3 ივლისს, პოლონეთის თავდაცვის სამინისტრომ, 2131 ცალი wz. 96C ტიპის ავტომატის შესყიდვის შესახებ გაავრცელა ინფორმაცია. ეს იქნება არმიის მიერ შეძენილი ამ ტიპის იარაღის ბოლო პარტია. შეიარაღებაზე მიღებიდან 21 წლის მერე (1997 წ.), დასრულდა კალაშნიკოვის ბაზაზე შექმნილი ამ პოლონური ავტომატური შაშხანის ეპოქა. ამ პერიოდის განმავლობაში პოლონურმა არმიამ wz. 96 Beryl და wz. 96 Mini Beryl ტიპის 86,5 ათასი ერთეული ავტომატი შეიძინა. მიწოდებული ავტომატები სამ მოდიფიკაციად იყო წარმოდგენილი: A - სტანდარტული სალულე, დასაკეცი კონდახი და შავი, გაუმჭვირვალე მჭიდი, B - წინა ტაქტიკური სახელურით და C - მოდიფიცირებული სალულე პიკატინის მიმმართველებით, ტელესკოპური კონდახი, ცეცხლის რეჟიმის გადამრთველის შეცვლილი კონსტრუქცია და მწვანე ფერის ნახევრად გამჭვირვალე პლასმასი მჭიდი (იხ. ზედა ფოტოზე).
პოლონურ არმიაში ავტომატური შაშხანა wz. 96C Beryl, 5,56×45მმ ტყვიებზე მომუშავე, მოდულურმა ცეცხლსასროლმა კომპლექსმა, MSBS-მა, ჩაანაცვლა , რომელსაც მომავალში 7,62×51მმ ტყვიებზე მომუშავე ვარიანტიც შეემატება. აღსანიშნავია რომ, 2018 წელს, პოლონურ არმიას, 13 000 ერთეული, ახალი C16 FB-M2 ტიპის შაშხანა გადაეცა.
კომპანია FB Radom ექსპულატაციაში მყოფი იარაღის რემონტზე და სათადარიგო ნაწილებზე კონცენტრირებას გეგმავს. მთუმცაღა Beryl-ი მიწოდება სამოქალაქო ბაზარზე, ექსპორტსა და სხვა ძალოვან უწყებებში გაგრძელდება.
გასულ კვირას, გერმანიის საზღვაო ძალების ფრეგატები, F219 Sachen და F214 Luebeck, პოლიგონ ანნეიაზე სარაკეტო სროლების განსახორციელებლად, ნორვეგიაში ჩაცურდნენ. 21 ივნისს, ფრეგატმა F219 Sachen-მა, საზენიტო რაკეტა Standard SM-2-ით წარმატებით გაანადგურა საჰაერო სამიზნე, თუმცაღა მეორე რაკეტა არც სასტარტო ამაჩქარებლის და არც სამარშო ძრავის ჩართვის მერე გამშვები ბუდიდან არ გამოვიდა.
ხანძრის ჩასაქრობად მყისიერად ჩაირთო ზღვის წყლის ფრქვევანები, რამაც ეკიპაჟს ავარიის შედეგების შემცირების საშუალება მისცა. მიუხედავად ამისა, გამშვების სახურავმა, მეზობელმა ბუდეებმა და ცხვირის დანაშენის კონსტრუქცია დაზიანდა, თუმცაღა ფიზიკურად არავინ არ დაშავებულა, მხოლოდ ორმა მეზღვაურმა მიიღო «stressverletzt» (სავარაუდოდ შეშინდნენ). მაგრამ ორივე გამოვიდა მდგომარეობიდან და მზად არიან სამსახურს დაუბრუნდნენ.
სროლის წინ არაფერი არ მიუთითებდა პოტენციურ დეფექტზე - ორივე საზენიტო რაკეტამ და თვითონ გამშვებმა დანადგარმა, Mk-41-მა, წარმატებით გაიარეს შემოწმება და კონტროლის ჩაშენებულმა აპარატურამ მათი იდეალური მდგომარეობა უჩვენა.
ორივე ფრეგატმა დაუყოვნებლივ შეწყვიტეა სროლები, დატოვეს წვრთნების რაიონი და 22 ივნისს დილით, ზარალის შესაფასებლად, ნორვეგიის პორტ ჰარსტატდში მივიდნენ.
ლევან იზორია GDRP-ის პირველ საჩვენებელ სწავლებას დაესწრო საქართველოს თავდაცვის მინისტრი ლევან იზორია საქართველოს თავდაცვის მზადყოფნის პროგრამის (GDRP) პირველ საჩვენებელ სწავლებას დაესწრო. საქართველოს შეიარაღებული ძალების IV მექანიზებული ბრიგადის 43-ე ბატალიონის პირადმა შემადგენლობამ რეიდის ოპერაცია განახორციელა.
ამ ეტაპზე ქვედანაყოფის მომზადების მე-9 კვირა მიმდინარეობს, რომელიც ბატალიონის საბრძოლო სროლების დროს აღმოჩენილი ნაკლოვანებების აღმოფხვრას და აღდგენას მოიცავს. წვრთნის ეს ეტაპი მომდევნო საველე სწავლებისათვის მომზადებასაც გულისხმობს, რომელიც მოგვიანებით ჩატარდება. საველე სწავლებაზე 43-ე ბატალიონი 6 საწვრთნელ წერტილზეა გაშლილი. თითოეულ საწვრთნელ უბანზე სხვადასხვა ტიპის სამხედრო მომზადება მიმდინარეობს. საქართველოს თავდაცვის მინისტრი ლევან იზორია ბატალიონის საველე შტაბს ესტუმრა და დეტალურად გაეცნო საქართველოს თავდაცვის მზადყოფნის პროგრამის მიმდინარეობას. საჩვენებელი სწავლების დასრულების შემდეგ ლევან იზორია წვრთნებში მონაწილე სამხედრო მოსამსახურეებს პირადად შეხვდა, სწავლებაში აქტიური მონაწილეობისათვის მადლობა გადაუხადა და საქართველოს თავდაცვის მზადყოფნის პროგრამის მნიშვნელობაზე ესაუბრა. საქართველოს თავდაცვის მზადყოფნის პროგრამა (GDRP) წარმოადგენს საქართველოს თავდაცვის სამინისტროსა და ამერიკის შეერთებული შტატების თავდაცვის დეპარტამენტის ერთობლივ პროექტს, რომლის მიზანია საქართველოს შეიარაღებული ძალების საბრძოლო მზადყოფნის გასაზრდელად საქართველოს თავდაცვის სამინისტროსა და შეიარაღებულ ძალებში სისტემების განვითარებისა და ინსტიტუციონალიზაციის გზით, რომელთა საფუძველზე შესაძლებელი იქნება ტაქტიკური ძალების პირადი შემადგენლობით დაკომპლექტების, წვრთნის აღჭურვისა და დაკისრებული ეროვნული ამოცანების შესასრულებლად აუცილებელი მზადყოფნის დონეზე შენარჩუნების დამოუკიდებელი შესაძლებლობების განვითარება. წვრთნებს მხარს უჭერს ნატო-საქართველოს წვრთნისა და შეფასების ცენტრი (JTEC) და საერთო საჯარისო ცენტრის დაქვემდებარებული ქვედანაყოფები - კაპიტნის საკარიერო სკოლა, არტილერიის სკოლა და ლოგისტიკის სკოლა.
