დანიის საარმიო პისტოლეტის კონკურსში გამარჯვებული გამოლვინდა, ეს Sig Sauer P320-ია, რომელიც უკვე დგას აშშ-ს შეიარაღებული ძალების შეიარაღებაზე. გეგმების თანახმად, ყველა ქვედანაყოფი ახალი პისტოლეტით, 2019 წლის ბოლოსთვის უნდა აღიჭურვოს.
კონკურსის ოთხმა კანდიდატმა (მათ შესახებ ფეისბუკის გვერდზე უკვე ვწერდი, იხილეთ ბმული - ფინალში მიღწევა), ოთხი კვირის განმავლობაში, სპეცდანის, სამხედრო პოლიციისა, საჰაერო ძალებისა და არმიის წარმომადგენლების მიერ, ყველაზე მძიმე და წარმოუდგენელი გამოცდები გაიარეს. გამოცდები FMI-ისთან თანამშრომლობით, Hærens Kamp- og Ildstøttecenter-მა (HKIC) მოამზადა და განახორციელა. პისტოლეტის გამოცდებში Direct Shooting Weapons-იც (DSV) ღებულობდა მონაწილეობას.
აღნიშნული პისტოლეტი ორ, სტანდარტული და კომპაქტუ,რ ვარიანტებში იწარმოება, და მან უნდა ჩაანაცვლოს დანიის შეიარაღებული ძალების სამსახურში მყოფი ყველა პისტოლეტი.
გერმანიაში, გრევენსდორფის (Revensdorf) სასწავლო ცენტრში, მიმდინარე მრავალეროვნულ სწავლება Combined Resolve X-ზე, უკრაინულმა ქვედანაყოფმა თავი დადებითად გამოიჩინა. მათმა ეფექტურობამ თვით სწავლების ხელმძღვანელობაც კი გააოცა.
სწვლების მიმდინარეობის დროს, უკრაინელების მოწინააღმდეგე, ეგრეთწოდებული BLUEFOR-სე (ამ შემთხვევაში ამერიკის არმიის მექანიზირებული და სატანკო შენაერთი და ქართვული ქვედანაყოფი) პასიურობდა. ამით ისარგებლა უკრაინის 79-ე ცალკეული სადესანტო საიერიშო ბრიგადის მეთაურმა (რომლებიც ამ სწავლებაზე OPFOR-ს, ანუ NATO-ს მოწინააღმდეგეებს თამაშობდნენ), ვიცეპოლკოვნიკმა, მაქსიმ მირჰოროდსკიმ (Maksym Myrhorodskyi) და მტრის ზურგში რეიდი განახორციელა. რეიდის სამიზნეს ლოჯისტიკური ბაზის დაკავება და მისი რაც შეიძლება დიდხანს შენარჩუნება წარმოადგენდა. შედეგად მიიღეს ორსაათიანი ბრძოლა, რომელშიც უკრაინული მხრიდან ორი БТР-80, ორი Т-84 და HMMWV, ხოლო ამერიკელთა მხრიდან რვა Abrams, ოთხი Bradley და ქვეითები მონაწილეობდნენ. შედეგად განადგურებული იქნა - ოთხი Abrams, ორი Bradley და 20 ქვეითი. უკრაინულმა მხარემ მცირე დანაკარგებით მიაღწია დანიშნულების ადგილს.
ასადის ობიექტებზე ახალი საჰაერო იერიშები ისრაელიმა მიიტანა. ამის შესახებ გამომძიებელთა საერთაშორისო ჯგუფი, Conflict Intelligence Team, იუწყება.
გამომძიებელთა მონაცემების თანახმად, სარაკეტო იერიში, რომელიც 29-დან 30 აპრილის ღამეს განხორციელდა, ჰამას და ალეპოს პროვინციებში მდებარე ობიექტებზე განხორციელდა. ერთი სამიზნე რაკეტების მიწისქვეშა საწარმოოს წარმოადგენს, რომელიც ჯერ კიდევ ომამდე ჩრდილოეთ კორეის სპეციალისტების მიერ ჰამას პროვინციაში, მთა ჯებელ-ტაქსის შიგნიტ იქნა გამოთხრილი და აშენებული.
როგორც CIT იუწყება, ჰამას ობიექტზე აფეთქების სიმძლავრე და ხანგრძლივობა იქ დასაწყობებული ასაფეთქებელი მასალებით აიხსნება.
გუშინ, 30 აპრილს, ისრაელის პრემიერ-მნისტრმა, ბენიამინ ნეთანიაჰუმ, ირანის ბირთვული პროგრამის შესახებ (პროგრამის სახელწოდებაა "Project Amad"), პრესკონფერენცია გამართა.
კონფერენციის მსვლელობისას, ბენიამინ ნეთანიაჰუმ ირანის ბირთვული პროგრამის შესახებ ფართო მასებს, ისრაელის დაზვერვის სამსახურის, მოსადის, მიერ მოპოვებული, ასი ათასამდე ფაილი წარუდგინა.
გამოსვლის განმავლობაში მან არაერთხელ აღნიშნა, რომ "ირანი წლების განმავლობაში ტყუოდა", როდესაც მისი ლიდერები ამტკიცებდნენ, რომ ისლამური რესუბლიკა არ მუშაობს ბირთვული იარაღის შექმნაზე.
"2015 წელს, ბირთვული ხელშეკრულების ხელმოწერის შემდეგ, ირანმა თავისი საიდუმლო ბირთვული ფაილების დასამალად ძალისხმევა გაზარდა" - განაცხადა ნეთანიაჰუმ.
ნეთანიაჰუს თანახმად "2017 წელს, ირანმა, თავისი ბირთვული იარაღის შესახებ ფაილები, თეგერანში მდებარე, განსაკუთრებულად დაცულ, საცავში გადაიტანა". მისივე თქმით ეს ადგილი - თეგერანთან, შორუბადის რაიონში მდებარეობს.
"გვერდიდან ეს უბრალო შენობაა. მაგრამ შიგნით ირანის ბირთვული არქივი ინახება, რომელიც მასიურ სეიფებშია ჩარაზული. რამდენიმე კვირის წინ, დიდი შრომის შედეგად, ისრაელმა ამ საცავიდან ნახევარი ტონა მასალა მოიპოვა. აქ შედის 55 000 გვერდი და კიდევ 55 000 ფაილი, რომელიც 183 კომპაქტ-დისკზეა განთავსებული" - განუცხადა ჟურნალისტებს ისრაელის პრემიერ მინისტრმა.
პრემიერ მინისტრის განცხადების თანახმად, ამ არქივში ინახება დოკუმენტები, დიაგრამები, ნახაზები, ფოტოსურათები, ვიდეორგოლები და მრავალი სხვა.
"ეს მასალები ჩვენ შეერთებულ შტატებს გავუზიარეთ, და აშშ-ს შეუძლია ამ არქივების ავთენტურობის თავდებში ჩადგეს. ჩვენ ამ ინფორმაციას სხვა ქვეყნებს და ასევე ატომური ენერგეტიკის საერთაშორისო სააგენტოს გავუზიარებთ" - განაცხადა ნეთანიაჰუმ.
ჩვენ უკვრ მრავალი წელია რაც ვიცით რომ, ირანს აქვს საიდუმლო ბირთვული პროგრამა, სახელწოდებით "Project Amad". ჩვენ ახლა უკვე შეგვიძლია დავამტკიცოთ რომ "Project Amad" წარმოადგენს ბირთვული იარაღის შემუშავების, შექმნის და გამოცდის კომპლექსურ პროგრამას".
ნეთანიაჰუმ ასევე განაცხადა, რომ "Project Amad"-ის ფარგლებში, ირანი გეგმავს შეიმუშაოს, დაამზადოს და გაამოსცადოს 5, თითო 10 კილოტონა ტროტილის ექვივალენტი სიმძლავრის, ბირთვული ქობინი. ირანი ამ ქობინების ბალისტიკურ რაკეტებში ინტეგრირებას გეგმავს.
ნეთანიაჰუმ ასევე განაცხადა რომ, ნეთანიაჰუმ ასევე განაცხადა, რომ "Project Amad" მოიცავს ბირთვული იარაღის წარმოების ხუთ ელემენტს: ბირთვული იარაღის შემუშავება, ბირთვების შემუშავება, ბირთვული იმპლოსიური სისტემების შექმნა, ბირთვული გამოცდების მომზადება და ბირთვული იარაღი რაკეტებში ინტერაცია.
ნეთანიაჰუმ ირანი, ატომური ენერგეტიკის საერთაშორის სააგენტოს მოტყუებაში დაადანაშაულა - "ირანთან გაფორმებული ბირთვული ხელშეკრულება ტყუილზეა დაფუძნებული. ის ირანულ ტყუილსა და სიცრუეზეა დაფუძნებული. ეს ხელშეკრულება ირანს ბირთვული არსენალისკენ უხსნის გზას".
პრემიერ მინისტრის განცხადების თანახმად, ისრაელი ელოდება აშშ-ს პრეზიდენტის, დონალდ ტრამპის, გადაწყვეტილებას. მისი აზრით აშშ გამოვა ირანთან გაფორმებული ბირთვული ხელშეკრულებიდან.
შეიარაღებული ძალები 27 წლის იუბილეს სიაახლეებით შეხვდა
საქართველოს შეიარაღებული ძალები 27 წლის იუბილეს სიახლეებით ხვდება. IV მექანიზებული ბრიგადის სამწყობრო მოედანზე შეიარაღებისა და ტექნიკის გამოფენა მოეწყო.
მოწვეულ სტუმრებს პირველად ჰქონდათ საშუალება ეხილათ საქართველოს შეიარაღებული ძლების რესურსებით აწყობილი ცეცხლმაქრი, მსუბუქად შეჯავშნული მანქანა.
2017 წლის განმავლობაში საქართველოს ტერიტორიაზე გაჩენილი ხანძრებიდან მიღებულმა გამოცდილებამ, დღის წესრიგში მუხლუხიანი მაღალი გამავლობის სპეციალური ტექნიკის შექმნა დააყენა, რომელიც რთულ რელიეფში ხანძრის კერებთან მიახლოებას და მის ლოკალიზებას შეძლებდა.
ნუ როგორც ვივარაუდე სწორედ მასე ყოფილა საქმე ;)
მსუბუქად შეჯავშნული სახანძრო ტექნიკა 3 ტონიანი წყლის ავზით, წყლის გამტყორცნ-გამფრქვევი მოწყობილობით, საბულდოზერო მოწყობილობით და შემავსებელი გადასატანი მოტო-ტუმბოთია აღჭურვილი. ტექნიკა დამატებით აღიჭურვა კავშირგაბმულობის სისტემით.
მოწვეულ სტუმრებს ასევე, საშუალება ჰქონდათ ჯავშანსაწინააღმდეგო სარაკეტო კომპლექსი ჯაველინი დაეთვალიერებინათ. ჯაველინი არის უახლესი ჭკვიანი მართვადი ჯავშანსაწინააღმდეგო სისტემა, რომლის შეძენის სურვილი საქართველოს 10 წელზე მეტია გააჩნდა, თუმცა მისი შესყიდვა მხოლოდ გასული წლის ბოლოს გახდა შესაძლებელი. პარტნიორმა ქვეყანამ ამ ნაბიჯით აღიარა თავდაცვის უწყებაში მიმდინარე და განხორციელებული წარმატებული რეფორმები, რაც მთლიანობაში აშშ-ს მხრიდან საქართველოს ხელისუფლების მიმართ არსებული მაღალი ნდობის ხარისხით არის განპირობებული.
თვითონ Javelin-ის CLU (სამეთაურო გამშვები მოწყობილობა)
უკრაინის მთავრობამ ყაზახეთის, ჩინეთის, აზერბაიჯანის, ვიეტნამის, პოლონეთის და კიდევ რამდენიმე სხვა ქვეყნის სამხედრო ატაშეს პერსპექტიული უკრაინული ზცრს "ოლხა" ("Вільха") წარუდგინეს
აღსანიშნავია რომ რაკეტები აირდინამიკური საჭეებითაა აღჭურვილი, ეს მიკროძრავებია, რომლებიც ფრენის მომენტში რაკეტის ტრაექტორიის კორექტირებას ახდენენ
27 აპრილს, თბილისში, კინოთეატრ ამირანში, ფესტივალ «Ukraine in Focus»-ის ფარგლებში, უკრაინული კინოფილმის, "კიბორგების" (Кіборги) ჩვენება გაიმართა. პრეზენტაციის დაწყებამდე მაყურებლის წინაშე სიტყვით, საქართველოში უკრაინის ელჩის მრჩეველი, გეორგი ნაზაროვი (Назаров Георгій Павлович) გამოვიდა. ორ ქვეყანას შორის მეგობრობაზე და პარტნიორობაზე საუბრის დასასრულს, ნაზაროვმა, უკრაინული ბატალიონის, "აიდარის" (Айдар), ქართველი მებრძოლი, დავით სიხარულიძე, სიკვდილის შემდგომ (დაიღუპა 2017 წლის 11 მაისს, ლუგანსკის ოლქში, სოფელ ნოვოლუგანსკთან (Новолуганськ)), პოროშენკოს ბრძანებით ორდენი "მხედრული მამაცობისთვის" («За мужність» ІІІ ступеню) დააჯილდოვა. ორდენი დაღუპილი მებრძოლის ოჯახს, კერძოდ კი მის შვილებსა და მეუღლეს გადეცა.
ჩემი მხრიდან დავძენ რომ, როდესაც ელჩის მოადგილე დაჯილდოვების ცერემონიალზე გადავიდა, ცრემლები ვერ შეიკავა. სიტყვა ყელში გაეჩხირა და ხმა გეგუდა, მასთან ერთად ტიროდა უკრაინელი თარჯიმანი ქალბატონი და ალბათ დარბაზში მსხდომი მაყურებლების (80% უკრაინელები იყვნენ) დიდი ნაწილი. მთელი დარბაზი ფეხზე იდგა ქართველი გმირის საპატივცემულოდ. განსაკუთრებით საამყაო იყო დავითის მეუღლის სიტყვები "დიდება გმირებს ვინც სამშობლოს შესწირა თავი და არა აქვს მნიშვნელობა თუ სად იბრძოდნენ, მთავარია რომ სამართლიანობის მხარეს იდგნენ!!!!"
P.S. რაც შეეხება ფილმს - ყველას გირჩევთ მის ყურებას. უყურეთ არა როგორც სააომარ, არამედ როგორც ღრმა აზრობრივ ფილმს, მოუსმინეთ დიალოგებს.
P.P.S. სამწუხაროდ მე ფოტოები ვერ გადავიღე, ამისი არც დრო და არც საშუალება არ იყო.
