The Dead District

Tuesday, September 3, 2019

აშშ-ს არმიის მომავლის შაშხანის კონკურსის ახალი მონაწილე

სანამ სტატიას წაიკითხავთ, გთხოვთ გადახვიდეთ მითითებულ ბმულზე (ყავისფრად მონიშნული ტექსტი) და მოიწონოთ ჩვენი სამხედრო თემატიკის გევრდი - No Man's Land

.................................................................................................................................................................................

აშშ-ს არმის ახალი თაობის ავტომატური შაშხანის კონკურსის შესახებ ბლოგზე არაერთი სტატია დაიწერა, რომელთა წაკითხვაც შემდეგ ბმულზებზეა შესაძლებელი:

Cobalt Kinetics-მა გამოაქვეყნა პრეს-რელიზი, რომელში იუწყება, რომ კომპანია MARS Inc.-თან ერთად აშშ-ს არმიის პროგრამა NGSW-ში (Next Generation Squad Weapons) მონაწილეობისთვის ახალი შაშხანა (NGSW-R), მსუბუქი ტყვიამფრქვევი (NGSW-AR) და 6,8 მილიმეტრიანი ვაზნა წარადგინა. არმიის პროგრამის მიზანია M4/M16 ტიპის შაშხანებისა და ტყვიამფრქვევ M249 SAW LMG-ის შესაცვლელად ახალი შეიარაღების და ვაზნების შექმნა, რომლებმაც მახასიათებლების გაუჯობესება უნდა უზრუნველყონ.

თვითონ 6,8 მილიმეტრიანი ვაზნა 140 გრამიან ტყვიას 975,36 მ/წმ სიჩქარით ისვრის. შაშხანაცა და ტყვიამფრქვევიც 20 ვაზნიანი მჭიდებით იკვებება, თუმცა შესაძლებელია 70 ვაზნიანი დოლურა მჭიდის დაყენებაც.

შაშხანა COBALT KINETICS NGSW-R

მსუბუქი ტყვიამფრქვევი COBALT KINETICS NGSW-AR

მარცხნიდან მარჯვნივ - 5,56x45 mm NATO, 7,62x51 mm NATO და Magnum-ის ახალი, 6,8 მილიმეტრიანი მოკლე გასროლა. ახალი ვაზნა გამოიყურება და მუშაობს როგორც .270 WSM

Monday, September 2, 2019

Patria-ს ახალი თვითმავალი ნაღმტყორცნი

სანამ სტატიას წაიკითხავთ, გთხოვთ გადახვიდეთ მითითებულ ბმულზე (ყავისფრად მონიშნული ტექსტი) და მოიწონოთ ჩვენი სამხედრო თემატიკის გევრდი - No Man's Land

.................................................................................................................................................................................

კომპანიამ Patria ლონდონში 10-13 სექტემბერს დაგეგმილ საერთაშორისო გამოფენა DSEI 2019-ზე იქნება წარმოდგენილი. სხვა მრავალ სიახლესთან ერთად კომპანია Patria 6x6-ზე დამონტაჟებულ ავტომატიზირებულ ნაღმტყორცნ Patria Nemo-საც წარადგენს

Patria 6X6 ეს - მრავალმიზნობრივი სატრანსპორტო საშუალებაა, რომელიც ჯავშანავტომობილი Pasi-ს მემკვიდრეა და Patria AMV 8X8-ს შემცირებულ ვერსიას წარმოადგენს. მისი სავალი ნაწილი AMV-ეს სავალი ნაწილის ანალოგიურია, მხოლოდ ერთი ხიდით ნაკლები. მანქანას სამივე ხიდი წამყვანი აქვს, ხოლო მობრუნებას წინა ორი ხიდის საშუალებით ახორციელებს (ან საკივე ხიდით, გააჩნია აღჭურვის ვარიანტს). Patria 6X6-ის აღჭურვა ასევე შესაძლებელია AMV-ეზე უკვე გამოცდილი დამატებითი აღჭურვილობით - ბალისტიკური და ნაღმსაწინააღმდეგო დაცვა, შეიარაღების სისტემები, თავდაცვისა და სხვა შიდა სისტემები.

გამოფენაზე მანქანა წარმოდგენილი იქნება 120 მილიმეტრიანი სანაღმტყორცნე სისტემა Patria Nemo-თი. ნაღმტყორცნიანი კოშკურა დისტანციურად მართვადია და შეუძლია აწარმოოს როგორც არაპირდაპირი ასევე პირდაპირი ცეცხლი. მას ასევე შეუძლია განახორციელოს რამდენიმე გასროლიანი ერთდროული იერიში (Multiple Rounds Simultaneous Impact - MRSI), როდესაც სხვადასხვა კუთხით გასროლილი ნაღმები მიზანს ერთდროულად აზიანებს.

მეორე მსოფლიო ომის 80 წლის მემორიალური ღონისძიებები პოლონეთში

სანამ სტატიას წაიკითხავთ, გთხოვთ გადახვიდეთ მითითებულ ბმულზე (ყავისფრად მონიშნული ტექსტი) და მოიწონოთ ჩვენი სამხედრო თემატიკის გევრდი - No Man's Land

.................................................................................................................................................................................

პოლონეთში, ვესტერპლატტეს ნახევარკუნძულზე და ქვეყნის ცენტრალურ ნაწილში მდებარე ქალაქ ველიუნში, მეორე მსოფლიო ომის დაწყების 80 წლისთავისადმი მიძღვნილი ღონისძიებები გაიმართა.

1939 წლის 1 სექტემბერს დილის 4:45 საათზე სწორედ ეს ორი ადგილი გახდა პირველი გერმანული სამიზნე. გერმანულმა კრეისერმა "Schleswig-Holstein"-მა ზღვიდან ცეცხლი გაიუხსა ვესტერპლატტეში მდებარე პოლონურ სამხედრო-სატრანზიტო საწყობს. ეს გარნიზონი ჰიტლერის ჯარების იერიშებს 7 დღე იგერიებდა, რის შემდეგაც კაპიტულირება მოახდინა.

ქალაქ ველიუნზე, ნახევარკუნძულზე თავდასხმისმ პარალელურად, საავიაციო იერიში განხორციელდა, რასაც 1200 ადამიანი ემსხვერპლა.

წელს ველიუნს აღნიშნულ ღონისძიებაზე გერმანიის პრეზიდენტი ფრანკ-ვალტერ შტაინმაიერი ესტუმრა. მას თან ახლდა პოლონეთის პრეზიდენტი ანჟეი დუდა. პრეზიენდეტბი ღონისძიებაზე სიტყვით გამოვიდნენ, რის შემდეგაც პრეზიდენტებმა ავიადაბომბვის შედეგად განადგურებული სინაგოგის მემორიალი ყვავილების გვირგვინით შეამკეს. ღონისძიების ოფიციალური ნაწილის დაწყებამდე, პოლონეთის პრემიერ მინისტრმა მათეუშ მორავეცკიმ და თავდაცვის მინისტრმა მარიუშ ბლაშაკამ, პოლონეთის არმიის ვეტერანებთან და ადგილობრივი ხელისუფლების წარმომადგენლებთან ერთად ყვავილებით შეამკეს ვესტერპლატტეში მდებარე პოლონელი ჯარისკაცების სასაფლაო.

თვითონ მეორე მსოფლიო ომის დაწყების 80 წლისთავისადმი მიძღვნილი მემორიალური ღონისძიების ძირითადი ნაწილი ვარშავაში განხორციელდა. წელს ეს ღონისძიება დედაქალაქში იყო დაგეგმილი, რადგანაც მასში მონაწილეობას აშშ-ს პრეზიდენტი, დონალდ ტერამპი, გეგმავდა. თუმცა ტრამპმა ფლორიდის სანაპიროებტან მოახლოებული ქარიშხლის "დორიანის" მიზეზით ვიზიტი გადადო და მის მაგივრად პოლონეთს ვიცე პრეზიდენტი, მაიკ პენსი, ეწვია.

უცნობი ჯარისკაცის საფლავი გვირგვინით შეამკეს, რომელზეც მიწერილი იყო სიტყვები "ხსოვნა და სიფრთხილე". ეს სიტყვები ასევე მიწერილი იქნება ზარზე, რომელიც ამ ღონისძიებებისთვის სპეციალურად იქნა დამზადებული. ზარი ქალაქ ველიუნს აჩუქეს.

აღსანიშნავია, რომ მეორე მსოფლიო ომის დაწყების მემორიალურ ღონისძიებაზე მიწვეულოი არ იქნა რუსული დელეგაცია, ამის მიზეზად პოლონეთმა დაასახელა ის, რომ რუსეთი არაა გაწევრიანებული არცერთ პოლონეთისთვის მეგობრულ კავშირში (NATO, ევროკავშირი და "აღმოსავლეთის პარტნიორობა"). რუსეთის პრეზიდენტის პრეს მდივანის, დიმიტრი პესკოვის, განცხადების თანახმად - მეორე მსოფლიო ომისთვის მიძღვნილი არცერთინ ღონისძიება არ იქნება სრულყოფილი რუსების მონაწილეობის გარეშე.

ლულააფეთქებული ტანკების ფოტოკოლაჟი

სანამ სტატიას წაიკითხავთ, გთხოვთ გადახვიდეთ მითითებულ ბმულზე (ყავისფრად მონიშნული ტექსტი) და მოიწონოთ ჩვენი სამხედრო თემატიკის გევრდი - No Man's Land

.................................................................................................................................................................................

ტანკებს იშვიათად, მაგრამ მაინც უფეთქდებათ ლულები. ამას როგორც წესი სამი ძირითადი მიზეზი აქვს:

პირველი ლულაში უცხო სხეულის მოხვედრაა, რომელიც გასროლის მომენტში ჭურვს გამოსვლაში უშლის ხელს და ლულის გახეთქვას იწვევს;

მეორე ეს ლულის დაზიანებაა. ექსპულატაციის მომენტში ხდება ლულის მეტალის დაღლილობა (მიკრო ბზარები), ეაც შესაბამისი კონტროლის არ არსებობის შემთხვევაში უფრო სერიოზულ დაზიანებაში გადადის და საბოლოოდ ლულა გასროლის წნევას ვეღარ უძლებს და იხსნება;

მესამე შემთხვევა ეს შეიძლება ლულაში ჭურვის აფეთქებას მოყვეს - ჭურვი ძველია ან დაზიანებულია და ლულის არხშივე ფეთქდება;

ქვემოთ მოყვანილია მსგავსი შემთხვევების შედეგად დაზიანებული ლულების ფოტო-კოლაჟი:

Т-90А