2017 წელს ფრანგული Leclerc ესტონეთში იქნება გადასროლილი

საფრანგეთის თავდაცვის მინისტრის, ჟან ივ ლე დრიანის, განცხადების თანახმად, რომელიც მან ამა წლის 15 ნოემბერს გააკეთა, საფრანგეთი ესტონეთში 2017 წელს ფრანგული ჯარების მცირერიცხოვანი ქვედანაყოფის მივლინებას გეგმავს. განცხადების თანახმად, ბალტიისპირეთის ქვეყანაში მივლინებული იქნება  300 კაცისგან შემდგარი და 5 ცალი ტანი Leclerc და 13 ცალი ქსმ VBCI-ით აღჭურვილი მოტორიზირებული გაძლიერებული ასეული.

საუბარია ესტონეთში, (ტაპაში) 2017 წელს, NATO-ს გაძლიერებული მრავალეროვნული ბატალიონის შესახებ, რომელის ფარგლებში ფრანგული ასეულიც იქნება გაშლილი. ბატალიონი 800 კაციანი ბრიტანული კონტინგენტის საფუძველზე იქნება ჩამოყალიბებული. ფრანგების შეცვლა შემდეგში დანიური ასეულითაა დაგეგმილი.

წყარო:

Hanso: Prantsusmaa toob Eestisse tankid ja jalaväe lahingumasinad

ეკრანირებული სირიული Т-72 vs სამი ცალი РПГ-ს ჭურვი

მოკლედ  იმუშავს ხრეშმა

ჩინური Copy + Paste - ანუ ავიამზიდ Liaoning-ის (ყოფილის რუსული "ვარიაგი") კლონი

პირველ ფოტოზე ავიამზიდი "ლიაოინგი", მეორეზე ახალი, მშენებარე ავიამზიდი. მესამეზე ამ ორი ავიამზიდის კონტურების შედარება

ინდოეთის თავდაცვის სამინისტრომ რუსეთისგან 464 ცალი ტანკ Т-90МС შესყიდვის ნებართვა გასცა

როგორც ინდოეთის მასმედია იუწყება, ინდოეთის ტავდაცვითი შესყიდვების საბჭომ, რომელსაც ინდოეთის თავდაცვის მინისტრი მანოჰარომ პარრიკარი ხელმძღვანელობს, თავის 2016 წლის 7 ნოემბრის სხდომაზე რუსეთში 464 ცალი ტანკ Т-90МС შესყიდვის ნებართვა გასცა. აღსანიშნავია რომ, ინდოეთის არმიის მიერ 464 ცალი უახლესი რუსული ტანკის, Т-90МС  -ის შესყიდვის განზრახვის შესახებ ინფორმაცია პირველად „ურალვაგონზავოდის“ საიტზე ცოტა ხნით ადრე გაჩნდა.

ტანკ Т-90МС სანქცირებული შესყიდვის ღირებულება, როგოც მანამდე იყო გახმოვანებული, 13488 ქოორ რუპიას (მიახლოებით 2 მილიარდი აშშ დოლარი) შეადგენს. გაზეთ “The Times of India” ცნობის მიხედვით 464 ცალი Т-90МС-ის შესყიდვა 2006 წელს მიღეწული ხელშეკრულების კონვერტაციით მოხდება, რომლის თანახმადაც ინდოეთს ავადიში, Heavy Vehicles Factory (HVF)-ში 1000 ცალი Т-90С-ის ლიცენზირებული წარმოების უფლება გადაეცა (შესაბამისად 536 ცალი Т-90С  და 464 ცალი Т-90МС იქნება აწყობილია). ამ შეტყობინების ნამდვილობა ჯერ გაურკვეველია.

წყარო:

Министерство обороны Индии одобрило закупку в России 464 танков Т-90МС

აშშ-ს შეიარაღებული ძალები ევროპაში საბრძოლო მასალების მარაგის შევსებას ახორციელებენ

როგორც 2016 წლის 8 ნოემბერს ამერიკულ ვებ-რესურს www.military.com-ზე გამოქვეყნებული სტატია იუწყება, აშშ-ს არმიამ და საჰაერო ძალებმა ევროპაში ბოლო ოცი წლის განმავლობაში საბრძოლო მასალების ყველაზე მსხვილი პარტიის მიწოდება დაასრულა. ამერიკიდან საზღვაო გზით გერმანულ პორტ ნორდენჰამში 620 კონტეინერზე მეტი საბრძოლო მასალა იქნა გადაზიდული და შემდეგ რკინიგზის დახმარებით ბრუჰმიულბაჰ-მიზაუში მდებარე საწყობ Miesau Army Depot იქნა გაგზავნილი. გადაზიდვა აშშ-ს არმიის 838-ე სატრანსპორტო ბატალიონის ძალებით ხორციელდებ.

აშშ-ს საზღვაო გადაზიდვების მეთაურობის სატვირთო ხომალდ T-AK-3016 LCPL Roy M. Wheat-ედან აშშ-ს არმიის საბრძოლო მასალების გადმოტვირთვა გერმანულ პორტ ნორდენჰამში (29.10.2016)

ევროპაში აშშ-ს ძალების საბრძოლო მარაგების შევსება განხორციელდა როგორც „რუსეთის აგრესიის შეკავების“ ერთ-ერთი ღონისძიება და მისი მიზანია ევროპაში აშშ-ს ძალების საბრძოლო მზადყოფნის გაზრდა. საბრძოლო მარაგების შევსების მთავარ მიზანს აშშ-ს არმიის მე-4 ქვეითი დივიზიის მე-3 ჯავშანსატანკო ბრიგადის საბრძოლო მასალით უზრუნველყოფა წარმოადგენს. ბრიგადა ოპერაცია "Atlantic Resolve"-ს ფარგლებში მუდმივი დისლოკაციის ადგილიდან, ფორტ-კარლსონიდან (კოლორადოს შტატი), 2017 წელს ევროპაში როტაციულ საფუძველზე იქნება გადასროლილი. ბრიგადის მმართველობა პოლონეთში იქნება გაშლილი, ხოლოდ მისი ქვედანაყოფები - ესტონეთიდან ბულგარეთამდე შვიდ ქვეყანაში განაწილდება

წყარო:

Pentagon Sends Huge Ammo Shipment to Forces in Europe

მოდერნიზირებული Хризантема-С

მოდერნიზირებული Хризантема-С. ამჯერად უკვე უკრაინული შემადგენელი ნაწილის - 1К118Т-ს გარეშე. საკმაოდ ოპერატიულად მოახდინეს და უკრაინული თბოიხედვის კამერის ნაცვლად, ბელორუსიული 1К118П დააყენეს.

ასევე საკმაოდ საინტერესოა მანქანის შიგნით გადაღებული კადრები. და როგორც ასეთი, მანქანა, ძალიან უნიკალურია.

გერმანული EF-2000-ები თოვლში

2016 წლის 8 ნაოემბერს, ესტონეთში, ემარის (Amari) ავიაბაზაზე, რომელზეც საბრძოლო მორიგეობას NATO-ს (NATO Baltic Air Policing) გამანადგურებლები გადიან, თოვლი მოვიდა. მაგრამ მიუხედავად ამისა, ასაფრენი ზოლის გასუფთავების შემდეგ, გერმანიის საჰაერო ძალების ესკადრილია JG74-მა ფრენები განაახლა.

წყარო:

HQ AIRCOM

საფრანგეთი და გერმანია ავტომატური შაშხანა HK416-ის ერთობლივ შესყიდვას განიხილავენ

ჟურნალ "Jane's Defence Weekly"-ში გამოქვეყნებული Remigiusz Wilk-ის სტატიაში, სახელწოდებით "Germany, France to renew assault rifle talks"-ში საფრანგეთსა და გერმანიას შორის თავიანთი შეიარაღებული ძალებისთვის საერთო ტიპის ინდივიდუალური ავტომატური ცეცხლსასროლი იარაღის შესახებ მოლაპარაკებების განახლების გეგმის შესახებაა საუბარი.

გერმანიის თავდაცვითი შესყიდვების უწყება BAAINBw-სსა (Bundesamt für Ausrüstung, Informationstechnik und Nutzung der Bundeswehr) და საფრანგეთის შეიარაღების მთავარ სამმართველოს (Direction Générale de l'Armement - DGA) შორის საფრანგეთის არმიისთვის განკუთვნილი პერსპექტიული ცეცხლსასროლი იარაღის პროგრამა AIF-ის (Arme Individuelle Future) ტექნიკური მახასიათებლების შესახებ მოლაპარაკება 2015 წელს დაიწყო. თუმცაღა 2015 წლის ბოლოს, ფრანგული ტენდერი AIF-ის დასკვნითი ეტაპისთვის, მოლაპარაკებები შეწყდა, რათა მასზე რაიმე გავლენისგან თავი დაეცვათ.

საფრანგეთის არმიის მიერ პროგრამა AIF-ის ფარგლებში განხორციელებული ტენდერის შედეგად გერმანიაში შეკვეთილი 368მმ (14,5 დიუმი) ლულის მქონე, 5,56მმ კალიბრის ავტომატური შაშხანა Heckler & Koch HK416F-S (AIF-S, Standard), რომელიც დამატებით 40 მილიმეტრიანი Heckler & Koch HK269F ლულისქვეშა ყუმბარმტყორცნიათაა აღჭურვილი.

2016 წლის 22 სექტემბერს, ტენდერ AIF-ის შედეგებზე დაყრდნობით, საფრანგეთის თავდაცვის სამინისტრომ გერმანულ მხარესთან 168 მილიონი ევროს ღირებულების ხელშეკრულებას მოაწერა ხელი, რომლის თანახმადაც ფრანგული შაშხანა FAMAS F1S-ის შესაცვლელად მას 102 000 ცალი, 5,56მმ-ნი Heckler & Koch HK416F-ის ტიპის ავტომატური შაშხანა უნდა მიეწოდოს. Heckler & Koch-ის შაშხანა ტენდერში ისეთ კონკურენტებთან მონაწილეობდა, როგორებიცაა Beretta ARX160, FN Herstal SCAR-L, HS Produkt VHS-2 და Sig Sauer MCX.

საფრანგეთი მეორე ქვეყანაა, რომელაც თავისი არმიისთვის ძირითად ავტომატურ შაშხანად HK416 მიიღო. პირველი ნორვეგია იყო, რომელიც HK416N-ს 2008 წლიდან იყენებს.

AIF ტენდერის დასრულების შემდეგ, გერმანიის თავდაცვის სამინისტრომ განაცდა, რომ BAAINBw-სა და DGA-ს შორის მოლაპარაკება ცეცხლსასროლი იარაღის შესახებ 2016 წლის დეკემბერში განახლდებოდა.

გერმანული მხარე დაინტერესებულია AIF-ის პროგრამაში ჩადებული ტექნიკური მოთხოვნებითა და აღნიშნული პროგრამის შედეგად გაკეთებული შესყიდვის შესახებ მიღებული გადაწყვეტილების ახსნით.

გერმანიის თავდაცვის სამინისტრო ახალი ავტომატური შაშხანის მიღებას 2019 წლისათვის გეგმავს და როგორც მოსალოდნელია გფრ-ის არმიის შეიარაღებაზე არსებული შაშხანა G36-ის შეცვლა 6-7 წელს გაგრძელდება.

ბუნდესვერის პირველადი მოთხოვნა 124 000 ავტომატურ შაშხანას, დამატებით აღჭურვილობასა და სატრენაჟორო სისტემებს მოიცავს, რისი ღირებულებაც მთლიანობაში 630 მილიონ ევროს უტოლდება.

ამასობაში BAAINBw-მ მწარმოებლებისთვის მოთხოვნა უკვე გაავრცელა და G36-ის შესაცვლელად ავტომატური შაშხანების ბაზრის შესწავლა დაიწყო (ამის შესახებ ბლოგზე უკვე ვწერდი - გერმანიის არმია ახალი შაშხანის RFI–ს აცახდებს – ანუ G-36–ის დასასრულის დასაწყისი). 1996 წლიდან გერმანიის არმიას მთლიანობაში 181 773 ცალი შაშხანა G36 და კარაბინი G36K მიეწოდა.

საფრანგეთისა და გერმანიის მიერ ერთნაირი შაშხანების შესყიდვა, იმას გარდა, რომ ფრანგულ-გერმანული სამხედრო თანამშრომლობის მორიგი მტკიცებულება იქნება, მთლიანობაში მაინც შესყიდული იარაღის სამსახურის პერიოდში საექსპლუატაციო ხარჯების შემცირებას ემსახურება. იმისდა მიუხედავად თუ ორივე ქვეყანა შაშხანებს ცალცალკე შეუკვეთავს თუ ერთად, სათადარიგო ნაწილების, ხელსაწყოების, ტექნიკური მომსახურებისა და მოდერნიზაციის ღირებულება იარაღისთვის მაინც შემცირდება.

DGA-ს ხელმძღვანელმა, ლორენ კოლლე-ბილლონმა, 2015 წლის ოქტომბერში, 2016 წლის საფრანგეთის თავდაცვის დაფინანსების კანონპროექტის განხილვისას ეროვნული თავდაცვის კომისიის წინაშე გამოსვლისას განაცხადა, რომ DGA გერმანულ მხარეს კონკურს AIF-ის ფარგლებში ავტომატური შაშხანების გამოცდების შესახებ ინფორმაციას გადასცემს.

კოლლე-ბილლონიმა ასევე დასძინა, რომ  გერმანიის მიერ ფრანგული პროგრამის კრიტერიუმების მიღება იდეალური ვარიანტი იქნებოდა, რაც „იარაღის მწარმოებლებისთვის ხელსაყრელ პირობებს შექმნიდა“.

მიუხედავად იმისა რომ, შაშხანა HK416 ფორმალურად გერმანულ არმიას არ მიუღია შეიარაღებაზე, BAAINBw-მა 2014 წლის შემდეგ მაინც მოახდინა მისი სტანდარტიზაცია, სახელწოდებით G38 (გრძელლულიანი ვარიანტი 419 მმ / 16,5 დიუმი).  მოკლელულიან ვარიანტს  G38K ეწოდა (ლულის სიგრძე 368 მმ / 14,5 დიუმი) ხოლო ვერსიას 279მმ-ნი (11 დიუმი) ლულით, ინდექსი G38C მიენიჭა. საფრანგეთის მიერ, პროგრამა AIF-ის ფარგლებში, სწორედ ეს ბოლო ორი იქნა არჩეული, რომლებმას შემდეგი სახელები მიიღეს - AIF-S (HK416F-S, ლულა 368 მმ / 14,5 დიუმი) და AIF-C (HK416F-C ლულა 279 მმ / 11 დიუმი).

წყარო:

Germany, France to renew assault rifle talks

ინდონეზიურ-თურქული „საშუალო“ ტანკი MMWT

 „Indo Defence 2016“-ზე წარმოდგენილი ტანკ MMWT-ს მაკეტი

როგორც ჟურნალი "Jane's International Defence Review" სტატიაში Christopher F. Foss "Indo Defence 2016: Modern Medium Weight Tank breaks cover"-ში იუწყება, 2016 წლის 2-დან 5 ნოემბრამდე, ინდონეზიის დედაქალაქ ჯაკარტაში მიმდინარე თავდაცვით გამოფენა „Indo Defence 2016“-ზე, ინდონეზიის სახელმწიფო თავდაცვით-საწარმოო გაერთიანება PT Pindad-მა და თურქულმა FNSS Savunma Sistemleri-მ მათ მიერ ერთობლივად შემუშავებული „საშუალო“ ტანკ Modern Medium Weight Tank (MMWT)-ის შესახებ ინფორმაცია წარმოადგინეს. მანქანის წონა 35 ტონა იქნება. ტანკზე მუშაობა, კომპანიებს შორის, 2014 წელს მოწერილი ხელშეკრულების შესაბამისად იქნა დაწყებული.

ამჟამად ტანკის ორი პროტოტიპი ერთდროულად მზადდება - ერთი ინდონეზიაში, ხოლო მეორე თურქეთში. მანქანები სავარაუდოდ 2017 წელს დასრულდება. ასევე საცეცხლე და ნაღმდგრადობის გამოსაცდელად კიდევ ერთი ჯავშანკორპუსი უნდა დამზადდეს.

ტანკი კლასიკური გათანწყობისაა, სავალი ნაწილი ბორტზე ექვსი რეზინაგადაცმული საყრდენი თვლებისა და უკანა წამყვანი თვლისაგან შესდგება, საკიდარი გრეხვად ღერძულია. კორპუსი ფოლადის ჯავშნისაა, შედუღებული, დამატებით ტანკი კომპოზიტური ჯავშნითა და გაძლიერებული ნაღმდგრადობის ფსკერითაა აღჭურვილი. დიზელის ძრავის სახეობა და სიმძლავრე პირდაპირ არ სახელდება, მაგრამ მოყვანილი 20ც.ძ/ტ-ზე კუთრი შიმძლავრის მიხედვით თუ ვისმჯელებთ მისი სიმძლავრე 700ც.ძ. -ზე მეტი უნდა იყოს, ტრანსმისია სავტომატურია. გზაზე მაქსიმალური სიჩქარე 70კმ/სთ-ა განცხადებული, ხოლო სვლის მარაგი 450 კილომეტრი. ტანკი დამატებით დამხმარე ძალური აგრეგატითაა აღჭურვილი.

ტანკის სიგრძე 7, სიგანე 3,2 ხოლო სიმღალე 2,7 მეტრია. მწარმოებლის თანახმად მას  1,2მ სიღრმის არხის, 2მ სიგანის თხრილის და 0,9მ სიმაღლის კედლის დაძლევა შეეძლება.

ტანკის ეკიპაჟი სამი კაცისგან შესდგება. საბრძოლო ნაკვეთური ორადგილიან ფოლადის ჯავშნიან, ბელგიური CMI Defence CT-CV-ის მიერ შემუშავებულ კოშკურას წარმოადგენს. კოშკურა სალულე მუხრუჭიანი 105მმ-ნი კუთხვილულიანი CMI Defence-ს ქვემეხითა და შეწყვილებული 7,62მმ-ნი ტყვიამფრქვევითაა აღჭურვილი. ქვემეხის კვება დოლურას ტიპის ავტომატური დამტენით ხორციელდება. კოშკურა და ქვემეხი ციფრულად მართული ელექტრონული დამიზნების ამძრავებითაა აღჭურვილი, ქვემეხი NATO-ს სტანდარტულ ჭურვებს მოიხმარს, მისი ვერტიკალური დამიზნების კუთხეები -10-დან +42 გრადუსამდეა.

მეთაურისა და მემიზნეს ცეცხლის მართვის სისტემა ციფრული დუბლირებულია, ოცდაოთხსაათიანი, სტაბილიზირებული სამიზნეებით (ინტეგრირებული თბოხედვის არხითა და ლაზერული მანძილმზომით), მემიზნეს პანორამული სამიზნე გააჩნია. ტანკი ასევე აღჭურვილია ინფორმაციული ველის მართვის სისტემით, სანავიგაციო სისტემით, ვიდეოკამერების დახმარებით წრიული ხედვის სისტემით, ლაზერული დასხივების გადამწოდებებით და საკვამლე ყუმბარებით. ასევე გააჩნია კონდიცირების მძლავრი სისტემა, მასიური დაზიანების იარაღისგან დაცვის სისტემა და ხანძარსაწინააღმდეგო ავტომატიზირებული სისტემა.

ტანკ MMWT-ს გრაფიკული გამოსახულება

Boeing F-X - ანუ როგორ ხედავს კომპანია მე-6 თაობის გამანადგურებელს

Boeing-მა აჩვენა ნახატი, რომელზეც ნაჩვენებია მე-6 თაობის გამანადგურებლის კომპანიისეული ხედვა. 

ზოგიერთი წვრილმანისა და ფერის გამოკლებით, ნახატი ძალიან ჰგავს იმას, რაც კომპანიამ საზღვაო ძალებს პერსპექტიული F/A-XX-ის ჩვენების ფარგლებში წარუდგინა (პროექტის შესახებ ბლოგზე უკვე ვწერდი - Boeing F/A-XX – მე–6 თაობის გამანადგურებელი)