ეგვიპტემ ისრაელთან, 1976 წელს დადებული სამშვიდობო ხელშეკრულება დაარღვია

"არაბულმა გაზაფხულმა" ახალი კონფლიქტური ფრონტი გახსნა – ეგვიპტემ, პირველად 1976 წლის შემდეგ, სინას ნახევარკუნძულზე სატანკო შენაერთები შეიყვანა, რითაც ისრაელის შეშფოთება გამოიწვია. ისრაელს ეგვიპტეს საზღვართან მხოლოდ მსუბუქი ქვედანაყოფები ყავს. ამ ძალებს ებრაული მხარე მოსახლეობის ბედუინებისგან დასაცავად იყენებს, რომლებიც მუდმივად თარეშობენ და მოსახლეობას აწუხებენ. 

ებრაულმა მხარემ პირდაპირ აშშ–ს მიმართა და გაასაჩივრა ეგვიპტის მიერ, 1976 წელს, კამპ დეივიდსში მიღწეული სამშვიდობო ხელშეკრულების დარღვევა. ასევე ებრაულმა მხარემ ეგვიპტეს გაუგზავნა ნახევარკუნძულიდან სატანკო ქვედანაყოფების გაყვანის მოთხოვნა.

ამ მომენტამდე ეგვიპტე უარს აცხადებს შეასრულოს ხელშეკრულებით აღებული ვალდებულება (თელ–ავივისგან წაყენებული მოთხოვნიდან უკვე სამი დღე გავიდა). როგორც ჩანს ეგვიპტის მთავრობა, მორსის მეთაურობით ყველანაირად შეეცდება ისრაელის ნერვების მოსინჯვას. ისრაელს ირანთან ღია ფრონტი აქვს (თუ მორსი დამოუკიდებელი ქვეყნების შეხვედრაზე წავა თეგერანში – მაშინ ეს ბევრი რამის მანიშნებელი იქნება), ასევე ღიაა ფრონტი სირიასთან და ლიბანიც თავისას ითხოვს – ამ ყველაფრის ფონზე ისრაელი კარგად დაფიქრდება სანამ ეგვიპტესთან ღია დაპირისპირებაში გადავა.

როგორც ცნობილია ისრაელმა ბარაკ ობამას ჩარევა მოითხოვა, მაგრამ საკითხავი ისაა თუ რამდენად ფლობს ობამა სიტუაციას ეგვიპტეში.