რა ბედი ეწვევა აშშ-ს არმიის უახლეს CH-47F Block II და JLTV-ს?

ბოლო წლებში განვითარებულმა მოვლენებმა ამერიკის სამხედრო დოქტრინის რადიკალური ცვლილება გამოიწვია - ის არაკონვენციურიდან კონვენციური კონფლიკტისკენ შემოტრიალდა. შესაბამისად წლების განმავლობაში შემუშავებისა და შექმნის სტადიაში მყოფი პროგრამები, რომლებიც ავღანეთსა და ერაყში სამოქმედოდ იყო განკუთვნიული, მიმზიდველობას კარგავს და პენტაგონი რუსეთთან და ჩინეთთან დაპირისპირებაზე ახდენს ფოკუსირებას.

2019 წლის 15 აპრილს, აშშ-ს არმიის მინისტრმა მარკ ესპერმა (Mark Esper), აშშ-ს არმიის მიერ CH-47 Block II Chinook-ის ტიპის უახლესი ვერტმფრენების შესყიდვის საკითხი წამოჭრა.

ესპერის თანახმად, არმია ჰავაის კუნძულებზე INDOPACOM-ის სარდლობას შეხვდა და განიხილა თუ როგორ ხედავ სამსახური ჩინეთთან დაპირისპირებას.

ეს შეხვედრა მიზნად ისახავდა იმის გარკვევას თუ რამდენად ითვალისწინებს არმიის შესაძლებლობებს INDOPACOM-ის სარდალი ადმირალ ფილ დევიდსონი, სამხედრო გეგმის შესადგენად.

კითხვაზე - თუ რომელ შესაძლებლობებს თვლის საციცოცხლოდ მნიშვნელოვასნ წყნარი ოკეანის რეგიონისთვის, ესპერმა უპასუხა: "დიდ დისტანციებზე წერტილოვანი დარტყმები, მომავლის ვერტმფრენების პროგრამა, ჰაერ და რაკეტსაწინააღმდეგო თავდაცვა, სამხედრო ქსელები და მებრძოლის ეფექტურობის გაზრდა".

ყოველივე ზემოთ თქმულიდან გამომდინარე ამერიკის სამხედრო უწყება ეძებს გამოსავალს, რათა მოახდინოს პრიორიტეტული პროგრამებისთვის აუცილებელი დაფინანსების მოძიება - შესაბამისად ხდება სხვა პროგრამების შეკვეცა ან გაუქმება. ამ შეკვეცაში მოყვა ისეთი პროგრამები, როგორებიცაა JLTV-ის ტიპის ჯავშანმანქანები და CH-47 Block II ტიპის ვერტმფრენები.

ამ ორი პროგრამის შექმნა დაფუძნებული იყო "ავღანეთისა და ერაყის გამოცდილებაზე", და შესაბამისად დღეს უკვე კარგავენ თავიანთ აქტუალურობას - განმარტა ესპერმა.

"რატომ უნდა ატაროს CH-47-მა უფრო მეტი ტვირთი და იფრინოს უფრო მაღლა ცხელ კლიმატში? რა მიზნით გაიზარდა ვერტმფრენის მარგი დატვირთვა? ის ჯავშანმანქანა JLTV-ის ტრანსპორტირებაზე იქნა მორგებული.

თავის მხრივ რამ გამოიწვია JLTV-ს შექმნა? რა თქმა უნდა ავღანეთსა და ერაყში არსებულმა თვითნაკეთმა ასაფეთქებელმა მოწყობილობებმა" - განაცხადა ესპერმა. "მეტწილად ეს ორი მანქანა სხვა კონფლიქტისთვის შეიქმნა. ეს არ ნიშნავს იმას რომ ჩვენ არ გამოვიყენებთ მათ მომავალში, მაგრამ დღეს-დღეობით მე კონცენტრირება უნდა მოვახდინო ჩემი ჯავშნის, საბრძოლო მანქანების და იმ თვითმფრინავების გამართულობის გაუმჯობესებაზე, რომლებიც მოახერხებენ რუსული და ჩინური ჰსთ-ს გარღვევას, რომლებიც შესძლებენ ჩამოაგდონ რუსული და ჩინური უპილოტოები, რაკეტები, ვერტმფრენები და თვითმფრინავები".

"დღეს ჩვენ ამ გარდამავალ პერიოდში ვიმყოფებით და პერსონალს მოუწევს ამ გამოწვევებთან შეხვედრა და მათთან გამკლავება".

ესპერის განცხადების თანახმად "JLTV-ის საერთო რაოდენობა საგრძნობლად შემცირდება - ჯერ-ჯერობით უცნობია თუ რამდენად შეკვეცავენ ადრე დაგეგმილი 49 000 მანქანის შეკვეთას. მაგრამ ამ რაოდენობის შესახებ ზუსტი პასუხი ალბათ უახლოეს წლებში გახდება ცნობილი".

რაც შეეხება თვითონ ვერტმფრენების პროგრამას - 2020 წლის ფინანსურ წელში ჩადებული იყო 542 ცალი Chinook  Bock II-ის აწყობა, აქედან 473 ცალი F-მოდელი არმიისთვის და 69 ცალი G-მოდელი სპეცდანიშნულების ძალებისთვის. ახალი რეალობიდან გამომდინარე არმიისთვის გაუმჯობესებული ვერტმფრენების შესყიდვა გაჩერებულია, კომპანია Boeing-მა მხოლოდ სპეცდანისთვის განკუთვნილი 69 ცალი G-მოდელის შეკვეთა მიიღო.

ტაქტიკური ჯავშანმანქანისა და სატრანსპორტო ვერტმფრენის პროგრამის შეკვეცით პენტაგონი უახლოესი 5 წლის განმავლობაში 60 მილიარდი აშშ დოლარის დაზოგვას გეგმავს. გამონთავისუფლებული ფინანსები ექვს პრიორიტეტულ მიმართულებაზე გადანაწილდება. ესენია - შორი წერტილოვანი დარტყმები, ახალი თაობის საბრძოლო მანქანები, მომავლის ვერტმფრენები, სამხედრო ქსელები, ჰაერ და რაკეტსაწინააღმდეგო თავდაცვა და ჯარისკაცების ლეტალურობა (Long-Range Precision Fires, Next-Generation Combat Vehicle, Future Vertical Lift, the Network, Air-and-Missile Defense and Soldier Lethality).

წყარო:

• Army plans to stop building newest CH-47 variant in FY20, except for special ops
• The Army has a plan for China, and it’s bad news for JLTV and the Chinook

და ასე იბადებოდა ქართული არმია - გილოცავთ 30 აპრილს

 პრეზიდენტი გამსახურდია გვარდიის დროშას პოლკოვნიკ ცქიტიშვილს გადასცემს, 1991 წლის 26 მაისი

"ღვთისა და ერის წინაშე საჯაროდ ვფიცავ, პირნათლად ვემსახურო ჩემს სამშობლოს - საქართველოს, გვფარავდეს ღმერთი!"

1991 წლის 26 მაისს, ეროვნული გვარდიის პირველ აღლუმზე, საზეიმო ფიცის ტექსტი, პირველ გვარდიელებს, პირადად ზვიად გამსახურდიამ წაუკითხა. 38 დღით ადრე, 14 აპრილს, უზენაესმა საბჭომ იგი საქართველოს პრეზიდენტად აირჩია.

ისტორიული აღლუმი, სანახევროდ შევსებულ, ბორის პაიჭაძის სახელობის დინამოს სტადიონზე შედგა, რომელშიც ახლადშექმნილი პირველი და მეორე გვარდიული ბრიგადების, დაახლოებით, 10 ათასამდე ოფიცერმა და ჯარისკაცმა მიიღო მონაწილეობა.

პირველი ეროვნული სამხედრო აღლუმის სარდლის, პოლკოვნიკ ავთანდილ ცქიტიშვილის გადაწყვეტილებით, აღლუმმა მძიმე სამხედრო ტექნიკის გარეშე ჩაიარა, სტადიონზე მხოლოდ ცხენოსანთა მცირე რაზმი იქნა გამოყვანილი.

მთავარსარდალს პირველმა ეროვნული გვარდიის მთავარი სამმართველოს უფროსმა, პოლკოვნიკმა გოგი პაპავაძემ მიმართა, აღლუმის სარდალს კი პრეზიდენტმა გვარდიის დროშა ოფიციალურად გადმოსცა. ტაბლოზე ანთებული იყო წარწერა "ეროვნულ გვარდიას დიდება!", აღმოსავლეთ ტრიბუნაზე კი ეროვნული გვარდიის სიმბოლო - წმინდა გიორგი განათდა.

პირველად 70 წლიანი კომუნისტური ოკუპაციის შემდეგ, ქართველმა გვარდიელებმა ფიცი საკუთარი სამშობლოს სამსახურისთვის დადეს.

გასაგები მიზეზების გამო, ეს საბჭოთა ხაკისფერ სამხედრო ფორმაში გამოწყობილებმა გააკეთეს, ამ ფორმას საბჭოთა არმია ავღანეთის კამპანიის დროს იყენებდა. უმთავრესი სიახლე - შინდისფერი ბერეტი იყო, ულამაზესი ქართული კოკარდათი გაწყობილი.

ეროვნული გვარდიის ამჟამინდელი სარდალი, ბრიგადის გენერალი ლევან გამყრელიძე იხსენებს:

"განსხვავება იყო ის, რომ მხოლოდ გვქონდა შინდისფერი ბერეტები და ეროვნული გვარდიის ნიშანი, რომელიც წერეთელმა გააკეთა, ეს იყო შვიდქიმიან ვარსკვლავში ჩასმული წმინდა გიორგის გამოსახურება."

დამოუკიდებელი საქართველოს შეიარაღებული ძალების შექმნისთვის ფუნდამენტის ჩაყრის მიზნით, ისტორიულ აღლუმს წინ, როგორც საკანონმდებლო, ისე აღმასრულებელ დონეზე, ტიტანური სამუშაო უსწრებდა,

1990 წლის 28 ოქტომბერს, პირველ მრავალპარტიულ არჩევნებში გამარჯვებულმა "მრგვალი მაგიდა - თავისუფალმა საქართველომ" საბჭოთა არმიისა და მილიციის წინააღდეგ მაშინვე გაილაშქრა, ამ მიზნით, რესპუბლიკაში, ეროვნული გვარდია შექმნა და სამხედრო-სავალდებულო გაწვევის წესი შეცვალა.

ახალმა უზენაესმა საბჭომ 1990 წლის 20 დეკემბერს მიიღო კანონი "ადამიანის უფლებათა დაცვისა და მართლწესრიგის განმტკიცების შესახებ". კანონის პირველ მუხლში ეწერა, რომ: "საქართველოს რესპუბლიკის შინაგან საქმეთა სამინისტროსთან შინაგანი ჯარები – ეროვნული გვარდია შეიქმნას, რომელიც სავალდებულო სამხედრო სამსახურში გასაწვევი მოქალაქეებით დაკომპლექტდება ".

1991 წლის 29 იანვარს ზვიად გამსახურდიამ გამოსცა ისტორიული დადგენილება "ეროვნულ გვარდიაში გაწვევის წესის დამტკიცების შესახებ". ორი დღის შემდეგ, ამერიკის ხმის მოსკოველი კორესპოდენტი ჯულიან ნეგელი იტყობინებოდა:

„საქართველოს უზენაესი საბჭოს დეპუტატებმა მისცეს ხმა იმას, რომ ახალგაზრდები საბჭოთა არმიის ნაცვლად, საქართველოს გვარდიაში გაიწვიონ. მათ, აგრეთვე, შესთავაზეს იმ ქართველებს, რომლებიც ახლა საბჭოთა არმიაში მსახურობენ, მოხალისეებად საქართველოს ეროვნულ გვარდიაში დაიწყონ სამსახური. საეჭვოა, რომ საბჭოთა კავშირის თავდაცვის სამინისტრო მოიწონებს საქართველოს ამ გადაწყვეტილებას“.

1991 წლის 30 აპრილს, საქართველოში პირველი საგაზაფხულო გაწვევა გამოცხადდა, რომელმაც ყოველგვარ მოლოდინს გადააჭარბა. ჯანჯღავას სახელობის სასწავლო ცენტრში (ყოფილი ლესელიძის სამხედრო სკოლა) განთავსებულ სამხედრო კომისიას გეგმის მიხედვით, 18-დან 25 წლამდე, 800 წვევამდელი უნდა გაეწვია, რეალურად კი ეროვნულ გვარდიაში სამსახუროდ 8000-მდე მოქალაქე მივიდა.

მათ შორის, საბჭოთა ჯარიდან წამოსული პროფესიონალი ქართველი სამხედროებიც იყვნენ. ისინი უყოყმანოდ ჩადგნენ სამშობლოს სამსახურში, მიუხედავად იმისა, რომ იმ პერიოდში, ეროვნულ გვარდიას თითზე ჩამოსათვლელი ჯავშანტრანსპორტიორი, ერთი ჰაუბიცა და ზვავთსაწინააღმდეგო სამსახურიდან მობილიზებული რამდენიმე საზენიტო ტიპის ქვემეხი ჰქონდა.

თავდაცვის ყოფილი მინისტრი, პროფესიით ფილოსოფოსი დავით თევზაძე, რომელიც 1991 წელს, ეროვნულ გვარდიას მოხალისეს სტატუსით შეუერთდა, ამბობს:

"მთელი წყება ქართველი ოფიცრებისა, რომლებიც საბჭოთა არმიაში მსახურობდნენ, მასობრივად გადმოვიდნენ ქართულ არმიაში სამსახურისთვის და ეს არ ეხება მარტო ახალგაზრდა თაობის ოფიცრებს, ძალიან ბევრი იყო ძველი თაობის პროფესიონალი სამხედროც."

საბჭოთა მოსკოვი საქართველოში ეროვნული გვარდიის შექმნაზე უმწვავესად რეგირებდა.

1991 წლის იანვარში, სსრკ-ს პრეზიდენტმა გორბაჩოვმა, უმაღლესი საბჭოს თავმჯდომარის ლუკიანოვის პირით გამსახურდიას შემოუთვალა, რომ გვარდიის შექმნას უკრძალავს.

საბჭოთა არმიის ოფიციალურ ბეჭდურ ორგანოში „Красная Звезда“-ში კი გამოქვეყნდა დამცინაცი წერილი „ბატონი პრეფექტები და ბატონი გვარდიელები“. თუმცა, დიდი ისტორიული პროცესი უკვე დაძრული იყო..

ეროვნულ გვარდიაში, პირველი საგაზაფხულო გაწვევის ისტორიული დღე - 30 აპრილი, ქართული არმიის დაბადების დღეა.

თურქული Otokar-ის სპეცოპერაციების მანქანა Ural SOV

ამა წლის 30 აპრილს ქალაქ სტამბულში გამოფენა IDEF'19-ზე, თურქული კომპანია Otokar სპეცოპერაციების მანქანა Ural SOV-ს (Special Operation Vehicle) წარადგენს. მანქანა 4x4 სავალი ფორმულის მქონე Otokar Ural-ის  ბაზაზეა შექმნილი. 

 

Ural SOV მოდულური კონცეფციას ეფუძნება  და შესაძლებელია მისი შეჯავშნილი და შეუჯავშნავი კონფირგურაციის სხვადასხვა მისიებზე ადაპტირება.

მაღალი გამავლობის Ural SOV უზრუნველყოფს ბალისტიკურ და გაზრდილ ნაღმდგრადობას, მისი ეკიპაჟი 5 კაცისგან შესდგება (მძღოლი, მეთაური და 3 მებრძოლი), ის აღჭურვილია ცენტრში განთავსებული 12,7 მილიმეტრიანი ტყვიამფრქვევით და წინ და უკან განთავსებული ორი ცალი 7,62 მილიმეტრიანი ტყვიამფრქვევებით - ყველა ამ მახასიათებელით ის იდეალურია სიღრმისეული დაზვერვისა და ტაქტიკური რეიდებისთვის.

Ural SOV აღჭურვილია 168 ცხენისძალიანი ძრავითა და 106 ლიტრიანი საწვავის ავზით, მას შეუძლია განავითაროს 110 კმ/სთ სიჩქარე და ერთი გამართვით გაიაროს 600 კილომეტრი.

Ural SOV 6,4 ტონას იწონის და მისი ტრანსსპორტირება შესაძლებელია როგორც საზღვაო და სარკინიგზო, ასევე საჰაერო ტრანსპორტის საშუალებით.

მანქანა შემკვეთის მოთხოვნით შეიძლება აღიჭურვოს ჯალამბარით, ნისლსაწინააღმდეგო ფარებით, შენიღბული განათებითა და ინფრაწითელი ფარებით.

ვიდეო B-2 Spirit-ის კოკპიტიდან

ბომბდამშენ B-2 Spirit-ის 30 წლიანი ისტორიის განმავლობაში პირველად განხორციელდა მუშაობის პროცესში კაბინის ვიდეო გადაღება. 

ვიდეოზე, რომელი დალასელი კინოოპერატორის, ჯეფ ბოლტონის (Jeff Bolton) მიერ იქნა გადაღებული, კარგადაა ასახული ამ სტელს ბომბდამშენის მართვის ინსტრუმენტების მთელი სპექტრი. ვიდეოში ასევე ასახულია ბომბდამშენის საწვავით ჰაერში გამართვის პროცესიც.

სტელს ბომბდამშენი B-2 ოპერირებას მსოფლიოს მაშტაბით ახორციელებს, მას შეუძლია განახორციელოს 44 საათიანი უწყვეტი ფრენა მსოფლიოს ნებისმიერ წერტილში. "გლობალურ ბირთვულ სახელმწიფოებთან - რუსეთთან, ცინეთთანა და ჩრდილოეთ კორეასთან, დაპირისპირების ფონზე, ეს ვიდეო კარგი შეხსენებაა იმისა, თუ რა შეუძლია ამერიკის სტრატეგიულ ავიაციას" - განაცხადა ვიდეოს პროდიუსერმა, ჯეფფ ბოლტონმა.

დაბალი შემჩნევადობის ტექნოლოგიები და მაღალი აეროდინამიკური ეფექტურობა და დიდი მარგი ტვირთამწეობა B-2-ს სხვა ბომბდამშენებთან უპირატესობას ანიჭებს. მისი დაბალი შემჩნევადობა მაღალ სიმაღლეებზე მას მოქმედების დიდ თავისუფლებას ანიჭებს. საწვავის ერთი გამართვის მას 6000 მილის (9600 კილომეტრის) დაფარვა შეუძლია.

B-2-ს ორი პილოტი მართავს - მფრინავი მარცხენა სავარძელში და მისიი ხელმძღვანელი მარჯვენაში - მის გვერდით მომსახურე B-1B-სა და B-52-ს შესაბამისად ოთხი და  ხუთკაციანი ჯგუფები მართავენ.

F-22-ის პილოტები GAU 5A ტიპის მოდერნიზირებული შაშხანებით შეაიარაღეს

აშშ-ს საჰაერო ძალების F-22-ის პილოტებმა სწრაფად დაშლადი შაშხანები მიიღეს - შაშხანას ადვილად ეხსნება ლულა და ეკეცება ფისტოლეტის სახელური, რაც კაბინაში მის განთავსებას მოსახერხებელს ხდის.

ალიასკაში მდებარე "ელმენდორფ-რიჩარდსონის" გაერთიანებულ ავიაბაზაზე (Joint Base Elmendorf-Richardson), აშშ-ს საჰაერო ძალებნის მე-3 ავიაფრთის F-22 Paptor-ების პილოტებმა მათ შეიარაღებაზე არსებული მოდერნიზირებული შაშხანების - GAU-5А-ს (აშშ-ს საჰაერო ძალებისთვის განკუთვნილიო M4 კარაბინის სახესხვაობის დასახელება - GAU - Gun, Automatic, Universal) დემონსტრირება განახორციელეს.

შაშხანის მოდერნიზაცია კომპანია Cry Havoc Tactical-ის აღჭურვილობის ხარჯზე განხორციელდა და მიიღო სახელწოდება Quick Release Barrel - შემოკლებით QRB. ახალი აღჭურვილობის დახმარებით შესაძლებელია შაშხანის სწრაფად დაშლა და მისი ფარულად ტარება, რაც რა თქმა უნდა გამანადგურებლის კაბინაში მის განთავსებას საკმაოდ აიოლებს. შაშხანის აწყობა 60 წამშია შესაძლებელი.

FNSS PARS III-ის საინჟინრო მანქანა ომანისთვის

FNSS-მა მოდულური და სხვადასხვა ამოცანებზე ადაპტირებული PARS III 8x8-ს ბაზაზე შექმნილი საინჟინრო-გზაგამწმენდი მანქანა წარადგინა. მანქანა ომანის სამეფო არმიისთვისაა შექმნილი. გეგმის მიხედვით აღნიშნული მანქანის საკვალიფიკაციო გამოცდები ამ წლის პირველ ნახევარში დასრულდება - რის შემდეგაც მას შემკვეთს გადასცემენ.

FNSS-ის მიერ შემუშავებული საინჟინრო PARS III-ის ძირითადი დანიშნულება გზების განაღმვაა. თუმცაღა მოდულური კონსტრუქციისა და სწრაფად დაყენებადი და მოხსნადი აღჭურვილობის წყალობით, მას მულტიფუნქციური როლი ენიჭება.

მანქანას შეუძლია:

• გაწმინდოს გზებზე და მარშუტებზე არსებული წინაღობები;

• აწარმოოს ისეთი საინჟინრო სამუშაოები, როგორებიცაა - სამეთაურო პუნქტების მოწყობა, ჯარების შენიღბვა, მაკეტების აწყობა და განთავსება;

ომანის სამეფოსთან გაფორმებული ხელშეკრულება მოიცავს - 172 მანქანის 13 სხვადასხვა მოდიფიკაციის დაპროექტებას, შექმნას, წარმოებასა და მიწოდებას. ხელშეკრულებაში ასევე შესულია კომპლექსური ლოჯისტიკური მხარდაჭერა. აღსანაიშნავია რომ 172 მანქანიდან 145 იქნება რვა სხვადასხვა კონფიგურაციის (აქედან ექვსი შეჯავშნილი გზაგამწმენდი-საინჟინრო) PARS III 8x8 და ხუთი კონფიგურაციის PARS III 6x6.

თურქული ჯავშან ელექტროავტომობილი Otokar Akrep II

ცნობილმა თურქულმა კომპანიამ - Otokar Otomotiv ve Savunma Sanayi-მ, 2019 წლის 24 აპრილს თავისი საწარმოოს ტერიტორიაზე ახლად შექმნილი, 4х4 სავალი ფორმულის მქონე მსუბუქი ჯავშანმანქანა  Akrep II წარადგინა. მანქანის გამნასხვავებელ ნიშნად მისი სრულიად ელექტრონული ამძრაობა გვევლინება - გასაგებ ენაზე რო ვთქვათ Akrep II ელეტრომობილს წარმოადგენს. მანქანაის დეტალური მახასიათებლები ჯერ არ ხმაურდება - მისი ოფიციალური წარდგენა სტაბმულში, სამხედრო გამოფენა IDEF-2019-ზე მოხდება.

მანქანა Akrep II-მა თავისი სახელი Otokar-ის მიერ ადრე წარმოებული 3,5 ტონიანი ჯავშანმანქანა Akrep-ისგან ("მორიელი") მიიღო, რომელიც თავის მხრივ ბრიტანული Land Rover Defender-ის შასიზე იყო შექმნილი - თუმცაღა  Akrep-ის ამ რო მოდიფიკაციას ერთმანეთთან არანაირი კავშირი არ გააჩნია.

მწარმოებელმა Akrep II წარადგინა როგორც ახალი თაობის ჯავშანმანქანა, რომელმაც თურქეთის არმიასა და სხვა ძალოვან სტრუქტურებში უნდა ჩაანაცვლოს ისეთი მანქანები, როგორებიცაა - Akrep და Otokar Cobra I.

Akrep II შექმნილია როგორც მოდულური, ნაღმედეგი მანქანა და მას შეუძლია შეიარაღდეს საკლმაოდ მძლავრი როგორც დისტანციური ასევე დასახლებული საბრძოლო მოდულებით. კომპანიის მიერ წარმოდგენილ მოდელზე  Otokar-ის მძიმე მოდული BOZOK ეყენა, რომელიც 25 მილიმეტრიანი ავტოქვემეხითა და 7,62 მილიმეტრიანი ტყვიამფრქვევით იყო შეიარაღებული.

მანქანის წონასთან დაკავშირებით გაკეთებული განცხადების თანახმად - ის Otokar Cobra II-ის წონაზე ნაკლებია, რომელიც თავის მხრივ სრულ საბრძოლო კომპლექტაციაში 13 ტონას იწონის. ერთი დატენვით მანქანა მოასვალტებულ გზაზე 250 კილომეტრს გადის (ან სამი საათი გზაში, რომლის მერეც 15-20 წუთიანი მარაგი კიდევ რჩება). 

ფოტოების მიხედვით თუ ვიმსჯელებთ, წარმოდგენილი Akrep II, სრულიად ელექტრონულია, ის აკუმულიატორებით იკვებება, მის ყველა თვალი დამოუკიდებელი ელექტრო ძრავით მოდის მოქმედებაში. მწარმოებლის განცხადების თანახმად - გეგმაშია ასევე ჰიბრიდული ვარიანტის შექმნაც (დიზელ-გენერატორით), მანქანის ორივე ვარიანტი სერიული წარმოებისთვის ერთ წელიწადში უნდა იყოს მზად.

აშშ-ს არმია M270-ების მოდერნიზაციასა და რაოდენობის ზრდას იწყებს

23 აპრილს კომპანია Lockheed Martin-მა, აშშ-ს არმიასთან 362 მილიონი დოლარის ღირებულების ხელშეკრულება გააფორმა, რომლის თანახმადაც არმიისთვის 50 ცალი ზცრს M270-ის რეკაპიტალიზაცია უნდ აგანახორციელოს.

რემონტისა და მოდერნიზაციის სამუშაოები შემდეგ სამუშაო ადგილებზე განხორციელდება - გრანდ-პრაირი, ტეხასის შტატი; კამდენი, არიზონას შტატი და ნიუ-ბოსტონი, ტეხასის შტატი. სამუშაოები 2022 წლის 30 ნოემბერში უნდა დასრულდეს.

არმიის გეგმების თანახმად სულ უნდა განხორციელდეს შეიარაღებაზე არსებული 225 ცალი M270A1-ისა და კონსერვაციაზე მყოფი 160 ცალი M270A0-ის რემონტი და M270A2 დონემდე მოდერნიზაცია.

რედ რივერის საარმიორ სარემონტო ბაზასთან თანამშრომლობით, ეს ახალი გამშვები დანადგარები "განულებულ" დონეზე იქნება მიყვანილი - სრულიად განახლდება ძრავა, ტრანსმისია, სატრანსპორტო და გამშვები მოდულები (Launcher Loader Module - LLM), გაუმჯობესდება კაბინის შეჯავშნა (Improved Armored Cab - IAC) და დაყენდება ცეცხლის მართვის უახლესი სისტემა (Common Fire Control System - CFCS).

წყარო - Lockheed Martin Receives $362 Million Contract For Multiple Launch Rocket System Launcher (M270A2) Recapitalization

P.S. აშშ-ს არმია თავისი სარაკეტო არტილერიის გაძლიერებას იწყებს - ააქტიურებს კონსერვაციაზე დაყენებულ M270-ებს, რის შემდეგაც მათი საერთო რაოდენობა 385-მდე გაიზრდება. როგორც ჩანს რუსული არტილერიის მუშაობამ უკრაინაში თავისი შედეგი გამოიღო - ცივი ომი №2 რუტინულ კალაპოტში მიედინება.

დღის ფოტო - F-117A და მისი ნამოქმედარი

აშშ-ს საჰაერო ძალების 49-ე ავიაფრთის მე-8 ესკადრილიის პერსონალი და ბომბდამშენი F-117A, ოპერაცია SOUTHERN WATCH 1998 დროს ქუვეითში, ავიაბაზა აჰმედ ელ-ჯაბერზე განადგურებულ ანგართან პოზირებს

Deployed members from the 8th Fighter Squadron (FS), 49th Fighter Wing (FW) pose in front of a bombed-out hardened aircraft shelter and an F-117A "Stealth Fighter" at Ahmed Al-Jaber Air Base Kuwait, during Operation SOUTHERN WATCH 1998

C4ADS: ყირიმსა და რუსეთის სხვა პორტებში რუსეთი GPS სიგნალის სპუფინგს ახორციელებს

სპუფინგის განხორციელების სქემა

არაკომერციული ორგანიზაცია C4ADS-ის მიერ გავრცელებული მოხსენების თანახმად, რუსეთის რადიოელექტრონული დაზვერვისა და ბრძოლის ჯარები ამერიკული თანამგზავრული ნავიოგაციის სისტემის - GPS-ის სიგნალის სპუფინგს ახორციელებს. სპუფინგი ეს არის ცრუ სიგნალი, რომელიც ჰგავს ორიგინალურ სიგნალს და GPS-ის მიმღები შეცდომაში შეყავს.

მოხსენებაში საუბარია პრეზიდენტ პუტინის მიერ მნიშვნელოვანი ადგილების ვიზიტისას მიმდებარე ტერიტორიაზე დამახინჯებული სიგნალების არსებობაზე. მოხსენების თანახმად, რუსული სპეცსამსახურები GPS სიგნალის სპუფინგს  სხვა სტრატეგიულად მნიშვნელოვან ლოკაციებზეც იყენებენ. როგორც C4ADS ამტკიცებს, მსგავსი სპუფინგისთვის საჭიროა მძლავრი რადიოსიგნალების გამოყენება, რომლებიც გეოლოკაციის ზუსტ მონაცემებს ფაქტიურად "ჩამარხავენ" ცრუ სიგნალებში.

C4ADS-ის მოხსენება, რუსეთის მიერ GPS სიგნალის ჩახშობის 10 000 სხვადასხვა ინცინდენტს მოიცავს, რომლებიც უმეტესი შემთხვევები ხომალდების მახლობლად დაფიქსირდა. ამას გარდა მსგავსი შემთხვევები აეროპორტების მახლობლად და სხვა მნიშვნელოვან ლოკაციებზეც იქნა შემჩნეული.

სპუფინგის სიხშირე გელენჯიკის აეროპორტში

ანალიტიკოსების თანახმად, GPS-ის სპუფინგში მსოფლიოს მასშტაბით  რუსეთმა პირველმა გაიკვალა გზა. "თავისი პოლიტიკური ინტერესების დაცვის მიზნით რუსეთმა ერთ-ერთმა პირველმა დაიწყო GPS-ის სპუფინგი. სპუფინკი კონკრეტულად დრონებისთვის გზის ასაბნევად გამოიყენება — მნიშვნელოვანი იყო, რომ მათთვის მგრძნობიარე საჰაერო სივრცეში შესვლის უფლება არ მიეცათ" - ნათქვამია ანგარიშში.

ყველაზე აშკარა ლოკაციებად, სადაც GPS-ს სპუფინგი ხორციელდება, ექსპერტებმი ასახელებენ ყირიმს, სირიას და ასევე რუსეთის პორტებსა და აეროპორტებს.

რუსეთსა და მის გარეთ დაფიქსირებული სპუფინგის ყველა ხშირი შემთხვევების ლოკაციები

სირიაში შემჩნეული რუსული რადიოელექტრონული ბრძოლის კომპლექსები - Красуха-4 და Р-330Ж «Житель». ორივეს ბრალდება GPS სიგნალების სპუფინგი

მთლიანად ანგარიშის ხილვა შემდეგ ბმულზეა შესაძლებელი - Exposing GPS Spoofing in Russia and Syria