პაკისტანური ბალისტიკური რაკეტა Ghauri/Hatf–V–ის წარუმატებელი გაშვება (?)

28 ნოემბერს პაკისტანის თავდაცვის სამინისტრომ ბალისტიკური რაკეტა Ghauri/Hatf–V–ის წარმატებული გამოცდის შესახებ გაავრცელა ინფორმაცია.

თუმცაღა პაკისტანური მასმედიის მიერ გავრცელებული ინფორმაციის თანახმად რაკეტის ნაწილი სიდის ოლქის სამხრეთით ჩამოვარდა, ეს ადგილი ტრაექტორიაზეა, მაგრამ მიზნიდა ძალიან შორსაა რაც სავარაუდოდ იმას მოწმობს რომ რაკეტა ჰაერში დაიშალა.

რაკეტის ნაწილები დასახლებულ პუნკტთან ჩამოცვივდა, მაგრამ მალევე იქნა გადატანილი სამხედროებისა და პოლიციის დახმარებით. პაკისტანის სამხედრო მმართველობის განცხადების თანახმად ეს რაკეტის პირველი ამაჩქარებელი საფეხურის ნაწილებია, რომელიც რაკეტას ფრენის დროს დასცილდა, მაგრამ როგორც რაკეტის ნარჩენებიდან ჩანს ერთერთ ნაწილზე წარწერაა – "Flight Control Computer", რაც არანაირად არ ემთხვევა პაკისტანური მხარის განცხადებას რომ ეს პირველი საფეხურის ნარჩენებია – ყველაზე სავარაუდოდ ეს მეორე საფეხურის ნარჩენებია, რომელშიც საბრძოლო ქობინი და ფრენის მართვის აპარატურაა მოთავსებული.

 

წყარო:
Hatf-V/Ghauri test fails, missile crashes in Pakistani village