილმა დაუმალა ეროვნულ ლიდერს. მაგრამ ირანის დაზვერვას ხელში ჩაუვარდა საიდუმლო ინფორმაცია, რომლის თანახმადაც ებრაელებმა მოახერხეს ეფრინათ მგრძნობიარე ინფრასტრუქტურის თავზე და მათთვის ფოტოებიც კი გადაეღოთ. ყველაფერი ამის შემდეგ ირანის ლიდერი, ჰამენეი, ეჭვობს რომ რუსებმა ებრაელებსს ჰსთ სისტემების კოდები გადასცა.

ცნობილია რომ F-35A-ს ებრაული ვერსია - F-35I ყველაზე ძვირად ღირებული ვარიანტია და ამის მიზეზად მასში ინტეგრირებული ებრაული რადიოელექტრონული აპარატურა  სახელდება. ისრაელს უკვე გადაეცა ამ ტიპის ოცამდე გამანადგურებელი, ხოლო ხელშეკრულების სრული რეალიზაციის შემდეგ მათი რაოდენობა 75-მდე გაიზრდება.

წყარო:

IRIAF Commander reportedly fired after he kept secret that Israeli F-35 stealth fighters had violated Iran Airspace

აშშ-ს არმის მომავლის ჰაუბიცა

სანამ სტატიას წაიკითხავთ, გთხოვთ გადახვიდეთ მითითებულ ბმულზე (ყავისფრად მონიშნული ტექსტი) და მოიწონოთ ჩვენი სამხედრო თემატიკის გევრდი - No Man's Land

.................................................................................................................................................................................

აშშ-ს არმია ოფიციალურად აღიარებს, რომ პროგრამა ERCA-ს (Extended Range Canon Artillery - გაზრდილი მანძილის სალულე არტილერია) შედეგად სრულიად ახალ თვითმავალ ჰაუბიცას მიიღებს. მიუხედავად იმისა, რომ ის დაიწყო როგორც M109-ის მორიგი მოდერნიზაცია, ის გახდება არა M109A8, არამედ XM1299 (შეიარაღებაზე მიღების შემდეგ M1299).

თსდ სპირალური პროგრამით განვითარდება (აშშ-ს არმიაში მიღებული პრაქტიკაა, როდესაც სისტემა შეიარაღებაზე დგება და მერე ნელნელა ხდება მასში გაუმჯობესებების დანერგვა). პირველ რიგში აქცენტი გაკეთებულია ქვემეხზე, მისი სიგრძე 58 კალიბრი იქნება და სროლის მანძილი 38-იდან 70 კილომეტრზე ზევით გაიზრდება.

შემდეგში მოხდება ავტომატური დამტენის დაყენება, რაც უკვე არმიას ოპციონალურად მართვად პლატფორმაზე გადასვლის საშუალებას მისცემს. ანუ დანადგარი რობოტიზირებული იქნება, თუმცა ადამიანსაც შეეძლება მისი მართვა.

ანგარიშის მთლიანად - Extended Range Canon Artillery

NATO-ს ანგარიშში შემთხვევით გაეპარათ აშშ-ს ბირთვული ბომბების ლოკაციები ევროპაში

აშშ-ს ბირთვული შეიარაღება ევოპაში სავარაუდოდ ბელგიის, გერმანიის, ნიდერლანდების, იტალიისა და თურქეთის ავიაბაზებზეა განთავსებული.

როგორც ბელგიური საინფორმაციო რესურსი De Morgen-ი იუწყება - მათი განლაგების შესახებ შემთხვევით კანადელი სენატორის, NATO-ს უსაფრთხოებისა და თავდაცვის საპარლამენტო ანსამბლეის  წევრის, ჯოზეფ დეიას მოხსენებიდან გახდა ცნობილი.

F-16A ესპანეთში, პოლიგონზე ბირთვული ბომბის B61-ის იმიტატორის, BDU-38-ის სასწავლო გაშვების მომენტში

მოხსენება, სახელწოდებით "ბირთვული შეკავების ახალი ერა? მოდერნიზაცია, შეიარაღების კონტროლი და მოკავშირეთა ბირთვული ძალები" (A new era for nuclear deterrence? Modernisation, arms control, and allied nuclear forces) აპრილში გამოქვეყნდა, მაგრამ მასმედიამ ყურადღება მას მხოლოდ ივლისში მიაქცია. დოკუმენტში ნახსენებია, რომ ამერიკის არსენალის 150 ცალი ბირთვული ბომბი ინახება კლიაინეში (ბელგია), ბიუჰელში (გერმანია), ავიანოსა და გედი-ტორრეში (იტალია), ვოლკენში (ნიდერლანდები) და ინჩილიკზე (თურქეთ).

აშშ-ს ბირთვული შეიარაღების განლაგება ევროპის ქვეყნების ბაზებზე

11 ივლისს გამოქვეყნდა მოხსენების ახალი, ჩასწორებული, ვარიანტი. საიდანაც ამოღებული იქნა ბაზების დასახელებები, მაგრამ დატოვეს ქვეყნები - მათ უწოდებენ ევროპელ მოკავშირეებს, რომლებიც ფლობენ ბომბ B61-ის, აშშ-ს ძირითადი ტაქტიკური ბირთვული შეიარაღების, ტრანსპორტირებისთვის შესაბამის თვითმფრინავებს.

აღნიშნული ბომბის შესახებ სტატია იხილეთ ბმულზე - 

სენატორმა ჯოზეფ დეიმ გაზეთ The Washington Post-ს განუმარტა, რომ დოკუმენტის პირველი ვერსია მხოლოდ მონახაზი იყო. NATO-ს გამომცემლობის წარმომადგენელმა თავის მხრივ დაამატა, რომ სენატორის ანგარიში - ეს არაა ალიანსის ოფიციალური დოკუმენტი. გაზეთის განმარტებით, ნოემბრამდე, სანამ დოკუმენტს NATO-ს საპარალემტნო ანსამბლეა განიხილავს, შეიძლება ბევრი ამე შეიცვალოს.

NATO-ს ოფიციალურმა წარმომადგენელმა Fox News-ს განუცხადა, რომ ალიანსში "ბირთვული პოლიტიკის შესახებ განმარტებებს არ იძლევიან". აშშ-ს თავდაცვის სამინისტრომ აღნიშნა, რომ უწყების პოლიტია "რომელიმო კონკრეტულ ან საერთო ადგილას ბირთვული შეიარაღების არსებობას ან არარსებობას არ ადასტურებს".

მანამდე ამერიკელ სამხედროებს ოფიციალურად არასოდეს დაუსახელებიათ ევროპაში აშშ-ს ბირთვული შეიარაღების ადგილმდებარეობა. ამასთან, როგორც De Morgen იუწყება, სამხედრო დამკვირვებლებმა იცოდნენ, რომ ბელგიაში, კლიანი ბროგელზე 10-დან 20-მდე B61 ტიპის ბირთვული ბომბი ინახებოდა. იმის შესახებ, რომ ნიდერლანდებშ, ბელგიასადა გერმანიაში ბირთვული შეიარაღება ინახებოდა, Wikileaks-ის მასალებშიც იყო ნახსენები. როგორც ტელეარხ RTL-ი აღნიშნავს, ნიდერლანდებში, ადგილობრივი პოლიტიკოსების თანახმად, ვოლკერსი ბაზაზე 22 ბომბი ინახება. ნიდერლანდების მთავრობას არასოდეს არც დაუდასტურებია და არც უარყვია მის ტერიტორიაზე აშშ-ს ბირთვული შეიარაღების არსებობა.

B-2 ოცდაათი წლისა გახდა

დღეს სტრატეგიული ბომბდამშენის, B-2-ის, დაბადების დღეა, ზუსტად 30 წლის წინ, 1989 წლის 17 ივლისს, ბომბდამშენმა პირველი საცდელი ფრენა განახორციელა - ის პალმდეილიდან ედვარდის ავიაბაზაზე გადაფრინდა.

30 წლის განმავლობაში B-2 მონაწილეობას ღებულობდა 5 მსხვილ სამხედრო ოპერაციაში და დიდი რაოდენობით სწავლებაშიკ. ბომბდამშენემა განახორციელა საბრძოლო მისიები კოსოვოში, ავღანეთში, ერაყსა და ლივიაში. B-2 იყო პირველი თვითმფრინავი, რომელმაც 11 სექტემბრის შემდეგ ავრანეთში ავიადარტყმები განახორციელა - სწორედ მაშინ მან რეკორდული ფრენა განახორციელა, მან ჰაერში 44 საათი და 20 წუთი გაატარა. ბომბდამშენი აშშ სტრატეგიული ავიაციის სიმბოლოა და და ქვეყნის თავდაცვის მნიშვნელოვან კომპონენტს წარმოადგენს.

წყარო - Whiteman AFB commemorates 30-year anniversary of B-2 test flight